Morgunblaðið - 06.08.2003, Blaðsíða 37
FRÉTTIR
MORGUNBLAÐIÐ MIÐVIKUDAGUR 6. ÁGÚST 2003 37
Eyvindur var nú að taka þátt í Ól-
ympíukeppni í fjórða sinn, sem er
einsdæmi meðal íslenskra nemenda,
því gjarnan eru það nemendur af
seinni tveimur námsárum framhalds-
skóla sem veljast í landsliðið í stærð-
fræði. Dæmin sem nemendur glíma
við í Ólympíukeppni falla hins vegar
oftast ekki undir hefðbundið náms-
efni íslenskra framhaldsskóla, þó svo
einungis séu gjaldgeng til leikanna
ungmenni sem ekki hafa hafið nám í
háskóla. Þar af leiðir að þeir nem-
endur sem taka þátt í þessari keppni
þurfa yfirleitt á sérstökum undirbún-
ingi að halda. Á það við um íslensku
keppendurna líka. Ljóst er að án
þess að hafa fengið sérstaka leiðsögn
í greinum eins og talnafræði, fléttu-
fræði, rúmfræði og algebru, myndu
fæstir nemendur eiga erindi í svona
keppni, þar sem þeir etja kappi við
efnilegustu tilvonandi stærðfræðinga
í heiminum. Sumar þjóðir eyða jafn-
vel mörgum árum í undirbúning
nemenda sinna, og leggja mikinn
metnað í að geta sent gott lið til
keppni. Til margra ára hefur verið
áberandi hversu annars vegar Aust-
ur-Evrópuþjóðir og hins vegar Asíu-
lönd virðast hafa gott forskot á aðra.
Ólympíukeppnin er einstaklings-
keppni, en segja má að Búlgarar hafi
farið með sigur af hólmi í óformlegri
landakeppni, því samanlagður árang-
ur keppenda þeirra var bestur allra
þátttökuþjóðanna, eða 227 stig.
FERTUGUSTU og fjórðu Ólympíu-
keppninni í stærðfræði er nú lokið, en
keppnin fór að þessu sinni fram í
Tókýó. Íslendingar tóku þátt í
keppninni með fullskipað lið. Fulltrú-
ar Íslands, fimm piltar og ein stúlka,
voru þau Ásgeir Alexandersson, Ey-
vindur Ari Pálsson, Hringur Grétars-
son, Höskuldur Pétur Halldórsson,
Líney Halla Kristinsdóttir og Örn
Arnaldsson. Dómnefndarfulltrúi Ís-
lendinga var Fjóla Rún Björnsdóttir
og liðsstjóri íslenska liðsins var Frið-
rik Diego.
Fyrir keppni komu dómnefndar-
fulltrúar frá öllum þátttökulöndun-
um saman í þrjá daga og völdu sex
dæmi í sjálfa keppnina. Lokaathöfn
og verðlaunaafhending fór fram 18.
júlí eftir að unnið hafði verið að því í
þrjá daga að meta lausnir hvers og
eins. Krónprins Japans mætti til at-
hafnarinnar og flutti nemendum
hvatningarorð.
Sigurvegarar í keppninni voru
tveir Víetnamar og einn Kínverji, en
þessir þrír nemendur leystu öll dæmi
keppninnar óaðfinnanlega.
Keppir í fjórða sinn
Einn íslensku keppendanna, Ey-
vindur Ari Pálsson, hlaut bronsverð-
laun, en 210 bestu keppendunum af
þeim 457 sem tóku þátt var úthlutað
verðlaunum. Líney Halla Kristins-
dóttir fékk einnig heiðursviðurkenn-
ingu fyrir fullkomna lausn á dæmi.
Hlutu allir sex keppendur þeirra
gullverðlaun. Næstir þeim komu
Kínverjar með 211 stig, síðan Banda-
ríkjamenn með 188 stig. Íslendingar
voru í 62. sæti af 82 keppnisþjóðum.
Af Norðurlandaþjóðunum náðu
Norðmenn bestum árangri, eða 38.
sæti, en einn keppenda þeirra vann
til silfurverðlauna. Svíar náðu 48.
sæti, Finnar 55. sæti og Danir lentu í
66. sæti. Íslendingar máttu státa af
betri árangri en til að mynda Hol-
land, Sviss, Slóvenía, Portúgal og Ír-
land, og er það eflaust mikið að þakka
markvissum undirbúningi íslensku
keppendanna.
Ísland hefur tekið þátt í Ólympíu-
leikum í stærðfræði síðan árið 1985.
Hvert þátttökuland má senda allt að
sex framhaldsskólanemendur undir
tvítugu til keppninnar og hafa ís-
lenskir keppendur nú sjö sinnum
unnið til verðlauna.
Að undirbúningi og fjármögnun
fararinnar stóðu fyrst og fremst
menntamálaráðuneytið, Íslensk
erfðagreining, Háskóli Íslands og
Kennaraháskóli Íslands. Trygginga-
miðstöðin lagði íslenska liðinu til
ferðatryggingar. Nemendurnir sex,
sem komu frá Reykjavík, Kópavogi
og Akureyri, fengu styrki frá bæj-
arfélögum sínum til undirbúnings.
Ennfremur nutu þeir stuðnings fyr-
irtækjanna Íslandsbanka, Morgun-
blaðsins, Sjóvár-Almennra og Op-
inna kerfa.
Fertugasta og fjórða Ólympíukeppnin í stærðfræði
Íslendingar voru í 62.
sæti af 82 keppnisþjóðum
Fulltrúar Íslands í Ólympíukeppninni í stærðfræði sem haldin var í Tókýó voru (fremri röð frá vinstri): Eyvindur
Ari, Höskuldur, Líney og Hringur. Í aftari röð standa: Ásgeir, Fjóla Rún, Örn, Æsa leiðsögumaður og Friðrik.
Munnhörpuleikur Hér á landi er
staddur Georg Pollestad frá Nor-
egi. Georg er framarlega á sviði
munnhörpusmiða í heiminum.
Hann handsmíðar krómatískar
munnhörpur úr silfri fyrir við-
skiptavini um allan heim. Georg
kveðst selja um 4 slíkar á ári.
Meðal viðskiptavina hans eru
Tommy Reilly og Sigmund Grov-
en, frægir munnhörpuleikarar, sá
fyrri enskur en sá síðari norskur.
Þess má geta að ekki er algengt
að spilað sé á slíkt hljóðfæri á Ís-
landi. Einnig er staddur hér dótt-
ursonur Georgs, Alexander (12
ára) og hefur Georg kennt honum
að leika á hljóðfærið. Georg og Al-
exander munu leika á kaffistof-
unni í Hafnarborg í hádeginu,
klukkan 12 og 13.
Krabbamein í blöðruhálskirtli
Stuðningshópur karla sem fengið
hafa krabbamein í blöðruhálskirtil
halda mánaðarlegan rabbfund sinn
í dag, miðvikudag, kl. 17. Fund-
urinn er í húsi Krabbameins-
félagsins við Skógarhlíð 8 í
Reykjavík. Boðið verður upp á
kaffi.
Í DAG
Þjóðháttadagur í Minjasafni
Austurlands Fimmtudaginn 7.
ágúst kl. 13–17 mun Sölvi Að-
albjarnason setja upp alvöru eld-
smiðju með birkikolum og kenna
gestum og gangandi réttu hand-
brögðin. Þátttökugjald 500 kr., efni
innifalið.
Á MORGUN
Sumarskákmót Jóns Sigurðs-
sonar Haldið verður sumarskákmót
á Hrafnseyri við Arnarfjörð laug-
ardaginn 9. ágúst nk. á vegum
Hrafnseyrarnefndar og Vestfirska
forlagsins, en slíkt mót, kennt við
Jón Sigurðsson, var haldið í fyrsta
sinn sumarið 2000. Öllum er heimil
þátttaka, ungum sem öldnum, kon-
um sem körlum. Verðlaun verða
veitt þremur efstu mönnum. Teflt
verður á útipallinum við burstabæ
Jóns Sigurðssonar ef veður leyfir.
Þátttakendur þurfa að hafa með sér
töfl og skákklukkur. Þátttöku-
tilkynningar berist fyrir 8. ágúst til
Sigurðar G. Daníelssonar í síma
456 8337 eftir kl. 20 á kvöldin og veit-
ir hann einnig nánari upplýsingar.
Á NÆSTUNNI
Verslunarmanna-
helgin var fremur
tíðindalítil á lög-
gæslusvæði lögregl-
unnar í Reykjavík. Gott veður
var um helgina og mikill
straumur fólks út á land. Lög-
regla var með aukið umferðar-
eftirlit á helstu leiðum að og frá
borginni og á heildina litið gekk
umferðin vel fyrir sig. Nokkuð
var um kvartanir vegna fólks
sem svaf ölvunarsvefni eða var
áberandi ölvað á almannafæri
og eins voru framin á annan tug
innbrota í hús og bíla.
Tilkynnt var um 23 umferð-
aróhöpp um helgina. Einhverjir
kenndu sér eymsla en ekki er
vitað til þess að alvarleg slys
hafi orðið á fólki. Tíu ökumenn
voru grunaðir um ölvun við
akstur og 38 voru teknir fyrir of
hraðan akstur. Ástand öku-
manna og ökutækja var almennt
gott en nokkrir ökumenn fengu
tiltal þar sem þeir sáu ekki
nógu vel aftur fyrir sig vegna
tengivagna. Þeim var gert að
kaupa spegla eða snúa við í bæ-
inn. Um miðjan dag á föstudag
tók ökumaður sem ók vestur
Grandaveg of krappa beygju
með þeim afleiðingum að bif-
reiðin fór upp á gangstétt og
hafnaði á vegg húss við Fram-
nesveg. Ökumaður var einn í
bílnum og kenndi hann sér
eymsla í hálsi, baki og vinstri
hendi. Óverulegt tjón varð á
húsinu. Stuttu seinna ók öku-
maður á ljósastaur og girðingu
við Njarðargötu og var fluttur á
slysadeild með áverka á höfði og
hálsi. Í kjölfar þess var gatna-
mótunum lokað og við það ók
annar ökumaður niður akgreina-
merki á umferðareyju við slys-
stað. Eitt óhappið til varð síðan
þegar ökumaður ók bifreið sinni
á grjót við Engjasel um svipað
leyti og þar sat bíllinn fastur.
Ökumaðurinn er grunaður um
ölvun við akstur.
Sjö í einum fólksbíl
Á sunnudagskvöld var bifreið
stöðvuð á Breiðholtsbraut. Í bif-
reiðinni voru sjö farþegar eða
tveimur farþegum of mikið. Þar
af voru tvö þriggja ára börn
ekki í öryggisbelti.
Á föstudagsmorgun var til-
kynnt um skútu sem væri að
stranda í höfninni við Bakkavör.
Þegar málið var athugað kom í
ljós að þarna voru þýskir ferða-
langar á ferð sem höfðu fengið
eitthvað í skrúfu bátsins og voru
að bíða eftir fjöru til að geta
hreinsað úr henni. Að öðru leyti
amaði ekkert að þeim.
Um hádegi á föstudag sóttu
tveir ríkisborgarar Hvíta-Rúss-
lands um hæli á Íslandi og á
svipuðum tíma var tilkynnt um
þjófnað á mælitækjum sem
staðsett voru við borholu í Blá-
fjöllum.
Síðdegis á föstudag var lög-
regla kölluð til vegna ágreinings
hundaeigenda á hundaútivistar-
svæðinu á Geirsnesi. Hundaeig-
andi ásakaði annan um að hafa
ekið viljandi á hundinn sinn en
sá síðarnefndi neitaði sök.
Seinna um kvöldið tilkynnti
maður um þjófnað á bifreið en
þegar farið var að skoða málið
kom í ljós að ágreiningur var
um eignarhald á bifreiðinni. Við
leit í bifreiðinni fundust fíkni-
efni og áhöld til neyslu þeirra
og voru tveir menn teknir til yf-
irheyrslu vegna þessa.
Flugeldasýning í afmælinu
Rétt eftir miðnætti á föstu-
dagskvöld var tilkynnt að verið
væri að sprengja flugelda í Ár-
bæjarhverfinu. Rætt var við
húsráðanda sem fyrir spreng-
ingunum stóð en hann var að
fagna fertugsafmæli sínu. Fleiri
tilkynningar bárust um helgina
þar sem kvartað var undan há-
vaða vegna flugelda og er því
við hæfi að ítreka að meðferð
skotelda er bönnuð á þessum
tíma árs nema að fengnum til-
skildum leyfum.
Ekki fóru allir í útilegur út á
land þessa helgina. Á laugar-
dagsnótt fékk lögreglan veður
af því að nokkur ungmenni
hefðu tjaldað á hringtorginu við
Hagatorg og sætu þar við
drykkju. Lögreglan fór á stað-
inn og vísaði ungmennunum í
burtu.
Á laugardagsmorgun var
hringt frá safni í miðborginni og
óskað aðstoðar við að ná niður
torkennilegum fána sem dreg-
inn hafði verið að húni við safnið
um nóttina. Kalla þurfti til að-
stoðar slökkviliðs til að ná fán-
anum niður. Á laugardagskvöld
var tilkynntur þjófnaður frá
mingjagripaverslun í miðbæn-
um. Stolið var risastórri tusku-
brúðu sem lítur út eins og lundi.
Lundinn er u.þ.b. 160 cm að
hæð og mjög þungur. Svipast
var um í nærliggjandi hverfum
en án árangurs. Brúðan hefur
ekki komið í leitirnar.
Um fjögurleytið á sunnudags-
morgun var maður skallaður
fyrir utan bar í miðborginni.
Stuttu seinna var annar nef-
brotinn í átökum út af jakka og
voru þeir báðir fluttir á slysa-
deild. Skemmdarverk voru unn-
in í verslunarmiðstöð í austur-
borginni á sunnudagskvöld.
Málningu var hellt niður framan
við húsið. Lögregla telur sig
hafa vísbendingar um hver þar
var að verki.
Eftir miðnætti á sunnudags-
kvöld fór lögregla í húsleit í
vesturbænum. Í ljós kom að í
íbúðinni fór fram ræktun á
kannabisplöntum og var lagt
hald á 33 kannabisplöntur og 4
lampa. Á mánudagsmorgun til-
kynnti sundlaugarvörður í einni
af sundlaugum borgarinnar að
einn viðskiptavina laugarinnar
hefði fundið hvítt duft í poka.
Duftið reyndist vera fæðubót-
arefni og var því fargað.
Um hádegi á mánudag bað
þýska sendiráðið um að grennsl-
ast yrði fyrir um þýskan ferða-
mann sem væri á ferðalagi um
hálendið. Lögreglan hófst strax
handa við að hafa upp á mann-
inum. Í gærmorgun hafði hann
sett sig í samband við fjölskyldu
sína og var því frekari leit
óþörf.
Síðdegis á mánudag var til-
kynnt að eldur logaði við Egils-
höllina í Grafarvogi. Lögregla
náði að slökkva eld í timbur-
stæðu og var slökkviliði vísað
frá.
Á mánudagskvöld var kvartað
undan tónlistarhávaða úr íbúð í
miðborginni. Að sögn tilkynn-
anda hafði sama lagið verið spil-
að samfleytt í 24 klukkustundir.
Reynt var að ná sambandi við
húsráðanda en án árangurs.
Úr dagbók lögreglu
verslunarmannahelgina 1.–5. ágúst
Í útilegu á
hringtorginu
við Hagatorg
Stíflisdalur en ekki Stífludalur
Í frétt í Morgunblaðinu í gær um
flugvél sem nauðlenti á Kjósar-
skarðsvegi er rangt farið með nafn á
tveimur örnefnum. Vélin nauðlenti
við Stíflisdalsvatn (ekki Stífludals-
vatn). Auk þess er í fréttinni talað
um Stífludal, en á að vera Stíflisdal.
LEIÐRÉTT
♦ ♦ ♦