Morgunblaðið - 18.02.2003, Blaðsíða 6

FRÉTTIR
6 ÞRIÐJUDAGUR 18. FEBRÚAR 2003 MORGUNBLAÐIÐ
AÐSÓKN að vefsíðu Morgunblaðs-
ins, www.mbl.is, sló nýtt met í sjö-
undu viku ársins, dagana 10.–16.
febrúar. Alls komu 125.848 gestir á
síðuna sem er 4,5% fleiri en heim-
sóttu síðuna í vikunni áður. Fjöldi
innlita var 783.892, sem er 9,9% fleiri
innlit en í sjöttu viku. Flettingar
voru 2.490.113.
Morgunblaðið er enn sem fyrr í
efsta sæti á lista samræmdrar vef-
mælingar Modernus, sem mælir
hvaða íslenskar heimasíður eru vin-
sælastar. Í öðru sæti er www.leit.is
með 108.736 gesti í vikunni og
www.visir.is með 60.348 gesti. Segir
á heimasíðu Modernus að djúpar
lægðir sem hafa gengið yfir landið
hafi greinilega haft góð áhrif á net-
notkun landans. Þannig hafi fjórir
vinsælustu vefirnir, www.mbl.is,
www.leit.is, www.visir.is og
www.simaskra.is, allir sett nýtt met í
gestafjölda.
Ennþá eykst
aðsókn að mbl.is
ÓMARKTÆKUR munur er á fylgi
Samfylkingar og Sjálfstæðisflokks
samkvæmt niðurstöðum skoðana-
könnunar sem birt var í Frétta-
blaðinu í gær. Þar kemur fram að
40,3% aðspurðra styðja Samfylk-
inguna en 39,2% Sjálfstæðisflokkinn.
Alls sögðust 11,3% ætla að kjósa
Framsóknarflokkinn, 7,2% vinstri-
græna og 1,8% Frjálslynda flokkinn.
Mikil sveifla varð á fylgi flokkanna í
síðustu könnun Fréttablaðsins og
gengur hún að hluta til baka nú.
Framsóknarflokkur og Sjálfstæðis-
flokkur eru einu flokkarnir sem bæta
við sig fylgi.
Dreifing kynjanna eftir stuðningi
við stjórnmálaflokka er jafnari í þess-
ari könnun blaðsins en fyrri. Tæp
42% karla styðja Sjálfstæðisflokkinn
en 35,8% kvenna. Munur milli
kynjanna hefur aldrei mælst minni.
Hjá Samfylkingunni mælist stuðning-
ur kvenna 42,8% en karla 38,2%.
Ef teknar eru saman kannanir
Fréttablaðsins síðustu fjórar helgar
er fylgi Samfylkingarinnar 38,8%,
Sjálfstæðisflokksins 35,6%, Fram-
sóknarflokksins 12,6%, vinstri-
grænna 9,6% og Frjálslynda flokks-
ins 3,2%.
Könnunin var framkvæmd sl. laug-
ardag. Úrtakið var 600 manns og
svarhlutfall 85%.
Ómarktækur
munur á fylgi
Sjálfstæðisflokkur og Samfylking
TAKIST að innheimta alla símareikn-
inga vegna þeirra um 70.000 atkvæða
sem greidd voru í símakosningu í
undankeppni Ríkissjónvarpsins fyrir
Söngvakeppni evrópskra sjónvarps-
stöðva, nema tekjurnar af atkvæða-
greiðslunni um sjö milljónum króna.
Til Barnaspítala Hringsins renna 2,8
milljónir, Ríkssjónvarpið fær 2,1
milljón og símafyrirtækin skipta með
sér sömu upphæð.
Framkvæmdastjóri undankeppn-
innar var Jóhanna Jóhannsdóttir, að-
stoðardeildarstjóri innlendrar dag-
skrárdeildar Ríkissjónvarpsins. Hún
segir að heildarkostnaður sjónvarps-
ins við undankeppnina hafi verið á
annan tug milljóna en endanlegt upp-
gjör liggur ekki fyrir. Þetta er marg-
falt meiri kostnaður en við fyrri und-
ankeppnir enda var umgjörðin mun
veglegri nú en áður. Jóhanna segir að
mikill kostnaður hafi bæst við, ein-
göngu við að halda keppnina annars
staðar en í myndveri Sjónvarpsins.
Ákveðið hafi verið að halda keppnina í
Háskólabíói svo að pláss væri fyrir
fleiri áhorfendur en boðsgesti og þar
af leiðandi hægt að selja almenningi
aðgang. Talsverður kostnaður hafi þó
hlotist af því að halda keppnina í Há-
skólabíói enda búnaður í húsinu ekki
miðaður við sjónvarpsútsendingar.
Þurfti því að setja upp sviðsljós og
fleira.
Kannað hvað fór úrskeiðis
Jóhanna segir að leiðinleg mistök
hafi átt sér stað í hljóðvinnslu við út-
sendinguna. Þegar Hreimur Örn
Heimisson hóf söng sinn hafi rangur
diskur verið leikinn undir. Rétti disk-
urinn innihélt upptöku af undirspili
sem átti að bætast við undirleik hjóð-
færaleikaranna á sviðinu. Fyrir mis-
tök hafi diskur með söng verið spil-
aður, sá diskur hafi síðan bilað og því
hafi þurft að byrja upp á nýtt. Jó-
hanna segir af og frá, eins og sumir
hafi haldið fram, að söng Hreims hafi
átt að spila af hljóðbandi. Hreimur
hafi sungið lagið fyrir áhorfendur á
laugardagskvöld, rétt eins og allir
aðrir keppendur. Þá segir Jóhanna að
verið sé að kanna hvað fór úrskeiðis í
hljóðkerfinu þegar fyrsta lagið í
keppninni var flutt en í upphafi lags-
ins heyrðist ekki hljóð í sjónvarpi.
Kostnaður við undankeppni söngva-
keppninnar á annan tug milljóna
Um 2,8 milljónir
til Barnaspítalans
VON er á utanríkisráðherra Svíþjóð-
ar, Önnu Lindh, í opinbera heimsókn
til Íslands á morgun í boði Halldórs
Ásgrímssonar utanríkisráðherra.
Anna dvelur hér í tvo daga og í við-
ræðum við Halldór stendur m.a. til að
ræða stækkun Evrópusambandsins,
framtíð EES-samningsins og Íraks-
deiluna. Ráðherrarnir munu jafn-
framt ræða ýmis mál er varða gagn-
kvæm samskipti Íslands og Svíþjóðar
og samstarf á alþjóðavettvangi, þar
með talið hvalamál og samstarfið í Al-
þjóða hvalveiðiráðinu auk for-
mennsku Íslands í Norðurskauts-
ráðinu og í kjördæmi Norðurlanda og
Eystrasaltsríkja hjá alþjóðabankan-
um. Anna Lindh mun jafnframt eiga
fundi með Davíð Oddssyni, forsætis-
ráðherra, Siv Friðleifsdóttur, sam-
starfsráðherra Norðurlanda, og utan-
ríkismálanefnd Alþingis. Hún mun
einnig heimsækja Alþingi og kynna
sér starfsemi Orðabókar Háskóla Ís-
lands og halda fyrirlestur á vegum
Stofnunar stjórnsýslufræða og
stjórnmála við Háskóla Íslands.
Utanríkis-
ráðherra
Svíþjóðar
til Íslands
STÓRMÓT Skákfélagsins Hróksins
hefst á Kjarvalsstöðum klukkan 17 í
dag, en um er að ræða eitt sterkasta
skákmótið í heiminum í ár og er það
tileinkað íslenskum börnum.
Michael Adams, sem er númer sex
á heimslistanum og hefur 10 sinnum
verið kjörinn Skákmaður ársins hjá
Skáksambandi Englands síðan 1990,
fer fyrir öflugum skákmönnum
mótsins en hann er með 2.734 Elo-
stig. Aðrir keppendur eru Alexei
Shirov frá Lettlandi, sem er með
2.723 stig, Ivan Sokolov, sem er með
2.688 stig, tefldi áður fyrir Bosníu en
hefur búið í Hollandi síðan 1993 og
teflir fyrir Hrókinn, Etienn Bacrot,
yngsti stórmeistari sögunnar sem er
með 2.671 stig, Viktor Kortsnoj, sem
er á áttræðisaldri, með 2.642 stig,
pólski Evrópumeistarinn Bartek
Macieja, sem er með 2.629 stig,
Hannes Hlífar Stefánsson, sem er
með 2.569 stig, Luke McShane, sem
var valinn Skákmaður ársins 2002
hjá Hróknum og er með 2.568 stig,
Helgi Áss Grétarsson, sem er með
2.514 stig, og Stefán Kristjánsson,
sem er með 2.432 stig.
Hinn 19 ára gamli McShane teflir
gegn hinum 72 ára gamla Kortsnoj í
fyrstu umferð. Adams teflir gegn
Bacrot og Helgi Áss gegn Stefáni.
Þá mætir Hannes Hlífar Shirov og
Sokolov tekst á við Macieja.
Þórólfur Árnason, borgarstjóri,
flytur setningarávarp mótsins,
Andrea Gylfadóttir, verndargyðja
Hróksins, syngur og Hrafn Jökuls-
son, forseti Hróksins, flytur ávarp
áður en nemandi úr Skákskóla
Hróksins og Eddu leikur opnunar-
leikinn. Beinar útsendingar frá
mótinu verða á Netinu og verður
hægt að fylgjast með skákunum á
slóðinni www.chessclub.com og á
heimasíðu mótsins, http://icechess.-
com/Hrokur2003/index.php auk þess
sem umfjöllun verður á heimasíðu
Hróksins, www.hrokurinn.is.
Morgunblaðið/Jim Smart
Baráttuskákmaðurinn Viktor Kortsnoj og Hrafn Jökulsson, forseti Hróksins, stinga saman nefjum á Kjarvals-
stöðum þegar dregið var um hverjir skyldu tefla saman í fyrstu umferð.
Stórmót Hróksins
hefst síðdegis
MICHAEL Adams er stigahæsti
skákmaðurinn sem keppir á Stór-
móti Hróksins. Hann er sjötti á
stigalista heims-
ins með 2734
Elo-stig og hef-
ur í mörg ár
verið fastagest-
ur á listanum
yfir 10 bestu
skákmenn
heims. Adams
varð stórmeist-
ari sautján ára
og um leið
yngsti maðurinn sem unnið hafði
breska meistaramótið. Stíll hans
nýtur víða aðdáunar en hann þyk-
ir tefla mjög „blátt áfram“ og
„áreynslulaust“. Í Englandi nýtur
hann vinsælda fyrir hógværð í
framgöngu. Hann var kosinn
skákmaður ársins af skák-
sambandi Englands árið 1990 og
hefur síðan hlotið þá nafnbót alls
níu sinnum.
„Ég var ánægður þegar mér
var boðið á mótið og þáði það
með þökkum,“ sagði Adams við
Morgunblaðið í gær. „Ég held að
allir keppendurnir séu frekar
sterkir. Shirov og Sokolov verða
líklega mínir helstu keppinautar,
en það getur allt gerst.“
Ivan Sokolov skrifaði í Morg-
unblaðið á sunnudag að Reykja-
vík væri á góðri leið með að end-
urheimta sæti sitt sem
„skákhöfuðborg heimsins“ þar
sem uppgangur í skákíþróttinni
hefur verið mikill að undanförnu.
„Reykjavík hefur fengið mikið af
góðum styrktaraðilum og nokkuð
af spennandi taflmótum. Ég held
að þetta sé á réttri leið hérna og
það má sérstaklega sjá á því að
margir góðir skákmenn koma og
taka þátt í atskákmótinu sem
verður í framhaldinu af þessu
móti,“ sagði Adams sem á við
Eddu-skákmótið sem er minning-
armót Guðmundar J. Guðmunds-
sonar og verður haldið í Borg-
arleikhúsinu 3.-5. mars
næstkomandi. Þar munu flestir
þeir skákmenn sem keppa á Kjar-
valsstöðum taka þátt ásamt 4.
stigahæsta skákmanni heims,
Búlgaranum Topalov og fleiri
stórmeisturum.
Hlakkar mikið til
Nokkuð er síðan Adams keppti
síðast en hann vonast samt eftir
góðum árangri. „Ég hef ekki
keppt á móti í þó nokkurn tíma
svo ég hlakka mikið til að tefla.
Ég ætla bara að takast á við
hverja skák fyrir sig og sjá hvað
gerist. Ég reyni náttúrulega að
ná í eins mörg stig og ég get og
vonast einnig til að berjast um
fyrsta sætið á mótinu.“
Adams er að koma hingað í
annað sinn, en hann kom hingað
síðast árið 1990 til að taka þátt í
VISA-IBM skákmótinu. Í því móti
keppti hann í 10 manna sveit
Bretlands gegn úrvalssveitum
Norðurlandanna, Sovétríkjanna
og Bandaríkjanna. „Ég hef ekki
haft mörg tækifæri til að koma
hingað og tefla, svo það er mjög
gott að vera kominn aftur. Mér
fannst mjög gaman að koma hing-
að árið 1990,“ sagði Adams sem
hlakkar til að setjast við tafl-
borðið.
Vonast til að tefla um
fyrsta sætið
Michael Adams
TALSVERÐ peningaupphæð sem
fannst á víðavangi nýlega er í vörslu
lögreglunnar í Reykjavík en auglýst
var eftir eigandandum í Morgun-
blaðinu í gær. Síðdegis í gær hafði
enginn gefið sig fram en eigandinn
hefur frest í eitt ár og einn dag, sam-
kvæmt tæplega 200 ára gömlum
reglum um óskilamuni.
Hörður Jóhannesson, yfirlögreglu-
þjónn í Reykjavík, vildi af skiljanleg-
um ástæðum ekki gefa upp hversu há
fjárhæðin er né hvenær hún fannst.
Þá væri enda hætt við því að óprúttn-
ir aðilar gæfu sig fram undir fölsku
flaggi og reyndu að fá lögreglu til að
láta peningana af hendi. Hörður segir
að samkvæmt reglum sem kansellíið í
Kaupmannahöfn gaf út árið 1811,
skuli geyma óskilamuni í eitt ár og
einn dag en að því loknu selja þá, hafi
eigandinn ekki gefið sig fram. Þetta
er gert með árlegu uppboði. Að sögn
Harðar er þetta í fyrsta skipti um ára-
bil sem finnandi skilar verulegu
reiðufé til lögreglu. Ef enginn gefur
sig fram innan árs og eins dags geng-
ur þriðjungur til þess sem fann féð en
lögreglusjóður fær afganginn. Hörð-
ur segir að mikið af óskilamunum skili
sér til lögreglu og að borgararnir séu
almennt mjög skilvísir. Hann bendir
þó á að í almennum hegningarlögum
sé bannað að kasta eign sinni á fundið
fé. Þessa meginreglu megi m.a. finna í
Jónsbók sem var rituð á 13. öld.
Eigandi peninga gefi sig fram
♦ ♦ ♦