Morgunblaðið - 13.12.2003, Síða 12
FRÉTTIR
12 LAUGARDAGUR 13. DESEMBER 2003 MORGUNBLAÐIÐ
Glæsilegar förðunartöskur
í miklu úrvali
snyrtivörudeildir
Í FRUMVARPI um eftirlaun for-
seta Íslands, ráðherra, alþingis-
menn og hæstaréttardómara eru
sett almenn ákvæði um eftirlauna-
rétt hæstaréttardómara. Breyting-
arnar sem frumvarpið kveður á um
veita hæstaréttardómurum sem
gegnt hafa störfum við réttinn í
a.m.k. 12 ár, rétt til að komast á
eftirlaun nokkru fyrr en tíðkast
hefur. Aldursmark eftirlauna fyrir
hæstaréttardómara er 65 ár og
verður svo áfram.
Hins vegar verður dómurum sem
hafa verið við réttinn a.m.k. í 12 ár
veitt heimild til að hverfa úr starfi
60 ára að aldri „og síðan til viðbótar
sem svarar embættistíma hans sem
er umfram tólf ár, þó ekki meira en
tíu ár,“ eins og segir í frumvarpinu.
Samkvæmt þessu skapast fullur
réttur eftir 17 ára setu í Hæsta-
rétti. Þannig gæti dómari, sem set-
ið hefur í réttinum í 15 ár, hætt
störfum og farið á eftirlaun sé hann
orðinn 57 ára gamall. Fullum rétt-
indum næði því aðeins sá dómari
sem hefði verið skipaður í réttinn
38 ára gamall eða yngri.
Réttindaávinnsla dómara við
Hæstarétt til eftirlauna er 6% fyrir
hvert ár og hámark eftirlauna er
80% en það mark næst á 14. emb-
ættisári.
Gætu
komist fyrr
á eftirlaun
AFMÆLISHÁTÍÐ var á Fjórð-
ungssjúkrahúsinu á Akureyri í gær
þegar þess var minnst að 130 ár
eru liðin frá upphafi sjúkra-
húsrekstrar í bænum og einnig eru
50 ár liðin frá því starfsemi sjúkra-
hússins hófst á Eyrarlandsholti.
Við athöfnina gerði Hanna Rósa
Sveinsdóttir, safnvörður á Minja-
safninu á Akureyri, grein fyrir
fyrsta sjúkrahúsinu, Gudmanns
minde við Aðalstræti, en unnið er
að því að gera húsið upp. Fram
kom í máli Hönnu Rósu að um ein-
stakt hús væri að ræða í öllu tilliti
og hlutverk þess sem safns í fram-
tíðinni væri verðugt. Því hvatti hún
til þess að húsinu yrði sýndur sá
sómi sem því bæri. Kvaðst hún
vonast til að á næsta ári, þegar 130
ár væru liðin frá vígslu þess, yrði
hægt að taka hluta þess í notkun
og að endurbótum yrði að fullu
lokið árið 2005.
Unnið af metnaði
Jón Kristjánsson heilbrigð-
isráðherra sagði í ávarpi sínu að
FSA og starfsfólk þess hefði ávallt
staðið í fararbroddi og þar hefði
alla tíð verið unnið af miklum
metnaði. Þannig nefndi hann að vel
væri staðið að rekstri Sjúkraflutn-
ingaskólans sem FSA hóf að reka
fyrir nokkru, skólinn væri rekinn
af miklum myndarskap og efa-
semdarraddir hefðu hljóðnað, en
ekki hefðu allir verið á eitt sáttir
þegar skólinn var fluttur norður.
Jón nefndi að mikilvægt væri að
koma segulómtæki sem fyrst í
notkun á sjúkrahúsinu, þá væri
brýnt að ljúka innréttingu á svo-
nefndir 0 hæð í Suðurálmu, við-
byggingu við FSA sem og að end-
urhanna þær tvær hæðir sem eftir
eru ónotaðar í húsinu. Loks nefndi
hann að brýnt væri að efla krabba-
meinslækningar við sjúkrahúsið og
að tryggja þeim fjárhagslegan
grunn.
„Sjúkrahúsrekstur á Akureyri
hefur átt því láni að fagna alla tíð
að þangað hefur komið til starfa
margt hæfileikafólk, framsýnt og
áræðið sem dregið hefur vagninn.
Það hefur verið lán þessarar starf-
semi,“ sagði Halldór Jónsson,
framkvæmdastjóri FSA. Þá nefndi
hann að ráðamenn sveitarstjórna
og ríkis hefðu sýnt framþróun og
uppbyggingu góðan skilning og
velunnarar þess, fjölmargir oft á
tíðum, skipt sköpum varðandi að-
stöðu og búnað til að bæta og auka
þjónustu. Slíkt væri hverri stofnun
ómetanlegt.
„Það sem skiptir hins vegar
mestu máli er starfsfólkið sem á
hverjum tíma starfar og veitir þá
þjónustu sem möguleg er. Án þess
væri engin þjónusta til staðar,“
sagði Halldór og benti á að því
væri mikilvægt að búa þannig að
starfseminni að búnaður og að-
staða uppfyllti þarfir og gæfi hæfi-
leikaríku fólki möguleika á að veita
góða þjónustu, þróa hana og auka.
Getur náð til stærra svæðis
Halldór fór einnig yfir stefnu-
mótun og framtíðarsýn FSA en
þar kom fram að megindrifkraft-
urinn í stefnu FSA væri að auka
markaðshlutdeild sjúkrahússins,
þ.e. að auka hlutfall þeirra sjúk-
linga frá Norður- og Austurlandi
sem leituðu lækninga á FSA. Til
að ná þeim markmiðum þyrfti
þjónustan að vera framúrskarandi
og árangur sérgreina að vera í það
minnsta jafngóður og annars stað-
ar á landinu. Það þyrfti að bæta
við sérgreinum og efla þær sem
fyrir væru. „Því setjum við meg-
ináhersluna á að koma upp sér-
fræðiþekkingu í krabbameinslækn-
ingum, að bjóða upp á
hjartaþræðingu og efla endurhæf-
ingu og höfum sett okkur metn-
aðarfull markmið þar að lútandi,“
sagði Halldór.
Hvað varðar það markmið að
auka markaðshlutdeild sjúkrahúss-
ins er að því stefnt að hlutfall íbúa
á Norður- og Austurlandi sem nýta
þjónustu FSA aukist um 10% á
næstu tveimur árum. Þá er stefnt
að því að fjöldi hjartaþræðinga
sem gerðar verða á FSA verði 250
á ári innan þriggja ára og loks að
hlutfall sjúklinga á Norðurlandi
sem fá endurhæfingu á sjúkrahús-
inu verði 70% innan 5 ára.
Hátíð á Akureyri í tilefni af 130 ára afmæli sjúkrahúsreksturs í bænum
Stefnt að krabbameinslækn-
ingum og hjartaþræðingum
Morgunblaðið/Kristján
Fjöldi fólks tók þátt í afmælishátíð Fjórðungssjúkrahússins.
Morgunblaðið/Kristján
Gestum og starfsfólki boðið upp á veglega afmælistertu í tilefni afmælisins.
ÁRÉTTAÐ skal vegna fréttar
blaðsins í gær um dóm Hæsta-
réttar í máli Tryggingastofnun-
ar ríkisins (TR) gegn Íslenska
bæklunarlæknafélaginu (ÍB),
að þrír hæstaréttardómarar af
fimm mynduðu meirihluta
dómsins í niðurstöðu þess efnis
að fallast á dómkröfur ÍB.
Meirihluta dómsins skipuðu
hæstaréttardómararnir Garðar
Gíslason, Markús Sigurbjörns-
son og Pétur Kr. Hafstein.
Guðrún Erlendsdóttir og
Hrafn Bragason skiluðu sérat-
kvæði og töldu að sýkna bæri
TR af kröfum ÍB.
Árétting
EINN af vetnisvögnunum sem Stætó
BS notar á leið 2, Grandi-Vogar bil-
aði þegar hann var á Vesturgötu á
vesturleið í gærdag. Reykur barst
um vagninn og var hann rýmdur
strax. Slökkvilið og lögregla voru
kölluð til og lokaði lögreglan Vest-
urgötunni í báðar áttir. Einnig komu
þýskir tæknimenn, sem fylgjast með
vetnisvögnunum, á staðinn. Talið er
að hosa hafi gefið sig með þeim af-
leiðingum að kælivökvi fór yfir heita
vélarhluti og því hafi reykurinn
myndast. Engin hætta var þó á ferð-
um og að sögn Ásgeirs Eiríkssonar,
forstjóra Strætó bs., brást vagnstjór-
inn hárrétt við en vagnstjórar vetn-
isvagnanna þriggja fá sérstaka
þjálfun. Bilunin var ekki stór-
vægileg og þegar er búið að gera við
hana.
Vetnisvagnarnir eru hluti af af
rannsóknar- og þróunarverkefni um
vetnisnotkun sem kallast ECTOS.
„Vetnisvagnarnir eru með mjög há-
an öryggisstaðal og það er gott til
þess að vita að þegar eitthvað kemur
upp á virkar öryggiskerfið vel,“ seg-
ir Ásgeir. Hann segir að vagnarnir
séu undir miklu eftirliti, séu skoð-
aðir daglega. „Í öllum meginatriðum
gengur rekstur vagnanna vel. Þetta
er auðvitað tilraunastarfsemi sem
okkur finnst ganga prýðilega.“
Morgunblaðið/Júlíus
Vetnisvagn bilaði
á Vesturgötunni