Morgunblaðið - 18.02.2003, Blaðsíða 23

LISTIR
MORGUNBLAÐIÐ ÞRIÐJUDAGUR 18. FEBRÚAR 2003 23
BJARNI Haukur Þórsson og félagar
hans hafa á undanförnum tveimur
árum gert víðreist með leiksýn-
inguna Hellisbúann. Sýningin hefur
verið sviðsett um öll Norðurlöndin
af fyrirtæki þeirra Bjarna Hauks,
Árna Þórs Vigfússonar og Kristjáns
Ra, 3Sagas Entertainment, og hefur
slegið í gegn þar sem hér; þekktir
gamanleikarar Svía, Norðmanna,
Dana – og í haust Finna – hafa farið
með hlutverk Hellisbúans þarlend-
um til skemmtunar.
Tvö ár eru liðin síðan Bjarni
Haukur hætti að leika Hellisbúann á
sviði Óperunnar í Gamla bíói. Sýn-
ingarnar voru þá orðnar 230 talsins
og áhorfendur 85 þúsund. Líklega
verður það aðsóknarmet seint slegið
hlutfallslega, hvort heldur er á inn-
lenda vísu eða alþjóðlega, að sögn
aðstandenda.
Bjarni Haukur ætlar að taka fram
búninginn í tilefni fimm ára afmæl-
isins eða eins og hann orðar það
sjálfur, „einni sjónvarpsstöð og al-
þjóðlegu framleiðslufyrirtæki síð-
ar!“ Ráðgerðar eru fimm sýningar í
Íslensku óperunni af þessu tilefni í
lok febrúar og telur Bjarni Haukur
ólíklegt að sýningarnar verði fleiri.
„Þetta er mest til gamans gert, en
reyndar hætti ég að leika sýninguna
fyrir fullu húsi einfaldlega vegna
þess að ég var búinn að fá alveg
nóg.“
Fyrirtæki þeirra félaganna, 3Sag-
as Entertainment, hefur ýmis önnur
járn í eldinum auk sýninga á
Hellisbúanum á Norðurlöndunum. „Í
haust verður Hellisbúinn settur upp
í Eystrasaltslöndunum þremur, og
fljótlega í Japan, við erum að fram-
leiða sjónvarpsþáttaröð byggða á
Hellisbúanum með norskri sjón-
varpsstöð, við erum að framleiða
kvikmyndina Dís eftir samnefndri
skáldsögu, framleiðum í Þýskalandi
og á Norðurlöndunum vinsælasta
einleikinn í Bandaríkjunum í dag,
„The Male Intellect“, og setjum upp
Sellófón eftir Björk Jakobsdóttur á
Norðurlöndunum og fleira er í gangi
sem of snemmt er að nefna.“
Óhætt er að segja að þetta sé í
fyrsta sinn sem Íslendingar gera sig
gildandi á erlendri grund í þessum
geira viðskipta. „Það er mjög væn-
legt að vinna á þessu sviði, lifandi
skemmtun hvort sem hún nefnist
tónleikar, leiklist eða skemmtigarð-
ar nýtur mikilla vinsælda og er arð-
bær,“ segir Bjarni Haukur. Hann
segir að listrænt gildi þess sem gert
er ráðist að miklu leyti af því hverjir
eru valdir til samstarfs. „Við höfum
lagt áherslu á að fá þekkta og vin-
sæla gamanleikara til að leika
Hellisbúann. Í Noregi er það Sven
Nordin og í Svíþjóð Brasse Bränn-
ström. Þeir eru báðir mjög vinsælir
úr sjónvarpi og kvikmyndum. Þetta
hefur gefið góða raun,“ segir Bjarni
Haukur Þórsson.
Morgunblaðið/Sverrir
Bjarni Haukur Þórsson og Árni Þór Vigfússon ætla að setja Hellisbúann upp að nýju á fimm ára afmælinu.
Fimm ára afmæli Hellisbúans
Af stað – kennslubók í íslensku fyrir
byrjendur er komin út og var mennta-
málaráðherra, Tómasi Inga Olrich, af-
hent formlega fyrsta eintakið á dög-
unum.
Útgefandi bókarinnar er Fjölmenn-
ing ehf., en það er fyrirtæki sem sér-
hæfir sig í ráðgjöf varðandi nýbúa og
kennslu íslensku sem annars máls.
Fjölmenning ehf. er í eigu Ingibjargar
Hafstað og Birnu Arnbjörnsdóttur
sem eru helstu sérfræðingar landsins
í málefnum nýbúa.
Fjölmenning ehf. hefur flutt aðsetur
sitt á Iðntæknistofnun, í húsnæði á
Laugavegi 59, Kjörgarði.
Kennslubók
Morgunblaðið/Árni Sæberg
Ingibjörg Hafstað, forstjóri Fjölmenningar ehf., afhendir Tómasi Inga
Olrich menntamálaráðherra kennslubókina í íslensku fyrir byrjendur.
Sigríður Björk Jónsdóttir sagn- og
listfræðingur heldur fyrirlestur í
Norræna húsinu kl. 12.05–13. Erind-
ið nefnist „Borg minninganna“ og
fjallar Sigríður um Reykjavík og
hvaða hlutverk fortíð hennar og
saga hefur í borgarmynduninni og
þróun byggingarlistar út frá hug-
myndum ítalska arkitektsins Aldo
Rossi um hið „sögulega“ form og það
hvernig fortíð og sameiginlegar
minningar og reynsla íbúa móta
borgina og framtíð hennar.
Fyrirlesturinn er í hádegisfundaröð
Sagnfræðingafélags Íslands sem
haldin er í samstarfi við Borg-
arfræðasetur.
Listasafn Íslands Leiðsögn um
sýninguna Á mörkum málverksins í
fylgd Rakelar Pétursdóttur deild-
arstjóra fræðsludeildar verður kl.
12.10–12.40.
Í DAG
 Sjá einnig Staður og stund á mbl.is
Rauður snjór
heitir ljóðabók
Sigríðar Helgu
Sverrisdóttur.
Ljóð eftir hana
hafa birst í blöð-
um og bókum en
þetta er fyrsta
ljóðabók hennar.
Í bókinni eru 36
ljóð sem Sigríður Helga hefur ort á
árunum 1996–2002. Þau eru allt í
senn háalvarleg, gamansöm og
kaldhæðin. Yrkisefni sækir höf-
undur gjarnan til ástarinnar og nátt-
úrunnar.
Sigríður Helga Sverrisdóttir er
virkur félagi í Ritlistarhópi Kópa-
vogs og á ljóð í Ljósmáli og Sköp-
un, ljóðabókum sem voru gefnar út
af Ritlistarhópnum árin 1997 og
2001.
Útgefandi er Pjaxi ehf. Bókin er
52 bls. Á bókarkápu er mynd eftir
Guðrúnu Kristjánsdóttur.
Ljóð
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is