Morgunblaðið - 18.12.2004, Blaðsíða 33
MORGUNBLAÐIÐ LAUGARDAGUR 18. DESEMBER 2004 33
MINNSTAÐUR
HÖFUÐBORGARSVÆÐIÐ
GERA má ráð fyrir að fyrir því að í
þremur stærstu sveitarfélögum
landsins verði samtals hátt í 40 millj-
ónum króna varið til þess að bæta
grunnskólanemendum kennslutapið í
kennaraverkfallinu. Fræðslumið-
stöðvar og skólayfirvöld víðast hvar á
landinu eru um þessar mundir að fara
yfir hvernig standa megi að uppbót-
um vegna kennslutapsins. Fyrr í vik-
unni samþykkti fræðsluráð Reykja-
víkur að leggja til við borgarráð að
veitt verði fé til grunnskólana í borg-
inni í því skyni að bæta nemendum
upp það kennslutap sem þeir urðu
fyrir í kennaraverkfallinu. Leggur
fræðsluráð til að nemendum í 10.
bekk verði boðin aðstoð til að und-
irbúa samræmd próf og nám í fram-
haldsskóla og að framlag til hvers
skóla geti numið allt að 60 tímum á
deild í þessum árgangi samkvæmt
áætlunum frá skóla. Einnig er lagt til
að nemendum í 9. bekk verði boðin
aðstoð í völdum greinum og geti
framlag numið allt að 20 kennslu-
stundum á hverja deild.
Til viðbótar verði veitt ákveðið
fjármagn til skólanna til þess í fyrsta
lagi að veita aðstoð þeim nemendum
sem skráð hafa sig til að taka fram-
haldsskólaeiningar í grunnskólum og
hafa misst úr námi þar sem kennarar
grunnskólans hafa sinnt þeim undir-
búningi, í öðru lagi til þess að end-
urskipuleggja skólastarf og í þriðja
lagi að koma til móts við þá nemendur
í 1.–8. bekk sem taldir eru þurfa á
sérstakri aðstoð að halda vegna verk-
falls samkvæmt mati skólanna. Áætl-
aður kostnaður vegna þessa er á
bilinu 25–30 milljónir króna, en lík-
legt þykir að kostnaðurinn við að
bæta kennslutap verði eitthvað hærri
þegar allt verður saman tekið.
Tvær milljónir í Hafnarfirði
Fræðsluráð Hafnarfjaðar sam-
þykkti einnig fyrr í vikunni að hver
skóli með unglingadeildir fengi 90
kennslustundir frá áramótum í viðbót
í námsveri fyrir 5.–10. bekk. Áhersla
yrði lögð á 10. bekk vegna samræmdu
prófanna í vor. Engidalsskóli fengi 30
kennslustundir fyrir 5.–7. bekk. Sam-
tals gera þetta 570 kennslustundir og
er áætlaður kostnaður vegna þess
u.þ.b. tvær milljónir króna. Sam-
kvæmt upplýsingum fræðsluráðs
kemur þetta til viðbótar þeim aðgerð-
um sem þegar hefur verið gripið til í
hverjum skóla og mun verða gripið til
eftir áramót með endurskoðun skóla-
dagatala og námsáætlana. Þær að-
gerðir felast helst í því að fella niður
vetrarfrísdag, fækka skertum dögum
vegna jólahalds og annarra viðburða.
Prófadögum fækkað sem kostur er
og allir dagar skólaársins sem eftir
eru verða nýttir á besta mögulega
hátt í hverjum skóla.
Fræðsluyfirvöld Akureyrarbæjar
hafa samþykkt að gera ráð fyrir því
að grunnskólum bæjarins verði út-
hlutað allt að 90 kennslustundum á
næstu vorönn til þess að styðja við
nemendur í námi þeirra fram að sam-
ræmdum prófum, en gert er ráð fyrir
að kostnaðurinn vegna þessa nemi
rúmum 1,8 milljónum króna.
Nýta þarf tímann vel
Samkvæmt upplýsingum blaðsins
mun fræðsluráð Ísafjarðarbæjar
ætla sér að koma saman strax eftir
áramót og taka afstöðu til þess hvern-
ig nemendum verði bætt upp
kennslutap vegna verkfallsins.
Fulltrúi skólayfirvalda bæjarins
bendir hins vegar á að mönnum sé
mjög þröngur stakkur skorinn, sér-
lega vegna tímaleysis, og því séu ekki
taldar forsendur fyrir því að grípa til
sérstakra ráðstafana heldur fremur
að nýta þann tíma sem eftir er af
skólaárinu eins vel og hægt er. Hjá
fræðsluyfirvöldum í Fjarðabyggð
fengust þær upplýsingar að ekki væri
búið að taka neinar formlegar
ákvarðarnir enn þá, en að það yrði
gert fljótlega eftir áramót, enda þætti
ljóst að gera þyrfti einhverjar ráð-
stafanir.
Verja um 40 milljónum króna
til að bæta kennslutap
FRÆÐSLURÁÐ Reykjavíkur beinir
þeim tilmælum til yfirvalda mennta-
mála að gerðar verði nú þegar ráð-
stafanir til að tekið verði vel á móti
þeim árgangi sem kemur í framhalds-
skóla haustið 2005 og þeim veittur
aukinn stuðningur ef þörf er talin á.
Hvetur ráðið til þess að góð samvinna
takist um skipulag og tilhögun skóla-
starfs á vorönn, milli skólastjórnenda,
starfsfólks og forráðamanna barna og
bendir sérstaklega á hlut foreldra-
ráða í því. Hjá skólayfirvöldum á Ak-
ureyri er lagt til að haldnir verði
bekkjarfundir með foreldrum 10.
bekkinga, kennurum þeirra, skóla-
stjóra og fulltrúum framhaldsskól-
anna í byrjun janúar þar sem verði
foreldrum skýrt frá skipan skóla-
starfsins til vors, áherslum og yfirferð
í einstökum námsgreinum og hvernig
skólinn hyggst mæta þörfum nem-
enda fyrir aukinn stuðning í námi.
Kallar á góða
samvinnu
allra aðila