Morgunblaðið - 07.01.2007, Blaðsíða 53

MORGUNBLAÐIÐ SUNNUDAGUR 7. JANÚAR 2007 53
Elsku vinkona, hvað
þetta tekur mig sárt.
Við vorum búnar að
mæla okkur mót á mið-
vikudagskvöldið og þegar ég hljóp
niður til að opna fyrir þér hvarflaði
það ekki að mér að ég væri í þann
mund að fá fregnir af andláti þínu.
Við höfðum ætlað að borða saman og
kjafta síðan kvöldið frá okkur að
venju. Leiðin átti ekki að enda hér.
Þetta er alltof fljótt.
Þú varst stórbrotinn persónuleiki
með öfgar á alla kanta. Millivegurinn
kom sjaldnast til greina hjá þér. Það
átti að vera allt eða ekkert. Þú varst
eldhugi með mikla ævintýraþrá,
öfgafengin, yndisleg, sjálfstæð og
umhyggjusöm. Andstæðurnar í þér
gerðu þig að þeirri manneskju sem
þú varst og ég efa það ekki að hefðir
þú fengið að lifa hefði líf þitt einn góð-
an veðurdag orðið stórkostlegt.
Þú varst svo hæfileikarík og falleg,
ástríða þín á fatnað og tísku var ein-
stök og þú hefðir orðið frábær stílisti
sem og hönnuður. Þú hafðir persónu-
legan og sjálfstæðan stíl sem eftir
var tekið og hafðir þann hæfileika að
laða að þér athygli hvert sem þú
fórst. Stóru grænu augun þín föng-
uðu augnaráð hverrar manneskju
Lilja Björk
Alfreðsdóttir
✝ Lilja Björk Al-freðsdóttir
fæddist í Reykjavík
12. október 1974.
Hún lést 5. desem-
ber síðastliðinn og
var útför hennar
gerð í kyrrþey frá
Dómkirkjunni í
Reykjavík 13. des-
ember.
sem í þau leit og í þeim
var alltaf hægt að sjá
hvernig þér leið. Þú
hafðir smitandi hlátur
og þegar þú varst glöð
lýstir þú frá þér í allar
áttir. Við lentum í svo
mörgum ævintýrum
saman og gátum enda-
laust rifjað upp
skemmtileg atvik sem
við höfðum lent í. Í
kringum þig var aldrei
leiðinlegt.
Við höfðum svipað-
an smekk á flestu og
þau voru ófá skiptin sem við hittumst
og höfðum keypt okkur nákvæmlega
sömu flíkina, vorum búnar að lesa
sömu bókina eða vorum skotnar í
sama stráknum. Sjaldan urðu þó
vandræði vegna þessa og áttum við
aðeins eitt rifrildi í okkar vinskap.
Stígvélin sem spiluðu aðalhlutverkið
í því rifrildi grófum við upp úr
geymslu hjá mér um daginn og hlóg-
um mikið þegar við rifjuðum upp
dramað sem varð í kringum kaupin á
þeim.
Í hvert skipti sem við hittumst liðu
vart meira en tíu mínútur áður en við
vorum komnar á kaf inn í fataskáp-
ana hvor hjá annarri að skoða nýj-
ustu gersemarnar. Herbergin okkar
voru eins og hvirfilvindur hefði farið
þar um eftir ótal kjólamátanir og
spekúleringar um samsetningar og
fylgihluti. Með þér fékk ég útrás fyr-
ir sköpunarkraftinn og eftir þær
stundir var ég alltaf innblásin af nýj-
um hugmyndum.
Dætur okkar voru rétt farnar að
kynnast og við þreyttumst aldrei á að
bera saman bækur okkar varðandi
hin ýmsu atriði í uppvexti þeirra.
Sara Líf var sólargeislinn í lífi þínu
og þú vildir umfram allt byggja henni
örugga framtíð. Við áttum samtal um
dauðann fyrir aðeins nokkrum vikum
og þú talaðir um hvað það væri þér
ómetanlegt að vita til þess að foreldr-
ar þínir væru til staðar fyrir hana ef
einhvern tímann eitthvað skyldi
henda þig. Ekki gat okkur grunað þá
hve stuttan tíma við ættum eftir.
Ég vona að þú hafir fundið guð
þinn og friðinn sem þú leitaðir svo
ákaft.
Sjámust síðar, „my wandering
star“.
Elsku Sara Líf, Þórunn, Alfreð,
Nanna Karen, Inga, Árni, Beggi og
aðrir aðstandendur.
Ykkur votta ég mína dýpstu sam-
úð.
Kveðja,
Borghildur vinkona.
Fregnin um andlát Lilju Bjarkar
frænku minnar var sárari en orð fá
lýst.
Ótal minningar um fallega og góða
stúlku hafa leitað á hugann að und-
anförnu.
Ég kynntist henni fyrir alvöru
þegar hún fluttist til Danmerkur með
foreldrum sínum þriggja ára að aldri
– lítill fjörkálfur, umvafin ást og um-
hyggju góðra foreldra.
Dæmigert námsmannabarn á átt-
unda áratugnum í Kaupmannahöfn,
bjó á stúdentagarði og var flutt á
milli staða á hjólum hvernig sem
viðraði, dúðuð í litríkar flíkur sem
mamma hennar prjónaði. Það er svo
margs góðs að minnast frá þessum
árum, lífið var õruggt og gott fyrir
litla hnátu. Lilja Björk og Tóta vin-
kona á leið í Jónshús með mér að fá
lánaðar íslenskar bækur. Í strætó á
leiðinni rökræddu þær íslenskan
framburð. Lilja Björk sagðist vita vel
að það væri ekki rétt að segja „aglir
krakkar“, en hún segði það nú samt.
Svarið lýsti henni vel; hún var ákaf-
lega stolt lítil skotta en gat einnig
verið ofurviðkvæm. Hún var
ákveðnari en meðaljóninn. Þegar
litla systir fæddist fékk hún aura frá
pabba sínum til að kaupa handa
henni gjöf. Hún ákvað strax að hún
skyldi fá hvítan kjól með gylltum
hjörtum. Við fórum búð úr að leita að
„en hvid kjole med guldhjerter på“ –
án árangurs. Þegar litlir fætur voru
orðnir lúnir af röltinu féllst hún á að
það kæmi til greina að kaupa eitt-
hvað annað. Seinna hlógum við vel að
þessu og öðrum skemmtilegum at-
vikum frá árunum í Kaupmannahöfn.
Eftir heimkomuna til Íslands eign-
aðist hún tvö systkin. Þau voru nú
orðin fjögur, falleg og vel gerð. Ung-
lingsárin fóru í hönd. Í óvitaskap fikt-
aði Lilja Björk við vímuefni á þeim
árum, eins og ótalmörg önnur ung-
menni því miður gera. Enginn veit
fyrir fram hver ánetjast þeim og
verður veikur. Hún var ein af þeim
óheppnu. Alla tíð síðan barðist hún
við sjúkdóm sem læknavísindin sýna
takmarkaðan áhuga. Sjúkdóm sem
markaður er af úrræðaleysi, fordóm-
um og skömm samfélagsins. Hún var
sér meðvituð um þetta og leið fyrir
það. Hún átti sér enga ósk heitari en
verða heilbrigð aftur. Hvað eftir ann-
að leitaði hún lækninga í meðferðar-
kerfi sem að mestu virðist vera hafið
yfir alla fagmennsku. Það gagnaðist
henni lítið seinni árin. En líf hennar
var allt annað en barningur einn und-
anfarin ár; það voru ótal sólskins-
stundir í lífi hennar sem mikilvægt er
að minnast. Fyrir rúmum sex árum
eignaðist hún Söru Líf sem hún unni
ofar öllu. Að eignast hana var það
besta sem gerst hafði í lífi hennar,
sagði hún við mig. Hún var svo stolt
og glöð þegar hún sýndi mér litla
ungann sinn í fyrsta sinn og alltaf síð-
ar þegar Sara Líf barst í tal. Hún
sýndi í verki að hún bar hag hennar
ætíð fyrir brjósti. Lilja Björk var
mjög greind og hafði listræna hæfi-
leika. Hún átti stutt eftir í stúdents-
próf og stefndi á frekara nám á lista-
sviði. Þegar hún lagði af stað í sína
hinstu ferð hafði hún tekið málarag-
ræjurnar með sér. Það eitt lýsir bet-
ur en mörg orð draumum hennar og
vonum. Eftir stendur maður hnípinn,
en jafnframt fullur aðdáunar og virð-
ingar.
Guð blessi minninguna um hana.
Vilborg Halldís Ísaksdóttir.
✝
Innilegar þakkir til allra sem sýndu okkur samúð og
hlýhug við andlát og útför elskulegrar móður okkar,
tengdamóður, ömmu og langömmu,
RÖGNU EFEMÍU GUÐMUNDSDÓTTUR.
Sérstakar þakkir fær starfsfólk deildar fimm á
Heilbrigðisstofnun Sauðárkróks fyrir hlýju og góða
umönnun.
Guðmundur Svanberg Pétursson, Elísabet Guðmundsdóttir,
Margrét Björg Pétursdóttir, Björgvin M. Guðmundsson,
Víglundur Rúnar Pétursson, Hafdís E. Stefánsdóttir,
Sólborg Alda Pétursdóttir, Hallgrímur H. Gunnarsson,
Ragnar Pétur Pétursson,
ömmubörn og langömmubörn.
✝
Innilegar þakkir til allra þeirra sem sýndu okkur
hlýhug og samúð við andlát og útför elskulegs
eiginmanns míns, föður okkar, tengdaföður og afa,
SAMÚELS ÓLAFSSONAR
vélstjóra,
Tungu,
Hvalfjarðarsveit.
Sérstakar þakkir færum við starfsfólki E-deildar
Sjúkrahúss Akraness fyrir hlýju og frábæra um-
önnun.
Guð blessi ykkur öll og megi nýja árið færa ykkur farsæld.
Fjóla Sigurðardóttir,
Linda Guðbjörg Samúelsdóttir, Guðni Þórðarson,
Ólöf Húnfjörð Samúelsdóttir, Árni Aðalsteinsson
og afabörn.
✝
Hjartans þakkir til allra þeirra sem sýndu okkur
hlýhug og vináttu við andlát og útför móður okkar,
MARLAUGAR EINARSDÓTTUR,
Hjallabraut 43,
Hafnarfirði.
Einnig viljum við þakka læknum og hjúkrunarfólki
umönnun og ómetanlegan stuðning í veikindum
hennar.
Óskum ykkur öllum farsældar á nýju ári.
Fyrir hönd aðstandenda,
Sigríður Þórsdóttir og Rósa Guðný Þórsdóttir.
✝
Innilegar þakkir færum við öllum þeim sem sýndu
okkur vináttu, samúð og hlýhug við andlát og útför
ástkærrar eiginkonu minnar, móður, tengdamóður,
ömmu og langömmu,
ÁSTU GUÐRÍÐAR LÁRUSDÓTTUR.
Sérstakar þakkir viljum við færa starfsfólki deildar 3
á Sólvangi, Hafnarfirði, fyrir einstaklega góða um-
önnun og hlýtt viðmót.
Eyjólfur Einarsson,
Fríða Guðbjörg Eyjólfsdóttir, Guðmundur Þórðarson,
Ágúst Finnsson,
barnabörn og barnabarnabarn.
✝ Sigurður Guð-mundsson fædd-
ist á Ísafirði 30. maí
1928. Hann and-
aðist á Hjúkr-
unarheimilinu
Sunnuhlíð 26. des-
ember síðastliðinn.
Sigurður var 13.
barn hjónanna Guð-
mundar Björns-
sonar, kaupmanns í
Björnsbúð á Ísa-
firði, og Aðalheiðar
Guðmundsdóttur
húsfrúar. Nú eru
einungis tvö systkini Sigurðar á
lífi, Garðar, býr á Ísafirði, og
Guðrún, býr í Danmörku. Sig-
Sigurður fór að heiman um 18
ára aldurinn. Hann kom til
Reykjavíkur til að nema til loft-
skeytamanns. Hann starfaði sem
slíkur þar til hann var 23 ára. Þá
fór hann að nema skriftvéla-
viðgerðir. Hann fékk meist-
araréttindi í iðninni kringum
1956. 1964 stofnaði Sigurður mat-
vöruverslunina „Matval“, ásamt
félaga sínum Haraldi Einarssyni.
Matval var á Þinghólsbrautinni í
Kópavogi. Heimili þeirra hjóna
var einnig þar. Ráku þeir þessa
verslun allt til 1986. Fór hann að
vinna hjá birgðastöð Ríkisspít-
alanna þar til hann fór á eftirlaun
1998. Sigurður greindist með
„framheilabilun“ (einnig nefnt
Alzheimer) um 2001. Hann lagðist
síðan inn á hjúkrunarheimili
haustið 2005, fyrst á Landakot,
síðan til endanlegrar dvalar í
Sunnuhlíð í janúar á nýliðnu ári.
Útför Sigurðar var gerð frá
Digraneskirkju 5. janúar.
urður kynntist eig-
inkonu sinni, Geir-
laugu Jónsdóttur,
um áramótin 1955/6.
Þau giftust gaml-
ársdag 1958. For-
eldrar hennar voru
Jón Kristjánsson og
Sigríður Jónsdóttir.
Synir Sigurðar og
Geirlaugar eru
Gunnar Bachmann,
f. 11. ágúst 1959, d.
14. 9. 2000, og Birgir
Sigurðsson, f. 18.
október 1962, kvænt-
ur Sólveigu Bjarnþórsdóttir.
Fósturdóttir Birgis er Nanna
Lára Sigurjónsdóttir.
Siggi og Gilla. Þau voru alltaf
nefnd í sömu andránni, svo samrýnd
voru þau hjónin. Og oftar en ekki
hefur borið við mismæli þegar Siggi
og Gilla eru nefnd á nafn. Gjarnan
var sagt Sigga og Gilli, mismælið
leiðrétt og viðkomandi alltaf jafn-
hissa á þessu furðulega mismæli.
Ástæðan var þó í raun sáraeinföld.
Siggi og Gilla voru sem eitt, saman í
blíðu og stríðu og gengu saman lífs-
ins langa veg. Nú hafa leiðir skilið.
Siggi, Sigurður Guðmundsson,
kaupmaður frá Ísafirði, kvaddi að
morgni annars dags jóla eftir erfið
veikindi, saddur lífdaga.
Sigurður var einn þrettán systk-
ina, sonur Guðmundar Björnssonar,
kaupmanns í Björnsbúð á Ísafirði og
Aðalheiðar Guðmundsdóttur. Og
sonarsonur Björns Guðmundssonar,
einnig kaupmanns á Ísafirði. Hann
var því, ef svo má segja, borinn og
barnfæddur kaupmaður. Því er ekki
að undra að í um aldarfjórðung rak
hann í félagi við Harald Einarsson,
vin sinn til áratuga, verslunina Mat-
val við Þinghólsbraut í Kópavogi. Og
eins og svo gjarnt var um kaup-
manninn á horninu, þá bjó Siggi með
fjölskyldu sinni á hæðinni ofan við
verslunina, líkt og við, bróðursynir
hans, ólumst upp við á Ísafirði. Það
var því alltaf dálítið eins og að koma
heim að fara í heimsókn til Sigga og
Gillu í Kópavoginn, að heimsækja
þau og strákana, Gunnar heitinn
Bachmann og Birgi. Og skemmtilegt
var það, ekki síst vegna þess hve
gaman var að gáskafullu og hárfínu
skopskyni Sigga. Hann var sífellt
með glott við tönn, og greip hvert
tækifæri til þess að setja hversdags-
legt umræðuefni í broslegt sam-
hengi. Þá var ekki síðra að á Þing-
hólsbrautinni var okkur bræðrunum
oftar en ekki boðið upp á hinn magn-
aða drykk sjeik, eins og hann var
alltaf kallaður. Siggi kom færandi
hendi úr búðinni góðu með allt sem
til þurfti í þessa ofureinföldu upp-
skrift, vanilluíspakka og tvær miðl-
ungsstórar kókflöskur. Þetta var
síðan þeytt saman að hætti hússins
og úr varð þvílíkur dýrðardrykkur
sem við höfðum hvergi fengið betri.
Heimilið ofan við búðina góðu við
Þinghólsbraut var því gott heim að
sækja, og það ekki síst fyrir góðan
frænda, sem ekki er ofsögum sagt að
hafi verið í senn skemmtilegur og
hvers manns hugljúfi.
Elsku Gilla, Birgir, Sólveig og
aðrir ættingjar. Við bræðurnir
ásamt fjölskyldum okkar vottum
ykkur samúð okkar og biðjum þess
að Sigurður Guðmundsson hvíli í
friði.
Björn og Jakob Falur
Garðarssynir.
Sigurður
Guðmundsson
Morgunblaðið birtir minning-
argreinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari
upplýsingum.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er
ekki unnt að lofa ákveðnum birting-
ardegi.
Minningargreinar