Morgunblaðið - 23.05.2004, Side 8

FRÉTTIR
8 SUNNUDAGUR 23. MAÍ 2004 MORGUNBLAÐIÐ
Nú geturðu borðað margar, margar skeiðar í viðbót fyrir stólinn, Dóri minn.
Heilsulindir í Reykjavík og nágrenni
Byggt á fag-
legum grunni
Stofnuð hafa verið nýsamtök heilsulinda íReykjavík og ná-
grenni og er formaður
þeirra Guðmundur Björns-
son, eigandi Sögu heilsu &
Spa. Hann er nú staddur á
ársþingi evrópsku heilsu-
lindarsamtakanna, ESPA,
eða European Spa Associa-
tion, í Slóvakíu sem fulltrúi
nýju íslensku samtakanna
ásamt Sigmari B. Hauks-
syni, framkvæmdastjóra
Heilsuborgarinnar
Reykjavík eða Reykjavík
Spa City. Guðmundur var á
ársþinginu kjörinn í fjög-
urra manna læknaráð
ESPA en það er ráðgefandi
fyrir Evrópusambandið
um heilsulindir í Evrópu.
– Hver var tilurð ís-
lensku heilsulindarsamtakanna?
„Við vorum nokkrir aðilar frá
heilsulindum á svæði Orkuveitu
Reykjavíkur sem ákváðum að taka
höndum saman en við höfðum allt-
af hist reglulega en óformlega. Til-
gangurinn með þessu var að búa til
vettvang þar sem við gætum hist
og rætt sameiginleg mál, s.s.
gæða- og staðlamál, bæði hvað
varðar vatnið, starfsfólk og skipu-
lag. Einnig til að vinna að því að
markaðssetja okkur saman, bæði
innanlands og erlendis, sem
heilsulindir.“
– Hverjir eiga þarna aðild?
„Þetta eru Reykjavíkurborg eða
Reykjavík Spa City, Baðhúsið,
Laugar Spa, Nordica Spa og Saga
heilsa & Spa. Auk þess er Íþrótta-
miðstöðin í Borgarnesi með enda
eru þeir á svæði Orkuveitu
Reykjavíkur eftir að Hitaveita
Borgarness sameinaðist Orkuveit-
unni. Við höfum svo hug á að fá
fleiri til liðs við okkur og nokkrir
hafa sýnt áhuga. Það er hins vegar
mikilvægt að stíga þennan dans
rétt og byggja á faglegum grunni.“
– Hverjar eru helstu áherslur
samtakanna?
„Viljum gera það að skilyrði að
það sé einhver læknisfræðilegur
grunnur sem menn vinna eftir og
ráðgjöf. Það geta t.d. verið tiltekn-
ir gæðastaðlar og stuðlað að því að
hafa ráðgefandi lækni á hverjum
stað. Ofan á það má byggja upp
meðferðir, heilbrigðisráðgjöf og
forvarnir. Ég hef lagt mikla
áherslu á að læknisfræðin kæmi
inn í þetta, að menn ættu að nýta
sér það sem gert hefur verið í Evr-
ópu og nota lækningar og lækn-
isfræði sem grunn til að standa á í
þessum heilsulindum. Það tel ég
mjög mikilvægt því annars er
heilsulindin einungis snyrtistofa
eða líkamsrækt.“
– Hvaða þýðingu hefur aðildin
að Evrópusamtökum heilsulinda?
„Þetta eru samtök heilsulinda í
Evrópu og heilsulindarsamtök í
hverju landi eiga þarna fulltrúa.
Evrópusamtökum heilsulinda er
ætlað að gæta hagsmuna fé-
lagsmanna sinna, t.d. gagnvart
Evrópusambandinu, og vinna að
sameiginlegum gæðastöðlum og
markaðssetningu. Ís-
lensku samtökin verða
meðal annars byggð á
þessu samstarfi. Það er
einnig mikill heiður að
fá íslenskan fulltrúa í
læknaráð ESPA sem er ráðgef-
andi fyrir Evrópusambandið um
heilsulindir í Evrópu. Þar getum
við haft áhrif, miðlað af þekkingu
okkar og lært af hinum.
Eitt er það sem evrópsku sam-
tökin hafa reynt að liðka til fyrir er
að þetta sé ekki of læknisfræðilegt
í þeim skilningi að ekki þurfi lækn-
isbeiðni til að t.d. fara í heilsubað
eða nudd, eins og er sums staðar.
Unnið er að því að ná sameigin-
legri lendingu í því gagnvart Evr-
ópuráðinu og gagnvart hefð-
bundna heilbrigðiskerfinu. Þarna
eru miklir hagsmunir í húfi, sér-
staklega í Mið-Evrópu. Það sem
hefur verið að gerast innan Evr-
ópusambandsins er að frekar hef-
ur dregið úr ábyrgð læknis og
ábyrgð skjólstæðings hefur verið
aukin. Þetta hefur verið tilhneig-
ingin í Evrópu, þveröfugt við það
sem gerist í Bandaríkjunum. Þar
hefur ábyrgð læknisins sífellt auk-
ist svo stefnir í óefni.“
– Hvað er átt við með aukinni
ábyrgð skjólstæðingsins?
„Skjólstæðingurinn er gerður
meira ábyrgur fyrir því að velja
sér meðferð og lækni og það er
skjólstæðingsins að kynna sér
hversu hæfur læknirinn er, hvað
hann getur og hvort hann hafi gert
mikið af mistökum. Í Bandaríkj-
unum hefur ábyrgð læknanna á
hinn bóginn verið að aukast og er
svo komið að þeir þurfa að hafa her
lögfræðinga á sínum snærum til að
verjast lögsóknum.“
– Hversu mörg lönd eru í
ESPA?
„Þau eru 21 talsins, flest í Mið-
og Vestur-Evrópu. Af Norður-
löndunum eru bara Finnar og
Danir en þess utan eru öll löndin
nema Ítalía sem sagði sig úr sam-
tökunum vegna deilna um staðla.
Þeir vildu hafa þetta
eitthvað frjálslegra. En
þeir munu vera á leið
inn aftur, sjá að það er
betra að vinna eftir
þessum stöðlum.
Íslendingar verða með þrjá full-
trúa í ESPA. Samtök heilsulinda
og Reykjavíkurborg eru með einn
saman, Bláa lónið er með annan og
Heilsuhælið í Hveragerði þann
þriðja. Þeir eru ekki í íslensku
samtökunum ennþá en það er ósk
okkar að í framtíðinni getum við
verið með ein sameiginleg samtök
fyrir heilsulindir á Íslandi. Við telj-
um að það sé til mikils að vinna.“
Guðmundur Björnsson

Guðmundur Björnsson læknir
er fæddur 1957 í Reykjavík.
Hann útskrifaðist frá læknadeild
Háskóla Íslands 1984 og varð
sérfræðingur í endurhæfingar-
lækningum frá Svíþjóð 1990 og á
Íslandi 1991. Hann sat í stjórn
Læknafélags Íslands 1993-99 og
var formaður síðustu tvö árin.
Guðmundur var yfirlæknir
Heilsustofnunar NLFÍ í Hvera-
gerði frá 1992 til ársins 2000.
Eftir það hefur hann rekið sitt
eigið fyrirtæki, Saga heilsa &
Spa sem er heilsulind og sérhæf-
ir sig í heilsuvernd og endurhæf-
ingu. Hann er giftur Helgu
Ólafsdóttur sem starfar við hóp-
ferðadeild Flugleiða. Þau eiga
þrjú börn; Erlu, Björn og Ólaf.
Skjólstæð-
ingur gerður
meira ábyrgur
VÍKINGAR tóku í notkun nýja
1.168 sæta stúku við knattspyrnu-
völl sinn við Stjörnugróf í Fossvogi
á föstudagskvöldið þegar knatt-
spyrnulið félagsins keppti gegn
KA. Þrátt fyrir rigningarsudda og
óhagstæð úrslit í leiknum ríkti mik-
il gleði meðal Víkinga með þennan
áfanga.
Þór Símon Ragnarsson, formað-
ur Víkings, segir mikið sjálfboða-
starf hafa verið unnið við að koma
upp stúkunni undanfarna daga og
hafi margir harðir aðdáendur fé-
lagsins unnið óeigingjarnt starf við
að festa sætin og laga ýmislegt í
umhverfi vallarins.
„Við erum búin að taka stúkuna í
notkun en það þarf að slípa hana
aðeins til. Hún er ekki alveg full-
kláruð en við erum að stefna að því
að klára að setja niður sætin í þess-
ari viku,“ segir Þór Símon.
Kostnaður áætlaður um
65 milljónir króna
Spurður um heildarkostnað við
stúkuna segir Þór Símon hann ekki
liggja endanlega fyrir, en hann geri
ráð fyrir að kostnaðurinn liggi í
kringum sextíu og fimm milljónir.
„Hann hefði nú orðið eitthvað meiri
ef sjálfboðastarfs hefði ekki notið
við, þótt ég geti ekki metið það í töl-
um.“
Þór Símon segir næsta mál á dag-
skrá, þegar stúkan er fullkláruð, að
laga umferðarmálin kringum völl-
inn, enda hafi Víkingar lagt á það
áherslu undanfarin ár. Hann segir
gæta vissra erfiðleika með bíla-
stæði og einnig eigi áhorfendur oft
erfitt með að komast af svæðinu
eftir leiki, þar sem einungis ein leið
er fær eins og málum háttar nú,
upp á Bústaðaveg.
„Það veldur vissum truflunum og
við höfum óskað eftir því að opnuð
verði ný viðbótarleið til að hleypa
af svæðinu að loknum leikjum. Nú
er í gangi vinna hjá borginni við að
koma því í kring. Við vonum að það
leysist fljótlega,“ segir Þór Símon
Ragnarsson.
Morgunblaðið/ÞÖK
Áhangendur Víkings voru mættir í nýju stúkuna til að horfa á fyrsta leikinn og veifuðu litríkum fánum.
Langþráð stúka Víkings
hefur verið tekin í notkun
Nýja stúkan mun fullbúin taka 1.168 manns í sæti