Réttur - 01.10.1931, Page 63

Rjettur]
RITSJÁ
255
vísindalegasta útgáfa, sem til er af ritum hans. Fylgja henni
nákvæmar skýringar, fylgiskjöl, þar sem prentuð eru þau merki-
leg skilríki, sem Lenin í ritum sínum vísar til, og ennfremur
æfiágrip þeirra manna, sem hann getur um.
»Verlag fur Literatur und Politik«, hið mikla þýska bókaút-
gáfufjelag, hefur ráðist í að gefa rit hans út í þýskri þýðingu,
þeirri einu, sem viðurkend er af Leninstofnuninni.
Þessi Lenin-útgáfa er í alla staði hin merkilegasta. Starfsemi
Lenins nær yfir það 30 ára tímabil, sem örlagaríkast er í sögu
verklýðshreyfingarinnar og allan tímann er Lenin ein aðalper-
sónan sjálfur. Einkum markar þó starfsemi hans hin veiga-
mestu tímamót mannkynssögunnar, þegar barátta hans gegn
heimsstríðinu byrjar og undirbúningurinn undir byltinguna
hefst.
En um það fjallar einmitt þetta hefti. Þar eru ræður Lenins,
brjef og greinar á árinu 1910 og til í mars 1917. Ennfremur
greinarkafli um sosialistabyltinguna og sjálfsákvörðunarrjett
þjóðanna, um friðarhreyfinguna, um Zimmerwald-hreyfinguna
o. fl. En aðalhluti bindisins er hið mikla og merkilega rit Lenins
um »Imperialismann (stórveldastefnuna) sem hæsta stig auð-
valdsins«.
1 þessari bók rekur Lenin samdrátt auðmagnsins í hverri iðn-
greininni á fætur annari, myndun einokunarhringanna, hið
aukna hlutverk og' yfirdrotnun bankanna og sýnir hvernig alt
þetta skapar fjármálaauðvaldið (Finanskapital), sem verði það
stig auðvaldsþjóðfjelagsins, er taki við af iðnaðarauðvaldinu og
hinni frjálsu samkepni þess. Fjármálaauðvaldið kemur á og
eykur geysilega útflutning auðmagns til nýlendnanna og við það
harðnar baráttan um yfirráð markaðanna og þeirra landa, sem
eru enn ekki orðin stóriðnaðarlönd. Heiminum er skipt upp
milli hringanna, milli stói-veldanna. Skýrgreinir Lenin svo im-
perialismann, sýnir fram á, hvernig andstæður auðvaldsins ná
hámarki sínu í imperialismanum, hvernig meinsemdir þess jeta.
um sig, hvernig auðmannastjettin sjálf gerspillist af sníkjulífi
renturæningjans, jafnhliða því sem verkalýður heimalandanna
og kúguðu nýlenduþjóðirnar fylkja sjer til árása á heimsauð-
valdið.
Þessi bók um imperialismann er einnig til í danskri þýðingu
og getur »Rjettur« útvegað hana.
Rit Lenins þurfa allir þeir að eignast, sem nema vilja til
hlýtar sosialisma nútímans og geta skilið þýsku. Á stærri bóka-
söfnum Islands eru rit þessi sjálfsögð.
E, 0.