Morgunblaðið - 06.08.2003, Blaðsíða 2

FRÉTTIR
2 MIÐVIKUDAGUR 6. ÁGÚST 2003 MORGUNBLAÐIÐ
Samráð tryggingafélaganna
Samband íslenskra trygginga-
félaga og aðildarfélög þess brutu
samkeppnislög, m.a. með samráði
varðandi þjónustu og viðskiptakjör,
og stunduðu samkeppnishamlandi
upplýsingamiðlun, að mati Sam-
keppnisstofnunar. Tryggingafélögin
neita ásökunum um samráð.
Engar línuívilnanir í haust?
Ólíklegt er að línuívilnanir verði
teknar upp í haust að mati sjáv-
arútvegsráðherra, sem segir að
breyta þurfi lögum til að það sé
hægt. Formaður smábátafélagsins
Eldingar segist óttast að ekkert
verði af áformum um línuívilnanir í
haust, þvert á fyrirheit Sjálfstæð-
isflokks í kosningabaráttunni.
Vilja bæta flúor í gos
Framleiðendur gosdrykkja ættu
að bæta kalsíum og flúor í gosdrykki
til að vinna gegn eyðingu glerungs af
völdum súrra drykkja. Hugsanlegt
er að fólk með glerungsskemmdir á
háu stigi geti stefnt gosdrykkja-
framleiðendum, enda engar merk-
ingar á gosdrykkjum sem vara við
hættu af þeirra völdum.
Friður í Líberíu?
Fyrstu skref í átt til friðar voru
tekin í Líberíu í gær þegar stjórn-
arhermenn og uppreisnarliðar tók-
ust í hendur og föðmuðust á víglín-
unni í höfuðborginni Monróvíu.
Óljóst er hvort Charles Taylor for-
seti muni taka boði um hæli í Níger-
íu, og er hann sagður hafa sett ný
skilyrði fyrir því að leggja niður
völd.
Sprengjutilræði í Jakarta
Að minnsta kosti þrettán fórust
og á annað hundrað slösuðust er öfl-
ug bílsprengja sprakk við hótel í
Jakarta á Indónesíu í gær. Yfirvöld
segjast telja „mjög sennilegt“ að um
sjálfsmorðstilræði hafi verið að
ræða, en engin samtök höfðu í gær
lýst tilræðinu á hendur sér.
Mestu eldar í áratugi
Hitabylgjan í Evrópu hefur valdið
miklum skógareldum víða, m.a. í
Portúgal þar sem eldarnir eru hinir
mestu í áratug. Hafa ellefu látið lífið
þar af völdum eldanna. Á Spáni lét-
ust fjórir í gær af völdum mikils hita,
er fór í 41 gráðu í suðurhluta lands-
ins.

BILAÐIR HÖGGDEYFAR

SÉRSVEITIN

FORMÚLAN
MÓTORKROSS

OCTAVIA RS

NÝR OPEL ASTRA

FLATAHRAUNI 31 • HAFNARFIRÐI
SÍMI 555 6025 • www.kia.is
K IA ÍSLAND
Bílar sem borga sig!
S u ð u r l a n d s b r a u t 2 2
S í m i 5 4 0 1 5 0 0
w w w. l y s i n g . i s
LÝSING
Alhliða
lausn í
bílafjármögnun
Allt snýst um
innanrými í bílnum
Mjúk og ávöl form
einkenna Talisman
KAFFI OG HUGMYNDABÍLAR
Á CHAMPS ELYSÉES
Yf ir l i t
Í dag
Sigmund 8 Viðhorf 30
Viðskipti 14 Minningar 30/35
Erlent 15/16 Bréf 38
Höfuðborgin 17 Dagbók 40/41
Akureyri 18 Staksteinar 40
Suðurnes 19 Sport 42/45
Landið 20 Fólk 46/49
Listir 21/23 Bíó 46/49
Umræðan 24/25 Ljósvakamiðlar 50
Forystugrein 26 Veður 51
* * *
VEIÐIMAÐUR var fluttur á Land-
spítalann í Fossvogi til aðhlynningar
eftir að hann missti fótanna þar sem
hann var að veiða í Soginu í landi Al-
viðru um klukkan tíu á mánudags-
kvöld.
Samkvæmt upplýsingum lögregl-
unnar á Selfossi var maðurinn hætt
kominn, enda er áin bæði köld og
djúp. Veiðifélagi mannsins fór á eftir
honum út í ána og hafði tekist að
koma honum á land er lögregla og
sjúkrabíll komu á staðinn.
Veiðimaður
hætt kominn
í Soginu
TÉKKNESK kona, sem var í rútunni
sem valt í Borgarfirði um helgina,
liggur enn á gjörgæsludeild Land-
spítala – háskólasjúkrahúss í Foss-
vogi. Að sögn læknis á vakt er henni
haldið sofandi í öndunarvél. Hún er
þó á batavegi.
Tveir aðrir tékkneskir ferðamenn,
sem einnig voru fluttir á gjörgæslu-
deildina eftir rútuslysið, hafa hins
vegar verið útskrifaðir af deildinni og
liggja nú á skurðdeild spítalans.
Í rútunni, sem rann að því er talið
er um 17 metra á hliðinni áður en hún
stöðvaðist, voru 28 tékkneskir farþeg-
ar auk tveggja leiðsögumanna. Tutt-
ugu manns voru fluttir á sjúkrahús.
Er enn í
gjörgæslu
ÞAÐ sem virðist standa á í samskiptum ríkislög-
reglustjóra og samkeppnisyfirvalda er að sam-
keppnisyfirvöld lýsi því yfir að þau telji að þessi
brot séu alvarleg, og þau telji að einstaklingar hafi
þarna bakað sér refsiábyrgð, segir Jónína Bjart-
marz, starfandi formaður allsherjarnefndar Alþing-
is.
Ef samkeppnisyfirvöld lýsa því yfir getur rík-
islögreglustjóri eða ríkissaksóknari ekki komist hjá
því að taka þá afstöðu að hefja beri lögreglurann-
sókn á ætluðum brotum einstaklinga, segir Jónína.
Þetta hafa samkeppnisyfirvöld ekki gert til þessa.
Fundað var í allsherjarnefnd Alþingis í gær að
ósk Samfylkingarinnar og var fundarefnið ein-
göngu samskipti ríkislögreglustjóra og samkeppn-
isyfirvalda.
„Það er ljóst að viðhorf Samkeppnisstofnunar er
að þeir séu ekki að rannsaka brot einstaklinga held-
ur séu þeir að rannsaka brot lögaðila,“ segir Jónína.
Fjallað var um samskipti og sjónarmið ríkislög-
reglustjóra og ríkissaksóknara annars vegar og
Samkeppnisstofnunar hins vegar á almennum nót-
um á fundi allsherjarnefndar og ekki fjallað um
rannsókn samkeppnisyfirvalda sem slíka, að sögn
Jónínu.
Á fundinn mættu auk nefndarmanna Haraldur
Johannessen ríkislögreglustjóri, Jón H.B. Snorra-
son, yfirmaður efnahagsbrotadeildar ríkislögreglu-
stjóra, Bogi Nilsson ríkissaksóknari og Ásgeir Ein-
arsson, lögfræðingur Samkeppnisstofnunar.
Lögin orðfá
Rætt var m.a. um frumkvæðisskyldu ríkislög-
reglustjóra til að hefja lögreglurannsókn. „Það er
ljóst að lögin eru mjög orðfá um þetta,“ segir Jón-
ína.
„Viðhorf ríkislögreglustjóra er það að frumkvæð-
ið að því að ríkislögreglustjóri hefji rannsókn hljóti
að koma frá Samkeppnisstofnun.“
„Ég lít þannig á að samkeppnisyfirvöld hljóti að
geta svarað þessari spurningu, hvort þeir telji þessi
brot alvarleg og með þeim hafi einstaklingar bakað
sér refsiábyrgð, og ef þeir svara henni játandi þá
hljóti ríkislögreglustjóri, eða eftir atvikum ríkissak-
sóknari, að taka ákvörðun um að hefja lögreglu-
rannsókn. En þessari spurningu er enn ósvarað.“
Jónína segir ljóst að Samkeppnisstofnun hafi lög-
sögu í eftirlitshlutverki og við rannsóknir sínar, sem
nái jafnt til einstaklinga og fyrirtækja, þótt hún hafi
ekki heimildir til að ákvarða sektir nema á hendur
lögaðilum.
Fundað í allsherjarnefnd um samskipti lögreglu og Samkeppnisstofnunar
Stendur á samkeppnisyfir-
völdum að óska eftir rannsókn
BJÖRN Bjarnason dómsmálaráð-
herra segist sammála Boga Nilssyni
ríkissaksóknara um að ekki sé unnt
að rannsaka mál samhliða á tveimur
stöðum. Bogi sagði í samtali við
Morgunblaðið í síðustu viku, vegna
umræðunnar um það hvort lögreglu-
rannsókn ætti að hefjast á þeim ásök-
unum sem fram koma í frumskýrslu
Samkeppnisstofnunar um meint sam-
ráð olíufélaganna, að það færi þvert
gegn markmiðum um skilvirkni og
hagkvæmni í rannsóknum á meintum
brotum á samkeppnislögum að tveir
aðilar, lögregla og samkeppnisyfir-
völd, rannsökuðu sama málið sam-
hliða.
„Ég er sammála ríkissaksóknara
um að ekki er unnt að rannsaka mál
samhliða á tveimur stöðum, nema sá
aðili sem hefur forræði málsins skil-
greini nákvæmlega hvað hann vill
fela öðrum og framselji síðan þann
hluta málsins á formlegan og ótví-
ræðan hátt,“ segir ráðherra.
„Ríkislögreglustjóri átti frum-
kvæði að formlegum fundi með for-
ráðamönnum Samkeppnisstofnunar
28. júlí sl. og myndaði þannig réttan
farveg fyrir samskipti embættis síns
og Samkeppnisstofnunar. Í eldri mál-
um hefur Samkeppnisstofnun sent
mál til ríkissaksóknara sem síðan hef-
ur falið lögreglu að rannsaka þau. Að
þessu leyti eru boðleiðir greiðar á
milli ríkissaksóknara og efnahags-
brotadeildar ríkislögreglustjóra, sem
kemur fram gagnvart Samkeppnis-
stofnun eftir fundinn 28. júlí.“
Ráðherra segist ennfremur telja að
ríkissaksóknari og ríkislögreglustjóri
hafi tekið rétt á þessu máli á opinber-
um vettvangi og segist vita að emb-
ætti þeirra muni bregðast skjótt við
öllum formlegum tilmælum Sam-
keppnisstofnunar.
Á vettvangi annars ráðuneytis
Ráðherra bætir því við að hann hafi
ekki kynnt sér samkeppnislögin á
sama hátt og ríkissaksóknari og geti
því ekki tekið afstöðu til þeirra efn-
isþátta sem ríkissaksóknari nefnir í
fyrrgreindu viðtali sínu við Morgun-
blaðið, sem birtist 1. ágúst sl. Björn
segir að lokum að auk þessa sé fram-
kvæmd samkeppnislaga á vettvangi
annars ráðuneytis, þ.e. viðskipta-
ráðuneytis, „og vil ég ekki fara inn á
svið þess“, segir hann.
Björn Bjarnason dómsmálaráðherra
Embættin munu
bregðast skjótt við
FRAMKVÆMDIR við Alþingis-
húsið eru í fullum gangi en verið er
að vinna við húsið bæði að innan- og
utanverðu. Jón Gestsson verkfræð-
ingur stjórnar framkvæmdunum en
að hans sögn er verkefnið á áætlun,
bæði hvað varðar tíma og kostnað.
Að utan er verið að gera við múr á
austur- og suðurhlið en inni í Al-
þingishúsinu er verið að færa for-
salinn í upprunalegt horf. Fram-
kvæmdunum mun ljúka í sept-
ember eða áður en Alþingi verður
sett.
Morgunblaðið/Þorkell
Alþingishúsið lagfært
BROTIST var inn í íbúðarhús á Sel-
fossi um helgina og miklu stolið, en
íbúarnir tilkynntu innbrotið er þeir
komu heim úr ferðalagi verslunar-
mannahelgarinnar seinnipartinn á
mánudag. Lögreglan á Selfossi seg-
ir að meðal annars hafi skartgrip-
um, myndavél, upptökuvél, tölvu og
víni verið stolið. Enginn er grun-
aður um innbrotið, en málið er í
rannsókn.
Innbrot
á Selfossi
TÆKJABILUN hjá RARIK á
Seyðisfirði olli miklum gasolíuleka
þar í gær og er talið að á milli 8 og
15 þúsund lítrar hafi lekið í sjóinn.
Sérfræðingar hjá Heilbrigðisstofu
Austurlands, HAUST, töldu
skynsamlegra að láta olíuna gufa
upp og brotna niður af sjálfu sér en
að setja bindiefni í hana þar sem sú
aðgerð myndi valda því að olían
settist á sjávarbotn og yrði lengur
að brotna niður. Slíkar aðgerðir
hefðu því getað aukið á mengunina.
Olíudæla bilaði
Olían mun hafa lekið út í kjölfar
þess að olíudæla, sem dælir olíu inn
á varaaflstöð RARIK, fór í gang fyr-
ir mistök. Þegar aflstöðin yfirfylltist
fór olían í sjóinn. Mikil stybba fylgdi
menguninni fram eftir degi, en olíu-
mengun barst um höfnina og út á
sjóinn.
Að sögn Tryggva Harðarsonar,
bæjarstjóra á Seyðisfirði, er óvíst
hvaða áhrif mengunin mun hafa á
lífríkið, en menn óttast að fuglar
muni drepast á næstunni. Vonast er
eftir að dragi úr áhrifum mengunar-
innar þegar ferjan Norræna kemur
til Seyðisfjarðar á morgun, fimmtu-
dag.
Þúsundir
lítra af
gasolíu í
sjóinn á
Seyðisfirði
♦ ♦ ♦
♦ ♦ ♦
♦ ♦ ♦
KARLMAÐUR slapp ómeiddur úr
bílveltu á sunnanverðri Fróðárheiði
í gærkvöld þegar bifreið hans rann
21 metra niður snarbratta hlíð og
valt. Lögreglan á Ólafsvík var köll-
uð út og segir varðstjóri að bílbelti
hafi skipt sköpum fyrir ökumann-
inn.
Bílbeltin
björguðu