Morgunblaðið - 23.02.2007, Blaðsíða 6

6 FÖSTUDAGUR 23. FEBRÚAR 2007 MORGUNBLAÐIÐ
FRÉTTIR
Eftir Andra Karl
andri@mbl.is
„VIÐ ERUM að vinna í því alveg á
fullu að ná öllum tímamörkum,
klára umbúðir og þýða málshætti,“
segir Gunnar B. Sigurgeirsson,
markaðsstjóri Nóa Síríus, um til-
raun til að koma íslenskum páska-
eggjum á markað í Bandaríkjunum.
Eggin verða til sölu í þeim sjötíu
búðum bandarísku verslunarkeðj-
unnar Whole Foods Market (WFM)
þar sem súkkulaði Nóa Síríus fæst
en í takmörkuðu magni.
Þessar verslanir eru í Wash-
ington, Boston og New York, og
segir Gunnar að alls verði flutt út
um fimm þúsund egg. Hann tekur
fram að fjöldinn hljómi betur en
magnið því aðeins verða flutt út egg
númer eitt og tvö, eða tvær minnstu
stærðirnar. „Það er enginn hagn-
aður af þessu heldur er þetta fyrst
og fremst sölutilraun,“ segir Gunn-
ar og bætir við að ef vel gangi í ár
þá verði farið af frekari krafti í
verkefnið á næsta ári „og eftir ein-
hvern tíma borgar þetta sig
kannski .“
Fjórar tegundir af súkkulaði eru
seldar í verslunum Whole Foods og
hafa þær fengið góðar viðtökur.
Áhugi er á því að selja súkkulaðið í
fleiri verslunum og telur Gunnar
möguleika á því að boðið verði upp
á fleiri vörutegundir í framtíðinni.
„Viðtökurnar hafa verið mjög fínar
sem sýnir sig t.a.m. í því að súkku-
laðið selst nú í fleiri verslunum og
það segir okkur að þetta berst út.“
Til Boston og New York
Bandaríkjamenn eru ekki aðeins
hrifnir af íslensku súkkulaði því
eins og margoft hefur komið fram
seljast vörur Mjólkursamsölunnar
einnig afar vel í verslunum Whole
Foods. Í rúmt ár hefur verið boðið
upp á skyr, osta og smjör í þrjátíu
verslunum og nýverið var stigið
stórt skref þegar samþykkt var að
færa vörur í fleiri verslanir.
„Nú er búið að samþykkja að við
förum upp til Boston og yfir til
New York á einu bretti í lok mars,“
segir Baldvin Jónsson, fram-
kvæmdastjóri Áforma, og bætir við
að í maí verði íslenskar vörur einnig
að finna í verslunum á Miami og
mánuði síðar í Lundúnum. „Þar
með sjáum við fram á í það minnsta
fimm- til sexföldun á útflutningi
mjólkurafurða.“
Um miðja viku runnu saman
verslunarkeðjurnar WFM og Wild
Oats þannig að hin sameinaða keðja
hefur yfir að ráða um þrjú hundruð
verslununum, sem var markmið
WFM fyrir árið 2010. Tækifærum
fyrir íslenskar afurðir fjölgar tölu-
vert við samrunann ekki síst þar
sem á aðalfundi félagsins, sem fram
fer í næstu viku, verður Ísland í há-
vegum haft og tengsl Íslands og
Whole Foods sérstaklega kynnt.
Smjör notað í eldhúsum WFM
Í lok mars verða íslenskar afurðir
í um sjötíu verslunum Whole
Foods. Í London eru sex verslanir
auk þess sem í júní verður opnuð
um 7.500 fermetra verslun í Kens-
ington þar sem athygli verður beint
að íslensku vörunum. Baldvin er
ekki í vafa um að vegur íslenskra
afurða mun vaxa en frekar. „Við
höfum ekki haft undan, fyrr en
núna að bændur eru að búa sig
undir að auka framleiðsluna.“
Aðspurður hvað það sé við ís-
lenska skyrið sem Bandaríkjamönn-
um líkar svo vel tekur Baldvin sem
dæmi að þeim þyki gott að nýta það
í alls kyns orkudrykki. „Bandaríkja-
menn elska skyrið. Þar sem það er
fitusnautt passar það vel í svona
blandara en þar hafa menn notað
jógúrt. Síðan borða þeir það sem
morgunverð auk þess sem við erum
að þróa sérstaka eftirrétti úr skyri í
samstarfi við veitingahús.“
Smjörið er einnig mikið notað í
verslunum Whole Foods, s.s. í öll
eldhúsin sem útbúa tilbúna rétti og
bakaríin. „Það hleypir upp sölunni á
smjörinu. Við seldum um 160 tonn
af smjöri í fyrra og það mun í það
minnsta tvöfaldast í ár.“
Íslensk páskaegg á boðstólum í versl-
unum Whole Foods í Bandaríkjunum
„Bandaríkjamenn
elska skyrið,“ segir
Baldvin Jónsson og er
það til marks um auk-
inn útflutning á mjólk-
urafurðum vestur um
haf. Um páskana verð-
ur svo reynt á hvort
íslensku páskaeggin
ná að ryðja sér
þar til rúms.
Á HERBERGJUM Hótels Sögu,
sem í gær ákvað að vísa frá hinum
umdeilda ráðstefnuhópi klámfram-
leiðenda, er boðið
upp á klámmynd-
ir gegn greiðslu.
Að sögn Hrannar
Greipsdóttur hót-
elstjóra er um
svokallaðar
„léttbláar“ kvik-
myndir að ræða.
Hún segir að að-
gangur að mynd-
efninu sé tak-
markaður með því að gestir þurfi að
slá inn ákveðinn kóða eftir að hafa
greitt sérstaklega fyrir aðganginn.
Um er að ræða kvikmyndir á sér-
stökum klámsjónvarpsrásum sem
hótelið leiðir inn á herbergin.
„Þess má geta að Bændasamtökin
[eigendur hótelsins] hafa sent út fyr-
irspurn til okkar, rekstraraðila Rad-
isson SAS, um hver stefna þeirra í
þessum málum sé, og hvort til greina
komi að einstök hótel hætti að sýna
þessar klámmyndir,“ segir hún en
tekur fram að Radisson starfi eftir
mjög ströngum siðferðislegum
reglum.
Boðið upp á
klámrásir
á hótelum
Hótel Saga íhugar
að snúa við blaðinu
Hrönn Greipsdóttir
hótelstjóri
„ÞAÐ ER bjartsýni og hugur í fólki
hér og þetta passar ágætlega þar
sem mjólkurframleiðsla í landinu
hefur verið að aukast,“ segir Björn
Gunnarsson hjá vöru- og þróun-
arsviði Mjólkursamsölunnar um
aukinn útflutning afurða til versl-
ana Whole Foods. Hann segir að
pöntun vegna verslana í Boston og
New York liggi fyrir og framleiðsla
muni aukast í næstu viku.
Spurður hvaða áhrif aukinn út-
flutningur hefur á MS segir Björn
töluverðra áhrifa gæta. Ef allt
gangi eftir, þ.e. að afurðir verði að
auki seldar í New York, Boston,
Miami og London, megi áætla að út-
flutningur muni allt að tífaldast –
þótt margar tölur hafi verið nefnd-
ar. „Það hefur verið talað um hjá
okkur að salan gæti orðið á við
tveggja milljóna lítra sölu í lok árs-
ins,“ segir Björn en til viðmiðunar
voru 117 milljónir lítra af innveg-
inni mjólk í fyrra hjá MS. Hann er
þó ekki í vafa um að fyrirtækið geti
annað aukinni eftirspurn.
Bandarískir neytendur greiða
skyrið háu gjaldi en ein lítil skyrdós
kostar um tvö hundruð krónur.
Björn segir skyrið hafa sérstöðu á
heimsvísu og ekki spurning um að
það eigi mikla möguleika víða er-
lendis.
Mikil bjartsýni hjá MS
Eftir Helga Bjarnason
helgi@mbl.is
Hrunamannahreppur | Riða hefur
greinst í fé á bæ í Hrunamanna-
hreppi, á svæði þar sem allt fé var
skorið á árinu 2003 vegna riðuveiki-
tilfella sem upp höfðu komið. Skorið
verður niður á bænum, í annað
skipti á fimm árum.
Við rannsóknir sýna sem tekin
voru af sláturfé frá bænum Hrafn-
kelsstöðum í haust greindist riða í
tveimur ám. Katrín Helga Andrés-
dóttir héraðsdýralæknir staðfestir
þetta. Segir hún að fjöldi sýna sé
tekinn í reglubundu eftirliti og
rannsakaður með tilliti til riðuveiki.
Hafi riðan á Hrafnkelsstöðum
greinst fyrir örfáum dögum. Segir
hún að þessar tvær ær hafi verið
einkennalausar eins og fjárhjörðin
öll.
Hreinsað samviskusamlega
Haraldur Sveinsson og Jóhanna
Bríet Ingólfsdóttir búa með sauðfé
og hesta á Hrafnkelsstöðum. Þau
urðu fyrir þeirri erfiðu reynslu að
þurfa að skera niður fjárstofn sinn
árið 2001, eftir árangursríkt rækt-
unarstarf í áratugi. Þau skáru þá
370 fjár og tóku fé að nýju 2003, eft-
ir að hafa verið fjárlaus í tvö ár og
hreinsað fjárhús sín og umhverfi.
Katrín segir að fylgst hafi verið vel
með öllum aðgerðum bændanna og
þeir hafi fylgt reglum um hreinsun
af mikilli samviskusemi svo ekki
hafi verið hægt lengra að ganga.
Hún segir að verið sé að fara yfir
þetta tilfelli faraldsfræðilega en
segist ekki hafa neinar vísbendingar
um ástæður þess að riðan hafði
komið þarna upp á ný. „Þetta er
óskiljanlegt, við erum alveg mát,“
segir Katrín.
Riðuveiki greindist í fé á þessu
svæði fyrir allmörgum árum. Fyrst í
Efra-Langholti á árinu 1988 og
Langholtskoti fimm árum seinna.
Þá kom riða upp á Hrafnkelsstöðum
2001 og eftir að hún kom upp á Ísa-
bakka 2003 var ákveðið að grípa til
róttækari aðgerða og skera fé á öllu
þessu svæði sem liggur meðfram
Hvítá, vestan við Flúðir. Þá voru
Hrafnkelsstaðabændur nýlega bún-
ir að kaupa fé frá Norður-Þingeyj-
arsýslu, 350 fjár, og það hafði ekki
komist í tæri við fé annarra bænda
á svæðinu og var því ekki skorið.
Samkvæmt lögum verður öll fjár-
hjörðin á bænum skorin, tæplega
400 kindur. Að sögn Katrínar verð-
ur það gert við fyrsta tækifæri.
Dýralæknar segjast mát
vegna nýs riðutilfellis




 




 
 

 
 

   








 
  
 

 

 

 


 




!

"#

!  



$  

 #
%#" & 
 '
(

 ''



 
$ "" 
) 

!

 
 



* ""

!  # * ""
'!  # 
)
 +

 
 



#  !
 # )" 
* ""
   

, * ""
!  


   - 
Í HNOTSKURN
»Riða kom upp í Efra-Langholti á árinu 1988,
Langholtskoti 1993 og Hrafn-
kelsstöðum 2001.
»Eftir að riða kom upp áÍsabakka árið 2003 var allt
fé á svæðinu skorið en áður
höfðu einstakar hjarðir verið
skornar þegar riða kom upp.
»Unnið var samvisku-samlega að hreinsun fjár-
húsa á Hrafnkelsstöðum.
»Nú hefur riða greinst áHrafnkelsstöðum á ný og
verður allt fé þar skorið, í ann-
að skiptið á fimm árum. Um er
að ræða tæplega 400 kindur.