Morgunblaðið - 18.02.2003, Blaðsíða 13
VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 18. FEBRÚAR 2003 13
LOÐNUKAUPENDUR frá Japan
voru komnir til Vopnafjarðar í gær
til að skoða loðnu sem verið var að
landa úr Sunnubergi NS. Hrogna-
fylling loðnunnar er að verða það
sem japanskir kaupendur vilja eða í
kringum 14%. Einar Víglundsson,
vinnslustjóri hjá Tanga hf., segir að
hrognfyllingin sé nú nálægt því
marki.
Þá er unnið af krafti við loðnu-
frystingu hjá Síldarvinnslunni hf. í
Neskaupstað og hefur öll loðna sem
berst þar að landi verið flokkuð til
vinnslu síðustu daga. Að sögn Jóns
Gunnars Sigurjónssonar, verk-
stjóra í loðnufrystingunni, fer átan
hratt minnkandi í loðnunni og er
komin niður fyrir viðmiðunarmörk.
Hann segir á heimasíðu félagsins að
loðnan sé þokkaleg en þó ekki mjög
stór. Hjá Síldarvinnslunni er búið
að frysta 2.100 tonn af loðnu, allt
fyrir Rússlandsmarkað.
Bræla var á loðnumiðunum í gær
og flest skipin í landi. Nú er búið að
veiða um 352 þúsund tonn af loðnu
frá áramótum en að meðtöldum
sumar- og haustvertíðunum er
heildaraflinn orðinn um 532 þúsund
tonn, samkvæmt yfirliti Samtaka
fiskvinnslustöðva. Þá eru rúm 128
þúsund tonn eftir af útgefnum
loðnukvóta. Hafrannsóknaskipið
Árni Friðriksson RE hélt í gær á
miðin til mælinga á loðnustofn-
inum. Í rannsóknaleiðangri sem
farinn var í upphafi ársins þótti lík-
legt að stærð veiðistofnsins væri
vanmetin og því þótti nauðsynlegt
að mæla hann á ný. Gera má ráð
fyrir að tekin verði ákvörðun um
aukningu loðnukvótans þegar nið-
urstöður leiðangursins liggja fyrir.
Morgunblaðið/Jón Sigurðarson
Japanskir kaupendur skoða loðnu á Vopnafirði.
Líður að
Japansfrystingu
TAP sænska verðbréfafyrirtækis-
ins JP Nordiska á árinu 2002 nam
43,1 milljón sænskra króna eftir
skatta, jafnvirði um 400 milljóna ís-
lenskra króna. Kaupþing banki á
93% hlut í JP Nordiska. Tap fyr-
irtækisins fyrir skatta var 67,7
milljónir sænskra króna en var
163,2 milljónir sænskra króna árið
2001.
Í tilkynningu frá Kaupþing
banka í Kauphöll Íslands segir að
kostnaður við endurskipulagningu
JP Nordiska hafi verið hærri en
áætlað hafi verið, eða 92 milljónir
sænskra króna, um 850 milljónir ís-
lenskra króna. Jafnvægi sé komið á
milli tekna og kostnaðar eftir end-
urskipulagningu og fækkun starfs-
fólks. Þá segir að JP Nordiska
verði afskráð 14. mars næstkom-
andi og verði dótturfyrirtæki Kaup-
þings banka.
CAD hlutfall 15,3%
Hreinar vaxtatekjur JP Nord-
iska jukust úr 81,4 milljónum
sænskra króna árið 2001 í 102,4
milljónir í fyrra. Heildareignir fyr-
irtækisins námu 5.382 milljónum
sænskra króna í árslok 2002 en
5.522 milljónum árið áður. Eigið fé
hækkaði úr 526 milljónum í 635
milljónir milli ára en skuldir lækk-
uðu hins vegar úr 4.995 milljónum í
4.747 milljónir. CAD hlutfall JP
Nordiska er svipað milli ár, 15,3% í
árslok 2002 en 15,2% árið áður.
Í tilkynningu JP Nordiska til
sænsku kauphallarinnar segir að
árið 2002 hafi veirð eitt versta ár í
sögu hlutabréfamarkaðarins frá
árinu 1930, og að umskipti í þessum
efnum séu ekki í sjónmáli. Þessar
aðstæður hafi neitt fjármálafyrir-
tæki til að grípa til aðgerða og það
hafi verið gert hjá JP Nordiska.
Fjöldi starfsmanna JP Nordiska
í árslok 2002 var 210. Samanlagður
fjöldi starfsmanna fyrirtækisins og
verðbréfafyrirtækisins Aragon var
365 í árslok 2001. Sameiningu JP
Nordiska og Aragon er lokið.
Tap JP Nordiska
um 400 milljónir
íslenskra króna
BRESKA verslanakeðjan Selfridges
hefur skrifað Baugi og beðið fyrir-
tækið um upplýsingar um það hversu
marga hluti, nákvæmlega, Baugur
hafi keypt í Selfridges, og í hvaða
nafni kaupin hafi verið gerð.
Baugur, sem á 8% hlut í bresku
verslanakeðjunni House of Fraser og
hluti í verslanakeðjunum Big Food
Group og Somerfield, keypti, sam-
kvæmt frétt í vefútgáfu The Daily
Telegraph, um milljón hluti í
Selfridges í síðasta mánuði, eða um
0,75% af heildarhlutafé fyrirtækisins.
Samkvæmt fréttinni þarf Baugur
ekki að tilkynna hve stóran eignar-
hlut fyrirtækið á fyrr en hann nær
3%. Fyrirtæki í Bretlandi eiga þó rétt
á að snúa sér til fjárfestisins eftir nán-
ari upplýsingum um kaup í félaginu
og samkvæmt upplýsingum frá Baugi
var í gær hafist handa við að svara
fyrirspurn félagsins.
Í frétt blaðsins segir að talið sé að
kaup Baugs raski ekki ró hins nýja
forstjóra fyrirtækisins Peter Willi-
ams en hann tók við fyrirtækinu eftir
að Vittorio Radice. Eftir brotthvarf
hans hrundi fyrirtækið í verði. Há-
marki náði það í fyrra í 360,5 pensum
á hlut, en var í gær 231,5 pens.
Daily Telegraph sagði frá kaupum
Baugs í Selfridges fyrir viku. Þar
kom jafnframt fram að Baugur teldi
breska verslunargeirann verulega
undirverðlagðan í dag og væri búinn
að fjárfesta fyrir 50 milljónir punda í
fyrirtækjum á markaði, eða rúmlega
6,2 milljarða króna.
Selfridges
vill upplýs-
ingar frá
Baugi
Á ÁRSFUNDI viðskipta- og hag-
fræðideildar Háskóla Íslands í vik-
unni opnaði Jónas Haralz, fyrrver-
andi bankastjóri, rafrænt
vísindatímarit deildarinnar. Tímarit-
ið sem fjallar um viðskipta- og efna-
hagsmál er aðgengilegt á Netinu, en
að auki verður árlega gefin út prent-
uð útgáfa með þeim greinum sem
birst hafa í veftímaritinu.
Fram kemur í fréttatilkynningu,
að með þessu tímariti vilji viðskipta-
og hagfræðideild HÍ leggja sitt af
mörkum til að efla vísindalega um-
ræðu um viðskipti og efnahagsmál á
Íslandi.
Veffang tímaritsins er: www.efna-
hagsmal.hi.is
Rafrænt
tímarit um
efnahagsmál
♦ ♦ ♦