Morgunblaðið - 18.02.2003, Blaðsíða 12
VIÐSKIPTI/ATHAFNALÍF
12 ÞRIÐJUDAGUR 18. FEBRÚAR 2003 MORGUNBLAÐIÐ
BJÖRGÓLFUR Thor Björgólfsson
segir að eignarhaldsfélagið Samson
ætli að eiga hlut sinn í Landsbank-
anum í 4–5 ár. Að þeim tíma liðnum
hyggist félagið selja hlut sinn smám
saman til innlendra lífeyrissjóða og
fjárfesta. Þetta kom fram á kynn-
ingarfundi Landsbankans fyrir er-
lenda fjárfesta í London í gær.
Björgólfur sagði að Samson hefði
þó í hyggju að eiga um 10% í bank-
anum til frambúðar. „Við teljum
okkur gegna mjög mikilvægu hlut-
verki innan bankans. Við skiptum
okkur ekki af almennum rekstri, en
við reynum að koma auga á tæki-
færi og styðja stjórn bankans eins
og við getum.“
Stór hluthafi bankanum í hag
Hann segir að Samson telji bank-
ann augljóslega hafa hag af því að
fá stóran minnihlutaeiganda.
„Þannig verður auðveldara en ella
að koma þeim breytingum af stað
sem nauðsynlegar eru og fram-
kvæma þær eins fljótt og auðið er.
Við teljum að við getum aðstoðað
stjórnina við að ná markmiðum sín-
um, sem okkur líst afar vel á. Þá
vonumst við til þess að geta fært
bankanum tækifæri úr viðskiptalíf-
inu,“ segir Björgólfur Thor.
Hann segist telja að æskilegt sé
að bankinn sé í dreifðari eignarað-
ild en raunin er nú. „Við munum
smám saman minnka eignaraðild
okkar að fjórum til fimm árum liðn-
um og þá einkum selja til íslenskra
lífeyrissjóða og fjárfesta. Þó mun-
um við eiga um 10% hlut í bank-
anum áfram,“ segir hann, „Lands-
bankinn er eitt virtasta fyrirtæki í
landinu og við teljum að hlutur í
honum sé mjög góð langtíma fjár-
festing.“
Efnahagslífið hér
á landi sterkt
Geir H. Haarde fjármálaráðherra
hélt erindi á fundinum, þar sem
hann kynnti efnahagsumhverfið á
Íslandi og einkavæðingu síðustu
ára, með áherslu á einkavæðingu
fjármálafyrirtækja. Geir sagði að
efnahagslífið á Íslandi væri sterkt
um þessar mundir. „Þetta má að
hluta þakka tryggri stjórn ríkisfjár-
mála og peningamála síðastliðin ár,
auk þess sem þetta er bein afleið-
ing grundvallarbreytinga í átt að
auknu viðskiptafrelsi, afnámi reglu-
gerða og einkavæðingar,“ sagði
Geir.
Geir rakti hvernig gríðarlegar
breytingar hefðu orðið síðustu tólf
ár. „Ég minnist aðeins á nokkrar
þeirra: Skattar hafa verið lækkaðir
umtalsvert, sérstaklega á fyrirtæki,
frelsi hefur verið aukið á fjármála-
mörkuðum, til að auka möguleika á
flæði fjármagns. Lífeyrissjóðakerfið
hefur verið endurskipulagt, með
það að markmiði að styrkja stöðu
sjóðanna og þar með lífeyrisþega í
framtíðinni, og tekið hefur verið
upp verðbólgumarkmið hjá Seðla-
bankanum,“ sagði Geir.
Hann sagði þessar aðgerðir hafa
styrkt atvinnulíf og fjármálamark-
aði á Íslandi. „Þær hafa leitt til
þess að framleiðni hefur aukist og
hagvöxtur hefur verið hærri á Ís-
landi en flestum nágrannlöndum
síðastliðin ár. Ráðstöfunartekjur
heimilanna hafa aukist um ríflega
þriðjung frá árinu 1994.“
Áhersla á grunnreksturinn
Halldór J. Kristjánsson kynnti
niðurstöður uppgjörs Landsbank-
ans fyrir árið 2002 og fór svo yfir
nýjar áherslur og framtíðarsýn
bankans. Hann sagði að árið 2002
hefði einkennst af tilfæringum, í
kjölfar mikils vaxtar hjá Lands-
bankanum árin áður. Áhersla hefði
verið lögð á grunnrekstur bankans,
þjónustu við hinn almenna við-
skiptavin. Innlán hefðu aukist, hag-
rætt hefði verið í útibúanetinu og
breytingar hefðu verið gerðar á
eignaumsýslu og verðbréfasjóðum
bankans. Þá hafi verið seld eign í
Vátryggingarfélagi Íslands og
stjórn bankans ákveðið að leggja
aukna áherslu á líftryggingastarf-
semi og fjármögnunarstarfsemi.
„Kaup okkar á SP Fjármögnun
voru til merkis um það,“ sagði Hall-
dór. Hann sagði að ákveðið hefði
verið að markmið bankans í fram-
tíðinni yrðu 13–15% arðsemi eigin
fjár, og að lækka kostnað niður fyr-
ir 60%, sem hlutfall af tekjum.
Áhersla skyldi áfram lögð á útibúa-
starfsemina; útibúum skyldi ekki
fækkað, en rekstur þeirra gerður
hagkvæmari.
Björgólfur Thor Björgólfsson á kynningarfundi Landsbanka Íslands í London í gær
London. Morgunblaðið.
Stór hlutur í
bankanum seldur
innan fárra ára
SPARISJÓÐUR Mýrasýslu, stærsti
stofnfjáreigandi Sparisjóðs Siglu-
fjarðar, hefur gert öðrum stofnfjár-
eigendum Sparisjóðs Siglufjarðar
tilboð í þeirra stofnfé, en Sparisjóður
Siglufjarðar er elsta peningastofnun
landsins.
Gísli Kjartansson, sparisjóðsstjóri
Sparisjóðs Mýrasýslu, segir að
sparisjóðurinn eigi 40% stofnfjár í
Sparisjóði Siglufjarðar. „Við gerðum
tilboð í allt stofnféð sem eftir stend-
ur og erum langt komin með að afla
þess,“ sagði Gísli í samtali við Morg-
unblaðið.
Gísli segir að menn hafi tekið til-
boði þeirra vel, en það hljóðaði upp á
að borgað yrði nafnverð fyrir stofn-
féð. Gísli telur að samlegðaráhrif
muni nást með kaupunum. „Auk
þess teljum við hér, að það sé kom-
inn tími til að sparisjóðirnir þjappi
sér saman með framtíðarsameiningu
í huga.“
Hann segir að Sparisjóður Siglu-
fjarðar muni starfa áfram í óbreyttri
mynd fyrst um sinn og vonar að
kaupin verði til góðs fyrir báða aðila.
Ólafur Marteinsson, stjórnarfor-
maður Sparisjóðs Siglufjarðar, segir
að það sé mat stjórnarinnar að til-
boðið sé gott. „Það er reiknað með að
það verði gengið frá þessu á aðal-
fundi félagsins þriðjudaginn 25.
febrúar,“ sagði Ólafur í samtali við
Morgunblaðið.
Hann sagði að 20 manns ynnu hjá
Sparisjóði Siglufjarðar og því skipti
það Siglufjörð og Siglfirðinga mjög
miklu máli að starfsemin færi áfram
fram í öruggu umhverfi. Því mæti
stjórnin það svo að samstarf við
Borgnesinga væri mikilvægt. „Þetta
er lítill sjóður en veitir mörgum
vinnu. Við höfum t.d. náð merkileg-
um árangri í fjarvinnslu, sem felst í
iðgjaldaskráningu fyrir Kaupþing.“
Fjárhagsleg staða ekki góð
Í viðtali blaðsins Hellunnar við
Ólaf Jónsson, sparisjóðsstjóra Spari-
sjóðs Siglufjarðar, kemur fram að
fjárhagsleg staða sjóðsins sé ekki
sterk en því valdi óvarleg útlána- og
fjárfestingastefna. Ólafur Marteins-
son segir aðspurður að þessi slæma
staða hafi komið til á skömmum tíma
og tengist að verulegu leyti kaupum
á hlutabréfum í erlendum félögum
sem lækkað hafa gríðarlega í verði,
eins og Ólafur orðar það.
CAD-hlutfallið of lágt
Á árinu 2001 var Sparisjóðurinn
með lökustu arðsemi allra sparisjóða
á landinu en hún var þá neikvæð um
50,5% og rýrnaði eigið fé sparisjóðs-
ins á því ári um tæpar eitt hundrað
milljónir króna, úr 253 milljónum
króna í 158 milljónir króna.
Nú er svo komið, samkvæmt því
sem fram kemur í Hellunni, að eigið
fé sjóðsins er verulega undir svoköll-
uðu CAD-eiginfjármörkum en í
þeirri stöðu getur sjóðurinn ekki
starfað, að því er haft er eftir Ólafi
Jónssyni sparisjóðsstjóra í Hellunni.
Sparisjóður Siglufjarðar er elsta
starfandi peningastofnun landsins,
stofnaður árið 1873, og stofnfjáreig-
endur eru nú 49.
Sparisjóður Mýrasýslu að
kaupa elsta sparisjóð landsins
HAGNAÐUR samstæðu Marels hf.
á árinu 2002 nam 50 þúsund evrum,
sem er um 4 milljónir íslenskra
króna, á gengi gærdagsins. Árið áð-
ur var hagnaður félagsins 2,1 millj-
ón evra.
Rekstrartekjur Marels jukust
um 7% milli áranna 2001 og 2002,
voru 104 milljónir evra í fyrra.
Rekstrarhagnaður var 2,3 milljónir
evra en var tæpar 6 milljónir árið
áður.
Fjárfest var fyrir 18 milljónir
evra á árinu 2002. Þar er einkum
um að ræða fjárfestingu í nýbygg-
ingu Marels á Íslandi og kaup á
danska fyrirtækinu CP-Food. Fjár-
festingar á árinu 2001 námu tæpum
13 milljónum evra.
Í tilkynningu frá Marel segir að
veruleg umskipti hafi orðið í rekstri
fyrirtækisins á fjórða ársfjórðungi
2002 eftir erfiðan rekstur á þriðja
ársfjórðungi. Þær aðhaldsaðgerðir
sem gripið hafi verið til í haust séu
þegar farnar að skila árangri, þrátt
fyrir að áhrif þeirra séu ekki að
fullu komin fram. Rekstrarhagnað-
ur á fjórða ársfjórðungi síðasta árs
fyrir afskriftir og fjármagnsgjöld
(EBITDA) hafi verið 3 milljónir
evra samanborið við 2,6 milljónir
árið áður. Hagnaður eftir skatta
hafi verið 1,2 milljónir en 1,3 millj-
ónir á sama tíma árið áður.
Vel í stakk búið
Í tilkynningunni kemur fram að
nokkurrar óvissu gæti í þróun fjár-
festinga á helstu mörkuðum félags-
ins í Evrópu og Bandaríkjunum.
Yfirvofandi stríðsátök hafi einnig
haft neikvæð áhrif á þróun fjárfest-
inga á mörkuðum félagsins. Fyr-
irtæki í matvælavinnslu hafi mörg
frestað fjárfestingum undanfarin
misseri. Þannig hafi myndast upp-
söfnuð fjárfestingarþörf á mark-
aðnum. Marel hafi á sama tíma,
með öflugri vöruþróun en nokkru
sinni áður, styrkt stöðu lykilvöru-
flokka og markaðssett nýjar vörur
sem vakið hafi athygli. Fyrirtækið
sé því tæknilega vel í stakk búið til
að takast á við ný verkefni þegar
fjárfestingar taka við sér. Pantanir
síðustu mánaða hafi verið yfir áætl-
unum fyrirtækisins og verkefna-
staðan því vel viðunandi um þessar
mundir.
Varðandi árið 2003 segir í til-
kynningu Marels að brugðið geti til
beggja vona þar sem ytri skilyrði
séu óhagstæð í upphafi ársins. Mik-
il óvissa ríki í efnahagsmálum í
heiminum sem geti haft áhrif á
vörusölu Marels á árinu. Þá höggvi
hátt gengi krónunnar skarð í fram-
legð fyrirtækisins nú um stundir,
líkt og annarra útflutningsfyrir-
tækja. Marel telur því ekki forsend-
ur til þess að birta áætlun fyrir árið
2003.
Hagnaður Marels minnkar
3
##-)(
4 +
!
!
" #$
% #$#
& '(#$)*
" # + #
, #
# # #
-
!
!
56&'785
69:*:;85
'()
)