Morgunblaðið - 06.08.2003, Síða 9

FRÉTTIR
MORGUNBLAÐIÐ MIÐVIKUDAGUR 6. ÁGÚST 2003 9
ÁRMANN Ægir Magnússon,
stjórnarmaður í Félagi iðn- og
tæknigreina (FIT), segir að öryggis-
reglum hafi ekki verið fylgt nógu vel
við gerð nýrrar Þjórsárbrúar og að
félagið hafi farið á staðinn og gert
athugasemdir, bæði vegna vinnuað-
stöðu og almennra öryggisaðstæðna.
Vélsmiðjan Normi ehf. sér um smíði
brúarinnar.
Sævar Svavarsson, forstjóri
Norma ehf., segir að fyrirtækið hafi
lagt mjög mikið upp úr öryggi í
kringum framkvæmdina og gert
áætlanir um öryggisráðstafanir.
Hann bendir á að Vinnueftirlitið hafi
oft komið á staðinn og ef það hafi
verið með ábendingar hafi verið
gengið í að bæta þau atriði.
Telur að strengja eigi
öryggisnet undir brúna
Ármann leggur áherslu á að verk-
ið hafi staðið yfir í langan tíma, en
lítið hafi gerst í öryggismálum.
„Þetta er náttúrlega ein vatnsmesta
á landsins og í þau skipti sem ég hef
komið þarna, eru menn titrandi af
hræðslu því þetta er svo erfiður
vinnustaður. Í mínum huga á að vera
öryggisnet strengt undir brú,“ segir
hann. Hann bendir á að Vinnueft-
irlitið hafi sætt sig við milliveg og
talið nægja að hafa öryggisbelti.
„Þegar svona mannvirki eru hönnuð
og kostnaður er reiknaður, verður
að taka þessa öryggisþætti inn í,
annars eru ekki réttar forsendur.
Fyrirtækið segir að starfsmennirnir
vilji ekki nota öryggisbúnaðinn en
þeir segja annað við okkur.“ Ár-
mann telur jafnframt að það sé sam-
eiginlegur skilningur FIT og Vinnu-
eftirlitsins að Vegagerðin, sem
verkkaupi, eigi að gera kröfu um ör-
yggis- og aðbúnað.
Að sögn Ármanns hafa nokkrir
starfsmenn hætt störfum við fram-
kvæmdina vegna aðstöðunnar. Tvö
óhöpp hafa orðið á svæðinu. „Það
klemmdist fingur og svo var eitt-
hvað fall. Ef menn eru ekki í réttum
galla, með rétt tæki og eru í vinnu-
aðstöðu þar sem þeir eru óöryggir,
þá gerast slysin.“ Hann bendir auk
þess á að vinnuaðstaðan sé ekki
nógu góð, til að mynda hafi ekki ver-
ið rennandi vatn í vinnubúðunum.
„Menn sögðust ekki geta leyst þetta
nema með miklum tilfæringum, en
það er nú annað fyrirtæki sem er að
leggja vegi þarna og þeir leystu
þetta með því að setja tank upp á
einn skúrinn og setja svo vatn í hann
reglulega,“ segir hann.
Öryggismál eru
okkar hjartans mál
Sævar Svavarsson segir að örygg-
ismál í kringum Þjórsárbrú hafi ver-
ið í algerum forgrunni. Sérstök ör-
yggisnet verði lögð undir brúna um
leið og hægt verði að láta brúarbog-
ana bera það og á hann von á að það
verði á næstu dögum. „Tillögur að
öryggisneti voru ræddar á verkfundi
með Vegagerðinni, það er búið að
hanna þau og það er verið að gera
þau. Það er grunnatriði að það verði
að vera öryggisnet undir brúnni,
enda hefur það alltaf staðið til,“
leggur Sævar áherslu á.
Þegar hann er spurður út í vinnu-
aðstöðuna segir hann að tíu til tólf
menn vinni á svæðinu og þar séu tvö
klósett, en fyrirtækið hefur flutt
vatn með sér. Á staðnum séu einnig
skrifstofur og fundaraðstaða, sam-
anlagt um 150 fermetrar. „Þarna
eru öll hugsanleg tæki sem þarf að
nota og þau eru nýleg og í góðu
standi, en við tökum á móti öllum
ábendingum því öryggismál eru
okkar hjartans mál. Það er hroða-
legt ef eitthvað kemur fyrir í kring-
um það.“
Gísli Rúnar Sveinsson, umdæm-
isstjóri Vinnueftirlitsins á Suður-
landi, segir að í upphafi fram-
kvæmdar hafi ýmislegt mátt betur
fara, en þau atriði hafi lagast. Hann
segir að það sem fyrst og fremst hafi
verið ábótavant hafi verið fallvarnir.
„Við gerðum athugasemdir þegar
við fréttum af þessu, en þetta er sí-
breytilegur vinnustaður svo það þarf
að gæta sín í hverju skrefi.“
Telur öryggi ábótavant
við smíði Þjórsárbrúar
Morgunblaðið/Sigurður Jónsson
Burðarboga lokað við Þjórsá en framkvæmdir við brúna standa nú yfir.
Verktaki segir
mikið lagt upp úr
öryggi við fram-
kvæmdina
Opið virka daga frá kl. 10.00–18.00, laugardaga frá kl. 10.00–16.00.
Verðhrun
Síðasta útsöluvika
Ótrúleg tilboð
Engjateigi 5, sími 581 2141.
Laugavegi 47
S. 551 7575Laugavegi 47
S. 552 9122 Útsölulok
Föt
9.900 - 14.900 - 19.900
Allir jakkar
9.900
Allar buxur
4.500-5.900
SÍÐASTI ÚTSÖLUDAGUR LANGUR LAUGARDAGUR 9. ÁGÚST
Ath. allar breytingar innifaldar
ÚTSÖLULOK
VERÐ FRÁ 500 KRÓNUM
STÆRÐIR 38-56
Lithimnulestur
Með David Calvillo
fimmtudag og
föstudag
Lithimnulestur er gömul fræðigrein þar sem
upplýsingar um heilsufar, mataræði og
bætiefni eru lesnar úr lithimnu augans.
Á fimmtudag og föstudag mun David Calvillo
vera með lithimnulestur í Heilsubúðinni, Góð
heilsa gulli betri. Njálsgötu 1, uppl. og tímapantanir í s:561-5250.
Fyrir
flottar
konur
Bankastræti 11
sími 551 3930
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið