Morgunblaðið - 06.08.2003, Blaðsíða 5

FRÉTTIR
MORGUNBLAÐIÐ MIÐVIKUDAGUR 6. ÁGÚST 2003 5
Léttkaupsútborgun 1.980 kr.
1.000 kr. á mán. í 12 mán.
13.980,-
Sony Ericsson
T310
Njóttu fless a› vera áhyggjulaus í sumar og ná›u
flér í flínar valmyndir undir Fréttir og uppl‡singar
á vit.is. fiú getur m.a. fylgst me› fréttum á mbl.is og
visir.is og leita› í símaskránni – flegar flér hentar.
fiú getur einnig skrá› flig í áskrift á vit.is. Fá›u fréttir
og uppl‡singar hvar og hvenær sem flér hentar.
fiú getur líka sent SMS í 1848 og fengi›
valmyndina í símann flinn
mbl.is: VIT MBL 1
íflróttir á mbl: VIT MBL SPORT 1
visir.is: VIT VISIR 1
Dæmi: VIT MBL 1 – flá er mbl.is valmynd númer 1.
FÁÐU FRÉTTIRNAR STRAX
Eingöngu fyrir GSM kort frá Símanum GSM.
Kamfýlóbakt-
er greindist í
3% sýna
KAMFÝLÓBAKTER greindist í
tveimur af 75 sýnum sem tekin voru
í eftirlitsverkefni Umhverfisstofn-
unar og Heilbrigðisteftirlits sveitar-
félaga í maí og júní sl. Þetta eru tæp
3% en bæði tilfellin voru í ferskum
kjúklingi frá Reykjagarði. Tekin
voru sýni frá 5 framleiðendum á 32
sölustöðum víðs vegar um landið.
Engin salmonella greindist í
kjúklingunum en eftirlitsverkefnið
ætti að gefa mynd af ástandi þessa
tímabils sem svo er hægt að bera
saman við niðurstöður úr sams kon-
ar verkefnum milli ára.
Rannsóknir hafa sýnt að frysting
minnkar líkur á kamfýlóbakter
verulega en það er mikilvægt að al-
menningur sé vel meðvitaður um
meðhöndlun á kjúklingum til að
koma í veg fyrir að sýkingar komi
upp í fólki. Í skýrslunni um eftirlits-
verkefnið er bent á mikilvægi þess
að safi frá kjúklingi leki ekki á önn-
ur matvæli. Jafnframt er mikilvægt
að þrífa vel öll áhöld sem notuð eru
við eldamennsku á kjúklingi áður en
þau eru notuð fyrir önnur matvæli
og gegnhita kjúklinginn við mat-
reiðslu.
Fylgi
flokkanna
breytist lítið
FYLGI við stjórnmálaflokkana
breytist nánast ekkert milli júní og
júlí, skv. Þjóðarpúlsi Gallup. Þann-
ig mældist fylgi Sjálfstæðisflokks-
ins 35% í júlí, en var 34% í júní.
Fylgi Samfylkingarinnar var ríf-
lega 29% í júlí eða nánast hið sama
og í júní. Og fylgi Framsóknar-
flokksins var rúmlega 18% í júlí,
líka nánast hið sama og í júní.
Fylgi Vinstrihreyfingarinnar –
græns framboðs var tæplega 11% í
júlí en 10% í júní og fylgi Frjáls-
lynda flokksins var 6,5% í júlí en
8% í júní.
Skv. júlíkönnuninni var saman-
lagt fylgi stjórnarflokkanan rúm-
lega 53% og stuðningur við rík-
isstjórnina mældist um 60%.
Könnun Gallups var símakönn-
un, gerð dagana 25. til 29. júní.
Úrtakið var 2.862 manns á aldr-
inum 18 til 75 ára. Var það valið
með tilviljun úr þjóðskrá og var
svarhlutfallið 66%. Ríflega 17%
tóku ekki afstöðu eða neituðu að
gefa það upp og 3,5% sögðust skila
auðu eða kjósa ekki ef kosningar
færu fram nú. Vikmörk könnunar-
innar eru 1 til 3%.
Bílvelta við
Vesturlandsveg
FÓLKSBIFREIÐ fór út af Vest-
urlandsvegi í Leirár- og Melasveit
og valt nokkrar veltur um klukkan
ellefu í gærmorgun. Óhappið átti
sér stað á milli bæjanna Lyngholts
og Skipaness.
Að sögn lögreglunnar í Borgar-
nesi voru maður, kona og barn í bif-
reiðinni og voru konan og barnið
flutt á sjúkrahúsið á Akranesi.
Barnið reyndist óbrotið, að því er
talið var, en hafði hlotið skurði.
Konan var flutt áfram til Reykja-
víkur á Landspítalann í Fossvogi
með höfuðmeiðsl. Maðurinn slapp
ómeiddur. Lögreglan sagði orsakir
óhappsins óljósar en lítil umferð
var á svæðinu. Bifreiðin er mikið
skemmd.
Þá fór bifreið út af veginum í
Langadal um hádegisbilið í gær. Að
sögn lögreglunnar á Blönduósi var
ökumaðurinn einn í bifreiðinni og
var hann fluttur með sjúkrabifreið
til athugunar á heilbrigðisstofnun-
inni á Blönduósi. Meiðslin voru tal-
in minniháttar. Bifreiðin skemmdist
nokkuð.
Ellefu kærðir
fyrir fíkniefnabrot
í Árnessýslu
ÁTTA fíkniefnamál komu upp í
síðustu viku í Árnessýslu og alls
voru ellefu einstaklingar kærðir í
þessum málum, samkvæmt upplýs-
ingum frá lögreglunni á Selfossi.
Á miðvikudagskvöld var ungur
karlmaður stöðvaður á Selfossi og
við leit á honum fundust kannabis-
efni. Við yfirheyrslu gekkst mað-
urinn við því að eiga efnið og hafði
hann ætlað það til eigin neyslu.
Undir áhrifum og án
ökuréttinda á stolnum bíl
Aðfaranótt fimmtudags stöðvaði
lögregla svo annan karlmann á
Selfossi og við leit í bifreiðinni sem
hann ók fannst hass og amfetamín.
Í kjölfarið var gerð húsleit á heim-
ili mannsins þar sem meira fannst
af samskonar efnum. Auk öku-
mannsins voru fjórir aðrir aðilar
handteknir í tengslum við málið.
Á föstudag voru tveir ungir
menn stöðvaðir í Þorlákshöfn og
leit gerð í bifreið sem þeir óku. Í
bifreiðinni fundust kannabisefni
sem annar mannanna gekkst við
að eiga.
Á laugardagskvöld gerðu lög-
reglumenn leit í tjaldi á Flúðum og
fundust kannabisefni við leitina.
Ungur karlmaður gekkst við að
eiga efnið.
Á sunnudagskvöld leituðu lög-
reglumenn í tjaldi tveggja er-
lendra ferðamanna við Brautarholt
á Skeiðum. Við leitina fannst
nokkurt magn af hassi og voru
mennirnir tveir handteknir og
gengust þeir við því við yfir-
heyrslur að hafa flutt hassið með
sér til landsins og ætlað það til
eigin neyslu á ferðalagi um landið.
Ferðamennirnir gengust undir
sektargreiðslur og telst málið upp-
lýst.
Tveir ungir menn voru hand-
teknir á Suðurlandsvegi seint á
sunnudagskvöld eftir að bifreið
sem þeir óku hafði hafnað utan
vegar. Hvorugur mannanna hafði
ökuréttindi auk þess sem bifreiðin
sem þeir óku reyndist stolin.
Mennirnir virtust vera undir áhrif-
um fíkniefna og við leit í bifreið-
inni fannst lítilræði af kannabis-
efnum. Ökumaðurinn er grunaður
um akstur undir áhrifum lyfja eða
fíkniefna og voru tekin úr honum
blóð- og þvagsýni sem send verða
til frekari rannsóknar.
♦ ♦ ♦
♦ ♦ ♦