Morgunblaðið - 18.02.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 18. FEBRÚAR 2003 17
Skeifan 4 • Sími 585 0000 • www.aukaraf.is • Opið frá kl. 9-18 • Laugardag frá kl. 10-16
Sendum í póstkröfu
F
rá
b
æ
r
ti
lb
o
ð
: • Magellan GPS-tæki
• GPS-aukahlutir s.s. plast-
pokar, tengi, loftnet o.fl.
• Talstöðvar, bíla-, báta- og
handtalstöðvar
• Aukahlutir fyrir talstöðvar
• Fjarstýrðar samlæsingar
• Þjófavarnarkerfi
• Hljómflutningstæki fyrir bíla,
magnarar á frábæru verði,
mikið úrval hátalara
• GSM-handfrjáls búnaður
• Radarvarar
• Hleðslutæki
15-50%
afsláttur
SÍÐAR, stuttar, marglitar, tví-
hnepptar, aðsniðnar eða víðar.
Kápur og aðrar yfirhafnir í öllum
regnbogans litum, stærðum og
gerðum hanga á slám í versl-
uninni Kápunni við Laugaveg. Í
sextíu ár hafa konur getað geng-
ið þar að nýjustu tísku í yfirhöfn-
um vísri. Aðeins tvær fjölskyldur
hafa átt verslunina frá upphafi,
en hún var stofnuð 10. nóvember
árið 1943 af Jóhanni Friðrikssyni,
föður Eggerts feldskera. Um
þremur áratugum síðar keypti
Davíð S. Jónsson verslunina og er
hann lést árið 1996 tóku börnin
hans sex við rekstrinum. En nú,
tæpum sextíu árum eftir að Jó-
hann í Kápunni opnaði verslun
sína við Laugaveg, hefur verið
tekin ákvörðun um að loka henni.
Kápan hefur verið til sölu frá
árinu 1996 en án árangurs. „Ég
held að ástæðan liggi í því að
verslun á Íslandi hefur breyst,“
segir Erla Davíðsdóttir, einn af
eigendunum. „Núna eru seldar
yfirhafnir í flestum fataversl-
unum en áður var meiri sérhæf-
ing í hverri verslun.“
Hún kvartar samt ekki yfir við-
skiptunum og segir þau hafa
gengið vel, enda fastakúnnar fjöl-
margir og á öllum aldri.
Áður var hárgreiðslustofa og
tannlæknastofa í sama húsi og
Kápan og segir Erla að þegar
þær hafi horfið á braut hafi það
haft áhrif á viðskiptin.
„Þær sem voru að bíða á hár-
greiðslustofunni komu oft hér yf-
ir, skoðuðu eða keyptu. Þetta
hefur allt áhrif. Líka stöðumæl-
arnir við Laugaveginn. Allir geta
fengið ókeypis bílastæði í Kringl-
unni.“
Líkt og nafn Kápunnar gefur
til kynna hefur aðallega verið
verslað með yfirhafnir þau sextíu
ár sem verslunin hefur starfað.
„Það er kominn tími til að snúa
sér að öðru, gera eitthvað nýtt,“
segir Erla sem starfað hefur í
versluninni í sautján ár. „Versl-
anir koma og fara. Nýjar koma í
stað þeirra eldri. Það þarf alltaf
eitthvað nýtt að koma.“
Rak áður eigin saumastofu
Kápurnar hafa aðallega verið
fluttar inn frá Þýskalandi en á
árum áður rak verslunin eigin
saumastofu. „Það kom svo í ljós
að það var hagstæðara að flytja
vörurnar inn.“
Erla segir fastakúnna versl-
unarinnar marga og sumir hafi
haldið tryggð sinni við búðina í
fleiri ár. Margir þeirra segjast
eiga eftir að sakna Kápunnar og
hafa lýst yfir vonbrigðum með að
hún sé nú að hætta. Við-
skiptavinir hafa verið konur á
öllum aldri, dætur jafnt sem
mæður og ömmur.
„Viðskiptin hafa jafnan verið
mjög góð, því þakka ég góðu
starfsfólki,“ segir Erla.
Húsnæði verslunarinnar á
Laugavegi 66 er til sölu en einnig
kemur til greina að leigja það.
„Auðvitað þætti okkur vænst um
ef hér kæmi önnur verslun,“ seg-
ir Erla. „Jóhann rak verslunina í
þrjátíu ár og fjölskyldan okkar í
næstum önnur þrjátíu. Það væri
auðvitað mjög gaman ef einhver
myndi vilja reka hana í þrjátíu ár
í viðbót.“
Allt á að seljast fyrir lokun
Núna stendur yfir rýming-
arsala í Kápunni og allt á að selj-
ast. „Hvenær við lokum fer nú
eftir því hvenær allt verður selt,
við lokum ekki fyrr en síðasta
kápan er seld. En með þessu
áframhaldi mun ekki líða á löngu
þar til það gerist,“ segir Erla og
tekur til við að sýna við-
skiptavinum það sem er á boð-
stólum. Blaðamaður getur heldur
ekki stillt sig um annað en að
máta nokkrar kápur áður en
hann hverfur á braut. Það er
ekki seinna vænna.
Morgunblaðið/Árni Sæberg
Erla Davíðsdóttir, einn eigenda Kápunnar, og Guðríður Ása Matthíasdóttir sem unnið hefur í búðinni í 16 ár.
Kápan hættir eftir
sextíu ár í miðbænum
Laugavegur
ATVINNU-, ferða- og menningar-
málanefnd Bessastaðahrepps hefur
lagt til við hreppsnefnd að stofnuð
verði nefnd til þess að ræða við
stjórnvöld og aðra opinbera aðila
um að veita fé til undirbúnings og
byggingar menningarhúss í
hreppnum. Telur nefndin að menn-
ingarhús geti skapað margvísleg ný
tækifæri fyrir listafólk í hreppnum,
eflt menningarlíf og skapað fjölda
starfa við menningartengda ferða-
þjónustu, bæði innan hreppsins og í
nágrannasveitarfélögunum. Auk
þess gæti slíkt hús nýst félögum og
félagasamtökum í starfsemi þess-
ara aðila og rennt styrkari stoðum
undir rekstur hússins. Þetta kom
fram á fundi nefndarinnar sl. föstu-
dag.
Gunnar Valur Gíslason, sveitar-
stjóri í Bessastaðahreppi, segir
hugmyndir um fjölnota menningar-
hús í hreppnum hafa verið uppi í
meira en áratug. Nú hafi þeim enn
og aftur skotið upp kollinum. Hann
segir næsta skref að fullmóta og
kanna ítarlega rekstrargrundvöll
slíks húss en árlega heimsækja
Bessastaðahrepp, aðallega Bessa-
staði, um 70 þúsund ferðamenn.
„Hugmyndin er sú að húsið myndi
nýtast mörgum aðilum, t.d. sem
safnaðarheimili en ekkert slíkt
heimili er að finna í hreppnum.“
Gert var deiliskipulag að mið-
svæði Bessastaðahrepps fyrir
nokkrum árum þar sem gert var
ráð fyrir menningarhúsi við afleggj-
arann að Bessastöðum.
Hann segir að Álftanes og Bessa-
staðahreppur séu merkilegir sögu-
staðir og hafi nú þegar mikið að-
dráttarafl. „Hugmyndin er annars
vegar að virkja þá menningu sem er
fyrir hendi í hreppnum og hins veg-
ar að ná utan um alla þá ferðamenn
sem koma hingað árlega. Þetta er
því ekki spurning um að koma fram
með hugmyndir til að laða að ferða-
menn, heldur hvernig við viljum
sinna öllum þeim ferðamönnum
sem koma hingað hvort sem er.“
Gunnar segir erlenda ferðamenn
fyrst og fremst sækjast eftir að
skoða Bessastaði en innlendir
ferðamenn vilja ganga um svæðið
sem er þrungið sögu.
Á fundi hreppsnefndar í dag
verður tekin ákvörðun um tillögu að
stofnun viðræðunefndar vegna
menningarhússins.
Vilja reisa menningarhús í hreppnum
Myndi efla menn-
ingartengda
ferðaþjónustu
Bessastaðahreppur
BÖRN MEÐ grímur fyrir andlit-
unum gengu um ganga Rimaskóla
um helgina en þá var haldið opið hús
skólanum. Tilefnið var að þemaviku
var að ljúka en yngstu börnin
bjuggu til grímur og sömdu ljóð inn-
blásin af þeim sem þau fluttu á opna
húsinu. Á annað þúsund foreldrar og
aðstandendur mættu í fagnaðinn.
Eldri börnin höfðu á þemadög-
unum unnið með sögu norrænna vík-
inga og þau elstu unnu í listasmiðj-
um. Afrakstur þeirrar vinnu var
einnig sýndur á opna húsinu.
Þar voru einnig kynntar tillögur
að nýjum leiktækjum á lóð skólans
sem fagna mun tíu ára afmæli í vor.
Hugmyndirnar komu úr smiðju
nemendanna sjálfra en um 100 til-
lögur bárust.
Morgunblaðið/Kristinn
Grímur og frumsamin ljóð
Rimahverfi