Morgunblaðið - 06.08.2003, Blaðsíða 38

38 MIÐVIKUDAGUR 6. ÁGÚST 2003 MORGUNBLAÐIÐ






 





   
  
  
 


 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Á SÍÐUSTU vordögum fengu tón-
listarskólarnir í Reykjavík tilkynn-
ingu frá Reykjavíkurborg þess efnis
að nám nemenda sem ekki eiga lög-
heimili í Reykjavík yrði ekki lengur
greitt niður. Nemendum var gert að
sækja um þessa greiðslu frá sínu lög-
heimilissveitarfélagi til þess að geta
fengið inngöngu í skólana og stundað
nám sitt áfram.
Svör forsvarsmanna sveitarfélag-
anna við þessum greiðslubeiðnum
eru óljós, en hallast þó flest í þá átt
að þeir muni ekki greiða niður þenn-
an kostnað fyrir aðra nemendur en
þá sem stunda nám á grunnstigum,
þ.e. á 1.–5. stigi. Nám á framhalds-
og háskólastigi komi þeim ekki við.
Það lítur því þannig út að þeir nem-
endur sem nú stunda tónlistarnám á
framhalds- og háskólastigi og ekki
búa í Reykjavík fái ekki inngöngu í
tónlistarskólana og geti ekki lokið
námi sínu. Minni sveitarfélög halda
yfirleitt eingöngu úti kennslu á
grunn- og miðstigum en tónlistar-
nám á framhalds- og háskólastigi er
að langmestu stundað í Reykjavík
þar sem líka er boðið upp á víðtæk-
ara tónlistarnám, svo sem kennara-
menntun. Allt nám á framhalds- og
háskólastigi að tónlistarnámi undan-
skildu er kostað af ríkinu. Hvers
vegna?
Verði ekkert að gert hið snarasta
er hreint og beint verið að útiloka
nemendur frá frekara námi eða
þvinga þá til að flytjast til Reykja-
víkur eða flytja lögheimili sitt þang-
að ólöglega. Burtséð frá því að
óheimilt er samkvæmt lögum að
flytja lögheimili sitt frá þeim stað
þar sem föst búseta er hefur það
ýmsa ókosti í för með sér. Foreldrar
með börn eiga á hættu að missa leik-
skólapláss, leigjendur missa húsa-
leigubætur og síðast en ekki síst eiga
unglingar undir 18 ára aldri alls ekki
kost á að flytja lögheimili sitt úr for-
eldrahúsum. Það er sérkennileg
staða að þurfa að flytja úr nágranna-
sveitarfélögum til Reykjavíkur til
þess að fá skólavist.
Hver er ábyrgð sveitarfélaganna í
þessu máli? Er virkilega hægt að
setja nemendur svona út í kuldann?
Er ekki ábyrgð menntamálaráðu-
neytis að halda menntamálum í góðu
lagi svo að uppákoma sem þessi bitni
ekki á nemendum og námi þeirra?
Hver á að standa vörð um jafnrétti
til náms? Þetta eru spurningar sem
við viljum gjarnan fá svör við.
Það er gott að höfuðborgin skuli
hingað til hafa greitt þetta millifram-
lag. Það sem nemendur eru ósáttir
við er hvernig Reykjavíkurborg
gekk í málið í vor til þess að losa sig
undan greiðslunum. Fyrirvarinn var
stuttur og málið látið bitna á nem-
endum og tónlistarskólunum. Nem-
endur hefðu auðvitað átt að fá að
stunda nám sitt óáreittir meðan mál-
in væru leyst milli Reykjavíkurborg-
ar og annarra sveitarfélaga.
Nú er stutt í að skólarnir fari að
byrja. Við þurfum að skipuleggja
veturinn en getum það ekki vegna
þess að við höfum ekki fengið nein
skýr svör. Erum við að byrja í skól-
anum eins og við sáum fyrir okkur í
vor eða ekki? Þeir sem þurfa náms-
lán hafa umsóknarfrest til 15. ágúst
og tíminn því afar naumur.
Við erum fólk sem höfum valið
okkur leið í lífinu. Við erum búin að
stunda nám okkar til margra ára og
mörg okkar eigum jafnvel aðeins eitt
ár eftir í náminu. Okkur finnst við
vera beitt misrétti og óskum eftir al-
gerri flýtimeðferð og lausn á þessu
máli. Það er framtíð okkar sem er í
húfi!
F.h. hóps tónlistarnema og for-
eldra,
MAGNEA GUNNARSDÓTTIR,
tónlistarnemi,
JÓNA FANNEY
SVAVARSDÓTTIR,
tónlistarnemi.
Nám í hættu!
Frá Magneu Gunnarsdóttur og
Jónu Fanneyju Svavarsdóttur
Á HORNI Laugavegar og Snorra-
brautar er Laugavegur 100. Sá er
þetta ritar hefir, á göngu niður
Laugaveg (frá Snorrabraut) talið
þau hús sem ekki virðast vera byggð
samkvæmt gildandi skipulags-
reglum. Niðurstöður þessara taln-
inga hafa verið 52–56 hús. Sé þetta
yfirfært á svæðið innan Hringbraut-
ar-Snorrabrautar má áætla að u.þ.b.
þriðjungur húsa á nefndu svæði
mætti að skaðlausu víkja. Á undan-
förnum árum hafa nemendur við
Iðnskólann í Hafnarfirði gert líkan
af nokkrum hluta byggðarinnar á
þessu svæði. Sést vel á þessu líkani
hversu hroðalega léleg nýtingin er á
landinu og skrýtið að þurfa að fara til
Hafnarfjarðar til að sjá vitleysuna í
Reykjavík. Annars getur skipulag
Reykjavíkur verið svolítið leyndar-
dómsfullt. Lægsta húsnúmer við
Ægissíðu er 50. Hvar áttu þá húsin
frá 1–49 að vera? Svo er annað dul-
arfullt þarna vesturfrá, það er Suð-
urgatan. Heljarmikil breiðgata sem
endar niðri í fjöru, gatan er með
álíka flutningsgetu og Miklabrautin
en ekki auðvelt að sjá hvert umferðin
á að fara. Engu er líkara en götunni
hafi verið ætlað að halda áfram yfir á
Álftanes. Þangað eru aðeins tveir
kílómetrar og yfir örgrunnt vatn að
fara. Væri þessi leið valin myndi
létta á umferð um Kringlumýrar-
braut. Á annatíma mun það taka orð-
ið upp í þrjá stundarfjórðunga að
komast milli Hafnarfjarðar og
Reykjavíkur.
GESTUR GUNNARSSON,
tæknifræðingur,
Flókagötu 8,
Reykjavík.
Skipulag
Frá Gesti Gunnarssyni