Morgunblaðið - 17.10.2006, Blaðsíða 6

6 ÞRIÐJUDAGUR 17. OKTÓBER 2006 MORGUNBLAÐIÐ
FRÉTTIR
Eftir Guðna Einarsson
gudni@mbl.is
BJÖRN Ingimarsson, sveitarstjóri
Langanesbyggðar, sagðist ekki hafa
séð tölur sem staðfestu svo mikinn
fólksflutning frá Bakkafirði og fram
kemur á vefnum bakkafjordur.is,
eftir að Skeggjastaðahreppur
(Bakkafjörður) og Þórshafn-
arhreppur sameinuðust í Langanes-
byggð í júní sl. Ekkert sem benti til
þess hafi a.m.k. komið á borð sveit-
arstjórnarinnar og fjöldi nemenda í
skólanum svipaður og var. Hann
sagði ljóst að dregið hafi úr kraft-
inum í stærstu fiskvinnslunni á
Bakkafirði, Gunnólfi, og ekki mikið
umleikis þar undanfarna mánuði.
„Eins og fram hefur komið í frétt-
um er verið að fækka stórlega í
starfsstöð Ratsjárstofnunar á Gunn-
ólfsvíkurfjalli. Við höfum sent frá
okkur ályktun þar sem við bendum á
öfugmælin í því að ætla að halda uppi
byggðastefnu en nota hvert tækifæri
til að draga úr vinnu tæknimenntaðs
fólks á landsbyggðinni,“ sagði Björn.
Byggðir séu látnar í friði
Áki Guðmundsson, skipstjóri á
Bakkafirði og fyrrverandi oddviti
Skeggjastaðahrepps, sagði marga
hafa flutt frá Bakkafirði undanfarið,
bæði rótgróna íbúa og „nýja far-
andverkamenn“, flesta af pólskum
ættum. Hann sagði uppsagnirnar
hjá Ratsjárstofnun bætast ofan á
aðra erfiðleika. Byggð voru átta hús
í þorpinu fyrir starfsmenn stofn-
unarinnar og búið í þeim öllum um
tíma. Síðan hefur starfsmönnum
fækkað og þeir flutt burt með fjöl-
skyldur sínar. „Það fór einn í síðustu
viku, annar um áramót og restin í
maí. Það verður einn starfsmaður
Ratsjárstofnunar eftir hjá okkur.
Þetta eru landráð,“ sagði Áki.
Hann sagði öfugsnúið að stjórn-
völd legðu peninga í byggðastefnu,
en engum hafi dottið í hug að reyna
að halda í störfin hjá Ratsjárstofnun.
Þetta sé bara eitt dæmið um hvernig
lífið sé dregið úr landsbyggðinni.
„Öll þessi þorp eru sjávarútvegs-
þorp. Hægt og rólega er búið að taka
af okkur megnið af kvótanum. Ég
get ekki séð hvernig við eigum að
geta búið hér áfram,“ sagði Áki.
Hann er með eigin útgerð og fisk-
vinnslu og sjö starfsmenn. Hann
sagði útgerðina ganga vel og nóg
fiskirí, en baráttan fyrir tilverunni
úti á landi harðnaði jafnt og þétt.
Stöðugur samdrátturinn þýddi
fólksfækkun úti um allt land. „Við
erum orðin þreytt á þessu. Það er
alltaf verið að reyna að láta sér detta
eitthvað nýtt í hug – að gera eitthvað
nýtt úti á landi – en það kveður allt
við það sama.“
Áki og fjölskylda fluttu til Bakka-
fjarðar um 1980. Hann sagði dvölina
þar hafa verið góða og Bakkafjörð
hafa upp á margt að bjóða. En það sé
ljóst að ekki sé vilji til að halda
byggð í svona litlum sveitarfélögum.
Stjórnvöld eigi að láta þessar byggð-
ir í friði og ekki taka af þeim það sem
þær hafa. Hvort heldur opinber störf
eða fiskveiðiheimildir.
Fiskvinnsla ekki
samkeppnisfær
Kristinn Pétursson, fram-
kvæmdastjóri í Gunnólfi, sagði að
meirihluti starfsmanna sem misstu
vinnuna hjá Gunnólfi hafi verið að-
fluttir. Þeir hafi verið búnir að búa á
Bakkafirði allt upp í sjö ár. Nú er
unnið við þurrkun á hausum og bein-
um í Gunnólfi, en saltfiskvinnsla
liggur niðri vegna of hás hráefn-
isverðs. Starfsmenn eru nú sjö tals-
ins en voru 27 fyrir 18 mánuðum. En
hvað veldur?
„Fiskverð í Bretlandi er hátt og
fiskur fluttur óunninn þangað í
stórum stíl. Íslensk vinnsla er ekki
samkeppnisfær við þau skilyrði sem
henni eru búin. Í fyrsta lagi er fisk-
vinnsla ríkisstyrkt í Evrópusam-
bandinu. Þá þarf ekkert að vigta fisk
sem fluttur er í gámum til Bretlands.
Við fáum ekki tækifæri til að bjóða í
hann. Það er svo lítið sem kemur á
innlendu markaðina að verðið er af-
spyrnuhátt. Þeir sem leigja frá sér
þorskkvóta á 155 kr. kílóið eru búnir
að fá 155 kr. í forskot til að kaupa
fiskinn aftur á mörkuðum,“ sagði
Kristinn. „Við erum með hátækni-
fyrirtæki og bestu nýtingu sem hægt
er að fá og notum afgangsorku við
þurrkunina. Samt getum við ekki
keppt við ferskfiskútflutninginn því
samkeppnisstaðan er svo ójöfn. Við
þurfum að tvívigta aflann inn í húsið
undir vökulum augum Fiskistofu
meðan ekkert þarf að vigta gáma-
fiskinn sem sendur er úr landi og
ekki þarf að vigta aflann inn á
vinnslulínur í vinnsluskipum. Það er
talið gefa um 20% samkeppn-
isforskot að þurfa ekki að vigta
aflann inn í vinnsluskipin. Ég segi
ekki hvað forskotið er í gámafisk-
inum.
Hvernig stendur á því að það er
hægt að flytja út fisk á tollskýrslum
með ágiskuðum tölum? Af hverju má
ekki bjóða þennan fisk hér áður en
hann fer út? Var landhelgin færð út
til að einhverjir leppar Breta tækju
hér við?“ spurði Kristinn Pétursson.
„Við erum orðin þreytt á þessu“
Morgunblaðið/Kristinn Benediktsson
Fólksfækkun Þrjú hús, framarlega á myndinni, hýstu starfsmenn Ratsjárstofnunar. Fjær eru hús Gunnólfs.
FLUGFÉLAG Íslands hóf á ný áætlunarflug
milli Reykjavíkur og Vestmannaeyja í gær-
morgun en fyrirtækið hætti áætlunarflugi
þangað árið 2001. Flogið var á Dash-8 vél Flug-
félagsins og er ætlunin að nota þá flugvélateg-
und. Flogið verður til Eyja þrettán sinnum í
viku, tvisvar á dag alla daga nema laugardaga
en þá verður flogið einu sinni.
Haldin var móttökuathöfn í flugstöðinni þar
sem skrifað var undir viljayfirlýsingu Flug-
félags Íslands og Vestmannaeyjabæjar um
sameiginlegt átak til markaðssetningar á flug-
leiðinni. Þá færði Árni Gunnarsson, fram-
kvæmdastjóri Flugfélagsins, bæjaryfirvöldum
að gjöf skjal sem kastað var út úr flugvél yfir
Vestmannaeyjum 20. september 1919 en þá
flaug danskur flugmaður Flugfélags Íslands yf-
ir byggðina í Heimaey og varpaði miðanum út
sem fannst síðar á Urðum. Fannst Árna textinn
enn eiga vel við og vonaðist eftir góðu samstarfi
við Eyjamenn. Á miðanum stóð meðal annars.
„Vér vonum að dagurinn í dag verði fyrirboði
nýrra tíma, er létti samneytið milli lands og
Eyja, og nátengi hinn nýja bæ yðar þjóðinni í
heild sinni. Vér vonum að sá tími sé nú þegar lið-
inn, er Vestmannaeyjar þurfa að þykjast af-
skektur staður og útúrskotinn íslenzku þjóðlífi.“
Fékk lunda að gjöf
Elliði Vignisson bæjarstjóri fagnaði endur-
komu Flugfélags Íslands og færði Árna að gjöf
uppstoppaðan lunda sem hann vonaðist til að
fengi pláss á skrifstofu framkvæmdastjórans.
Síðan skrifuðu þeir Árni og Elliði undir vilja-
yfirlýsingu þess efnis að ráðast í sameiginlegt
átak til þess að fjölga flugfarþegum milli
Reykjavíkur og Vestmannaeyja en þeim hefur
fækkað úr 40 þúsund í 20 þúsund á síðustu fimm
árum.
Flugfélagið stefnir að stórfjölgun
farþega til Vestmannaeyja
Góður dagur Árni Gunnarsson, framkvæmdastjóri Flugfélags Íslands, og Elliði Vignisson,
bæjarstjóri í Vestmannaeyjum, stilltu sér upp til myndatöku eftir að fyrsta flugvélin hafði lent.
Ætlar að fljúga
13 sinnum í viku
Eftir Sigursvein Þórðarson
NÆR 40 manns hafa flutt frá Bakkafirði á síðustu miss-
erum og horfur á að átta til viðbótar flytji á næstu sjö
mánuðum, að því er fram kemur á vefnum www.bak-
kafjordur.is. Nú standa þrettán íbúðir auðar á Bakka-
firði en fyrir tveimur árum var þar húsnæðisskortur.
Þessi íbúafækkun er mikil blóðtaka fyrir byggð-
arlagið. Í fyrrum Skeggjastaðahreppi, en hann samein-
aðist Þórshafnarhreppi svo úr varð Langanesbyggð á
liðnu vori, bjuggu 126 manns og því stefnir í að íbúum
fækki um nálægt 40% á aðeins rúmu ári.
Erfitt atvinnuástand er í fiskvinnslunni Gunnólfi,
sem rekur stærstu fiskverkunina á staðnum, og upp-
sagnir starfsmanna Ratsjárstofnunar eru helstu ástæð-
ur fólksflóttans, að því er segir á vefnum.
Fólksflótti frá Bakkafirði
Uppsagnir hjá Ratsjárstofnun bætast
ofan á erfiðleika í fiskvinnslu á Bakka-
firði og fólk flytur þaðan unnvörpum
TÍU fangar, sem vistaðir
eru í Hegningarhúsinu við
Skólavörðustíg, hafa hótað
að til hunguverkfalls komi
ef ekki verður farið að kröf-
um þeirra fyrir nk. föstu-
dag. Forstöðumaður segir
kröfurnar í sjálfu sér sann-
gjarnar en hefði kosið að
fangarnir ræddu málin í
stað þess að setja fram úr-
slitakosti.
Í bréfi fanganna, sem dagsett er í gær, er
m.a. farið fram á betra fæði og aðbúnað. Guð-
mundur Gíslason, forstöðumaður Hegningar-
hússins, segir engar sérstakar kvartanir hafa
borist vegna fæðisins í fangelsinu að undan-
förnu en hann hafi þegar rætt við forstöðu-
menn Múlakaffis. „Við höfum verið með samn-
ing við það ágæta fyrirtæki í mörg ár, stundum
hefur komið upp óánægja með þeirra þjónustu
og þá reynum við að skerpa á því.“
Varðandi kröfuna um bættan aðbúnað er
fyrst og fremst farið fram á bætta loftræstingu
í klefum vistmanna. „Samkvæmt tóbaksvarn-
arlögum er bannað að reykja annars staðar en í
eigin klefa og sumir þeirra reykja ansi mikið.
Hurðum að klefunum er lokað kl. 22 og ekki
opnað að nýju fyrr en kl. 8 á morgnana þannig
að ef menn reykja mikið inni í klefunum þá get-
ur myndast nokkuð þungt loft,“ segir Guð-
mundur og bætir við að rætt verði við fangana
og kröfur þeirra skoðaðar.
Hóta að til
hungurverk-
falls komi
Klefi í Hegning-
arhúsinu.