Fréttablaðið - 20.12.2005, Síða 93

20. desember 2005 ÞRIÐJUDAGUR
ER MÆTTUR Á DVD
JÓI FEL
6 SÆLKERAÞÆTTIR OG VEGLEGUR
UPPSKRIFTARBÆKLINGUR FYLGIR!
KOMINN Í NÆSTU VERSLUN!
FÓTBOLTI Bjarni Jóhannson, þjálf-
ari Breiðabliks, og Birkir Krist-
insson, fyrrum landsliðsmaður og
leikmaður ÍBV, hafa verið ráðnir
aðstoðarmenn Eyjólfs Sverrisson-
ar hjá íslenska landsliðinu í knatt-
spyrnu. Báðir skrifuðu þeir undir
tveggja ára samninga við KSÍ en
Bjarni mun sjá um að aðstoða Eyj-
ólf við almennar æfingar á meðan
Birkir mun sjá um markmanns-
þjálfun liðsins.
„Það er erfitt að slíta sig frá
landsliðinu,“ sagði Birkir hlæj-
andi við Fréttablaðið í gær eftir
að tilkynnt hafði verið um ráðn-
ingu hans. Birkir hefur verið
viðloðandi landsliðið allt frá því
að hann var valinn fyrst í ólymp-
íulandsliðshópinn svokallaða árið
1988 en honum lauk síðan form-
lega í vináttuleiknum gegn Ítalíu
síðasta sumar. Nú er hann hins
vegar snúinn aftur í landsliðið
sem þjálfari sem þýðir að þegar
hinn nýi samningur hans við
KSÍ rennur á enda er tíminn með
landsliðinu farinn að slaga hátt í
tvo áratugi.
„Ég ætlaði upphaflega ekki að
taka nein þjálfarastörf að mér en
það má segja að þetta hafi verið
tilboð sem ég gat ekki hafnað,“
segir Birkir sem býr ekki yfir
neinni þjálfaramenntun að viti,
aðeins gríðarlegri reynslu. „Ég
treysti mér alveg í þetta starf
sem er vissulega svolítið öðru-
vísi en hefðbundið þjálfarastarf,“
sagði Birkir og bætti því við að
þetta yrði að öllum líkindum hans
fyrsta og síðasta þjálfarastarf.
„Ég held að þetta verði mjög
fínt og ég þarf allavega ekki að
kynnast neinum. Mér líst mjög
vel á þetta teymi, við þjálfararnir
þekkjumst allir frá fyrri tíð og ég
hlakka til að takast á við þetta.“
Í tilkynningu frá KSÍ kemur
fram að Bjarni sé gríðarlega
reyndur þjálfari sem lokið hafi
hæsta stigi sem boðið er upp á í
þjálfaramenntun hér á landi. Þá
segir að Birkir sé einn reynslu-
mesti leikmaður íslenskrar knatt-
spyrnu frá upphafi en hann er sá
leikmaður sem leikið hefur flesta
leiki í efstu deild, eða 320 samtals.
Þá hefur hann leikið 74 A-lands-
leiki fyrir Íslands hönd.
vignir@frettabladid.is
Þjálfarateymi íslenska landsliðsins í knattspyrnu hefur verið ákveðið:
Bjarni og Birkir aðstoða Eyjólf
ÞJÁLFARATEYMIÐ Þremenningarnir sem munu koma til með að bera ábyrgð á árangri
íslenska landsliðsins í knattspyrnu næstu þrjú árin: Birkir Kristinsson, Eyjólfur Sverrisson og
Bjarni Jóhannsson. FRÉTTABLAÐIÐ/JÓHANN KRISTINSSON
HVAÐ? HVENÆR? HVAR?
DESEMBER
17 18 19 20 21 22 23
Þriðjudagur
■ ■ SJÓNVARP
 16.30 Besti leikmaður heims á
Sýn. Útsending frá kjörinu sem fram
fór í gærkvöld.
 18.00 Íþróttaspjallið á Sýn.
 19.00 Ensku mörkin á Sýn. Mörkin
og marktækifærin úr ensku 1. deild-
inni.
 19.30 Enski deildarbikarinn
á Sýn. Bein útsending frá leik
Birmingham og Man. Utd.
 20.00 Þrumuskot á Enska bolt-
anum.
 21.00 Að leikslokum á Enska
boltanum.
 21.30 Spænski boltinn á Sýn. Bein
útsending frá leik Barcelona og
Celta Vigo.
FÓTBOLTI Forseti FIFA, Sepp Blatt-
er, er vanur að hrista upp í hlut-
unum og hann gerði það enn eina
ferðina í gær þegar hann réðst
nokkuð harkalega að Chelsea en
hann er ekki hrifinn af þeim fjölda
útlendinga sem spila með liðinu.
„Ef félög geta aðeins haft
fimm útlendinga í byrjunarliðum
sínum þá neyðast þau til að sinna
unglingastarfinu betur. Þá gæti
Roman Abramovich ekki lengur
keypt alla bestu menn heims fyrir
fáránlegar upphæðir. Chelsea er
dæmi um hvernig hlutirnir eiga
ekki að vera og við viljum ekki sjá
slíkt gerast úti um allan heim,“
sagði Blatter sem ætlar að berjast
fyrir því að hömlur verði settar
á fjölda erlendra leikmanna hjá
félagsliðum. „Stuðningsmenn-
irnir verða líka nánari leikmönn-
unum ef fleiri þeirra eru heima-
menn. Þessi breyting mun líka
sjá til þess að hinir ríku hætta að
verða ríkari og að hinir fátækari
hætti að verða fátækari. FIFA
telur það vera rétta þróun. Það
eru aðeins einn til tveir heima-
menn hjá Liverpool og Bayern
München og það er ekki gott fyrir
fótboltann,“ sagði Blatter. Þess má
geta að fjöldi enskra leikmanna
er í aðalliðshóp Liverpool og þar
af landsliðsmenn þannig að þessi
fullyrðing Blatters stendur ekki
alveg undir sér rétt eins og marg-
ar aðrar sem hann hefur látið frá
sér.
Ekki er talið líklegt að hug-
myndir Blatters nái í gegn.
- hbg
Blatter ræðst harkalega á leikmannastefnu Chelsea:
Chelsea ekki til fyrir-
myndar í stefnu sinni
FÓTBOLTI Það var mikið um dýrðir í
óperuhúsinu í Zurich í Sviss þegar
kjöri besta knattspyrnufólks
heims var lýst. Valið er á vegum
Alþjóðaknattspyrnusambandsins,
FIFA, og það eru landsliðsþjálf-
arar og landsliðsfyrirliðar sem
kjósa.
Það þarf vart að koma á óvart
að Brasilíumaðurinn Ronaldin-
ho, leikmaður Barcelona, sigraði
kjörið með miklum yfirburðum
(956 stig). Englendingurinn Frank
Lampard, leikmaður Chelsea, varð
annar (306 stig) og félagi Ronald-
inho hjá Barcelona, Samuel Eto´o,
varð þriðji (190 stig). Þetta var
annað árið í röð sem Ronaldinho
hlýtur þessi verðlaun.
Hjá konunum var þýska stúlk-
an Birgit Prinz kjörin best þriðja
árið í röð (513 stig). Brasilíska
stúlkan Marta var önnur (429 stig)
og bandaríska stúlkan Shannon
Boxx varð þriðja (235 stig). Engin
knattspyrnukona hefur áður verið
valin þrjú ár í röð.
Þess má geta að landsliðsfyr-
irliðinn Eiður Smári Guðjohnsen
valdi Ronaldinho í fyrsta sætið,
Adriano í annað og Lampard í
það þriðja. Landsliðsþjálfararnir
fyrrverandi, Ásgeir og Logi,
völdu Kaká fyrstan, Ronaldinho
var annar hjá Ásgeiri og Loga og
Frank Lampard þriðji.
Landsliðsfyrirliðinn Ásthildur
Helgadóttir setti Prinz aðeins í
þriðja sætið hjá sér en Marta var
fyrst og Renate Lingor önnur.
Landsliðsþjálfarinn Jörundur
Áki Sveinsson setti Mörtu í fyrsta
sætið, Prinz í annað og Lingor í
það þriðja. - hbg
Ronaldinho er langbestur
Landsliðsþjálfarar og fyrirliðar völdu Brasilíumanninn Ronaldinho besta leik-
mann heims árið 2005. Birgit Prinz var valin besta knattspyrnukona heims.
RONALDINHO Var kjörinn besti knattspyrnumaður heims hjá FIFA með miklum yfirburðum.
FRÉTTABLAÐIÐ/GETTY