Morgunblaðið - 23.02.2007, Blaðsíða 23

MORGUNBLAÐIÐ FÖSTUDAGUR 23. FEBRÚAR 2007 23
MENNING
SUSANNA Majuri er 29 ára ljós-
myndari frá Finnlandi sem um þess-
ar mundir sýnir verk sín í Norræna
húsinu undir yfirskriftinni „Þið þessi
norrænu“ (You nordic). Alls sýnir
hún 17 ljósmyndir og virkar hver
þeirra sem sjálfstæð frásögn, augna-
blik í mynd með ímyndaða forsögu
og framhald. Þessi sviðsettu augna-
blik hafa í sér vissa tilgerð sem flyt-
ur mann frá hversdagsleikanum og á
vit fantasíunnar og sýnast ljósmynd-
irnar því oft vera kyrrmyndir úr
kvikmyndum frekar en augnablik úr
raunverunni.
Hreinir litir leika þar mikilvæga
rullu. Æpandi rauður eða fagur blá-
grænn (turquish) stinga út í um-
hverfinu á áberandi hátt og gefa
myndunum malerískan eða jafnvel
teiknimyndalegan blæ, ekki ósvipað
og Pedro Almodóvar gerir í kvik-
myndum sínum einmitt til að gefa
dramatískri frásögn fantasíukennda
mynd. Litirnir virðast hvort tveggja
hafa táknfræðilegan og tilfinninga-
legan tilgang hjá Majuri, s.s. líkami
eða ástríða, vatn eða frelsi, og eru
þannig inngangur inn í lifandi frá-
sagnarheim listakonunnar.
Auk ljósmyndanna sýnir listakon-
an 3 myndskeið af DVD. Í hreyfi-
myndunum þykir mér hún missa
marks þar sem hún nær ekki að
skapa álíka eftirvæntingu eða
spennu augnabliksins og í ljósmynd-
unum, heldur býr hún til stutt atriði
(clips) sem hafa upphaf og endi og
virðast frekar marklaus. DVD-
verkin ýta þó undir visst kæruleysi
sem svífur yfir sýningunni og poppa
hana upp. Máski hefur íslenska
krútt-kynslóðin haft einhver áhrif í
heimsóknum listakonunnar til Ís-
lands, þótt maður geti varla eignað
krúttunum kæruleysið né heldur úti-
lokað að krúttáhrifin kunni að spíra í
annarri jörð. Mér fannst engu að síð-
ur forvitnilegt að skoða sýninguna í
samhengi við strauma í íslenskri
samtímalist. Sérstaklega hvað varð-
ar notkun á ljósmyndaforminu.
Finnland er jú Mekka ljósmyndunar
á Norðurlöndum og skartar mörgum
af virtari samtímaljósmyndurum
heims. Majuri hefur því í margbrot-
inn brunn að sækja.
Í samtímaljósmyndun á Íslandi er
brunnurinn aftur á móti fastbundinn
við „konseptúal“ nálgun. Þar trónir
endurtekin skrásetning á toppnum,
þ.e. þegar hugmynd er tæmd (eða
fyllt) með endurtekningu, t.d. með
því að taka myndir af öllum bens-
ínstöðvum við hringveginn eða
mynda sjálfan sig í sömu annarlegu
stellingunni í ólíku umhverfi í út-
löndum. Þessi skrásetningarárátta
hefur fest sig í sessi hérlendis eftir
að Dieter Roth skrásetti öll hús í
Reykjavík og á Seyðisfirði á lit-
skyggnur. Af öðrum erlendum stór-
stjörnum á Íslandi hafa Roni Horn
og Ólafur Elíasson leikið svipaðan
leik eftir og því eðlilegt að margir Ís-
lenskir listamenn tileinki sér þessa
aðferð. Hins vegar er óeðlilegt að
ekki skuli finnast pláss til að skapa
meiri breidd fyrir ljósmyndaformið í
samtímalistinni og satt að segja man
ég ekki eftir neinum íslenskum sam-
tímalistamanni, allavega af þeim
sem eru sýnilegir í senunni, sem
sviðsetur eða stýrir ljósmyndinni
þannig að formið nýtist til drama-
tískrar frásagnar með álíka hætti og
Susanna Majuri gerir, sem og ótal
aðrir listamenn úti í hinum stóra
heimi. Vel heppnuð og hugmyndarík
sýning Susönnu Majuris kemur því
sem fersk áminning á samtíma-
ljósmyndun á Íslandi og það eitt og
sér ætti að hvetja listunnendur til að
gefa sér tíma til að sækja sýninguna
áður en yfir lýkur.
MYNDLIST
Norræna húsið
Opið kl. 12–17. Lokað á mánudögum.
Sýningu lýkur 4. mars.
Aðgangseyrir 300 krónur.
Susanna Majuri
Jón B.K. Ransu
Áminning Vel heppnuð og hugmyndarík sýning Susönnu Majuris í Norræna húsinu kemur sem fersk áminning á
samtímaljósmyndun á Íslandi, að mati Jóns B.K. Ransu, gagnrýnanda Morgunblaðsins.
Dramatísk frásögn í
fantasíukenndri mynd
Fullkomnaðu
verkið með
Þ
A
K
R
E
N
N
U
K
E
R
FI
á
öllhús
–
allsstaðar
Þ
A
K
R
E
N
N
U
K
E
R
FI
á
öllhús
–
allsstaðar
BLIKKÁS –
Smiðjuvegi 74
Sími 515 8700
AUGLÝSINGADEILD
netfang: augl@mbl.is eða sími 569 1111