Morgunblaðið - 14.10.2003, Blaðsíða 20

UNNIÐ hefur verið að endurnýj-
un ferskvatnslagnarinnar í Odd-
eyrarbryggju að undanförnu en
vatnslögnin var orðin gömul og
úr sér gengin, eins og Gunnar
Arason yfirhafnavörður hjá
Hafnasamlagi Norðurlands orðaði
það. Gunnar sagði að höfnin seldi
mikið af vatni og þá ekki síst í
skemmtiferðaskipin á sumrin. Nú
þegar hafa verið boðaðar komur
46 skemmtiferðaskipa til Ak-
ureyrar næsta sumar. Þetta er
sami fjöldi og í fyrra en heild-
arstærð skipanna sem koma
næsta sumar er mun meiri en sl.
sumar.
Bæjarbúar hafa jafnan gaman
að því að fara í bíltúr niður á
bryggju þegar eitthvað er þar um
að vera en eftir 1. júlí á næsta ári
getur það orðið erfiðara. Ákveðið
hefur verið að loka bryggjunni
með girðingu og er þar verið að
vinna eftir alþjóðlegum reglum
um öryggi í höfnum þar sem er-
lend skip koma upp að.
Morgunblaðið/Kristján
Betra vatn: Starfsmenn ÞJ verktaka á Oddeyrarbryggju, þar sem unnið hefur verið að því að skipta um vatnslögn.
Endurbætur á
Oddeyrarbryggju
AKUREYRI
20 ÞRIÐJUDAGUR 14. OKTÓBER 2003 MORGUNBLAÐIÐ
Sýslumannsembættið að fornu og
nýju nefnist fyrirlestur sem Björn
Jósef Arnviðarson sýslumaður á
Akureyri flytur á Lögfræðitorgi í
dag kl. 14 í stofu 14 í húsakynnum
Háskólans á Akureyri við Þingvall-
astræti. „Saga sýslumannsembætt-
anna nær allt til Gamla sáttmála. Í
öðrum sáttmála Íslendinga við Há-
kon Gamla Noregskonung frá 1263
er sýslumanna fyrst getið hér á
landi, síðan koma sýslumenn aftur
fyrir í Jónsbók sem tekin er í lög
1281,“ segir Björn Jósef.
Hann segir að svo virðist sem
ekki hafi legið algjörlega ljóst fyrir
hvað sýslumenn áttu nákvæmlega
að gera í upphafi. „Þeir voru um-
boðsmenn konungs í hérðaðinu og
áttu aðallega að sjá um skatt-
heimtu og löggæslu. Þá tilnefndu
þeir menn á þing og skipuðu í lög-
réttu ásamt lögmanni.“
Í umfjöllun sinni ræðir hann
einnig þær veigamiklu breytingar
sem urðu á sýslumannsembættinu
árið 1992 þegar dómsvaldið var
skilið frá framkvæmdavaldinu.
„Það er kunnara að frá þurfi að
segja að sýslumenn urðu síðar
dómarar með formlegum hætti
sem stóð allt til 1992 með aðskiln-
aðarlögunum; ég ætla að rekja
ástæður þeirra breytingar, en það
var einmitt Jón Kristinsson hér á
Akureyri sem stefndi ríkinu fyrir
Mannréttindadómstólnum vegna
atviks sem átti sér stað hér í bæn-
um. Lögreglan tók Jón, fulltrúi lög-
reglustjóra rannsakaði málið og
fulltrúi lögreglustjóra dæmdi.“
Björn Jósef segir merkilegt að
„stór hluti verkefna sýslumanna ut-
an Reykjavíkur eru með svipuðum
hætti nú og var þegar í upphafi.“
Verkefni sýslu-
manna svipuð nú og
þau voru í upphafi
VÍSINDAVEFUR leikskólans Iðvallar, sem
ber heitið „Þar er leikur að læra“ hafnaði í
þriðja sæti í eSchola, evrópskri verðlauna-
samkeppni um notkun upplýsingatækni í
skólastarfi. Áður hafði verkefni skólans kom-
ist í hóp þeirra tíu bestu en endanleg úrslit
voru kunngjörð í Genf í Sviss fyrir helgina.
„Við erum alveg himinlifandi með árang-
urinn, sem var mun betri en við þorðum að
vona,“ sagði Anna Elísa Hreiðarsdóttir, sem
er hönnuður vefsins ásamt eiginmanni sín-
um, Arnari Yngasyni. Þau hjón, sem bæði
eru deildarstjórar við leikskólann, voru við-
stödd verðlaunaafhendinguna, ásamt Krist-
laugu Svavarsdóttur, leikskólastjóra, og
Jónu Pálsdóttur, deildarstjóra þróunarsviðs
menntamálaráðuneytisins.
Eschola er samvinnuverkefni evrópska
skólanetsins, 26 menntamálaráðuneyta í Evr-
ópu og evrópsku ráðherranefndarinnar.
Keppnin nefnist eLerning Awards og er
markmið hennar að verðlauna framúrskar-
andi upplýsinga- og samskiptaverkefni skóla.
Alls voru 600 verkefni skráð til þátttöku í
upphafi. Iðavöllur fékk 2.000 evrur, eða um
180 þúsund krónur, í verðlaun fyrir þriðja
sætið og verðlaunagrip úr tékkneskum krist-
al. Það var grunnskólaverkefni frá Írlandi
sem hafnaði í fyrsta sæti og grunnskólaverk-
efni frá Ítalíu í öðru sæti.
Anna sagði að þau hefðu verið mjög hissa
á að vera ekki á lista yfir þau verkefni sem
höfnuðu í 4.-10. sæti í keppninni. „Það fyrsta
sem okkur datt í hug var að við hefðum
gleymst,“ sagði Anna en fljótlega gerðu ak-
ureysku fulltrúarnir sér þó grein fyrir því að
verkefnið yrði í einu af þremur efstu sæt-
unum. Kristlaug, leikskólastjóri, sagði að
þessi árangur hefði mikla þýðingu fyrir leik-
skólann. Hann væri hvatning til að halda
starfinu áfram og gera enn betur. „Við vor-
um ekki bara fulltrúar Iðavallar heldur litum
við á okkur sem fulltrúa bæjarins og leik-
skólastarfs í landinu. Við kynntum bæinn
okkar vel og vorum alveg óskaplega stolt yf-
ir því að vera Íslendingar,“ sagði Kristlaug.
Arnar sagði að þessi árangur stuðlaði að
samstarfi milli landa og er ætlunin að nýta
sér það. Verðlaunasamkeppnin var fyrir
skóla á öllum stigum en ákveðið var að
senda vef leikskólans í keppnina til að sýna
fram á að þetta verkefni ætti líka við um
leikskóla. Á ráðstefnu daginn eftir verð-
launaafhendinguna kynntu fulltrúar Iðavallar
verkefnið. Anna sagði að það hefði vakið
töluverða undrun gesta að þetta ung börn,
eða tveggja og þriggja ára gömul, væru að
leika sér með tölvur. Anna og Arnar bjuggu
til vef til að halda utan um verkefni
barnanna og til að sýna kennslufræðina í
skólanum. Á vefnum geta bæði foreldrar og
aðrir fengið innsýn í það starf sem þar er
unnið. Á Iðavelli er mikið af börnum frá öðr-
um löndum og því er vefurinn að hluta til á
ensku, þannig að foreldar þeirra barna geti
einnig fylgst með. Leikskólinn Iðavöllur er
fyrsti leikskólinn á Akureyri sem fékk tölvur
og sá fyrsti sem er með heimasíðu. Þar er
tæknin notuð eins mikið og kostur er í skóla-
starfinu.
Vísindavefur Iðavallar í þriðja sæti í evrópskri samkeppni um notkun upplýsingatækni í skólastarfi
Hvatning til að
halda áfram og
gera enn betur
Ánægð með verðlaunin: Fulltrúar Iðavallar og menntamálaráðuneytisins með verðlaunin í
Genf í Sviss. F.v. Jóna Pálsdóttir, deildarstjóri þróunarsviðs menntamálaráðuneytisins, hjónin
Anna Elísa Hreiðarsdóttir og Arnar Yngason og Kristlaug Svavarsdóttir leikskólastjóri.
REKSTUR fyrirtækjanna Ásprents – Stíls hf.
og Alprents ehf. á Akureyri hefur verið samein-
aður. Með sameiningu fyrirtækjanna verður til
eitt öflugasta fyrirtæki landsins á sviði prent-
þjónustu, auglýsingagerðar og tengdrar starf-
semi, segir í tilkynningu frá fyrirtækjunum.
Til að byrja með verða fyrirtækin áfram með
rekstur í núverandi húsnæði á Glerárgötu 24,
Glerárgötu 28 og Óseyri 2, en í framhaldinu
verður hugað að ýmiskonar samhæfingu í
rekstrinum, þ.m.t. húsnæðismálum.
Í lok ágúst sl. var rekstur Ásprents og Stíls
sameinaður undir nafninu Ásprent – Stíll hf. og
eignuðust eigendur Ásprents og Stíls jafnan
hlut í félaginu. Í nýju sameinuðu félagi, sem nú
hefur orðið til, eiga eigendur Stíls 50% hlut,
Þórður, Ólafur og Alexander Kárasynir 33%
hlut og Einar Árnason og fjölskylda, eigendur
Alprents, 17% hlut.
„Undanfarin ár hafa Ásprent og Alprent ver-
ið tvær öflugustu prentsmiðjurnar á Akureyri
og með því að sameina krafta þeirra verður til
mjög öflugt prentfyrirtæki sem verður enn bet-
ur í stakk búið til þess að takast á við vaxandi
samkeppni í þessum iðnaði, jafnframt því sem
fyrirtækið mun hafa aukinn styrk til þess að
taka að sér ný og krefjandi verkefni af öllu
landinu,“ segir í frétt frá fyrirtækjunum.
„Alprent ehf. er rótgróið fyrirtæki í prentiðn-
aði á Akureyri. Árið 1984 keypti Einar Árnason
prentari rekstur prentsmiðjunnar Valprents,
sem hafði verið stofnuð árið 1962. Nafninu
breytti Einar í Alprent árið 1985 og allar götur
síðar hefur hann rekið fyrirtækið undir því
nafni á Glerárgötu 24. Starfsmenn Alprents eru
sex og búa þeir yfir mikilli þekkingu og
reynslu, allir hafa þeir unnið í prentiðnaði í 35–
40 ár.“
Í nýju sameinuðu fyrirtæki verður Einar
Árnason einn af lykilstjórnendum. Öllum nú-
verandi starfsmönnum Alprents býðst að starfa
hjá nýju fyrirtæki. „Það verður rík áhersla lögð
á að þjóna áfram vel þeim fyrirtækjum og ein-
staklingum sem við höfum verið að þjónusta í
gegnum árin og ég tel að með því að sameina
krafta okkar í nýju fyrirtæki höfum við alla
burði til þess að gera enn betur en áður í þeim
efnum,“ segir Einar Árnason, framkvæmda-
stjóri og eigandi Alprents ehf.
Markmið með sameiningu Ásprents – Stíls
hf. og Alprents ehf. er að byggja upp stórt og
öflugt þjónustufyrirtæki í prentiðnaði, útgáfu-
starfsemi, auglýsingahönnun, birtingum, skilta-
gerð og fatamerkingum. Auk þess er sameig-
inlegt fyrirtæki með verslun með rekstrarvörur
fyrir einstaklinga, fyrirtæki og stofnanir.
Í stjórn hins nýja sameinaða félags eru Bald-
ur Guðnason, stjórnarformaður, Steingrímur
Pétursson, Þórður Kárason, Ólafur Kárason og
Einar Árnason.
Ásprent – Stíll hf. og Al-
prent ehf. hafa sameinast
Tónlist á hádegi | Í dag, þriðjudag,
verða haldnir hádegistónleikar í
Ketilhúsinu í Listagilinu. Flytjendur
eru: Guðrún Jóhanna Ólafsdóttir
mezzósópran og Francisco Javier
Jáuregui gítarleikari.
Á efnisskránni eru m.a. lög eftir tón-
skáldin: Manuel de Falla, Eurique
Granados, Marco Cesti, Emil Thor-
oddsen, Jón Laxdal, Jón Ásgeirsson
og fleiri.
Í DAG