Morgunblaðið - 08.10.2004, Side 4

4 FÖSTUDAGUR 8. OKTÓBER 2004 MORGUNBLAÐIÐ
FRÉTTIR
EFTIR
PER GUSTAVSSON
MYNDABÓKÁRSINS
SVONA GERA PRINSESSUR
M
Á
T
T
U
R
IN
N
&
D
†
R
‹
IN
STÓRSKEMMTILEG
OG FALLEG BÓK
FYRIR PRINSESSUR
OG PRINSA Á
ALDRINUM 2-7 ÁRA
LEIKSKÓLAKENNARAR komu
færandi hendi í verkfallsmiðstöð
grunnskólakennara í gær. Afhentu
þeir Eiríki Jónssyni það sem fulltrúi
leikskólakennara, Sigríður Mar-
teinsdóttir, kallaði táknræna gjöf,
með baráttukveðjum og hvatningu í
viðræðum við sveitarfélögin.
Um var að ræða íslenskt handverk
úr Kirsuberjatrénu, grænmálaða
grísaþvagblöðru sem innihélt sauða-
völu. Sagðist Sigríður ímynda sér að
þvagblaðran í samningamönnum
gæti litið svona út þessa dagana, ef
liturinn væri undanskilinn!
Með sauðavölunni er hægt að
framkalla Völuspá. Fékk Eiríkur
þær leiðbeiningar að hann ætti að
leggja sauðavöluna í lófa sér, bera
hana upp að vanganum og velta
henni á meðan hann ætti að segja:
Spyr ég þig vala mín,
með gulli skal ég gleðja þig,
með silfri skal ég seðja þig,
segir þú mér satt,
en svei þér ef að þú lýgur.
Svo áttu Eiríkur og aðrir í samn-
inganefnd kennara að spyrja þess
sem verða vildi og láta völuna detta
á borð. Ef kryppa völunnar kæmi
upp segði hún nei, ef hvilftin kæmi
upp segði hún já en ef valan lægi á
hliðinni væri svarið „ég veit það
ekki“ eða valan vildi ekki spá.
Eiríkur tók við gjöfinni með bros
á vör og útilokaði ekki að kennarar
myndu taka upp þessa tækni í við-
ræðunum við sveitarfélögin. Þakk-
aði hann fyrir gjöfina og sagði gott
að vita af stuðningi fólks utan
grunnskólanna.
Boðið á Broadway
Kennarar fengu aðra gjöf í gær,
sem ekki vakti síðri lukku við-
staddra. Fulltrúi frá Broadway kom
við sama tækifæri í verkfalls-
miðstöðina með 600 boðsmiða á
frumsýningu á söngkabarettinum
Með allt á hreinu. Gilti hver miði fyr-
ir tvo þannig að kennarar geta lyft
sér upp um helgina með mökum sín-
um eða vinum.
Morgunblaðið/Sverrir
Sigríður Marteinsdóttir leikskólakennari afhendir Eiríki Jónssyni, for-
manni Kennarasambandsins, þvagblöðruna, með sauðavölunni í.
Fengu völuspá
í grísaþvagblöðru
EIRÍKUR Jónsson, formaður
Kennarasambands Íslands, sagði
kennurum, sem fjölmenntu í verk-
fallsmiðstöðina við Borgartún fyrir
hádegi í gær, að hann væri ekki
bjartsýnn á að deilan við sveitar-
félögin væri að leysast. Var greini-
legt á tali hans að þung staða er kom-
in upp í kjaradeilunni. Í gærkvöldi,
eftir margra klukkustunda fund hjá
Ríkissáttasemjara, virtist þó eitt-
hvað hafa þokast í deilunni og hefur
annar fundur verið boðaður í dag en
Eiríkur var ekki bjartsýnn á að svo
yrði er hann ræddi við félaga sína í
verkfallsmiðstöðinni.
Eiríkur sagði að samningafundur
á miðvikudag hefði enn og aftur farið
í umræður um kennsluskyldu kenn-
ara og launaflokka. Lítið hefði þok-
ast á þeim fundi og samninganefnd
sveitarfélaganna væri stöðugt að
reyna að draga kennara til hliðar frá
þeirra kröfum.
Hann sagðist hafa sagt fulltrúum
sveitarfélaganna að viðhorf þeirra
gagnvart sumum hópum kennara,
einkum íþróttakennurum, væri farið
að jaðra við einelti. Enn á ný hefði
það viðhorf komið upp að engin
ástæða væri til að minnka kennslu-
skyldu íþróttakennara.
„Orðinn þreyttur á að hlusta á
þetta og sagði það hreint út“
„Ég veit ekki hvort það var fram-
koma mín í framhaldinu, en ég bara
reiddist og lái mér hver sem vill. Ég
er orðinn þreyttur á að hlusta á þetta
og sagði það hreint út. Í framhaldinu
var mér sagt að erfitt væri að eiga
orðastað við menn sem væru með
dónaskap á fundum,“ sagði Eiríkur.
Hann sagði þetta viðhorf sveitar-
félaganna, um að ekki væri ástæða
til að minnka kennsluskyldu ein-
stakra kennara, hafa fyrst komið
skýrt fram á fundi með blaðamönn-
um Morgunblaðsins í síðustu viku.
Þetta viðhorf virtist vera mjög
ríkjandi ennþá, um að það ætti að
mismuna kennurum.
Eiríkur reiknaði með að samn-
ingafundur gærdagsins myndi snú-
ast áfram um kennsluskylduna. „Við
erum tilbúin að láta brjóta á þessu og
við munum gera það. Við teljum að
okkur hafi verið falið að koma þessu
fram og við viljum fá tryggingar fyr-
ir því áður en farið verður að ræða
launaliðinn.“
Hann sagði kennara standa í
ákveðnu áróðursstríði við sveitar-
félögin, og vitnaði í því sambandi til
ýmissa ummæla og upplýsinga sem
þau hefðu látið frá sér í fjölmiðlum
að undanförnu. Framvindan myndi
skýrast á næstunni.
„Oft er búið að segja óbeinum orð-
um, frá þeirra hendi, „er það virki-
lega svo að þið standið ennþá við
kröfurnar sem þið settuð fram?“
Svarið við því er bara já,“ sagði Ei-
ríkur að endingu við kennara og
hlaut langt og mikið lófaklapp fyrir.
Formaður KÍ í verkfallsmiðstöð kennara í Reykjavík í gær
„Ég bara reiddist og lái
mér hver sem vill“
Morgunblaðið/Sverrir
„Svarið er einfaldlega já,“ sagði Eiríkur Jónsson við kennara í verkfallsmiðstöðinni í Reykjavík í gær, um þá
spurningu sveitarfélaga hvort kennarar stæðu enn við kröfur sínar gagnvart sveitarfélögunum.
FÉLAG umhyggjusamra for-
eldra grunnskólabarna og
SAMFOK, samband foreldra-
félaga og foreldraráða í grunn-
skólum Reykjavíkur, efna til
fjölskyldudagskrár í Alþingis-
húsinu klukka milli 11 og 13 í
dag í tilefni „upplausnar og
stjórnleysis á heimilum og
vinnustöðum íslensks barna-
fólks“ að því er fram kemur í
tölvuskeyti sem fjölmargir for-
eldrar hafa fengið sent.
Í skeytinu segir m.a.: „stálp-
uð börn og unglinga má skilja
þar eftir [í Alþingishúsinu] en
ekki væri vitlaust að koma með
yngri börnin dálítið þreytt og
svöng og láta þau sitja á þing-
pöllunum þar til þau byrja að
kvarta og kveina.“
Fjölskyldu-
dagskrá
á Alþingi?
HÆSTIRÉTTUR dæmdi í gær
karlmann í 5 mánaða fangelsi fyrir
tilraun til fjársvika með því að hafa
sviðsett umferðarslys í Vattarnes-
skriðum í ágúst 2002 til að svíkja út
tryggingabætur.
Með dómi sínum staðfesti Hæsti-
réttur dóm Héraðsdóms Austur-
lands frá 17. mars sl. Héraðsdómur
var skipaður sérfróðum meðdóm-
endum og taldi hafið yfir skynsam-
legan vafa að ákærði hefði gerst sek-
ur um brot gegn almennum
hegningarlögum. Taldi Hæstiréttur
ekki efni til að hnekkja þessu mati
héraðsdóms. Þá var ekki talið að það
ylli vanhæfi annars hinna sérfróðu
meðdómenda að hann hefði fyrir 10–
14 árum sem skólameistari í fram-
haldsskóla, þar sem sakborningur-
inn var við nám, rekið hann úr skól-
anum vegna áfengisneyslu.
Héraðsdómur taldi það þá vera
hafið yfir skynsamlegan vafa, að sak-
borningurinn hefði sett á svið um-
rætt umferðarslys með því að láta
bifreið sína renna af þjóðveginum
niður fjallshlíð svo að hún lenti niður
í fjöru og stórskemmdist.
Málið dæmdu hæstaréttardómar-
arnir Árni Kolbeinsson og Ingibjörg
Benediktsdóttir og Haraldur Hen-
rysson fyrrverandi hæstaréttardóm-
ari. Verjandi ákærða var Stefán Geir
Þórisson hrl. og sækjandi Ragnheið-
ur Harðardóttir frá ríkissaksóknara.
Fimm mánaða fangelsi
fyrir sviðsetningu slyss
ILLA hefur gengið að ráða fólk til
gæslustarfa fyrir börn í fimmta til
tíunda bekk Öskjuhlíðarskóla, frá
klukkan 13–17 á daginn. Ekki er þvi
boðið upp á neina gæslu fyrir þenn-
an aldurshóp að skóla loknum. Ný-
verið tókst að manna gæslu fyrir
börn í 1.–4. bekk. Skólastjóri Öskju-
hlíðarskóla sagði í Morgunblaðinu
nýverið að þetta væri slæmt, sér-
staklega í verkfalli, því eldri börnin
hefðu þá hvorki fengið kennslu né
gæslu.
„Þetta er ekkert nýtt vandamál.
Þetta var svona í fyrra þegar
Öskjuhlíðarskóli hélt utan um þetta
verkefni. Þá var mannekla sem
hamlaði því að það væri hægt að
fara af stað,“ segir Kristinn Ingv-
arsson, deildarstjóri Sérsveitarinn-
ar, sem heyrir undir Íþrótta- og
tómstundaráð Reykjavíkur og hefur
gæsluna með höndum. Hann segir
verkefnið hafa komið til Sérsveit-
arinnar fyrir um þremur vikum, en
ríki og borg hafa sameinast um að
greiða fyrir þjónustuna. Frá þeim
tíma, er Sérsveitin fékk verkefnið,
hefur verið auglýst eftir fólki en
engin svör hafa borist að sögn
Kristins. Hann bætir því við að um-
sóknir frá foreldrum sem vilja
gæslu fyrir börnin sín séu að berast
inn um þessar mundir.
„Við erum með gæslu núna. Við
störfum sem frístundaheimili fyrir
fyrsta til fjórða bekk. Í lok þarsíð-
ustu viku náðum við að klára að
manna það,“ segir Kristinn og bætir
því við að reynt sé eftir fremsta
megni að manna þær stöður sem
eftir eru sem fyrst. Hann segir
stöðuna ekki vera góða um þessar
mundir. Fólk sæki ekki um þessi
gæslustörf, ekki bara hjá þessu frí-
stundaheimili [Öskjuhlíðarskóla]
heldur hjá frístundaheimilum al-
mennt.
Óhentugur vinnutími
Ástæðuna telur hann fyrst og
fremst vera óhentugan vinnutíma,
en erfitt er að fá fólk í hálfdagsstarf
á milli 13–17. Kristinn bendir á að
sumstarfið hjá Sérsveitinni sé mjög
öflugt og reynt sé að halda í þá ein-
staklinga sem starfa yfir sumartím-
ann, t.d. skólafólk. Í boði sé allt nið-
ur í 10% starf, en þegar á heildina
sé litið þá komi það sér ákaflega illa
ef ætlunin sé að halda úti einhverri
heildarstefnu í þessu starfi. Hvað
sem því líði þá verði að manna þess-
ar stöður eins og staðan sé núna og
huga svo að heildarstefnunni.
Spurður um hvernig fólki þeir
séu að leita að, þ.e. hvaða bakgrunn
það þurfi að hafa, segir Kristinn:
„Við erum annars vegar að leita að
stjórnendum. Við höfum fengið ein-
hverjar umsóknir þar. Svo eru það
almennir starfsmenn, og það eru
sárafáar umsóknir sem við höfum
fengið þar.“
Gæsla nemenda Öskjuhlíðarskóla
Börn í fimmta til
tíunda bekk fá ekki
gæslu eftir hádegi