Morgunblaðið - 18.02.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 18. FEBRÚAR 2003 11
FIMM ungum konum var fyrir-
varalaust vikið frá störfum á einka-
rekna leikskólanum Korpukoti í
Reykjavík um miðjan síðasta mán-
uð. Stéttarfélagið Efling telur upp-
sagnirnar ólögmætar og hefur
krafist þess að leikskólinn dragi
uppsagnirnar til baka en greiði
annars laun í uppsagnarfresti.
Einn eigandi leikskólans segir að
stúlkurnar hafi brotið svo alvar-
lega gegn starfsskyldum sínum að
ekkert annað en uppsögn hafi kom-
ið til greina. Þrjár þeirra hafi yf-
irgefið vinnustað sinn til að hittast
á fundi hinn 14. janúar, án þess að
óska leyfis eða gera nauðsynlegar
ráðstafanir, og tvær hafi sótt þenn-
an fund meðan þær voru í leyfi
vegna veikinda. Líklegt má telja að
málið fari fyrir dómstóla.
Konunum fimm, sem eru ekki
faglærðir leikskólakennarar, var
vikið úr starfi á grundvelli greinar
12.10.6 í samningi Eflingar við
Reykjavíkurborg en í henni segir
m.a.: „Starfsmanni skal víkja úr
starfi fyrirvaralaust verði hann
uppvís að grófu broti í starfi enda
valdi viðvera hans á vinnustað
áframhaldandi skaða fyrir starf-
semina, aðra starfsmenn eða við-
skiptavini.“ Konurnar fimm telja
uppsögnina vera ólögmæta. Undir
það hafa Efling og lögmaður fé-
lagsins tekið og hafa vísað til
áminningarferlis. Fyrirvaralaus
uppsögn sé óheimil nema starfs-
maðurinn hafi brotið alvarlega af
sér í starfi en skv. upplýsingum frá
Eflingu hefur þessu ákvæði t.d.
verið beitt ef starfsmennirnir hafi
beinlínis gerst brotlegir við hegn-
ingarlög eða mætt drukknir til
umönnunarstarfa. Ekkert slíkt eigi
við í þessu tilfelli.
Langvarandi óánægja
Morgunblaðið hitti fjórar af kon-
unum fimm að máli, þær Örnu Rún
Guðmundsdóttur, Ásthildi Sigur-
geirsdóttur, Hrefnu Núpdal Leifs-
dóttur og Söru Hörn Hallgríms-
dóttur. Í samtali við Morgunblaðið
sögðu þær að aðdragandinn að því
að þær hafi ákveðið að hittast á
fundinum 14. janúar hafi verið
langvarandi óánægja þeirra með
starfshætti leikskólastjórans, Sig-
ríðar Friðriksdóttur, og fleira sem
þeim þótti athugavert við rekstur
leikskólans. Beiðnum þeirra um
starfsmannafund með leikskóla-
stjóranum hafi verið hafnað og ein
þeirra, Hrefna Núpdal Leifsdóttir,
hafi því haft samband við eigendur
leikskólans og kvartaði undan leik-
skólastjóranum og óskað eftir
fundi. Fljótlega eftir að hún hafði
samband við eigendur hafi leik-
skólastjórinn kallað um helming
starfsfólksins á fund en þær voru
ekki boðaðar. Þær hafi síðan fengið
þær upplýsingar hjá leikskólastjór-
anum að á fundinum hefði verið
rætt um hversu slæman starfsanda
þær hefðu skapað, en efni fund-
arins væri að öðru leyti trúnaðar-
mál. Þegar þær hafi óskað eftir
frekari skýringum daginn eftir hafi
þeim verið tjáð að þær yrðu hver
um sig kallaðar á fund. Þetta hafi
þær ekki viljað sætta sig við og
ákveðið að halda fund í hádeginu, á
rólegasta tíma dagsins. Þrjár
þeirra fóru úr vinnu til að halda
fund hjá þeirri fjórðu sem hafði
farið heim fyrr um daginn vegna
veikinda og með þeirri fimmtu sem
einnig hafði farið heim fyrr um
daginn til að sinna veiku barni.
Ásthildur Sigurgeirsdóttir sagði að
þær hafi sagt leikskólastjóranum
af þessu og hún ekki hreyft and-
mælum þó að henni mislíkaði þetta
greinilega. Þá hafi þær látið starfs-
fólk á leikskólanum vita að þær
væru á leiðinni út til að funda í
stutta stund og telja þær fráleitt
að fjarvera þeirra hafi skapað
hættuástand á leikskólanum. Þær
hafi allar komið á leikskólann rúm-
lega einni og hálfri klukkustund
síðar og þá hafi þær fengið upp-
sagnarbréfið í hendurnar. „Við höf-
um á tilfinningunni að tækifærið
hafi verið notað til að bola okkur
út,“ sagði Ásthildur. Hrefna segir
að þær hafi vitað að þær væru
brotlegar, en viðbrögðin hafi ekki
verið í neinu samræmi við tilefnið.
Engar tekjur frá 14. janúar
Konunum var sagt upp fyrir-
varalaust og hafa ekki fengið
greidd laun í uppsagnarfresti. Þær
hafa því verið tekjulausar frá og
með 14. janúar. Hrefna segir að út-
hlutunarnefnd atvinnuleysibóta
hafi auk þess hafnað beiðni þeirra
um atvinnuleysisbætur þar sem
þær ættu inni þriggja mánaða laun
í uppsagnarfresti hjá vinnuveit-
anda til 30. apríl nk. Þær búast
hins vegar ekki við að fá þau laun
greidd fyrr en að loknu dómsmáli
sem geti tekið 18 mánuði. Þá hafi
Félagsmálastofnun sagt þeim að
þær uppfylli líklega ekki skilyrði
til að fá styrki eða bætur þaðan.
Atvinnuleit hafi ekki borið árang-
ur. Þær eru allar einstæðar mæður
og segja þær að fjárhagsstaða
þeirra sé vægast sagt orðin slæm.
Eins og fyrr segir var konunum
vikið úr starfi á grundvelli ákvæðis
12.10.6 sem fjallar um gróf brot í
starfi, enda valdi viðvera starfs-
mannsins áframhaldandi skaða fyr-
ir starfsemina. Guðríður Guð-
mundsdóttir, annar aðaleigandi
leikskólans, skrifaði undir upp-
sagnarbréfið. Spurð um með hvaða
hætti konurnar hafi brotið gegn
ofangreindu ákvæði í samningnum
sagði Guðríður, að konurnar hafi
allar gengið fyrirvaralaust frá
störfum sínum um klukkan 12:45
14. janúar sl. Með þessu hafi þær
ætlað að knýja leikskólastjórann til
að veita þeim upplýsingar um
starfsmannahald sem voru þeim al-
gjörlega óviðkomandi. „Þær höfðu
aftur samband laust fyrir klukkan
þrjú og óskuðu eftir fundi með
mér. Ég sagðist ekki geta fundað
með þeim strax, því ég væri að
bjarga málum á leikskólanum. Þær
gætu hitt mig á leikskólanum og
þær sneru aftur um klukkan tíu
mínútur fyrir fjögur,“ sagði Guð-
ríður. Með því að yfirgefa starfs-
stöðvar sínar fyrirvaralaust hafi
konurnar fimm skapað hættu-
ástand á leikskólanum enda hafi
þær ekki látið starfsfólk vita af
brottför sinni né óskað leyfis hjá
leikskólastjóranum. Þeim hafi öll-
um verið sagt upp enda segir Guð-
ríður að með brotthvarfi sínu hafi
konurnar stefnt hagsmunum
barna, annarra starfsmanna og
vinnuveitenda í hættu. Um sólar-
hring síðar hafi tveimur þeirra ver-
ið boðið að uppsögn þeirra yrði
dregin til baka en þær hafnað því.
Fá allar sömu meðferð
Í viðtali við konurnar kom fram
að ein þeirra hafði fyrr um morg-
uninn farið heim til að sinna veiku
barni og önnur hafði tilkynnt um
veikindi þennan dag. Aðspurð um
hvort hægt væri að halda því fram
að þessar tvær konur hafi yfirgefið
starfsstöð sína, sagði Guðríður að
tekið hafi verið á konunum sem
hóp. „Forföll vegna veikinda barns,
þau tilheyra því að vera heima með
veiku barni, ekki sitja fund úti í bæ
sem ekki hafði verið gefið leyfi fyr-
ir.“ Spurð um hvort konan hafi
með því brotið gegn grein 12.10.6
sagði Guðríður: „Hún gerði það að
sjálfsögðu, því forföll vegna veik-
inda barns eru eingöngu ætluð til
að vera heima og sinna veiku
barni.“ Konan hafi hvorki verið
heima hjá sér né hafi hún verið
með barnið með sér á fundinum.
Þessi manneskja hafi þegar verið
búin að fá áminningu en það hafi
þó alls ekki ráðið úrslitum um að
henni hafi verið sagt upp, heldur
þær aðgerðir sem hún tók þátt í.
Guðríður var spurð að því hvort
hinni konunni sem tilkynnti veik-
indi hafi verið sagt upp vegna þess
að hún yfirgaf starfsstöð sína eða
vegna þess að hún var talin hafa
brotið gegn ákvæðum um veikinda-
rétt. Þessu svaraði Guðríður með
því að benda á að ef starfsfólk til-
kynni eigin veikindi megi búast við
að það sé heima hjá sér, ekki á
fundum úti í bæ. „Þeim er vikið úr
starfi vegna þess að þær koma
fram sem fimm manneskjur, sem
samstilltur hópur, hafandi verið á
fundi frá því klukkan eitt. Það er
fyrst og fremst ástæðan, að þær
koma fram sem fimm manna hóp-
ur, ekki sem einstaklingar hver á
eftir annarri. Þess vegna fá þær
sömu meðferð allar sem ein,“ sagði
hún.
Fimm konum sagt upp á leikskóla vegna brota sem vinnuveitandinn telur gróf
Segja fyrirvaralausar
uppsagnir vera ólöglegar
SIGRÍÐUR Friðriksdóttir var leikskólastjóri í Korpukoti þegar kon-
unum fimm var sagt upp. Hún hefur háskólapróf í uppeldisfræði og
meistaragráðu í stjórnun. Guðríður Guðmundsdóttir, annar aðaleig-
enda skólans, segir að Sigríður hafi gegnt störfum leikskólastjóra
meðan hún var í barnsburðarleyfi. Sigríður er ekki leikskólakennari
en að sögn Bergs Felixsonar, framkvæmdastjóra Leikskóla Reykja-
víkur, kveða lög á um að einungis leikskólakennarar geti gegnt þess-
ari stöðu, nema með undanþágu. Bergur sagði í samtali við Morg-
unblaðið að ekki hafi verið sótt um hana. Rætt hafi verið við eigendur
leikskólans og málið sé í athugun hjá stofnuninni. Guðríður segir að
sótt hafi verið um undanþágu fyrir Sigríði. Aðspurð sagði Guðríður
að á Korpukoti sé einn menntaður leikskólakennari, hún sjálf. Aug-
lýst hafi verið eftir menntuðum leikskólakennurum en framboð sé lít-
ið. „Það er skortur hér hjá okkur eins og hjá Leikskólum Reykjavík-
ur,“ sagði hún. Bergur segir að svo virðist sem einkareknir leikskólar
séu oft á tíðum með lægra hlutfall leikskólakennara en leikskólar sem
reknir séu af borginni. Þetta sé þó alls ekki algilt. Hann segir hlutfall
leikskólakennara í starfsliði leikskóla borgarinnar sé um 50%.
Leikskólastjóri án undanþágu
SIV Friðleifsdóttir umhverfisráð-
herra segir að stórátak hafi verið
gert í að byggja upp þjóðgarða,
friðlýst svæði og aðra fjölsótta
ferðamannastaði á undanförnum ár-
um. Mörg verkefni til viðbótar bíði
hins vegar úrlausnar sem ráðist
verði í á næstu árum. Stjórn Land-
verndar sendi ráðherra á dögunum
bréf þar sem hún er hvött til að
beita sér fyrir því að verkefni á
sviði náttúruverndar og þjóðgarða
fái hlutdeild í áformuðum aðgerðum
ríkisstjórnarinnar um að efla at-
vinnu í landinu.
Siv segir ljóst að hægt sé að nota
þá rúmu sex milljarða sem rík-
isstjórnin ætli að leggja til vega-
mála, menningarhúsa og byggða-
mála til margra hluta. Samstaða sé
hins vegar innan ríkisstjórnarinnar
um að veita fjármununum í þessa
málaflokka. Hún bendir á að Nátt-
úruvernd ríkisins, nú Umhverfis-
stofnun, hafi á yfirstandandi kjör-
tímabili fengið á annað hundrað
milljónir króna til uppbyggingar á
fjölsóttum ferðamannastöðum, yfir
100 m. kr. hafi farið til Ferða-
málaráðs og álíka upphæð til Vega-
gerðarinnar.
Fimmtán milljóna viðbótarfé
Siv segir að mikil uppbygging sé
fyrir höndum á Snæfellsnesi þar
sem búið sé að stofna þjóðgarð og
ljóst að það verði mjög mikil upp-
bygging í fleiri þjóðgörðum og á
friðlýstum svæðum í náinni framtíð.
Í þjóðgarðinum í Jökulsárgljúfum
þurfi að byggja betri gestastofu
sem verði ráðist í á næstu árum. Þá
hafi nefnd verið sett á laggirnar til
að skoða þjóðgarðahugmyndir
norðan Vatnajökuls á svæðinu í
kringum Kárahnjúkavirkjun. Að
sögn Sivjar verður um 15 m. kr.
viðbótarfé á fjárlögum yfirstand-
andi árs varið sérstaklega til upp-
byggingar þjóðgarða.
Átak í upp-
byggingu
þjóðgarða
síðustu ár
Siv Friðleifsdóttir
♦ ♦ ♦
ÍTALSKA verktakafyrirtækið
Impregilo, sem átti lægsta tilboð í
gerð frárennslisganga og stíflu
Kárahnjúkavirkjunar, hefur opnað
skrifstofu hér á landi. Á vefsíðu
Landsvirkjunar segir að aðstaða
fyrirtækisins verði til bráðabirgða
að Krókhálsi 5c í Reykjavík.
Þangað geta þeir leitað sem vilja
hafa samband við Impregilo vegna
vöru eða þjónustu, sem þeir kynnu
að vilja bjóða fyrirtækinu. Verk-
efnisstjórar eru þeir Giovanni
Matta og Francesco Miglio, Matta
yfir stíflunni og Miglio stýrir und-
irbúningi ganganna. Stefnir fyr-
irtækið að því að hefja fram-
kvæmdir í vor.
Impregilo
opnar
skrifstofu
♦ ♦ ♦
TVEIR menn komust undan með
um 160.000 krónur eftir að þeir
rændu tvo starfsmenn Domino’s-
pizzustaðarins aðfaranótt mánu-
dagsins.
Starfsmennirnir ætluð að setja
afrakstur af pizzusölu í næturhólf
við Hótel Esju þegar mennirnir
veittust að þeim og ógnuðu þeim.
Annar var vopnaður og sýndist
starfsmönnunum sem hann væri
með eggvopn. Að sögn Ómars
Smára Ármannssonar aðstoðaryfir-
lögregluþjóns hlupu ræningjarnir í
átt að Hallarmúla. Málið er í rann-
sókn.
Vopnað rán
við Hótel Esju