Réttur - 01.01.1971, Page 30

Holskeflur mannhafsins og óttaslegin yfirstétt. Teikning eftir Bandaríkjamanninn W. B. Kerr: Knútur konungur.
nema hlekkjunum, en heilan heim að vinna," svo
notuð séu orð Kommúnistaávarpsins frá 1848, sem
þá áttu við um verkalýð evrópskra iðnaðarlanda.
Hetjuskapur Vietnam sýnir hve vonlaust það er
fyrir auðmannastétt heims að ætla sér að halda
þessu afli niðri með hervaldi, eftir að þetta fólk
hefur vaknað til vitundar um vald sitt. Einmitt þegar
neyðin er svo mikil sem hér er hugsjónin um frelsi
frá hungri og kvöl hvað fegurst í hyllingunum og
fólkið því reiðubúið að heyja hina hörðustu baráttu,
fórna öllu fyrir hugsjónina, því þá er baráttan háð
um lífið sjálft, ekki bara lífskjarabætur, — um
frelsið til að lifa, ekki bara um aukin réttindi. Því
fær enginn morðtækni amerísku miljónamæringanna
myrt þetta fólk sjálft, hve mikið sem þeir drepa af
einstaklingum þess: konum, börnum og körlum,
— því hér bylgjast sjálft hið ósigrandi mannhaf
miljónanna, ólgandi af hugsjón réttlætisins, sem
er að gagntaka þennan hungrandi, stritandi aragrúa
og mun að lokum kaffæra hrokafullar yfirstéttir og
þjóna þeirra.
5. VANDAMÁL VALDSINS
En hvað um örlög byltingarinnar, þar sem hún
hefur sigrað. Hefur ekki gagnbyltingin sigrað i
Rússlandi, svo sem Kínverjar og fleiri halda fram?
Er ekki komið á hernaðareinræði i Kína svo sem
sovétmenn segja?
Vissulega eru vandamál valdsins mikil fyrir al-
þýðu manna, ekki sízt síns eigin ríkisvalds. Sósial-
isminn er ekki búinn að sigra, þó byltingin takist.
Valdatakan er forsenda sósíalismans, ekki sósíal-
isminn sjálfur. Og menn þeir, sem verða að byggja
sósialismann hafa, þrátt fyrir allan hetjuskap bar-
áttunnar og hugmyndafræði marxismans, illan arf
stéttaþjóðfélagsins enn í blóði sínu. Þeir verða að
beita ríkisvaldi, sem í sjálfu sér er framandi vinn-
andi stéttum. Og viðast hvar hefur alþýðan einnig
orðið að skapa sjálfar hinar tæknilegu forsendur
sósialismans: iðnvæðinguna, svo ekki sé talað um
ægilegasta átakið: verja rússnesku byltinguna í
tveim stórstyrjöldum fyrir árásum auðvaldsins (1918
30