Morgunblaðið - 08.10.2004, Side 37

MORGUNBLAÐIÐ FÖSTUDAGUR 8. OKTÓBER 2004 37
FRÉTTIR
Íslandsmótið
í einmenningi 2004
Mótið verður spilað 15.–16. októ-
ber í Síðumúla 37. Spilamennska
hefst föstudag kl. 19.00 og lýkur
um kl. 18.00 laugardag. Spilaður
verður barometer. Allir spila sama
kerfið þ.e. einfalt Standard-kerfi og
er hægt að nálgast það á skrifstof-
unni eða www.bridge.is Skráning í
s. 587 9360 eða bridge@bridge.is
Skráningar verða að berast í síð-
asta lagi fimmtudaginn 14. okt. kl.
17.00.
Keppnisstjóri er Björgvin Már
Kristinsson. Núverandi Íslands-
meistari í einmenningi er Birkir
Jón Jónsson.
Frá eldri borgurum
í Hafnarfirði
Þriðjudaginn 5. oktober var spil-
að á 9 borðum. Meðalskor var 216.
Úrslit í N/S urðu þessi.
Bragi Björnss. - Auðunn Guðmundss. 267
Kristján Ólafss. - Friðrik Hermannss. 224
Ásgeir Sölvason - Guðni Ólafsson 220
A/V
Helgi Sigurðss. - Gísli Kristinsson 274
Stefán Ólafsson - Kristján Þorlákss. 251
Jón Ó. Bjarnas. - Ásmundur Þórarinss. 230
Bridsfélag Suðurnesja
Þriggja kvölda hausttvímenningi
lauk með sannfærandi sigri Gunn-
laugs Sævarssonar og Karls G.
Karlssonar. Karl Hermannsson og
Arnór Ragnarsson urðu í öðru sæti
og feðgarnir Óli Þór Kjartansson
og Kjartan Ólason þriðju.
Nk. laugardag verður dagsmót.
Spiluð verður sveitakeppni, 8–10
spil milli sveita, og veitt verðlaun
fyrir fyrsta sætið. Öllum er heimil
þátttaka en mótið hefst kl. 13. Í hléi
verða veitingar og verðlaun afhent
fyrir síðasta vetur. Spilað verður í
félagsheimilinu að Mánagrund.
Næsta mánudag hefst sveit-
arokk, sveitakeppni þar sem ekki
þarf að mynda sveitir aðeins pör.
Bridsfélag Hreyfils
Vetrarstarfið er komið á fullan
skrið. Nú stendur yfir þriggja
kvölda tvímenningur og er lokið
fyrsta kvöldinu. Önnur umferð
verður spiluð nk. mánudagskvöld
kl. 19.30 í Hreyfilshúsinu.
BRIDS
Umsjón Arnór G.
Ragnarsson
ÞÓ AÐ lítt eða ekkert hafi í sumar
og haust orðið vart við hina norsk-
ættuðu eldislaxa sem sluppu úr kví
í Norðfjarðarhöfn í fyrra, er ekki
þar með sagt að ýmsir sjaldséðir
gestir hafi ekki látið sjá sig.
Hjá Veiðimálastofnun fengust
þær upplýsingar að 2–3 hnúðlaxar,
eða bleiklaxar, hefðu veiðst í ís-
lenskum ám í sumar. Hnúðlaxar
eru Kyrrahafstegund sem Rússar
reyndu mjög að koma á fót í ám í
Hvítahafinu fyrir allnokkrum ár-
um. Hrygna þeir nú í nokkrum ám
á Kólaskaga. Þeir hafa veiðst í ís-
lenskum ám flest sumur, aðeins þó
fáein dýr hverju sinni. Þetta er
fremur smávaxin laxategund, oft-
ast 3–4 pund og hængurinn er auð-
þekktur, er bæði þunnur, með aga-
legan og einstaklega vel tenntan
krók, og hnúð á bakinu. Hrygnur
eru ekki jafnauðþekktar.
Regnbogar
Þá veiddust nokkrir regnboga-
silungar að vanda, m.a. þessir ár-
vissu fiskar í Varmá og Þorleifs-
læk. Þar veiddust allnokkrir
regnbogar, sérstaklega um vorið
og voru sumir þeirra einkar falleg-
ir fiskar, allt að 6–7 pund. Flestir
þó 3–4 pund. Er helst hallast að því
að þetta séu undanvillingar frá
fiskeldisstöðvum í nágrenninu. En
regnbogar veiddust víðar, m.a. 8
punda 62 sentimetra fiskur í
Vatnsdalsá í Húnaþingi. Sá er nú
til rannsóknar hjá Veiðimálastofn-
un og þar á bæ segja menn erfitt að
átta sig á upprunanum. Hann gæti
þó verið hingað kominn um langan
veg.
Flundra líka
Loks má nefna að flundran virð-
ist vera að treysta sig í sessi. Síð-
ustu árin hefur hún veiðst á nokkr-
um stöðum. Þessi smávaxni
flatfiskur, sem er náskyldur sand-
og skarkola, fór fyrst að sjást
sunnanlands, veiddist m.a. í Ölfusá
neðanverðri og Varmá/Þorleifs-
læk. Hrukku menn talsvert við er
þeir drógu „kola“ á land, fjölda
kílómetra frá sjó. En það er í eðli
flundru að skjótast upp í ferskvatn,
en best kann hún við sig í hálfsöltu.
Í sumar fannst flundran víðar, ekki
síst á Vesturlandi, m.a. fundust
seiði hennar í ósi Elliðaána.
Fleiri lokatölur
Lokatala í Laxá í Dölum var
1.537 laxar á móti 1.394 í fyrra.
Fremur léleg veiði var í ánni
stærstan hluta sumars vegna
þurrka, en í haust var stanslaus
mokveiði.
Þá var Ólafur Helgi, veiðivörður
í Laxá í Kjós, sannspár er haft var
eftir honum í Morgunblaðinu að
áin myndi ná 1.500 löxum. Lokatal-
an í Laxá var einmitt 1.502 laxar
sem er örlítið minna en í fyrra, en
þá veiddust 1.654 laxar. Kunnugir
voru eigi að síður samdóma um að
meira hafi verið af laxi í ánni í sum-
ar.
Þá var lokatala í Grímsá ásamt
Tunguá 1.127 laxar, nokkrum löx-
um minna en í fyrra, en þá var
heildarveiðin 1.156 stykki.
Blandaður kokkteill í ánum
Morgunblaðið/Einar Falur
Vænn lax berst um. Hann var á leið ofaní klakkistu við Stóru Laxá.
ERU
ÞEIR AÐ
FÁ’ANN?
ÞETTA er hópur flugmanna sem
síðast starfaði við innanlandsflug Ís-
landsflugs en sem kunnugt er hefur
félagið hætt áætlunarflugi innan-
lands og annað félag, Landsflug,
tekið við því. Í fremri röð sitja, frá
vinstri: Helgi Rúnar Sævarsson,
Guðlaugur Birnir Ásgeirsson, Jenný
Ýrr Benediktsdóttir, Stefán Magn-
ússon, Jóhann Ingi Helgason og Elí-
as Dagfinnsson.
Í aftari röð eru, frá vinstri, flug-
stjórarnir Þór Fannar Þórhallsson,
Valur Hlíðberg, Stefán Sæmunds-
son, Magnús Brimar Jóhannsson og
Halldór Árnason. Í hópinn vantar
Bryndísi Láru Torfadóttur flug-
stjóra.
Flestir úr hópnum sinna áfram
innanlandsfluginu um skeið þar sem
Íslandsflug leigir nýja félaginu flug-
mennina. Þeir munu síðar smám
saman flytjast á þotur Íslandsflugs
eftir því sem þjálfun þeirra til þotu-
flugs vindur fram. Eru þoturnar í
verkefnum víða um heim.Ljósmynd/Snorri Snorrason
Flugmenn Íslandsflugs
á leið úr innanlandsflugi
með því að bjóða
lægri vexti. Það
er í raun ekki
hlutverk
Byggðastofnun-
ar að keppa við
bankana en ég
hef haldið því
fram – og held
því fram enn –
að Byggðastofn-
un hafi enn þá
þýðingarmiklu hlutverki að gegna
við eflingu atvinnulífs,“ segir Val-
gerður Sverrisdóttir, iðnaðar- og
viðskiptaráðherra.
Hún minnir á að allar aðgerðir
sem beitt sé til eflingar atvinnu-
lífsins á landsbyggðinni eigi að
vera til stöðugrar endurskoðunar
og þar sé Byggðastofnun ekki und-
anskilin. Hún bendir á að farið
hafi verið í sérstakt átak af hálfu
stjórnvalda með því að Byggða-
stofnun hafi verið falið að kaupa
hluti í fyrirtækjum. Um 350 millj-
ónum hafi verið varið til þess í
fyrra.
„Í framhaldi af því höfum við
orðið vör við í raun mikla þörf á
því að koma með slíkum hætti að
atvinnurekstri, t.d. við stofnun
nýrra fyrirtækja á landsbyggðinni
þannig að ég held að það sé eitt-
hvað sem við þurfum að skoða,“
segir ráðherra.
IÐNAÐAR- og viðskiptaráðherra
segir að sennilega þurfi að bregð-
ast við vegna aukinnar uppgreiðslu
lána hjá Byggðastofnun enda sé
það hennar mat að stofnunin hafi
enn þýðingarmiklu hlutverki að
gegna. Ráðherra tekur þó fram að
það sé ekki hlutverk stofnunar-
innar að keppa beint við viðskipta-
bankana en fundað verði með
stjórnendum Byggðastofnunar á
næstunni til þess að fara yfir þessi
mál.
„Ég vil engu að síður segja að
mér finnst þetta vera jákvæð þró-
un ef viðskiptabankarnir eru farn-
ir að sinna betur lánsfjárþörf fyr-
irtækja á landsbyggðinni, m.a.
Hefur enn þýðingar-
miklu hlutverki að gegna
Viðskiptaráðherra um uppgreiðslur lána Byggðastofnunar
Valgerður
Sverrisdóttir