Morgunblaðið - 08.10.2004, Blaðsíða 47

MORGUNBLAÐIÐ FÖSTUDAGUR 8. OKTÓBER 2004 47
Á MORGUN verður frumsýnd ný söngsýning,
söngkabarett sem ber heitið Með næstum allt á
hreinu og byggist lauslega á Stuðmannamyndinni
Með allt á hreinu eða öllu heldur tónlist þeirrar vin-
sælu myndar. Höfundur verksins er enda fyrrum
Stuðmaður, sjálfur Valgeir Guðjónsson. Það eru
sex leikarar og söngvarar sem koma fram í sýning-
unni en þau eru Andrea Gylfadóttir, Margrét Eir
Hjartardóttir, Linda Ásgeirsdóttir, Valur Freyr
Einarsson, Hjálmar Hjálmarsson og Jón Jósep
Snæbjörnsson. Þau eru bökkuð upp af hljómsveit
sem skipa þeir Eðvarð Lárusson gítarleikari, Jó-
hann Ingvason hljómborðsleikari, Bjarni Ágústs-
son gítarleikari, hljómborðsleikari og trompetleik-
ari, og Birgir Baldursson trommuleikari. Jóhann
Ásmundsson og Eiður Arnarsson munu svo skipta
með sér bassanum.
Kröftugt
„Þeir komu að máli við mig í vor, þeir Broadway-
bændur,“ segir Valgeir með kersknisglampa í aug-
um. Hann segist vera eins konar stýrimaður hvað
uppsetningu verksins varðar en Stefán Sturla Sig-
urjónsson er meðleikstjóri.
„Hugmyndin var sú að nota tónlistina úr Með
allt á hreinu sem virðist hafa öðlast lengra líf en að-
standendur óraði fyrir á sínum tíma (hlær). Mér
fannst þetta skemmtileg og spennandi hugmynd
og það hefur verið mikill metnaður í gangi frá byrj-
un.“
Valgeir segist hafa sest niður og skrifað niður
grind sem ætlað er að halda utan um tónlistina.
Hann og leikararnir/söngvararnir hafi svo þróað
verkið áfram í sameiningu.
„Þetta er draumur í dós fyrir mig því að ég er að
fást við allt aðra hluti í dag. Það er því mjög hress-
andi að fá að takast á við þetta, sérstaklega með
svona öflugum og gefandi hóp en fólkið er mikið að
koma með hugmyndir um hvernig megi vinna þetta
og er afskaplega frjótt. Sýningin hefur því þróast
mjög skemmtilega og verður einkar kröftug. Þetta
verður blanda af gríni, rokki og almennu stuði.“
Fyndnir vinklar
Sögusvið verksins er stór vinnustaður sem er að
fara að halda árshátíð. Starfsmenn fá leikstjóra í lið
með sér (Hjálmar Hjálmarsson) til að setja upp
sýningu og hann hefur undarlegar hugmyndir og
væntingar um hvernig vinna eigi væntanlega sýn-
ingu og leggur einstaklega djúpar meiningar í lög-
in sem flytja á.
„Sem er dálítið fyndinn vinkill,“ segir Valgeir.
„Því að fólk kemur stundum upp að mér og er búið
að leggja ákveðinn skilning í texta sem ég hafði
ekki gert mér grein fyrir sjálfur eða pælt í. Það er
alltaf dálítið gaman fyrir höfunda þegar dýpri
merking en ætluð var er lögð fyrir þá.“
Sýningin tekur því ekki mið af kvikmyndinni
góðu beint. Hins vegar er verið að vinna með lögin
úr henni og einnig fleiri lög frá tíma Valgeirs með
Stuðmönnum.
„Það er viss samsvörun á milli hinnar vonlausu
hljómsveitar sem fer mikinn í Með allt á hreinu og
fólksins í þessari sýningu, sem færist of mikið í
fang á skemmtanasviðinu,“ segir Valgeir. „Leik-
stjórinn hjálpar þá ekki til þar sem hann er fullur
af ranghugmyndum og þar að auki kynóður!“
Grín, rokk
og almennt
stuð
Morgunblaðið/Þorkell
Frumsýningarfiðringur: Nokkrir þeirra sem koma að sýningunni Með næstum allt á hreinu í góðu stuði.
Söngsýning | Með næstum allt á hreinu frumsýnt í Broadway
Lög Stuðmanna lifa með þjóðinni
og nú hafa nokkur þeirra tekið sér
bólfestu í nýjum söngleik sem ber
heitið Með næstum allt á hreinu.
Arnar Eggert Thoroddsen ræddi
við höfundinn, Stuðmanninn eina
og sanna, Valgeir Guðjónsson.
Með næstum allt á hreinu er frumsýnd á laug-
ardaginn. Verð fyrir sýningu, kvöldverð og dans-
leik er 6.400 krónur. Sýning og dansleikur kosta
2.500 kr.
Sýningardagar verða 9. og 16. október og á öllum
jólahlaðborðum Broadway. Einnig hægt að kaupa
sýninguna á árshátíðir.
www.broadway.is
arnart@mbl.is
Í SAMTALI við Arnar Lauf-
dal, eiganda og framkvæmda-
stjóra Broadway, kemur fram
að ákveðnar breytingar eru
væntanlegar í Broadway
„Við erum að fara að taka
ákveðna leikhússtefnu. Í
Norðursalnum (Litla sviðinu)
höfum við t.d. verið að reka
leikhússportsýninguna
Le’Sing sem hefur gengið af-
skaplega vel. Þar verður bráð-
um færð upp ný sýning, Allra
meina þjónn, í leikstjórn Halls
Helgasonar sem mun lúta
svipuðum lögmálum og fyrra
verkið.“
Hann segir að sýningin
nýja, Með næstum allt á
hreinu, muni búa yfir meira af
leik en fyrri sýningar sem
hafa byggst fyrst og fremst á
söng.
„Við ætlum að gera tilraunir
með þetta form og finnst
spennandi að halda áfram á
þessari braut, að reyna að
samþætta leikhús og söng-
sýningu.“
Auk þess er verið að koma
fyrir nýju hljóð- og sýning-
arkerfi í Broadway.
„Þetta er stærsta kerfi sem
sett hefur verið upp til þessa á
landinu,“ segir Arnar. „Með
því ætlum við að fara meira
inn á tónleikamarkaðinn í
framtíðinni og taka inn stór,
alþjóðleg nöfn.“
Breyt-
ingar í
Broad-
way