Morgunblaðið - 18.02.2003, Blaðsíða 8
FRÉTTIR
8 ÞRIÐJUDAGUR 18. FEBRÚAR 2003 MORGUNBLAÐIÐ
Pólitíska landslagið breytist svo ört að jafnvel þaulreyndir atvinnumenn ná varla að fylgj-
ast með því hver er hvað og hver er fyrir hvern í leiknum.
Horfur á fjármálamörkuðum
Sérfræðingar
lýsa skoðunum
LANDSBANKI Ís-lands hefur boðiðtil morgunverðar-
fundar á Grand Hóteli
Reykjavík nk. fimmtu-
dagsmorgun og stendur
hann milli klukkan 8 og 9.
Efni fundarins er horfur á
fjármálamörkuðum.
Nokkur erindi verða flutt
sem snúa að efnahagsmál-
um almennt, hlutabréfum,
skuldabréfum og gengis-
málum. Ársæll Valfells er
einn þeirra er rís á fætur
og tekur til máls og hann
svaraði nokkrum spurn-
ingum Morgunblaðsins um
fundinn í heild sinni, svo
og eigið erindi.
– Hvað má segja að
helsta tilefni og tilgangur
fundarins séu?
„Tilgangur fundarins er að
kynna fyrir fjárfestum helstu
skoðanir og væntingar sérfræð-
inga Landsbankans um þróun
fjármálamarkaða á næstu árum.
Mikil óvissa ríkir um hvert stefnir
í vaxta- og gengismálum vegna
áhrifa fyrirhugaðra framkvæmda
í stóriðju. Umfang virkjunar og
álvers er meira en sem nemur
fjárfestingu eins árs, það sem
heildarfjárfesting þjóðarbúsins á
nýliðnu ári er metin hafa verið 150
milljarðar króna. Megnið af fjár-
festingunni í stóriðju mun falla til
á árunum 2005 og 2006, þar af nær
helmingur á árinu 2006. Það er
ljóst, að ef bæta á nær 50% við
fjárfestingu eins árs auk meiri
fjárfestingar árin á undan og eft-
ir, þurfa hagstjórnaraðilar að
bregðast við til að draga úr
þensluáhrifum. Á þessum fundi
munu sérfræðingar Landsbank-
ans láta í ljós sína skoðun um
hvaða áhrif þessi framkvæmd hef-
ur t.d. á vexti, gengi og hlutabréf.“
– Segðu okkur frá því hverjir
taka þarna til máls og um hvað
þeir ætla að fjalla ...
„Þau sem taka til máls fyrir ut-
an mig eru Arnar Jónsson, sér-
fræðingur í gjaldeyrisviðskiptum,
Katrín Ólafsdóttir, hagfræðingur
greiningardeildar, og Jónas G.
Friðþjófsson, sérfræðingur í
greiningardeild. Arnar mun fjalla
um gengi krónunnar. Mikil um-
ræða hefur verið um gengismál
síðustu vikur og sitt sýnist hverj-
um um styrk krónunnar. Talsvert
hefur verið um yfirlýsingar hags-
munaaðila um að gengið sé of hátt
skráð. Fjallað verður um stöðu
krónunnar, sérstaklega með tilliti
til raungengis og samkeppnis-
hæfni íslenskra fyrirtækja. Arnar
fjallar einnig um viðbrögð fyrir-
tækja við raungengishækkun
krónunnar og gengishorfur í ljósi
álvers- og virkjunarframkvæmda.
Katrín mun ræða stöðu og horfur
í efnahagsmálum t.d. um aukið at-
vinnuleysi og hversu alvarlegt það
er. Katrín mun einnig fjalla um
áhrif stóriðjuframkvæmda og
mótvægisaðgerðir vegna þeirra.
Jónas mun fara yfir þróun og
horfur á innlendum skuldabréfa-
markaði. Ávöxtun
skuldabréfa hefur ver-
ið mjög góð síðustu tvö
árin og velt er upp
þeirri spurningu hvort
útlit sé fyrir framhald
þar á. Í því tilliti verður einkum
farið inn á áhrif aðgerða Seðla-
bankans í peningamálum og einn-
ig áhrif ríkisfjármála á væntingar
markaðsaðila.“
– Þú ætlar að tala um þróun
hlutabréfa, geturðu farið aðeins
inn í inntak þíns erindis, sagt okk-
ur nánar frá því?
„Erindi mitt fjallar um innlend-
an hlutabréfamarkað. Í því lít ég
fyrst 10 ár aftur í tímann en þar
sést að ávöxtun innlendra hluta-
bréfa hefur verið allgóð saman-
borið við aðra hlutabréfamarkaði.
Spurningin er hins vegar hvort
við getum búist við sams konar
ávöxtun innlendra hlutabréfa
næstu tíu ár. Það fer m.a. eftir
hvernig hlutabréfin eru verðlögð.
Skemmst er að minnast mikilla
hækkana á hlutabréfum á tíunda
áratugnum en síðan höfum við
horft upp á mikla leiðréttingu á
verði hlutabréfa.
Þessara áhrifa gætti einnig hér
á Íslandi og við höfum séð mjög
háar ávöxtunartölur í hlutabréf-
um, t.a.m. hækkuðu innlend
hlutabréf um 50% í verði árin
1996–1999. Leiðrétting á verði
hlutabréfa átti sér einnig stað hér
en þó ekki af sömu rótum og gerð-
ist erlendis. Að lokum met ég
hvernig hlutabréfamarkaðurinn
er verðlagður í dag miðað við
væntingar um vöxt hagnaðar á
komandi árum.“
– Á heildina litið, horfur í efna-
hagsmálum, þróun hlutabréfa,
þróun skuldabréfa og gengi krón-
unnar ... hvernig er ástandið og
eru horfur bjartar eða dökkar?
„Í stuttu máli tel ég að þrátt
fyrir núverandi slaka í efnahags-
lífi þjóðarinnar séu horfur góðar.
Verðbólga hefur minnkað, vextir
lækkað og við horfum fram á
mikla fjárfestingu á
næstu árum. Þetta
verður þó ekki eintóm
hamingja því til að
dempa neikvæð áhrif á
þessari miklu fjárfest-
ingu er mikilvægt að mótvægisað-
gerðir í peninga- og efnahagsmál-
um verði virkar.“
– Fyrir hverja er þessi morg-
unverðarfundur?
„Þessi morgunverðarfundur er
opinn öllum sem vilja mæta. Það
þarf einungis að skrá sig með
pósti á rannsoknir@landsbanki.-
is. Við vonumst til að sjá sem
flesta.“
Ársæll Valfells
Ársæll Valfells er fæddur 30.
desember 1972. Lauk M.Sc. prófi
úr London School of Economics
og Political Science (LSE) árið
2001 með áherslu á greiningu og
stjórnun upplýsingakerfa. Lauk
einnig M.Sc. í stjórnmálaheim-
speki úr LSE árið 2000. Hann er
og með B.Sc. í viðskiptafræði á
fjármálasviði frá HÍ. Verð-
bréfamiðlari 1997–1998, stunda-
kennari í Viðskipta- og hag-
fræðideild HÍ 1998, í
sérverkefnum fyrir Landsbanka
Íslands 1999–2000 og deild-
arstjóri greiningardeildar bank-
ans frá 2002. Í sambúð með
Helgu Gerði Magnúsdóttur
hönnuði.
… þetta verð-
ur þó ekki ein-
tóm hamingja