Réttur - 01.07.1966, Blaðsíða 56

256
RÉTTITR
ingarsamtaka þannig að innan þeirra rúmist jafnt hinar ýmsu skoS-
anir, sem og ólíkir einstaklingar og samtök, jafnt félög sem flokk-
ar, — en sameinuð um höfuðstefnuna í dægurmálunum og um að
útkljá sín mál á lýðræðislegum grundvelli. Það er erfitt verk að
skapa og móta slík samtök og stýra þeim, en löng reynsla og ýmsar
tilraunir, er gerðar hafa verið, ættu þó að lokum að tryggja það,
að koma þessum samtökum heilum í höfn, ef góður hugur fylgir.
Alþýðubandalagið hefur nú öll skilyrði til þess að verða sú fjölda-
hreyfing, sem alþýðan hefur vonast eftir, ef því er nógu rúmur
stakkur skorinn, og engar einangrunartilhneig.ingar fá þar að að
komast, hvort sem kenndar eru við „hægri“ eða „vinstri.“
*
Það eru umbrot í aðsigi í stjórnmálum Norður- og Vestur-Evrópu,
og eigi síður hér á íslandi. Sósíalistískir flokkar eru í umsköpun.
Flokkavald almennt tekið til endurskoðunar. Alvarlega er til íhug-
unar, hvort samfylking er ekki heppilegast form þeirra pólitískra
samsteypna, er sameina skulu frelsi inn á við og þrótt út á við.
011 þessi mál eru nú á dagskrá til úrlausnar og það er því þýð-
ingarmeira að rétt og viturlega sé ráðið sem pólitískt gjaldþrot
ráðþrota ríkisstjórnar, — er glatað hefur með stjórnleysi tækifær-
um bezta góðæris, sem yfir ísland hefur komið, -—■ skapar slíka
deiglu í íslenzkum stjórnmólum, að eigi hefur síðan 1942 verið
annar eins möguleiki til mikilla og góðra umskipta frá alþýðu
sjónarmiði, og vart nokkru sinni verið eins brýn þörf á algerum
umskiptum frá sjónarmiði þjóðarheildarinnar.