Morgunblaðið - 18.02.2003, Blaðsíða 47

ÍÞRÓTTIR
MORGUNBLAÐIÐ ÞRIÐJUDAGUR 18. FEBRÚAR 2003 47
HANNES Jón Jónsson fyrirliði
handknattleiksliðs Selfoss hélt utan
til Spánar í dag þar sem hann mun
dvelja hjá spænska 2. deildarliðinu
Naranco Oviedo næstu daga. Hann-
es Jón er markahæstur í Esso-deild
karla og sagði hann í gær að ef
samningar næðust á næstu dögum
myndi hann leika með liðinu út leik-
tíðina á Spáni. „Ég veit ekki mikið
um þetta lið og renni því blint í sjó-
inn. Hinsvegar er ég spenntur fyrir
því að skoða mig um hjá þessu liði
og ef þeim líkar við mig og mér að
sama skapi við þá er allt eins líklegt
að ég leiki ekki fleiri leiki með Sel-
foss á þessu tímabili,“ sagði Hannes
Jón en Selfoss er í neðsta sæti Esso-
deildarinnar með eitt stig að lokn-
um 20 umferðum. „Forráðamenn
Selfoss hafa unnið með mér í þessu
máli og ég er ekki að stinga af frá
liðinu,“ bætti Hannes við en hann er
samningsbundinn Selfyssingum út
leiktíðina.
Gengi spænska liðsins Naranco
Oviedo það sem af er leiktíðinni
hefur ekki verið uppá marga fiska
og er liðið í næst neðsta sæti að
loknum 19 umferðum, en alls eru 16
lið í 2. deild.
Liðið hefur unnið þrjá leiki, gert
þrjú jafntefli og tapað þrettán leikj-
um.
Fyrstu mínúturnar voru bráð-skemmtilegar, jafnræði var með
liðunum og bæði lið virtust ákveðin í
að sigra. Níu þriggja
stiga skot fóru rétta
leið í fjórðungnum
–þar af var Clifton
Cook, leikmaður
Tindastóls, með fjögur. Með hjálp
Cooks sigldu gestirnir framúr og
náðu sjö stiga forskoti áður en leik-
hlutinn var úti. Í öðrum fjórðungi
komust Njarðvíkingar aftur inn í
leikinn og náðu yfirhöndinni rétt fyrir
hálfleik – fóru með tveggja stiga for-
ystu til búningsklefa, 41:39. Aðeins
þrír leikmenn sáu um að skora öll 39
stig gestanna í fyrri hálfleik, Clifton
Cook, Kristinn Friðriksson og Mich-
ail Antropov.
Síðari hálfleikurinn hófst líkt og sá
fyrri endaði. Njarðvíkingar leyfðu
Cook að skjóta að vild og hann þakk-
aði fyrir með að skora alls 43 stig, þar
af níu þriggja stiga körfur. Þrátt fyrir
það voru heimamenn yfir allan þriðja
leikhlutann og þegar í síðasta fjórð-
ung var komið var staðan 68:64.
Lokafjórðungurinn var æsispenn-
andi, liðin skiptust á skora en undir
lokin misnotuðu Njarðvíkingar nokk-
ur góð skotfæri og Stólarnir gengu á
lagið.
Michail Antropov gerði 14 stig í
leikhlutanum og skoraði meðal ann-
ars fjögur síðustu stigin og tryggði
Tindastól sigurinn.
„Við höfum átt í erfiðleikum með
að halda út síðustu mínúturnar í vet-
ur en það gekk í kvöld,“ sagði Krist-
inn Friðriksson leikmaður Tinda-
stóls. „Það er ekki á hverjum degi
sem maður sigrar hér í Njarðvík og
ég er himinlifandi.“
Friðrik Ragnarsson þjálfari Njarð-
víkingar var ómyrkur í máli eftir leik-
inn. „Ég er ósáttur við allan seinni
hálfleik, við vorum óskynsamir.
Klikkuðum úr einum tíu lagskotum
og það hefði verið fínt að fá eitthvað
af þeim stigum. Þetta var klaufaskap-
ur hjá leikmönnum mínum og eins og
staðan er núna erum við ekki líklegir
til eins eða neins. Spurningin er ein-
faldlega sú hvort við ætlum að klára
tímabilið sem áhorfendur eða reyna
að spýta í lófana og gera eitthvað úr
þessu,“ sagði Friðrik.
„Damon, bjargaðu okkur“
Tvöfaldir bikarmeistarar Keflavík-ur lentu í mesta basli í gær-
kvöldi þegar þeir fengu neðsta lið
deildarinnar, Val, í
heimsókn. Gestirnir
frá Hlíðarenda börð-
ust grimmilega og
voru með forystu í
þriðja leikhluta en þá brugðu Keflvík-
ingar á það ráð að láta Damon John-
son fá boltann í von um að hann
bjargaði einhverju af heiðri liðsins.
Það gerði hann með 41 stigi í 94:87
sigri.
Þegar nokkrar mínútur voru liðnar
af leiknum hófu áhorfendur að benda
Keflvíkingum á að leikurinn væri í
raun byrjaður því bikarmeistarnir
fóru fullrólega af stað. Eftir gott við-
bragð Damons náðu Keflvíkingar 12
stiga forskoti í byrjun annars leik-
hluta en það minnkaði jafnt og þétt
þar til Valur komst í 50:48 um miðjan
þriðja leikhluta. Hófst þá annar þátt-
ur Damons. Hann tók duglega við sér
og félagar hans reyndu að fylgja hon-
um eftir. Það gekk í nokkrar mínútur
og skilaði forskoti en snemma í fjórða
leikhluta náðu gestirnir aftur foryst-
unni, 73:71. Það vakti heimamenn af
værum blundi og hægt og bítandi
hófu þeir með bættri vörn að síga
framúr.
Sem fyrr segir var Damon pottur-
inn og pannan í leik Keflvíkinga þó
aðrir hafi átt spretti en liðið vantað
neistann. „Það var ekki hátt á okkur
risið eftir tapleikinn við Grindavík.
Við vamátum þá í byrjun en tókst að
sigra í lokin, sem sýnir að við erum
með gott lið,“ sagði Damon eftir leik-
inn. „Í fjórða leikhluta fór ég gera
meira og skora, sem átti að drífa liðið
með. Það er mitt hlutverk en þegar
mjótt er á munum leggst leikurinn oft
á mínar herðar og það gengur oft
upp.“
„ Við urðum að mæta hér með trú á
sigri því fallið blasir við okkur. Að
vísu er fallbaráttan galopin og við
ætlum ekkert að gefast upp,“ sagði
Bjarki Gústafsson úr Val.

TVEIR íslenskir knattspyrnu-
menn munu dvelja við æfingar hjá
enska úrvalsdeildarliðinu Middles-
brough í eina viku, en þeir eru Kjart-
an Finnbogason úr KR og Ragnar
Sigurðsson úr Fylki. Kjartan og
Ragnar eru báðir 17 ára gamlir og
hafa leikið með U-17 ára landsliði Ís-
lands. Þeir halda utan n.k. laugardag
og dvelja hjá félaginu í vikutíma.

BRYNJAR Björn Gunnarsson fær
9 í einkunn á heimasíðu stuðnings-
manna Stoke City eftir leik liðsins
gegn Chelsea í 5. umferð ensku bik-
arkeppninnar. Þar er sagt að ís-
lenski landsliðsmaðurinn hafi skarað
framúr og sannað það að hann stand-
ist þær kröfur sem gerðar eru til
leikmanna í ensku úrvalsdeildinni.

FORSVARSMENN heimasíðunn-
ar telja að Brynjar Björn hafi ekki
sýnt neina miskun á miðjunni og ver-
ið sem kóngur í ríki sínu gegn
stjörnuliði Chelsea. Bjarni Guðjóns-
son fær 6 í einkunn líkt og Pétur
Hafliði Marteinsson.

ALEX Ferguson, knattspyrnu-
stjóri Manchester United, fór í
njósnaferð til Ítalíu á sunnudaginn
og fylgdist með viðureign Parma og
Juventus. Manchester United mætir
Juventus í Meistaradeild Evrópu
annað kvöld.

THOMAS Horster, sem tók við
þjálfun Bayer Leverkusen á sunnu-
daginn af Klaus Toppmöller, verður
við stjórnvölinn hjá liðinu út leiktíð-
ina. Það var staðfest í gær en upp-
haflega var reiknað með því að
Horster yrði aðeins þjálfari liðsins í
stuttan tíma, þar til framtíðarlausn
væri fundin.

ÁSTRÓS Guðmundsdóttir, ÍR, og
Bjarni Páll Jakobsson, KFR, sigr-
uðu í einstaklingskeppni með forgjöf
á Íslandsmótinu í keilu sem fram fór
í Keiluhöllinni í Öskjuhlíðinni um
helgina.

ÁSTRÓS lagði Jónínu Magnús-
dóttur, ÍA, með 377 stigum gegn 343
stigum í úrslitum í kvennaflokki en
Bjarni Páll sigraði Atla Þór Kára-
son, KR, með 439 stigum gegn 385
stigum.

ALLS voru sett sjö Íslandsmet á
mótinu þar sem Birgitta Þura Birg-
isdóttir, ÍA, setti 3 íslandsmet í
flokki stúlkna 13-14 ára, í 4 leikjum -
667 stig, í 5 leikjum - 851 stig, í 6
leikjum - 1017 stig. Bjarni Páll Jak-
obsson setti fjögur ný íslandsmet í
flokki pilta 13-14 ára. Hann fékk 299
stig í einum leik, í 4 leikjum - 887
stig, í 5 leikjum - 1068 stig og í 6
leikjum - 1236 stig.

THIERRY Henry og Dennis
Bergkamp verða í byrjunarliði Ars-
enal gegn Ajax í Meistaradeild Evr-
ópu í kvöld á Highbury. Þá kemur
Brasilíumaðurinn Gilberto Silva
einnig inn í liðið, fyrir landa sinn
Edu.
FÓLK
Lið Snæfells veitti Haukum svosannarlega harða keppni á Ás-
völlum í gær og þegar upp var staðið
mörðu Haukar eins
stigs sigur, 81:80,
líkt og í fyrri leik lið-
anna í Stykkishólmi.
Leikurinn ein-
kenndist af baráttu og mistökum á
kostnað gæðanna en spennan var
mikil á lokamínútunni.
Ekki mátti miklu muna að Haukar
hentu sigrinum frá sér. Þeir höfðu
undirtökin nær allan tímann og náðu
mest 13 stiga forskoti en Snæfelling-
ar saumuðu vel að heimamönnum
undir lokin og fengu gullið tækifæri
til að knýja fram sigur. Í stöðunni,
81:80, og 25 sekúndur til leiksloka
fékk Snæfell boltann en á klaufaleg-
an hátt fékk Bandaríkjamaðurinn
Clifton Bush dæmdan á sig ruðning
og Haukarnir gátu andað léttar enda
ekki nema rúmar 2 sekúndur til
leiksloka þegar ruðningsdómurinn
átti sér stað. Haukar héldu knettin-
um út leiktímann og fögnuðu dýr-
mætum stigum.
„Við þurftum að hafa virkilega
fyrir sigrinum og það má með sanni
segja að ég hafi haldið niðri í mér
andanum þegar Snæfellingar lögðu
upp í síðustu sókn sína. Ég hélt að
við værum að taka leikinn í okkar
hendur í öðrum leikhlutanum en þá
fóru menn að gera aðra hluti en upp
var lagt með. Boltinn fékk ekki að
ganga og það var kæruleysi yfir leik
okkar. Snæfellingar gengu á lagið og
ég verð að hrósa þeim fyrir góða bar-
áttu. Við hefðum hæglega getað tap-
að leiknum en sem betur fer innbyrt-
um við sigur og keppikefli okkar er
að verja fjórða sætið,“ sagði Reynir
Kristjánsson, þjálfari Hauka.
Stevie Johnson var eins og ávallt í
vetur allt í öllu í liði Haukanna, sem
léku ágætlega í fyrri hálfleik, en í
þeim síðari voru þeim nokkuð mis-
lagðar hendur. Johnson var sérlega
heitur í fyrri hálfleiknum og skoraði
þá 22 stig og í síðasta leikhlutanum
var hann sínum mönnum ákaflega
mikilvægur. Halldór Kristmannsson
átti einnig mjög góðan leik – skoraði
körfur á mikilvægum augnablikum
og lék Johnson vel uppi.
Liðsmenn Snæfells eiga hrós skil-
ið fyrir góða baráttu og með smá-
heppni hefðu þeir vel getað hrósað
sigri. Clifton Bush og Hlynur Bær-
ingsson stóðu upp úr liði Hólmar.
Bush var seinn í gang og Hlynur
hefði að ósekju mátt reyna meira
upp á eigin spýtur.
Hannes Jón reynir
fyrir sér á Spáni
Cook fór illa
með Njarðvík
CLIFTON Cook, leikmaður Tindastóls, var Njarðvíkingum erfiður
ljár í þúfu í gærkvöld þar sem Tindastóll lagði þá grænklæddu að
velli, 93:88, en Cook gerði sér lítið fyrir og skoraði níu 3 stiga körfur
og alls 43 stig í leiknum. Keflvíkingurinn Damon Johnson var í svip-
uðum ham og Cook á heimavelli gegn botnliði Vals og sá að mestu
um að draga vagninn í 94:87 sigri Keflvíkinga.
Andri
Karl
skrifar
Stefán
Stefánsson
skrifar
Morgunblaðið/Jim Smart
Clifton Bush var atkvæðamestur í liði Snæfells en það dugði skammt gegn Haukum á Ásvöllum.
Guðmundur
Hilmarsson
skrifar
Hart
barist á
Ásvöllum