Morgunblaðið - 06.08.2003, Blaðsíða 25
Snyrtifræði er 12 mánaða nám ásamt 10 mánaða
starfsþjálfun á snyrtistofu.
Nám við Snyrtiskólann er lánshæft hjá LÍN.
Haustönn hefst 12. ágúst 2003
Vetrarönn hefst 10. nóvember 2003
Vorönn hefst 8. mars 2004
Nánari upplýsingar og skráning í síma 553 7900.
www.snyrtiskolinn.is
HJALLABREKKU 1, KÓPAVOGI
UMRÆÐAN
MORGUNBLAÐIÐ MIÐVIKUDAGUR 6. ÁGÚST 2003 25
Í MORGUNBLAÐINU 24. júlí
er viðtal við Berg Felixson um
sumarlokanir á leikskólum í
Reykjavík. Þar talar
hann eins og for-
eldrar leikskóla-
barna hafi haft val
um það hvort leik-
skólum væri lokað í
sumar eða ekki og
að leikskólastjórar
hafi átt að koma þeim valkosti á
framfæri við foreldra.
Ég vil meina að þetta sé ekki
rétt og vil fá að koma nokkrum at-
riðum varðandi sumarlokanirnar á
framfæri.
Í febrúar voru foreldrar beðnir
að svara könnun á leikskólunum
um það hvenær þeir vildu að leik-
skólanum yrði lokað. Hvergi kom
fram að foreldrar hefðu neinn
möguleika á að mótmæla lokun
leikskólans með þátttöku í könn-
uninni. Ekki var foreldrum heldur
gefinn kostur á að koma því á
framfæri í þessari könnun að sum-
arfrístími þeirra væri enn óákveð-
inn. Það að gera slíka könnun strax
í febrúar hlýtur að minnka fjölda
þeirra sem geta tekið þátt. Margir
vinnustaðir eru ekki búnir að
ákveða sumarfrí starfsmanna þetta
snemma. Er ekki líklegt að þeir
sem engu geta svarað um sum-
arfrístíma sinn þetta snemma
sleppi því að taka þátt? Enn frem-
ur veit ég um fólk sem svaraði ekki
könnuninni vegna þess að það var á
móti sumarlokunum og vildi sýna
mótmæli sín með því að svara ekki.
Foreldrar á Hagaborg hafa
greinilega komið skoðunum sínum
vel á framfæri við leikskólastjórann
og því var ákveðið að hafa opið þar.
En er líklegt að foreldrar barna á
Hagaborg séu einu foreldrarnir í
Reykjavík sem vilja taka frí á öðr-
um tíma en sumarlokun segir til
um? Ég vil halda því fram að leik-
skólastjórar hafi almennt ekki vilj-
að taka við þessum mótmælum frá
foreldrum eða a.m.k. ekki bent for-
eldrum á leiðir til að mótmæla,
enda er beiðnin um sumarlokun frá
þeim komin.
Af hverju láta foreldrar ekki
meira frá sér heyra? Eru það bara
örfáir einstaklingar sem hafa skoð-
un á þessu máli eða er viðkvæðið
hjá foreldrum að það sé hvort eð er
ekkert hlustað og þetta hljóti að
bjargast?
Nú í febrúar voru Börnin okkar
– samtök foreldrafélaga leikskól-
anna í Reykjavík – endurvakin.
Fyrstu mál samtakanna voru að
senda fulltrúa á fundi leikskólaráðs
og mótmæla sumarlokunum á leik-
skólunum. Því miður þóttu þau
mótmæli koma of seint og ekki var
vilji til að breyta neinu um sum-
arlokanir þetta árið. Sumarlokanir
nú í ár eru sagðar vera til prufu og
ákvörðun um framhaldið verður
tekið með hliðsjón af reynslu þessa
árs. Þess vegna er mikilvægt að
rödd foreldra heyrist núna, því
annars verður litið svo á að þeir
séu sáttir og jafnvel ánægðir með
sumarlokanir.
Börnin okkar hafa nú í vor staðið
fyrir könnun meðal foreldra leik-
skólabarna á viðhorfi þeirra til
sumarlokana. 739 foreldrar hafa
svarað þessari könnun og af þeim
eru 370 (50,1 %) mjög andvígir
sumarlokunum og 164 (22,2 %)
frekar andvígir. Af þessum 739 eru
217 (29,4 %) sem geta aðeins að
nokkru leyti og 83 (11,2 %) sem
geta að engu leyti tekið frí með
barni sínu á sumarlokunartíma. Er
það ekki of hátt hlutfall foreldra
sem getur ekki tekið frí með leik-
skólabarni sínu? Er með góðu móti
hægt að fullyrða að sumarlokanir
þjóni hagsmunum barnanna þegar
þetta mörg þeirra geta ekki varið
sumarleyfinu með foreldrum sín-
um?
Af ýmsum ástæðum var upplýs-
ingum um þessa könnun ekki dreift
á öllum leikskólunum og því hefur
aðeins hluti foreldra leikskólabarna
vitað af henni. Þeim sem vilja
leggja sitt til málanna er bent á að
enn er hægt að taka þátt á heima-
síðu samtakanna, www.borninokk-
ar.is. Í haust munu Börnin okkar
og leikskólaráð svo standa saman
að annarri könnun sem á að meta
reynsluna af sumarlokunum þetta
árið.
Í lok viðtalsins talar Bergur um
að leikskólar séu skólar og betra
þyki að loka þeim eins og öðrum
skólum. Þarna þykir mér stjórn
leikskólanna vera á villigötum. Það
hljóta allir að sjá að foreldrar
grunnskólabarna hafa almennt ekki
möguleika á að vera með börnum
sínum í sumarfríi allan þann tíma
sem skólarnir eru í fríi. Þess vegna
bjóða ýmsir aðilar, þar á meðal
Reykjavíkurborg, upp á ýmis sum-
arnámskeið og þar með auðvitað
gæslu fyrir grunnskólabörn. En
einmitt það fyrirkomulag gefur
grunnskólabörnum og foreldrum
þeirra valið um það hvenær fjöl-
skyldan fer í sumarfrí saman – val
sem algjörlega er tekið af leik-
skólabörnum og þeirra fjölskyldum.
Hvar standa atvinnurekendur í
þessu máli? Eru þeir sáttir við það
að sumarlokanir leikskólanna ráði
því hvenær starfsfólk sem á leik-
skólabörn tekur sitt sumarfrí?
Fróðlegt væri að heyra meira um
afstöðu þeirra til þessa máls. Sum-
arlokanir hafa nefnilega ekki bara
áhrif á foreldra leikskólabarna,
heldur líka á samstarfsfólk foreldr-
anna, sem fær hugsanlega ekki frí
á þeim tíma sem leikskólar eru lok-
aðir. Einnig á leikskólakenn-
aranema og starfsmenn leikskóla
sem ekki hafa unnið sér inn fullt
orlof, þeir fá ekki sumarvinnu í
leikskólum þessar fjórar vikur og
leita því hugsanlega í önnur störf.
Rök leikskólastjórnenda, sem
fóru fram á sumarlokanir, eru m.a.
þau að það sé hagur barnanna að
hafa upphaf og lok skólaárs og
betra fyrir faglegt starf í leikskól-
unum að skipuleggja það svona. Að
mínu mati eru þau rök léttvægari
en þau sjálfsögðu réttindi barnanna
að fá að verja sumarfríinu með for-
eldrum sínum.
Ég skora á alla sem málið varðar
að láta meira frá sér heyra því að
annars er hætta á að sumarlokanir
á leikskólum séu komnar til að
vera.
Sumarlokanir
leikskólanna
Eftir Guðlaugu Hrönn Jóhannsdóttur
Höfundur er kerfisfræðingur og
gjaldkeri samtakanna Börnin okkar.
verðtryggðu lífeyrissjóðsláni sem
margoft er búið að greiða upp.
Samtals greiðir hún því um 30.000
kr. á mánuði í skatta, tryggingar og
afborganir af lánum.
Þá á hún blessunin um 46.000 kr.
eftir til að kaupa, mat, lyf, lækn-
isþjónustu og aðrar helstu nauðsynj-
ar.
Það er því augljóst að konur í þess-
ari stöðu, sem ég veit að eru margar,
geta lítið sem ekkert leyft sér. Þær
eru vanmáttugar og er gert að vesl-
ast upp í sárri fátækt í ellinni. Þær
geta ekki einu sinni látið sinna eðli-
legu viðhaldi á húsnæði sínu, hvað þá
meir, svo allt grotnar niður í kring
um þær.
Þetta er náttúrulega hneisa og
skammarlegur blettur á samfélaginu.
Þetta er ekkert annað en svívirðilegt
vanþakklæti til kvennanna sem ólu
okkur upp, hrein og klár niðurlæg-
ing. Þetta getur ekki átt að vera
svona. Ég trúi því ekki að nokkur
maður vilji viðhalda þessu ástandi.
Við verðum að kippa þessu í liðinn,
strax. Sýnum mæðrum okkar og
ömmum í verki að við kunnum að
meta þær. Sýnum þeim sanngjarna
og eðlilega virðingu í ellinni. Það er
ekki beint upplífgandi fyrir þær að
upplifa sig sem hálfgerða ómaga, ein-
hverja þurfalinga sem þiggja ölmusu.
Ég skora hér með á trygging-
arfélög að veita öldruðum sérstaka
afslætti, fólki sem hefur greitt millj-
ónir í tryggingar um ævina.
Þá hvet ég yfirvöld til að hækka
ellilífeyri þeirra sem hafa tekjur und-
ir hundrað þúsund krónum á mánuði,
fella niður fasteignagjöld af eignum
aldraðra sem ekkert gefa af sér og
jafnframt að fella niður eignarskatta
af öldruðum sem eiga ekkert nema
kannski eina litla íbúð í niðurníðslu.
Ég veit að ríkisstjórnarflokkarnir
hafa lofað að fara yfir þessi mál og
létta skattbyrði aldraðra síðari hluta
kjörtímabilsins. Það getur bara verið
of seint þá. Þetta fólk þarf úrlausn á
sínum málum nú þegar.
Heiðrum mæður okkar og ömmur,
konurnar sem ólu okkur upp og
komu okkur til manns. Leyfum þeim
að halda eðlilegri og sjálfsagðri reisn
á þeim sviðum sem er á okkar valdi
að eiga við.
Fyrirgefðu, mamma, hvað þjóðfé-
lagið okkar metur þig lítils og kemur
illa fram við þig. Þú átt það ekki skil-
ið.
Höfundur er rithöfundur og fram-
kvæmdastjóri Laugarneskirkju.
Á SAMA tíma og ríkisstjórnin
jafnar stöðu kynjanna á vinnumark-
aði með jafn ótvíræðum hætti og
nýjar reglur um
fæðingarorlof segja
til um, ákveða Leik-
skólar Reykjavíkur
að veikja stöðu úti-
vinnandi foreldra
með börn á leik-
skólaaldri. Ég hélt
að aðal baráttumál okkar væri að
gera öllum börnum kleift að fá leik-
skólapláss allan daginn svo for-
eldrar gætu unnið úti. Þetta á að
vera val þannig að allir sem þurfa
eða vilja vinna eigi kost á góðri
dagvistun fyrir börnin sín og geti
valið þá þjónustu sem þeim hentar
best.
Atvinnurekendur eru almennt
umburðarlyndir gagnvart sérþörf-
um en að mörgu er að hyggja. Í
Reykjavík er því nú þannig varið að
ef þú ert með barnið þitt á borg-
arreknum leikskóla þá verður þú að
fá þitt sumarfrí í júlí og skiptir þá
engu hvort þeir sem vinna með þér
þurfa þess líka. Ef þið eruð öll með
börn á leikskólum Reykjavíkur þá
verður bara að loka vinnustaðnum!
Reykjavíkurborg hefur ákveðið
hvenær þeir sem eiga börn á leik-
skólaaldri fara í sumarfrí, sem er
ótrúleg forræðishyggja.
Áhrif sumarlokana
á leikskólum
Eftir Jórunni Frímannsdóttur
Höfundur er fulltrúi sjálfstæðis-
manna í Leikskólaráði.
Leikskólaráð leggur línurnar
Þau rök hafa heyrst fyrir sum-
arlokunum að leikskólar séu skólar
og eins og aðrir skólar og því sé
þeim lokað ákveðinn tíma á sumrin.
Aðrir skólar sem eru lokaðir á
sumrin eru fyrir eldri börn, sem
eru orðin það stór að þau geta sótt
leikjanámskeið með fullri gæslu og
jafnvel mat. Þetta þekkjum við öll
sem eigum börn á þeim aldri. Þó að
skólinn sé í fríi megnið af sumrinu
þá breytir það því ekki að foreldrar
geta valið hvenær þeir taka sitt
sumarfrí og þannig verið saman í
fríi með börnunum sínum. Það eru
engin slík námskeið eða önnur úr-
ræði í boði fyrir börn á leik-
skólaaldri, enda þau mikið yngri og
engan veginn með þroska til að tak-
ast á við nýja hluti án góðs und-
irbúnings, enda aðlögun inn á leik-
skóla að minnsta kosti vika. Litlu
börnin þurfa öryggi og stöðugleika
sem leikskólinn veitir þeim alla
jafna.
Flestir leikskólastjórar segjast
hlynntir sumarlokunum vegna þess
að faglegt starf geti verið lengur og
starfið verði ekki eins losaralegt yf-
ir sumartímann. En það eru þó ekki
allir og eru undantekningar eins og
Hagaborg glöggt dæmi um það. Á
leikskólanum sem ég þekki til var
skipulögðu starfi hætt á nákvæm-
lega sama tíma í ár og í fyrra, elstu
börnin voru útskrifuð í lok maí,
skipulögðu starfi hætt um miðjan
maí og svo framvegis. Ég gat ekki
séð muninn. Það var byrjað að taka
inn ný börn í júní og því verður svo
haldið áfram í ágúst, en þetta voru
einmitt ein rökin að starfið yrði
ekki eins losaralegt yfir sumartím-
ann. Leikskólastjórar eru ráðnir af
Leikskólum Reykjavíkur, það er
meirihluti Leikskólaráðs sem er
ábyrgur fyrir því hvaða þjónustu er
boðið uppá og það er Leikskólaráð
sem stýrir því hvernig þessum mál-
um er háttað.
Sparnaður?
Leikskólar Reykjavíkur eru fag-
legar stofnanir þar sem lagður er
mikill metnaður í starfið og við
skulum ekki gleyma því að þar er
unnið mikið og gott starf. En þetta
er einnig þjónusta, þetta er staður
þar sem foreldrar greiða háar upp-
hæðir fyrir börnin sín. Foreldrar
greiða 1⁄3 af heildarkostnaðinum en
við skattgreiðendur greiðum 2⁄3. Það
er talað um að þetta spari eitthvað,
það kann vel að vera og verður at-
hyglisvert að heyra hvað hann var
nákvæmlega mikill í sumar. Hitt
ber einnig að hafa í huga að Leik-
skólar Reykjavíkur gátu ekki tekið
inn það sumarstarfsfólk sem þeir
eru vanir og er því ekki hægt að
líta á það sem sparnað að þeir hafi
ekki verið ráðnir inn.
Foreldrar geta breytt
þessari ákvörðun
Þorlákur Björnsson, formaður
Leikskólaráðs, segir að við sjálf-
stæðismenn kjósum að líta fram hjá
því að sumarlokanirnar séu aðeins
til reynslu. Þess ber að geta að
þessi ákvörðun var tekin þrátt fyrir
að það hafi verið vitað frá fyrri
könnunum að um 65% foreldra vilja
hafa opið allt árið. Til hvers að loka
til reynslu?
Ágætu foreldrar, hafið þetta allt í
huga í haust þegar gerð verður
könnun á því hvernig það hafi kom-
ið við ykkur að lokað hafi verið á
leikskólanum hjá barninu/
börnunum ykkar í sumar. Við sjálf-
stæðismenn viljum halda málinu
opnu svo það gleymist ekki og for-
eldrum sé það ljóst að þeir eiga að
hafa síðasta orðið í þessu máli og
geta vonandi breytt þessari ákvörð-
un meirihlutans í Leikskólaráði.
Sjálfstæðismenn andvígir
frá upphafi
Sjálfstæðismenn í Leikskólaráði
hafa komið með margar tillögur og
bókanir tengdar þessu máli. Borg-
arráðsfulltrúar Sjálfstæðisflokksins
bókuðu í Borgarráði síðastliðinn
þriðjudag varðandi sumarlokanirn-
ar og hvetja þar m.a. til þess að
kannað verði hvaða áhrif þessar
sumarlokanir hafi haft á fjölskyldur
og atvinnulíf. Þar mætti einnig
spyrja hve margar af þessum vik-
um gátu foreldrar báðir verið sam-
an í fríi. Þurfti barnið að vera í
pössun hjá öðrum en foreldrum á
þessu fjögurra vikna tímabili
o.s.frv.
Í mínum huga er enginn vafi á
því að sumarlokanir Leikskóla
Reykjavíkur eru ekki í samræmi
við þá þjónustu sem leikskólar eiga
að bjóða fjölskyldum í nútíma-
samfélagi.