Fréttablaðið - 20.12.2005, Síða 6

6 20. desember 2005 ÞRIÐJUDAGUR
LÖGREGLA Tvítugur maður hefur
verið úrskurðaður í gæsluvarðhald
fram til 22. desember grunaður
um kynferðisbrot gegn fimm ungl-
ingsstúlkum á aldrinum fjórtán til
fimmtán ára.
Fyrsta mál mannsins kom inn
á borð lögreglu í nóvember þegar
hann var kærður fyrir að nauðga
tveimur 15 ára gömlum stúlkum.
Að sögn Harðar Jóhannessonar,
yfirlögregluþjóns í Reykjavík,
bárust í síðustu viku tvær kærur
til viðbótar og var maðurinn þá
handtekinn á ný á grundvelli
rannsóknarhagsmuna úrskurðað-
ur í gæsluvarðhald.
Eru brot mannsins talin hafa
verið framin á tímabilinu 29. sept-
ember til 12. desember síðastlið-
inn.
Talið er að þrír vinir ákærða
hafi verið á vettvangi í einhverj-
um tilvikanna og á lögregla enn
eftir að hafa upp á þeim til yfir-
heyrslu. - óká/æþe
Úrskurðaður í gæsluvarðhald:
Grunaður um
kynferðisbrot
STJÓRNMÁL Vörður, fulltrúaráð
sjálfstæðisfélaganna í Reykja-
vík, samþykkti í gær fram-
boðslista flokksins fyrir borg-
arstjórnarkosninarnar í vor.
Fyrstu þrettán sætin eru óbreytt
frá niðurstöðu prófkjörsins sem
haldið var í byrjun nóvember, en
kjör í níu efstu sætin var bind-
andi. „Þetta er sigurstranglegur
og samhentur hópur. Þetta er
reyndar í fyrsta sinn sem algert
jafnræði er milli kynja á listan-
um. Í 16 efstu sætunum eru átta
konur og átta karlar og einnig er
kynjahlutfallið jafnt í öllum 30
sætunum.
Í efstu átta sætunum eru
Vilhjálmur Þ. Vilhjálmsson,
Hanna Birna Kristjánsdótt-
ir, Gísli Marteinn Baldursson,
Kjartan Magnússon, Júlíus Víf-
ill Ingvarsson, Þorbjörg Helga
Vigfúsdóttir, Jórunn Ósk Frí-
mannsdóttir og Sif Sigfúsdóttir.
- jh
Sjálfstæðisfélögin í Reykjavík samþykkja framboðslista fyrir borgarstjórnarkosningar í vor:
Jafnmargar konur og karlar á lista
VALHÖLL Framboðslisti Sjálfstæðismanna
fyrir borgarstjórnarkosningar. Vilhjálmur Þ.
Vilhjálmsson leiðir listann. Hanna Birna
Kristjánsdóttir í öðru sæti. Gísli Marteinn
Baldursson skipar þriðja sætið á listanum.
Fyrstu þrettán sætin eru óbreytt frá próf-
kjörinu fyrr í haust.
STJÓRNMÁL „Skattbyrði hefur
þyngst hjá öllum síðustu tvö árin
nema hjá þeim tekjuhæstu,“ segir
Ingibjörg Sólrún Gísladóttir, for-
maður Samfylkingarinnar.
Vitnar hún þar til svars fjár-
málaráðherra við fyrirspurn
Rannveigar Guðmundsdóttur
sem barst fyrr í þessum mán-
uði. Þar kemur meðal annars
fram að skattbyrði þeirra tekju-
lægstu hafi aukist um nær þrjú
prósentustig. Þar kemur einnig
fram að skattbyrði allra tekju-
hópa hafi aukist nema tveggja
hæstu tekjuhópanna. Þessir tveir
tekjuhópar mynda saman þau 20
prósent sem mestar tekjur hafa í
þjóðfélaginu.
Í svarinu kemur fram að
miðað við verðlag ársins 2004
hafi vaxtabætur rýrnað um
489 milljónir frá því 2002 og til
ársins 2004. Á sama tíma hafa
barnabætur rýrnað um 237 millj-
ónir króna.
„Þetta er eitthvað sem kemur
barnafólkinu og þeim sem eru
með mikla vaxtabyrði vegna hús-
næðiskostnaðar, sem er gjarn-
an sama fólkið, mjög illa,“ segir
Ingibjörg Sólrún.
Ingibjörg Sólrún segir að það
hafi verið fyrirséð að skattbyrði
myndi þyngjast í lægstu tekju-
hópunum þegar ríkisstjórnin
ákvað að lækka tekjuskattshlut-
fallið en láta persónuafsláttinn
ekki fylgja verðlagsþróuninni.
„Þetta sýnir það bara að sú
þróun heldur áfram og bilið milli
þeirra sem hafa mestar tekjur og
þeirra sem hafa lægstar tekjur
er að aukast. Þetta hefur verið
að gerast ár frá ári í tíð þessar-
ar ríkisstjórnar. Einn þátturinn
í þessu er sá að fjármagnstekjur
hafa aukist en þær eru skattlagð-
ar allt öðruvísi en aðrar tekjur,“
segir Ingibjörg Sólrún.
„Þetta er ofur skiljanlegt miðað
við það hvernig skattakerfið er
uppbyggt,“ segir Pétur Blöndal,
þingmaður Sjálfstæðisflokksins.
„Þeir sem eru með hærri laun
borga hlutfallslega hærri skatta
og þegar tekjurnar hækka svona
gríðarlega mikið eins og þau hafa
gert síðustu tíu árin þá gefur það
augaleið að almenningur borgar
hærri skatta því fólk hefur hærri
tekjur. Þannig að þetta er mjög
ánægjulegur vandi. Hvað varðar
skattlagningu á fjármagnstekjur
þá eru þær allt annars eðlis og
fólk á að vita það. Ef allt er tekið
inn í er hún engu lægri en tekju-
skatturinn. Hvað barnabætur
varðar er það að segja að margar
þeirra eru tekjutengdar og þegar
tekjurnar hækka eins og þær hafa
gert þurfa færri barnabætur,“
segir Pétur.
jse@frettabladid.is
Skattbyrði fer niður tekjustigann
Skattbyrði hefur þyngst í öllum launaþrepum nema hjá þeim hæstu, segir Ingibjörg Sólrún Gísladóttir. Einnig
hafa barnabætur og vaxtabætur skerst. Pétur Blöndal segir skattbyrðina skýrast með hærri launum.
BARNA- OG VAXTABÆTUR Í MILLJÓNUM KRÓNA Á VERÐLAGI ÁRSINS 2004
2002 2003 2004
Barnabætur 5.272 5.297 5.035
Vaxtabætur 5.663 5.341 5.174
PÉTUR BLÖNDAL Segir að það gefi auga
leið að láglaunafólk greiði hærri skatta nú
en áður því laun þeirra hafi hækkað.
INGIBJÖRG SÓLRÚN GÍSLADÓTTIR
Segir skattastefnu ríkisstjórnarinnar hafa
komið láglaunuðum og barnafólki illa.
SKATTBYRÐI HLUTFALL AF HEILDARTEKJUM EFTIR TEKJUHÓPUM
Hjón/sambúðarfólk Einhleypir
2002 2003 2004 2002 2003 2004
1 5,5 6,8 8,4 0,0 0,0 0,0
2 11,1 11,8 13,5 0,0 0,0 0,0
3 15,0 15,4 16,4 2,9 2,3 2,9
4 18,0 18,3 19,3 9,4 9,7 11,2
5 20,1 20,6 21,4 12,9 13,3 14,8
6 22,3 22,3 23,0 15,1 15,1 16,3
7 23,9 24,0 24,7 16,9 17,1 18,2
8 25,4 25,3 25,8 18,7 19,1 21,2
9 27,0 26,9 27,4 21,7 21,5 22,6
10 24,5 23,0 22,8 25,4 23,9 24,6
* Í hópi 1 eru þau 10 prósent sem minnstar tekjur hafa og svo koll af kolli.
Hin árlega
skötuveisla
Hótel Cabin
verður haldin í
hádeginu
23. desember.
Verð aðeins:
1.990,- kr.
Borðapantanir
í síma 511 6030
Borgartúni 32 Reykjavík
www.hotelcabin.is
Sími: 511 6030
Skata matreidd á ýmsan hátt,
ásamt saltfisk, síld og meðlæti.
TILBOÐ!
Lyklar að Hótel Örk
Allir sem kaupa lykil að Hótel Örk
á Hótel Cabin í hádeginu Þorláksmessu
fá fría Skötuveislu.
skata_2dalkarx15cm
page 1
Monday, December 19, 2005 11:04
Composite
ÓKU OF HRATT Lögreglan í Keflavík tók
tvo ökumenn og kærði fyrir hraðakstur
á Reykjanesbrautinni aðfaranótt mánu-
dags. Báðir voru teknir þar sem hámarks-
hraði er 90 kílómetrar á klukkustund.
Annar ók á 133 kílómetra hraða og hinn
á 135 kílómetra hraða. Hámarkshraði
miðar við bestu aðstæður, en lögregla
segir aðstæður hafa verið langt frá því
sökum hálku og éljagangs.
LÖGREGLUFRÉTTIR
KJÖRKASSINN
Mun ríkisstjórnin lækka
landbúnaðarstyrki?
Já 90%
Nei 10%
SPURNING DAGSINS Í DAG:
Vildir þú sjá Hillary Clinton sem
næsta forseta Bandaríkjanna?
DÓMSMÁL 23 ára maður var í gær
dæmdur í 45 daga fangelsi, skil-
orðsbundið í þrjú ár, fyrir þjófnað
og fjársvik.
Um klukkan tíu að morgni mið-
vikudagsins 14. september stal
maðurinn flíspeysu ásamt korta-
veski sem í henni var í Smáralind
í Kópavogi. Á sama stað stal hann
líka dúnvesti sem í var Panasonic
Mp3-spilari og bíllykill. Klukkan
tuttugu mínútur fyrir þrjú reyndi
maðurinn svo að svíkja út vörur
fyrir 1.355 krónur á bensínstöð með
greiðslukortinu úr flíspeysunni.
Maðurinn viðurkenndi brot sín
fyrir dómi en hann hafði áður verið
sektaður fyrir þjófnað.
Dómurinn var kveðinn upp í
Héraðsdómi Reykjaness. - óká
Maður dæmdur í fangelsi:
Stal flíspeysu
og dúnvesti
LÖGREGLUMÁL Ungum lögreglu-
manni hefur verið vikið frá störf-
um hjá lögreglunni í Reykjavík
eftir að upp komst að hann hafði
stolið einni Tetra talstöð embætt-
isins og selt áfram til óviðkomandi
aðila.
Málið er komið í hendur ríkis-
saksóknara og er búist við að ákæra
verði gefin út á hendur manninum
innan tíðar fyrir brot sitt. Er það
litið afar alvarlegum augum enda
fara öll samskipti lögreglu gegnum
stöðvarnar og sá sem hefur slíka
stöð undir höndum hefur aðgang að
öllum helstu trúnaðarupplýsingum
lögreglu í landinu.
Geir Jón Þórisson, yfirlögreglu-
þjónn hjá lögreglunni í Reykjavík,
staðfesti að manninum hefði verið
vikið frá vegna málsins sem komst
upp fyrir nokkrum vikum. Á hann
þunga sekt eða jafnvel fangelsis-
dóm yfir höfði sér vegna stulds-
ins og þá staðreynd að hann seldi
stöðina. - aöe
Lögreglumaður á yfir höfði sér sekt, jafnvel fangelsisdóm:
Seldi talstöð lögreglu
TETRAKERFI LÖGREGLUNNAR Í NOTKUN Öll samskipti lögreglu fara fram um Tetrakerfið
og getur sá er yfir slíka stöð kemst hlustað á trúnaðarupplýsingar af ýmsu tagi, nöfn og
kennitölur fólks og brotaferil. Myndin er úr safni.
Átak gegn fíkniefnum Lögreglan
í Sao Paulo handtók 22 einstaklinga
á útiskemmtun og tók af þeim mikið
magn eiturlyfja. Fyrr í vikunni handtók
hún 28 manns fyrir sömu sakir og
eru handtökurnar hluti af samræmdri
aðgerð til að stemma stigu við
eiturlyfjanotkun tengdri næturlífi.
BRASILÍA
Bílvelta á Reykjavíkurvegi Bíll valt
eftir harðan árekstur við Reykjavíkurveg
rétt rúmlega átta í gærkvöldi. Tveir
menn voru í bílnum og voru þeir
sendir á slysadeild. Þeir eru ekki taldir
alvarlega slasaðir að sögn lögreglunnar
í Hafnarfirði. Þetta var þriðja bílslysið í
Hafnarfirði í gær.
LÖGREGLUFRÉTTIR