Fréttablaðið - 28.03.2009, Page 92

60 28. mars 2009 LAUGARDAGUR
Veitt var úr sjóði Prologus á
fimmtudag, sjóði sem Bjarni
Ármannsson og Halla Sverris-
dóttir stofnuðu til styrktar leikrit-
un í samvinnu við Þjóðleikhúsið.
Umsóknir í sjóðinn voru óvenju
margar, alls 53 frá 45 aðilum.
Fjórir höfundar hlutu handrits-
styrki og einn leikhópur hlýtur
styrk vegna leiksmiðjuverkefnis.
Úthlutað er úr Prologos þrisvar á
ári, og að jafnaði eru veittir tveir
handritsstyrkir í hvert sinn. Með
hliðsjón af erfiðu efnahagsástandi
var ákveðið að fjölga handrits-
styrkjum í fjóra þetta sinnið.
Konur voru fyrirferðarmiklar
í úthlutun að þessu sinni: Auður
Ava Ólafsdóttir er styrkt til að
þróa hugmynd sem ber vinnuheit-
ið Svartur hundur prestsins, Mar-
grét Örnólfsdóttir kallar verkefni
sitt Og hvernig líður þér?, Þórdís
Elva Þorvaldsdóttir Bach-
mann hlaut styrk til að
þróa leikhandritið Fyrir-
gefningin. Úlfur Eldjárn
hlaut styrk til að skrifa
leikrit sem nefnist Söng-
leikurinn um dauðann
og Sviðslistahópurinn
16 elskendur hlaut styrk
vegna leiksmiðjuverkefn-
isins Nígeríusvindlið.
Auður bíður þess nú
hver framgangur hennar
verður í kappi við aððra
norræna höfunda en saga
hennar Afleggjarar var tilnefnd
til Bókmenntaverðlauna Norður-
landaráðs. Áður hafði hún sent
frá sér verkin Upphækkuð jörð
(1998), Rigning í nóvember (2004),
sem hlaut bókmenntaverðlaun
Tómasar Guðmundssonar og var
tilnefnd til menningarverðlauna
DV 2005. Afleggjarar hlaut menn-
ingarverðlaun DV í bókmenntum
og bókmenntaverðlaun kvenna,
Fjöruverðlaunin fyrir skömmu.
Margrét Örnólfsdóttir hefur
skrifað handrit að kvikmyndum
og leiknu sjónvarpsefni, og samið
tónlist fyrir kvikmyndir og fjölda
leikhúsverka. Hún samdi
handritið að Regínu ásamt
Sjón, skrifaði þætti í Rétt
og Svarta Engla og var með
í samningu Stelpnanna.
Þórdís Elva Þorvaldsdótt-
ir Bachmann hefur skrifað
nokkur leikrit fyrir svið:
Áttu smit? (2004). Hung-
ur (2006), Fýsn (2007), og
Dansaðu við mig (2008).
var sýnt í Iðnó. Hún samdi
leikritið Dúkkulísu fyrir
Þjóðleik, grasrótarverkefni
Þjóðleikhússins og fleiri
aðila, sem verður sýnt á Austur-
landi í vetur.
Úlfur Eldjárn hefur starfað sem
tónlistarmaður frá unga aldri,
lengst af sem meðlimur í Orgel-
kvartettinum Apparat. Hann
hefur samið tónlist við fjölda leik-
verka, dansverka og stuttmynda.
Úlfur hefur þýtt nokkur leikrit og
komið að handritsskrifum fyrir
sjónvarp.
Sviðslistahópinn 16 elskendur
sýndi sýninguna Íkea-ferðir
haustið 2008 og vinnur nú að sýn-
ingunni Orbis Terrae í samstarfi
við Margréti Vilhjálmsdóttur
fyrir Listahátíð í Reykjavík.
Markmið Leikritunarsjóðsins
Prologos er að hlúa að leikritun á
Íslandi og efla höfundastarf við
Þjóðleikhúsið.
Sem fyrr segir er umsóknar-
frestur vegna næstu úthlutun-
ar úr Leikritunarsjóðnum Prolo-
gos til 18. maí næstkomandi, en
úthlutun fer fram í júní. Upplýs-
ingar um sjóðinn og umsóknar-
ferli er að finna á heimasíðu Þjóð-
leikhússins, leikhusid.is.
pbb@frettabladid.is
Veitt úr Prologus öðru sinni
LEIKLIST Margrét
Örnólfsdóttir,
tónlistarmaður og
rithöfundur.
AUÐUR A. ÓLAFS-
DÓTTIR rithöfund-
ur og listfræðingur.
LEIKLIST Þórdís
Þorvaldsdóttir
Bachman, leik-
skáld og leikkona.
Í tilefni Hönnunardaga opnar Hönn-
unarsafnið í garðabæ allt upp á gátt
um helgina. Nú gefst þér kostur
á að kíkja í geymslur safnsins: í
geymslum safna leynast fjársjóð-
ir sem almenningur hefur sjaldn-
ast aðgang að. Fjórar ferðir eru í
boði um geymslur safnsins í tilefni
HönnunarMars. Aðeins er hægt að
fara um geymslurnar í fylgd starfs-
fólks og verða ferðirnar kl. 14 og 16
í dag og sunnudag.
Þar muntu sjá íslensk húsgögn
og húsbúnað frá 20. öld og til dags-
ins í dag.
Þekkir þú Gullstólinn? Hver
teiknaði Apollo-húsgögnin? Lamp-
ar og skrifborð, hillur, kollar og
skatthol mæta þér í geymslunum
en þar leynast einnig íslensk svefn-
herbergishúsgögn. Í húsakynnum
safnsins gefst þér færi á að sjá
ágætt yfirlit húsgagna teiknuðum
af Sveini Kjarval. Í dag kl. E15 mun
Arndís S. Árnadóttir listfræðingur
flytja erindi og segja frá húsgögn-
um Sveins Kjarvals (1919-1981) í
safnhúsi Hönnunarsafsins.
Sveinn hefði orðið níræður á
þessu ári og er kærkomið að minn-
ast við þau tímamót þessa afkasta-
mikla húsgagnahönnuðar. Sveinn
Kjarval teiknaði bæði innrétting-
ar og stök húsgögn. Í erindinu verð-
ur skoðað hvað húsgögn hans segja
okkur um nútímalega húsgagna-
gerð, tíðarandann og hvernig sam-
starfi hönnuða við húsgagnafram-
leiðendur var háttað á
þessum tíma. Í mið-
rými safnhúss-
ins getur að líta
nokkur húsgögn
Sveins í eigu
safnsins.
- pbb
Hönnunarsafn
upp á gátt
HÖNNUN Einn af mörgum
gripum Sveins Kjarvals.
Þjóðmenningarhúsið – The Culture House
National Centre for Cultural Heritage
Hverfi sgötu 15 · 101 Reykjavík
Sími 545 1400 · www.thjodmenning.is
Opið daglega kl. 11.00 – 17.00
AÐ SPYRJA NÁTTÚRUNA
Saga Náttúrugripasafns Íslands
ÍSLAND :: KVIKMYNDIR
Berlín - Kaupmannahöfn - Reykjavík
ÞJÓÐSKJALASAFN ÍSLANDS
90 ár í Safnahúsi
Sýningar - leiðsögn - veitingar - verslun
Leiðsögn án endurgjalds í boði fyrir
skólahópa. Leiðsögn á ensku um
handritasýninguna kl. 15.30 á mánudögum
og föstudögum. Veitingar á virkum dögum.
Þjóðmenningarhúsið var tekið í notkun fyrir 100 árum. Af því tilefni hefjast
þrjár nýjar sýningar á morgun: ÍSLAND :: KVIKMYNDIR, um 100 íslenskar
kvikmyndir aðgengilegar í fullri lengd. Að spyrja Náttúruna – Saga Náttúru-
gripasafns Íslands, ýmsir sjaldgæfi r og spennandi náttúrugripir auk muna
og skjala úr sögu safnsins. Þjóðskjalasafn Íslands – 90 ár í Safnahúsi,
teikningar úr sögu hússins og næsta nágrennis auk skjala allt frá dögum
Jörundar hundadagakonungs. Komdu, sjáðu og gæddu þér á fróðleik.
NÝJAR SÝNINGAR
Aldarafmæli í Þjóðmenningarhúsinu