Morgunblaðið - 06.08.2003, Blaðsíða 42

UNGLINGALANDSMÓT UMFÍ
42 MIÐVIKUDAGUR 6. ÁGÚST 2003 MORGUNBLAÐIÐ
Það var mikið líf og fjör á sjöttaUnglingalandsmóti UMFÍ
(ULM) um helgina þar sem um 1.200
börn og unglingar
kepptu í sjö íþrótta-
greinum auk þess
sem mikill fjöldi for-
eldra og aðstand-
enda barnanna lögðu leið sína vestu
og er talið að um 7.000 manns hafi
heimsótt Ísafjörð vegna mótsins.
Keppt var í frjálsíþróttum, sundi,
körfuknattleik, skák, golfi, glímu og
knattspyrnu, frá morgni til kvölds en
þá tóku við kvöldvökur og tónleikar
fyrir krakkana og ekki var annað að
sjá á börnunum en þau skemmtu sér
konunglega enda sáu þeir félagar
Simmi og Sveppi um kynningu og
náðu þeir vel til krakkanna.
Veðrið lék við mótsgesti og allt fór
einstaklega vel fram. Heimamenn
stóðu sig frábærlega við allt skipulag
og höfðu tjaldbúar á orði að sjaldan
hefðu þeir kynnst eins miklu hrein-
læti og þarna enda voru „súkkulaði-
strákarnir“ á ferðinni við hverja
snyrtiaðstöðu þrisvar á dag til að
hreinsa náðhúsin.
Þegar komið var að keppninni þá
vantaði ekki keppnisskapið í krakk-
ana, en ungmennafélagsandinn var
ekki langt undan því um leið og
keppni lauk voru allir orðnir vinir á
ný – líka þeir sem voru í hinu liðinu.
Reynslan af þessu bráðskemmti-
lega móti var bæði þroskandi og
ánægjuleg og ég ætla á næsta ULM
– það er alveg ljóst.
Ég er strax farinn að hlakka til!
Morgunblaðið/Skúli Unnar
Gular og glaðar körfuboltadömur úr Fjölni í Grafarvogi sögðu að það væri æðislega gaman að
vera á landsmóti. Guðbjörg, Sara, Lilja, Telma María, Bergdís, Ísold, Dagbjört og Hulda.
Mikið fjör var á kvöldvökun-
um eins og sést á myndinni
hér fyrir ofan. Hér til hægri
má sjá þá Jón Inga Gríms-
son úr Bolungarvík og Stein-
ar Pál Steingrímsson úr HK
fylgjast með fótboltaleik.
Þar fyrir neðan eru Haukur
Þórðarson frá Þórshöfn og
Hulda Rún Finnbogadóttir
frá Hítardal þungt hugsi í
fjöltefli við Jóhann Hjartar-
son stórmeistara. Þar fyrir
neðan eru ÍR-ingarnir Vignir
Már Lýðsson, til hægri, og
Áki Marcher Dagsson að
hita upp fyrir átök dagsins.
Foreldrar tóku virkan þátt í landsmótinu með börnum sínum. Hér eru nokkrar fjölskyldur búnar
að gefa íþróttafólkinu að borða og tími kominn fyrir foreldrana að setjast að veisluborðinu.
Fríða Brá Pálsdóttir, til hægri, og Rakel Pálmadóttir, eru báðar
fjórtán ára íþróttastúlkur úr USVS. Þær kepptu í nokkrum
greinum frjálsíþrótta og körfuknattleik að auki og höfðu því
nóg að gera alla mótsdagana. Móðir Fríðu, Ragnheiður Högna-
dóttir, fylgdist grannt með þeim stöllum.
Líf og fjör
á Ísafirði
Skúli Unnar
Sveinsson
skrifar