Morgunblaðið - 18.02.2003, Blaðsíða 42
DAGBÓK
42 ÞRIÐJUDAGUR 18. FEBRÚAR 2003 MORGUNBLAÐIÐ
MORGUNBLAÐIÐ, Kringlunni 1, 103 Reykjavík. SÍM-
AR: Skiptiborð: 569 1100. Auglýsingar: 569 1111.
Áskriftir: 569 1122. SÍMBRÉF: Ritstjórn: 569 1329,
fréttir 569 1181, íþróttir 569 1156, sérblöð 569 1222, aug-
lýsingar 569 1110, skrifstofa 568 1811, gjaldkeri 569 1115.
NETFANG: RITSTJ@MBL.IS, / Áskriftargjald 2.100
kr. á mánuði innanlands. Í lausasölu 190 kr. eintakið.
Skipin
Reykjavíkurhöfn:
Baltimar Notos og
Goðafoss koma í dag.
Bremon fer í dag.
Fréttir
Mæðrastyrksnefnd
Kópavogs, Hamraborg
20a. Fataúthlutun
þriðjudaga kl. 17–18.
Mannamót
Aflagrandi 40. Kl. 9
bað, vinnustofa, leirlist
og jóga, kl. 10 og kl. 11
enska, kl. 11 dans, kl.
13 vinnustofa og
postulínsmálun, kl. 14
söngstund.
Árskógar 4. Kl. 9–12
bað og opin handa-
vinnustofa, kl. 9–12.30
bókband og öskjugerð,
kl. 9.30 dans, kl. 10.30
leikfimi, kl. 13–16.30
opnar handavinnu- og
smíðastofur.
Bólstaðarhlíð 43. Kl.
8–13 hárgreiðsla, kl.
8.30–14.30 bað, kl. 9–
9.45 leikfimi, kl. 9–16
handavinna, kl. 9–12
tréskurður, kl. 9–17
fótaaðgerð, kl. 10–
11.30 sund, kl. 13–16
leirlist, kl. 14–15 dans.
Félagsstarfið, Dal-
braut 18–20. Kl. 9 hár-
greiðsla og bað, kl. 10
samverustund, kl. 14
félagsvist.
Félagsstarfið Dal-
braut 27. Kl. 8–16 opin
handavinnustofan, kl.
9–16 vefnaður, kl. 10–
13 opin verslunin, kl.
13.30 myndband.
Félagsstarfið, Hæðar-
garði 31. Kl. 9–16.30
opin vinnustofa, tré-
skurður, kl. 10–11 leik-
fimi, kl. 12.40 versl-
unarferð í Bónus, kl.
13.15–13.45 bókabíll-
inn.
Korpúlfar, Grafar-
vogi, samtök eldri
borgara. Vatnsleikfimi
er í Grafarvogslaug á
þriðjudögum kl. 9.45.
Félagsstarfið, Löngu-
hlíð 3. Kl. 8 bað, kl. 10
hárgreiðsla, kl. 11 leik-
fimi, kl. 13 föndur og
handavinna.
Félag eldri borgara í
Hafnarfirði, Hraunseli,
Brids, saumur og pútt
kl. 13.30.
Félag eldri borgara,
Reykjavík, Ásgarði.
Þriðjud: Skák kl. 13,
alkort spilað kl. 13.30.
Miðvikud: Göngu-
Hrólfar ganga frá Ás-
garði kl. 10.
Gerðuberg, félags-
starf. Kl. 9–16.30
vinnustofur opnar kl.
13. boccia.
Gjábakki, Fannborg 8.
Kl. 9.05 og kl. 9.50
leikfimi, kl. 9.30 silki-
málun, handavinnu-
stofan opin, kl. 14
boccia og ganga.
Gullsmári, Gullsmára
13. Kl. 9.15 postulíns-
málun, kl. 10 ganga, kl.
13–16 opin handa-
vinnustofan, kl. 19
gömlu dansarnir, kl. 17
línudans.
Hraunbær 105. Kl. 9
posutlínsmálun og
glerskurður, kl. 10
boccia, kl. 11 leikfimi,
kl. 12.15 verslunarferð,
kl. 13 myndlist og hár-
greiðsla.
Hvassaleiti 56–58. Kl.
9 boccia, kl. 13 handa-
vinna, kl. 13.30 helgi-
stund, kl. 14.15 og kl.
15 spænska.
Norðurbrún 1. Kl. 9–
16.45 opin vinnustofa
og tréskurður, kl. 10–
11 boccia, kl. 9–17 hár-
greiðsla.
Vesturgata 7. Kl. 9–16
fótaaðgerð og hár-
greiðsla, kl. 9.15–16
bútasaumur og postu-
línsmálun. kl. 9.15–
15.30 handavinna.
Vitatorg. Kl. 8.45
smíði, kl. 9 hár-
greiðsla, kl. 9.30 gler-
skurður og morgun-
stund, kl. 10 leikfimi
og fótaaðgerð, kl. 13
handmennt og postu-
línsmálning, kl. 14 fé-
lagsvist.
Bridsdeild FEBK, Gjá-
bakka. Brids í kvöld
kl. 19.
Félag áhugamanna
um íþróttir aldraðra.
Leikfimi í Bláa salnum
kl. 11.
ÍAK, Íþróttafélag aldr-
aðra í Kópavogi. Leik-
fimi kl. 11.15 í Digra-
neskirkju.
Félag ábyrgra feðra.
Fundur í Shell-húsinu,
Skerjafirði, á mið-
vikudögum kl. 20,
svarað í s. 552 6644 á
fundartíma.
Sjálfsbjörg, félag fatl-
aðra á höfuðborg-
arsvæðinu, Hátúni 12.
Kl. 20 bingó.
Íslenska bútasaums-
félagið Fundur 18.
feb. kl. 20 í safn-
aðarheimili Háteigs-
kirkju. Munið 20x20
vetrarliti og 5+5. Nýir
félagar velkomnir.
Kvenfélagið Seltjörn.
Aðalfundurinn verður í
safnaðarstofu Seltjarn-
arneskirkju miðvikud.
19. febrúar kl. 20.30.
Venjuleg aðalfund-
arstörf. Spilað bingó,
kaffiveitingar.
Tómstundastarf eldri
borgara í Reykjanes-
bæ, eftirtalin námskeið
eru í boði á vorönn ef
næg þátttaka fæst, út-
skurður, myndmennt
(vatnslitamálun), út-
saumur (harðangur og
klaustur), bútasaumur.
Skráning í síma
861 2085.
Í dag er þriðjudagur 18. febrúar,
49. dagur ársins 2003. Orð dags-
ins: Guð vonarinnar fylli yður öll-
um fögnuði og friði í trúnni, svo að
þér séuð auðugir að voninni í
krafti heilags anda.
(Róm. 15, 13.)
Samkvæmt niður-stöðum skoðanakönn-
unar Félagsvísindastofn-
unar, sem birtust í
Morgunblaðinu á sunnu-
daginn, er staða Sam-
fylkingarinnar og Sjálf-
stæðisflokksins í
Reykjavík svo sterk að
hugsanlegt er að flokk-
arnir tveir skipti á milli
sín öllum þingmönnum
Reykjavíkur og ekkert
verði afgangs fyrir
Framsóknarflokkinn og
VG.
Björn Bjarnason, þing-maður Sjálfstæð-
isflokksins, sagði í pistli
á vef sínum um helgina:
„Þegar litið er á nið-
urstöðu könnunar Fé-
lagsvísindastofnunar
varðandi fylgið í Reykja-
vík, er augljóst, að miðað
við borgarstjórnarkosn-
ingarnar síðastliðið vor
nær Samfylkingin að
höfða til kjósenda Fram-
sóknarflokksins og
vinstrigrænna með sama
hætti og um R-listann
væri að ræða. Stóra
spurningin í Reykjavík
er sú, hvað framsókn-
armenn og vinstri/
grænir ætla að gera til
að fá flokksmenn sína til
að hætta að styðja Sam-
fylkinguna, þar sem
vinstri menn gera greini-
lega ekki mun á henni og
R-listanum.“
Þetta er athyglisverðspurning. Sér-
staklega meðal fram-
sóknarmanna í Reykjavík
hafa þær raddir heyrzt
undanfarin ár að vegna
R-listasamstarfsins fengi
Framsóknarflokkurinn
og starf hans í borginni
litla athygli, sem hætta
væri á að bitnaði á hon-
um í kosningum til Al-
þingis.
Í Morgunblaðinu 30.
júní 2000 sagði Halldór
Ásgrímsson, formaður
flokksins: „Þetta sam-
starf hefur gengið vel ...
Hins vegar er okkur það
ljóst í flokknum að við
höfum ekki notið þess
eins og við teldum eðli-
legt. Það tengist því að
sjálfsögðu að starfið fer
ekki fram í nægilega
miklum mæli í nafni
flokksins en það gerir
það þó ekki heldur að því
er varðar aðra flokka.“
Í sama samtali sagði
Halldór að það hefði
aldrei verið sjálfgefið að
Framsóknarflokkurinn
tæki þátt í framboði
Reykjavíkurlistans. „Það
hlýtur að fara eftir því
hvernig til tekst og
hvernig menn ná saman
um framhaldið ... Fram-
sóknarflokkurinn hefur
tekið þátt í kosningum til
sveitarstjórna með ýms-
um hætti og samstarfið í
Reykjavík er ekki eins-
dæmi en almennt séð hef-
ur það verið mín skoðun
að það sé best og eðlileg-
ast fyrir Framsókn-
arflokkinn að bjóða fram
sem víðast.“
Getur verið að Fram-sóknarmenn séu nú
farnir að sjá eftir því að
hafa enn gengið í eina
sæng með Samfylking-
unni og VG í Reykjavík
fyrir síðustu borg-
arstjórnarkosningar?
STAKSTEINAR
Tveggja flokka kerfi í
Reykjavík?
Víkverji skrifar...
VÍKVERJI er lítill áhugamaðurum Júróvisjón – þá árshátíð
ófrumleikans. Hann hefur ekkert á
móti keppninni sem slíkri, tónlistin
fellur bara ekki að hans smekk. Eigi
að síður hefur Víkverji horft á
keppnina undanfarin ár, einkum fyr-
ir tilstilli barna sinna, sem vita fátt
skemmtilegra í sjónvarpi. Enda er
þetta, þegar öllu er á botninn hvolft,
heilmikil sýning.
Í þessu ljósi þurfa menn varla að
spyrja hvar Víkverji var staddur síð-
astliðið laugardagskvöld. Heima í
stofu að horfa á beina útsendingu frá
undankeppni Júróvisjón í Há-
skólabíói. Og hvað var atarna? Dag-
skrá þessi var hin besta skemmtun.
Víkverji ætlar svo sem ekki að leggja
mat á tónlistina, þótt hann sé ekki
frá því að fjölbreytnin hafi verið
meiri en við var að búast. Það var til
dæmis gaman að sjá Heiðu í Unun
og Botnleðju stíga á svið. Rótgrónar
rokkspírur.
x x x
ÞAÐ SEM gladdi Víkverja í þess-ari útsendingu var frammistaða
kynnanna, Gísla Marteins Bald-
urssonar og Loga Bergmanns Eiðs-
sonar. Þeir fóru á þvílíkum kostum
að annað eins hefur ekki sést í lang-
an tíma. Kynningar í þáttum af
þessu tagi eru að jafnaði stífar og
formlegar. Hér kvað við nýjan tón.
Tvímenningarnir losuðu um bindin
og létu allt flakka. Ekki á hverjum
degi að maður sér menn svo afslapp-
aða en um leið faglega í sjónvarpinu.
Hafi þeir þökk fyrir góða skemmtun!
Gísli Marteinn hlýtur að vera ein-
lægasti maður sem fram hefur kom-
ið í íslensku sjónvarpi. Hjá honum er
allt dásamlegt. Jákvæðum og upp-
byggilegum mönnum af þessu tagi
hættir oft við tilgerð en því fer víðs-
fjarri í tilviki Gísla Marteins. Hann
er bara svona hreinn og beinn. Mað-
urinn er svo kappsfullur og glaður að
fólk getur ekki annað en hrifist með.
Að ekki sé talað um brennandi áhuga
hans á viðfangsefninu. Hvað sem það
er. Þekkingu hans á sögu Júróvisjón
er til að mynda ekki ábótavant.
x x x
LOGI gaf félaga sínum ekkert eftirí téðri útsendingu. Hann hefur
verið í essinu sínu sem spyrill í
spurningaþáttunum Gettu betur! á
liðnum árum en hér sýndi hann í eitt
skipti fyrir öll að hann er jafnvígur á
gaman og alvöru. Skemmtilega kím-
inn, þegar sá gállinn er á honum.
En þarna í Háskólabíói var sum sé
keppt um framlag Íslands í Júró-
visjón og þegar úrslit voru kunn
brutust út mikil fagnaðarlæti í híbýl-
um Víkverja enda flytjandi sig-
urlagsins, Birgitta Haukdal, í mikl-
um metum á heimilinu. Þannig sagði
sex ára gömul dóttirin þegar spenn-
an var sem mest: „Pabbi, ef Birgitta
vinnur ekki fer ég að gráta!“ Ekki
kom til þess.
Morgunblaðið/Kristinn
Logi og Gísli Marteinn:
Frábær tilþrif.
Kyolic-hvítlaukur
MIG langar að koma á
framfæri til ykkar upplýs-
ingum um mátt Kyolic-hvít-
lauks. Hann hefur reynst
mér svo vel að ég vil miðla
öðrum af þeirri reynslu.
Saga mín er sú að ég er með
alltof háa blóðfitu sem gekk
illa fyrir mig að minnka,
mér var bent á að Kyolic-
hvítlaukur væri góður við
svona sjúkdómi. Ég var nú
ekki trúuð á þetta, en hugs-
aði með mér að ég hefði
engu að tapa. Ég fór að taka
Kyolic-hvítlauk. En viti
menn, blóðfitan hækkaði og
var hækkun næstu tvo mán-
uði, mér leist ekki á þetta.
Ég fór að lesa mér betur til
um Kyolic-hvítlauk og sá að
ég var á réttri leið og hélt
áfram. Það sem skeður
fyrstu þrjá mánuðina er að
Kyolic-hvítlaukur veldur því
að fituútfellingar losna úr
vefjum og fitan berst út í
blóðrás og því kom þessi
aukning á blóðfitu fram í
fyrstu. Ef Kyolic-hvítlauks
er neytt áfram sundrast um-
framfita líkamans er fram
líða stundir og hún losnar úr
líkmanum. Ég er búin að
taka Kyolic-hvítlauk inn í
fimm mánuði og blóðfitan fer
minnkandi, einnig styrkir
hann ofnæmiskerfið og
margt fleira. Kæru lesendur,
ég vona að Kyolic-hvítlaukur
geri ykkur eins gott og mér.
Þegar eitthvað gerir manni
gott þá getur maður ekki
annað en sagt öðrum frá.
G.G.
Til íhugunar
Í SÍÐARI heimsstyrjöld-
inni háðu Bretar, Banda-
ríkjamenn og síðar Rússar
varnarstríð á móti öxulveld-
um hins illa. Það var Hitler.
Honum tókst að múgsefja
alla þýsku þjóðina. Eftir allt
það góða sem hann hafði
gert gerbreyttist hann. Ég
er sá sem kemur, sér og
sigrar. Þetta minnir á Neró,
sem spilaði á fiðlu meðan
Rómaborg brann.
Nú er ég engu nær um
það hvor hefur meiri sann-
færingarkraft í röddinni,
Saddam Hussein eða mister
Bush. Eitt er víst, það hefur
komið beiðni frá Palestínu
til ríkisstjórnar Íslands.
Verið ekki þátttakendur í
árásarstríði á þjóð sem aldr-
ei hefur gert nokkurn skap-
aðan hlut á yðar þjóð.
Guðrún Jacobsen,
Bergstaðastræti 34, R.
Stubba-plakat
ER einhver sem getur gefið
upplýsingar
um hvar
hægt sé að fá
plakat með
Stubbunum
(Teletubb-
ies)? Þeir
sem gætu liðsinnt mér vin-
samlega hafi samband í
síma 588-8007 eða 8991864.
Guðbjörg.
Tapað/fundið
Grár Nokia týndist
GRÁR Nokia (3220 held ég)
allur útkrotaður á bakhlið-
inni týndist í Hlíðunum eða
nágrenni helgina 1.–2. febr-
úar. Finnandi vinsamlegast
hringi í síma 863 3947.
VELVAKANDI
Svarað í síma 569 1100 frá 10-12 og 13-15 Netfang velvakandi@mbl.is
LÁRÉTT
1 óhreint vatn, 4 kústur,
7 svali, 8 heift, 9 gera
gælur við, 11 myrkur,
13 vegur, 14 æsir, 15
óútsprunginn knappur,
17 mjög góð, 20 ól, 22
púsluspil, 23 útgjöld, 24
baula, 25 áma.
LÓÐRÉTT
1 pestin, 2 frí, 3 mjó
spýta, 4 færa í letur, 5
bolflík, 6 rétta við, 10
tuldra, 12 ber, 13 hvítleit,
15 bolur, 16 rúlluðum, 18
andvarinn, 19 sjúga, 20
drepa, 21 rúmgott.
LAUSN SÍÐUSTU KROSSGÁTU
Lárétt: 1 þarfaþing, 8 stælt, 9 ríkur, 10 tól, 11 apana, 13
unnum, 15 smána, 18 stáls, 21 fok, 22 svart, 23 reist, 24
samningur.
Lóðrétt: 2 afæta, 3 fatta, 4 þyrlu, 5 nakin, 6 assa, 7
gröm, 12 nón, 14 net, 15 sess, 16 álana, 17 aftan, 18
skrín, 19 álitu, 20 sótt.
Krossgáta
1
7
11
15
22
24
12
14
3
9
20
10
4
8
21
23
25
13
17
5
18
6
19
2
16
HVAÐ verður um millj-
arðana sem ríkisstjórnin
ætlar að dæla út í vega-
kerfið á næstunni? Menn
hafa verið að velta sér upp
úr því að þeir nýtist ein-
göngu atvinnulausum
karlmönnum. Það má svo
sem vera.
Þessir karlmenn sem fá
vinnu út á malbiksmillj-
arðana fá jú einhver laun,
sem þeir hefðu e.t.v. ekki
fengið ella. Það má ætla að
þeir hagi sér ekkert öðru-
vísi en hver annar Íslend-
ingur, þeir koma örugg-
lega til með að eyða
þessum peningum í eitt-
hvað, versla, ferðast og
njóta lífsins á einhvern
máta. Hvað þýðir það?
Einhverjir aðrir njóta
góðs af, t.d. fólk í versl-
unar- og þjónustugeir-
anum, hvaða fólk er þar?
Eru það ekki oftar en ekki
konur? Konur sem hefðu
misst vinnuna, ef vega-
vinnukarlarnir hefðu ekki
fengið aukasporslur til að
eyða.
Sumir halda því fram að
betra hefði verið að veita
styrki til austurs og vest-
urs, til illra staddra fyr-
irtækja. Hverjir kannast
ekki við sögur úr fortíð-
inni, þegar forstjórar illa
rekinna fyrirtækja nýttu
byggðastyrki fyrst í sína
þágu, keyptu sér nýja bíla,
bústaði eða skruppu til út-
landa? Vilja menn heyra
nýjar sögur af því tagi?
Þessir milljarðar eiga
eftir að rúlla eins og snjó-
bolti í gegnum allt hag-
kerfið, vaxa þar og dafna,
öllum stéttum til góðs.
Vegavinnukarlarnir njóta
þeirra e.t.v. styst og
minnst, er það ekki alltaf
svo að „fáir njóta eldanna
sem fyrstir kveikja þá“.
(Dav. Stef.).
Ég held að menn ættu
því að fagna þeirri víta-
mínsprautu sem rík-
isstjórnin dælir úr út í
hagkerfið.
Lifið heil,
Lárus Ástvaldsson.
Malbiksmilljarðarnir