Morgunblaðið - 18.12.2004, Blaðsíða 59
HAMRABORG 1, 200 KÓPAVOGI, SÍMI 554 4011, www.innval.is
hugmyndir
hönnun
innblástur
peðinu til baka þar sem eftir 18.
Dxd6 Dxd6 19. Hxd6 Hhb8 ætti
svartur að hafa jafna stöðu.
18... d5 19. Rg3 h5 20. h4 a5?
20... Hag8 hefði verið ákjósan-
legra. Nú grípur hvítur til lærdóms-
ríkra aðgerða á kóngsvæng.
21. Df3 Kg6 22. H1b3 a4?! 23.
Hc3! Dd6
Hvítur rekur nú smiðshöggið á
sókn sína með snyrtilegri fórn.
24. Rxh5!
Reyndar hefði 24. exd5 cxd5 25.
Hcc7 einnig leitt til sigurs en texta-
leikurinn er fallegri þar eð 24...
Hxh5 gengur ekki upp vegna 25.
Dg4+ Kh6 26. Hg3.
24... f5?
24... Hag8 hefði getað haldið tafl-
inu gangandi.
25. exf5+ exf5 26. Hxe7! Glæsi-
legur lokahnykkur á skemmtilegri
skák. Svartur verður mát eftir 26...
Dxe7 27. Hxc6+ Kf7 28. Dxf5+.
Einn af fjölmörgum aðdáendum
Fischers er Helgi Ólafsson, stór-
meistari og skólastjóri Skákskólans.
Fáir þekkja feril Fiscers jafnvel hér
á landi eins og Helgi en hann sá m.a.
um sýningu sem haldin var í Þjóð-
menningarhúsinu árið 2002 í tilefni
af því að 30 ár voru liðin frá heims-
meistaraeinvígi aldarinnar á milli
Fischers og Borisar Spassky í
Reykjavík. Nokkru áður en Ólymp-
íuskákmótið í Bled hófst þetta sama
ár hafði greinarhöfundur skoðað
eina skák Fischers í þessu hrað-
skákmóti en það var einmitt gegn
Byrne en þá hafði heimsmeistarinn
tilvonandi svart. Mér fannst aðdáun-
arvert hversu Fischer barðist af
mikilli grimmd í skákinni en hann
átti vök að verjast í henni. Skákin
barst í tal á milli okkar Helga við
matarborðið einhvern tíma í Bled og
staðhæfði ég að hún hafi verið tefld
árið 1970. Helgi sem hefur límheila
mikinn kvað það rangt og hófust
nokkrar þrætur okkar á milli. Til að
fá úr henni skorið var skundað í hót-
elherbergi undirritaðs og skákin
slegin upp í skákgagnagrunni.
Óþarfi er að rekja hvor hafi farið
með sigur af hólmi í þrætu þessari
en eins og stundum áður sagði Helgi
við mig þegar við fórum út úr her-
berginu: ,,Þetta eiga menn að vita!“
Jólapakkamót Taflfélagsins
Hellis í Borgarleikhúsinu
Hið árlega jólapakkamót Hellis og
Kringlunnar fer fram sunnudaginn
19. desember nk. í anddyri Borg-
arleikhúsinu og hefst kl. 11 með
setningu borgarstjórans í Reykja-
vík, Steinunni Valdísi Óskarsdóttur,
en hún leikur einnig fyrsta leik
mótsins. Glæsileg verðlaun verða í
boði í þessu best sótta barna- og
unglingaskákmóti hvers árs. Allir
keppendur fá nammipoka frá Góu og
er þátttaka ókeypis! Mótið tekur um
3 klst. en keppt verður í 4 flokkum:
Flokki fæddra 1989 til 1991
Flokki fæddra 1992 til 1993
Flokki fæddra 1994 til 1994
Flokki fæddra 1996 og síðar.
Tefldar verða 5 umferðir með 10
mínútna umhugsunartíma á mann.
Jólapakkar eru í verðlaun fyrir þrjú
efstu sætin í hverjum flokki. Auk
þess verður happdrætti um þrjá
jólapakka í hverjum aldursflokki
fyrir sig. Jólapakkarnir glæsilegu
koma frá Eddu útgáfu, Bókabúð
Máls & menningar og Leikbæ. Nán-
ari upplýsingar um mótið er að finna
á vefsíðunum www.skak.is og
www.hellir.com ásamt því sem for-
maður Taflfélagsins Hellis, Gunnar
Björnsson veitir þær í síma 856
6155.
daggi@internet.is
Helgi Áss Grétarsson Fáðu fréttirnar sendar í símann þinn
MORGUNBLAÐIÐ LAUGARDAGUR 18. DESEMBER 2004 59