Morgunblaðið - 23.02.2003, Qupperneq 57

FÓLK Í FRÉTTUM
MORGUNBLAÐIÐ SUNNUDAGUR 23. FEBRÚAR 2003 57
Mennirnir með peningana
Steinar kemur með dæmi um af-
skipti plötufyrirtækjanna. „Þegar
plötufyrirtækið heyrði hana ákvað
það poppa hana upp. Norah þurfti
að syngja eitthvað aftur og ein-
hverju var bætt við. Ætli það sé
ekki svona helmingurinn, sem er
þarna ennþá,“ segir hann.
„Gallinn við þessi plötufyrirtæki
er sá að þau halda að þau þurfi að
vera með puttana í öllu. Þessi plata
sem við tókum upp upphaflega
fannst mér alveg snilld og við vor-
um mjög ánægð með hana á sínum
tíma. Gallinn er náttúrlega að þeg-
ar plötufyrirtækiskallarnir eru bún-
ir að fikta í þessu, setja allan þenn-
an pening í þetta og platan selst
síðan svo vel, þá er eins og það
réttlæti þetta pot hjá þeim. Þeir
taka allan heiðurinn – það var eins
gott að við tókum við stjórninni! –
segja þeir með sjálfum sér. Maður
lendir oft í þessu, að þeir þykist
þurfa að vera með puttana í gerð
platnanna frá upphafi, mennirnir
með peningana.“
Hann segir að stundum þurfi
listamaðurinn að spila með. „Norah
var ábyggilega mjög spæld yfir
þessu þangað til hún fór að fá tékk-
ana. Kosturinn fyrir hana er sá að
núna hefur hún meira að segja hjá
plötufyrirtækinu heldur en áður.
Hún gæti farið og tekið upp aðra
plötu og haft hana eins og hún
vildi. Stundum er þetta betra fyrir
listamanninn að spila með, þangað
til hann er kominn í betri stöðu.
Maður veit aldrei hvort hin útgáfan
hefði selst eitthvað minna. Þetta
snýst allt um þessar auglýsinga-
herferðir. Bransinn er bara svona.“
Eins og í útilegu
Þetta er ekki eina skiptið sem
Steinar hefur heimsótt uppsveitirn-
ar. „Það er ágætt að fara svona upp
í sveit. Ég tók líka upp plötu þarna
með hljómsveitinni Dirty Dozen
Brass Band frá New Orleans. Sú
plata var líka tekin upp í Allaire.
Þeir voru í miðju kafi að spila en
mættu á staðinn. Platan var tekin
upp á þremur dögum og hljóð-
blönduð á tveimur.“ Útkoman var
platan Medicated Magic, sem kom
út í fyrra og er Norah Jones gesta-
söngkona í einu lagi. „Þarna var
mikil stemning þar. Þetta er hálf-
partinn eins og að vera í útilegu.“
Steinar starfar að mestu í Los
Angeles. „Sérstaklega upp á síð-
kastið. Stúdíóbransinn í New York
var orðinn slæmur en 11. septem-
ber breytti miklu.“
Steinar og grafíski hönnuðurinn
og stílistinn Leslie Carole eru búin
að vera gift í níu og hálft ár. „Við
kynntumst strax tveimur eða þrem-
ur mánuðum eftir að ég kem út
þannig að við erum búin að vera
saman alveg frá 1991.“ Þau eiga
saman þriggja og hálfs árs strák,
sem heitir Sidney.
„Það er alveg meiriháttar að búa
hérna,“ segir Steinar en fjölskyldan
býr í hæðunum norðan í Holly-
wood. „Við sitjum aðeins fyrir ofan
borgina, erum uppi í hlíðinni beint í
vestur frá Hollywood-skiltinu
sjálfu,“ útskýrir Steinar skilmerki-
lega.
Þrátt fyrir að búa svo langt frá
heimalandinu reynir Steinar að
heimsækja Ísland einu sinni á ári
upp á síðkastið þrátt fyrir að öll
fjölskyldan komist ekki alltaf með.
Foreldrar hans bjuggu í Boston í
nokkur ár, rétt eftir að hann flutti
út, þannig að þá var styttra að
heimsækja þau. „Vinnan er líka
bindandi og ekki allt verkefni sem
ég hef efni á að sleppa.“
„Kosturinn við þetta djobb er að
maður er alltaf að vinna við eitt-
hvað nýtt. Það eru alltaf einhverjir
nýir að koma, ný hljómsveit eða
tónlistarmenn. Maður vinnur stans-
laust við það sem maður hefur
mestan áhuga á að gera. Það finnst
mér alveg ótrúleg heppni,“ segir
Steinar, sem getur vel hugsað sér
að gera þetta alla ævi.
Steinar er með fjórar plötur í
sigtinu og er bókaður fram í maí.
Eina þeirra ætlar hann að vinna
með kunningja sínum Joe Henry.
Steinar hefur unnið mikið með hon-
um, m.a. við plötuna Don’t Give Up
On Me með Solomon Burke en
Henry var upptökustjóri. Platan er
líka tilnefnd til Grammy-verðlauna,
sem blúsplata ársins. Gaman er að
geta þess að tónlistarfræðingar
hafa lofað bæði fyrrnefnda plötu
Burke og Come Away With Me
með Noruh Jones fyrir fádæma
mjúkan og þægilegan hljóm.
Ekki skal sagt hvort tilviljanir
elti Íslendinga á röndum umfram
aðra en á stundum sýnist heim-
urinn lítill, jafnvel í Los Angeles.
„Ég var í partíi fyrir stuttu hjá
fólki, sem ég var að kynnast, og sat
þar við stofuborð Jakobs Frímanns
Magnússonar, sem hafði arfleitt
gestgjafana að því fyrir tíu eða
fimmtán árum,“ segir Steinar.
„Þetta er lítill heimur.“
The Wallflowers – Breach. Joe Henry – Scar. Tom Waits – Blood Money.
Solomon Burke – Don’t Give Up
On Me.
Söngkonan hugljúfa Norah Jones
er dóttir tónlistarmannsins Ravi
Shankar. Plata hennar Come Away
With Me er m.a. tilnefnd sem besta
platan á Grammy-hátíðinni í kvöld.
Alls fékk platan og Norah átta til-
nefningar.
ingarun@mbl.is
TENGLAR
.....................................................
www.eightbitaudio.com
LOKADAGUR
LAGERSÖLUNNAR
2 FYRIR 1
* flú borgar fyrir d‡rari vöruna.
Opi›: Föstudag 12-18 • Laugardag 11-18 • Sunnudag 13-17
Lækjargötu
Í LÆKJARGÖTU