Morgunblaðið - 14.10.2003, Blaðsíða 4

FRÉTTIR
4 ÞRIÐJUDAGUR 14. OKTÓBER 2003 MORGUNBLAÐIÐ
mönnum bankans að kaupa hlutabréf á genginu
1,26. Í almennu útboði gafst almenningi hins
vegar færi á að kaupa hlutabréf í bankanum á
genginu 2,15.
Ákvörðun skattayfirvalda staðfest af
yfirskattanefnd og síðan af héraðsdómi
Einn starfsmaður bankans keypti hlutabréf að
nafnvirði 250.000 krónur og greiddi 315.000
krónur fyrir. Skattyfirvöld töldu að í þessu fæl-
ust skattskyld hlunnindi og ákváðu að færa
HÆSTIRÉTTUR hefur staðfest dóm Héraðs-
dóms Reykjavíkur um að sérstök kjör sem
starfsmenn Búnaðarbanka Íslands nutu við
hlutabréfakaup þegar bankinn var gerður að
hlutafélagi, fælu í sér skattskyld hlunnindi sem
starfsmennirnir hafi átt að greiða af skatt.
Ríkisbankarnir Landsbanki Íslands og Bún-
aðarbanki Íslands voru árið 1997 gerðir að hluta-
félögum.
Í kjölfarið var ákveðið að hækka hlutafé Bún-
aðarbankans og var ákveðið að bjóða starfs-
starfsmanninum til tekna 222.500 krónur sem
var mismunur þeirrar fjárhæðar sem hann hafði
greitt fyrir hlutabréf sín og þess verðs sem al-
menningi bauðst stuttu síðar. Ákvörðun þessi
var staðfest af yfirskattanefnd, síðan af Héraðs-
dómi Reykjavíkur og nú Hæstarétti.
Málið dæmdu hæstaréttardómararnir Hrafn
Bragason, Gunnlaugur Claessen og Pétur Kr.
Hafstein. Lögmaður starfsmanns bankans var
Erlendur Gíslason og lögmaður ríkisins Óskar
Thorarensen hrl.
Réttmætt að skattleggja
sérkjör við hlutabréfakaup
ÞAÐ er líklega ekki algengt að
hundar bregði sér á hestbak, en það
gerir þó tíkin Tara iðulega og fólk
og dýr eru orðin alvön þessu undar-
lega uppátæki.
Tíkin notfærir sér það að merin
Litla löpp er afar lágvaxin og þegar
tíkinni Töru er kalt, stekkur hún á
bak merinni og lætur fara vel um
sig þar til henni hefur hlýnað á nýj-
an leik. Þá gerir hún sér lítið fyrir
og stekkur fimlega af baki.
Eigandi hunds og hests er Ingi-
björg Rannveig Ingólfsdóttir á Ás-
garði í Garðinum. Hún segir að
þetta gerist oft og merin kippi sér
ekkert orðið upp við þennan
óvenjulega knapa.
Morgunblaðið/Stella
Tíkin Tara bregður
sér á hestbak
BÓKMENNTAFÉLAGIÐ Mál og
menning stefnir að því að halda út-
gáfu Tímarits Máls og menningar
(TMM) áfram á næsta ári en síðasta
tölublað tímaritsins sem Edda – út-
gáfa ber ábyrgð á er komið út.
Edda ákvað á stjórnarfundi 9. júlí
sl. að hætta útgáfu TMM frá og með
hausthefti ársins. Jafnframt var
samþykkt að afhenda Máli og menn-
ingu – Heimskringlu – tímaritið
kvaðalaust til eignar og óskoraðs
notandaréttar.
Í hausthefti TMM segir Þröstur
Ólafsson, formaður stjórnar Bók-
menntafélagsins, að félagið hafi
fagnað þessari ráðstöfun og gengist
við ábyrgð sinni. Á aðalfundi fé-
lagsráðs Bókmenntafélagsins var
samþykkt að skipa undirbúnings-
nefnd sem hefði það verkefni að
meta framtíðarhorfur og undirbúa
frekari skref til að halda áfram út-
gáfu TMM á vegum Bókmennta-
félagsins. Nefndinni veita forystu
Halldór Guðmundsson og Sigurður
Svavarsson og vonast þeir til að sem
flestir velunnarar TMM komi að
störfum nefndarinnar. Þegar niður-
staða hennar liggur fyrir mun stjórn
Bókmenntafélagsins taka ákvörðun
um framhaldið. „Það er eindregin
von okkar að það takist að finna leið
til að halda áfram útgáfunni. Ekki
hvað síst er það undir áskrifendum
og lesendum komið hvort það reynist
gerlegt. Við munum gera okkar ýtr-
asta,“ segir Þröstur Ólafsson.
Stefnt að áframhald-
andi útgáfu TMM
LÖGREGLAN í Reykjanebæ hefur
til rannsóknar líkamsárásarkæru á
hendur tveimur varnarliðsmönnum.
Átján ára piltur kærði mennina fyrir
að hafa ráðist á sig fyrir utan
skemmtistaðinn Paddy’s í Reykja-
nesbæ aðfaranótt sunnudagsins 5.
október sl. Hlaut pilturinn áverka í
andliti, samkvæmt upplýsingum lög-
reglunnar.
Meint árás á að hafa átt sér stað
um tvöleytið um nóttina og óskar
rannsóknardeild lögreglunnar í
Keflavík eftir upplýsingum frá
mögulegum vitnum.
Þetta er í annað sinn á skömmum
tíma sem árásármál kemur upp á
þessum skemmtistað þar sem varn-
arliðsmenn koma við sögu. Upp úr
miðjum september var lögreglunni
tilkynnt um árás inni á staðnum en
engin kæra var lögð fram í því tilviki.
Tveir varnarliðsmenn
kærðir fyrir líkamsárás
Á ÞRIÐJA fjórðungi ársins fluttu
310 fleiri einstaklingar frá landinu
en til þess. Brottfluttir Íslendingar
voru 487 fleiri en aðfluttir. Aftur á
móti voru aðfluttir erlendir ríkis-
borgarar 177 fleiri en brottfluttir.
Á tímabilinu voru skráðar 18.699
breytingar á lögheimili einstaklinga í
þjóðskrá. Þar af fluttu 9.899 innan
sama sveitarfélags, 6.054 milli sveit-
arfélaga, 1.218 til landsins og 1.528
frá því. Brottfluttir frá höfuborgar-
svæðinu voru 212 fleiri en aðfluttir.
Þar munar mestu um Reykjavík en
þaðan voru brottfluttir 361 fleiri en
aðfluttir. Af landsvæðum utan höf-
uðborgarsvæðisins voru tvö með
fleira aðkomufólk en brottflutt; Suð-
urnes (52) og Austurland (14). Flest-
ir fluttu frá Norðurlandi eystra (54)
og Norðurlandi vestra (38).
Flestir fluttu
á brott frá
Norðurlandi
ÁHRIF hvalveiða á ferðaþjónustu
hafa ekki orðið eins mikil og margir
spáðu, að mati Einars Kristins Guð-
finnssonar, alþingismanns og for-
manns Ferðamálaráðs. Hann sagðist
á haustfundi útflutningsráðs Sam-
taka verslunarinnar, sem haldinn var
í gær, telja að um skammtímaáhrif
væri að ræða og þau hefðu þegar
komið fram.
Einar sagði að góður árangur hefði
náðst í ferðaþjónustu hér á landi á
fyrstu 7 mánuðum ársins og erlend-
um gestum hefði fjölgað um rúm
12%. Hinsvegar væri erfitt að spá því
hver þróunin yrði næstu mánuði.
Ferðavenjur fólks væru að breytast
þannig að það skipulegði ferðir sínar
með mun skemmri fyrirvara en áður.
Eðlilegar áhyggjur
Þó væru ýmis teikn um jákvæða
þróun. Aukið sætaframboð til Íslands
hefði vitanlega áhrif á eftirspurnina
og framboð á gistingu hefði sömuleið-
is aukist umtalsvert. Þá væri veiking
krónunnar að undanförnu styrkur
fyrir samkeppnisstöðu ferðaþjónust-
unnar. Eins taldi Einar að aukin
markaðsvinna myndi skila góðum ár-
angri á næstunni.
Um áhrif hvalveiða á ferðaþjón-
ustuna sagðist Einar vera þeirrar
skoðunar að veiðarnar myndu ekki
hafa veruleg áhrif og minni en margir
hefðu viljað vera láta. Hann sagðist
sjálfur vera mikill hvalveiðisinni og
hefði aldrei farið leynt með þá skoðun
sína. Hann hefði hinsvegar alltaf tal-
að fyrir því að ferðaþjónustan þyrfti
að búa sig undir að fyrirhugaðar hval-
veiðar hefðu neikvæð áhrif til
skamms tíma. Áhyggjur aðila ferða-
þjónustunnar væru þannig skilj-
anlegar og eðlilegt að þeir létu skoð-
un sína í ljós. Hann benti á að
íslenska ferðaþjónustan hefði staðið
af sér ýmislegt mótlæti á und-
anförnum árum, mun betur en ferða-
þjónustan í nágrannalöndunum. Ein-
ar sagði það bæði sitt mat og
stjórnsýslunnar að áhrif hvalveið-
anna hefðu verið mun minni en búist
hefði verið við.
„Ég tel að afleiðingar verði ekki
eins og sumir hafa haldið fram. Marg-
ir spáðu því að áhrifin kæmu fram um
leið og veiðarnar hæfust. Það gerðist
hinsvegar ekki, þrátt fyrir töluverða
umfjöllun í skamman tíma. Aðrir
segja að afleiðingarnar verði meiri
þegar fram í sækir. En það vitum við
ekki á þessari stundu og ég tel að svo
verði ekki,“ sagði Einar.
Áhrif hvalveiða á ferðaþjónustu rædd á hádegisfundi
Minni
áhrif en
gert var
ráð fyrir
Morgunblaðið/Þorkell
Einar Kristinn Guðfinnsson, alþingismaður og formaður ferðamálaráðs, á
haustfundi útflutningsráðs Samtaka verslunarinnar.
ÞAÐ sem af er þessu ári hefur toll-
gæslan í Reykjavík stöðvað 385
lyfjasendingar til einstaklinga frá út-
löndum sem ýmist hafa verið pant-
aðar á Netinu eða keyptar af aðilum
erlendis sem senda þær hingað til
lands, að sögn Jóhönnu Guðbjarts-
dóttur, deildarstjóra hjá Tollstjóran-
um í Reykjavík.
Á síðasta ári voru 317 slíkar send-
ingar stöðvaðar.
Lyfjasendingar sem stöðvaðar
hafa verið hafa innihaldið allt frá
fæðubótarefnum með ólöglegum
innihaldsefnum og upp í lyf.
Á síðastliðnu ári vísaði tollgæslan
átta málum til lögreglu þar sem um
tilraun til innflutnings á sterum eða
efedríni var að ræða. Ein sendingin
reyndist innihalda 102.000 efedrín-
belgi.
Það sem af er ári hefur tollgæslan
kært sjö mismunandi stór mál af
þessu tagi til lögreglu. Í einu tilviki
var um að ræða 60.000 efedrínbelgi
og öðru 18.900 ætlaðar steratöflur.
385 lyfja-
sendingar
stöðvaðar
♦ ♦ ♦