Morgunblaðið - 23.02.2007, Blaðsíða 24

24 FÖSTUDAGUR 23. FEBRÚAR 2007 MORGUNBLAÐIÐ
HÖFUÐBORGARSVÆÐIÐ
Samgöngumiðstöð Í samgönguáætlun, sem liggur fyrir Alþingi, er gert
ráð fyrir að samgöngumiðstöð rísi í Vatnsmýrinni í Reykjavík.
Vatnsmýri | Samtökin Betri
byggð segja að ýmislegt í sam-
gönguáætluninni sem liggur fyrir
Alþingi, veki furðu. Samtökin
gagnrýna sérstaklega að gert skuli
ráð fyrir að samgöngumiðstöð
skuli eiga að rísa í Vatnsmýrinni.
Í stefnumótunarkafla áætlunar-
innar segir: „Reykjavíkurflugvöll-
ur verði áfram miðstöð innan-
landsflugsins og þar rísi
samgöngumiðstöð.“ Betri byggð
benda á að þetta sé ótímasett og
gildi því til ársloka 2018.
Samtökin nefna að gríðarleg
barátta hefi átt sér stað á und-
anförnum árum, innan flokka sem
utan, fyrir því að flugvöllur víki úr
Vatnsmýrinni og að þar rísi mið-
borg höfuðborgarinnar. Þessi bar-
átta hafi skilað þeim árangri að
stjórnmálaflokkarnir sáu sig
knúna til að móta stefnu í þessu
máli fyrir síðustu sveitarstjórnar-
kosningar en höfðu verið stefnu-
lausir áður. Fjórir af fimm flokk-
um sem buðu fram í Reykjavík sl.
vor, höfðu þá stefnu að flug skuli
víkja úr Vatnsmýrinni eigi síðar en
árið 2016. Samtökin minna á að
þessir fjórir flokkar fengu samtals
90% atkvæða í síðustu kosningum.
„Í alvöru lýðræðisríki jafngilti
þetta endanlegri ákvörðun í mál-
inu, ekki síst þar sem þetta var að-
alátakamálið í kosningabaráttunni
í Reykjavík.“ Samtökin segja að ef
þessi liður í samgönguáætluninni
verði samþykkur á Alþingi án mót-
mæla borgaryfirvalda sé málið
komið aftur á byrjunarreit og öll
baráttan unnin fyrir gíg.
„Ætla borgaryfirvöld að kok-
gleypa þessa „tilskipun“ frá sam-
gönguráðuneytinu þvert á stefnu
sína í kosningabaráttunni?
Ætla kjörnir borgarfulltrúar
Reykjavíkur, sem hafa óskorað
skipulagsvald í borginni að afsala
því í hendur samgönguráðuneyt-
isins?
Ætla þingmenn Reykvíkinga að
láta þetta yfir sig ganga, þvert á
framkominn vilja kjósenda sinna?
Ægivald samgönguyfirvalda á
skipulagsmálum höfuðborgarinnar
er ekki nýtt af nálinni. Vegna út-
hlutunarvalds þess á vegasjóði til
stofnbrauta á höfuðborgarsvæðinu,
getur ráðuneytið deilt og drottnað,
og aðeins lagt blessun sína á þær
stofnbrautaframkvæmdir sem
þjóna hagsmunum þess, en ekki
hagsmunum Reykvíkinga. Færsla
Hringbrautar er gott dæmi um
þetta.
Öllum má ljóst vera að stefna
samgönguráðuneytisins er að láta
Reykvíkinga kokgleypa flugvöll í
Vatnsmýrinni um aldur og ævi
hvað sem tautar. Lega nýju Hring-
brautarinnar ofanjarðar en ekki
neðanjarðar eins og margbent var
á, myndar þá varnargjá sem sam-
gönguráðuneytið taldi duga til að
tryggja flugvöllinn í sessi til fram-
búðar, þvert á hagsmuni borgar-
innar,“ segir í ályktun Betri
byggðar.
Vilja ekki samgöngu-
miðstöð í Vatnsmýrinni
Í HNOTSKURN
»Fjórir af fimm flokkumsem buðu fram í Reykjavík
sl. vor, höfðu þá stefnu að flug
skuli víkja úr Vatnsmýrinni
eigi síðar en árið 2016. Sam-
tökin Betri byggð benda á að
þessir fjórir flokkar fengu
samtals 90% atkvæða í síðustu
kosningum.
»Samtökin spyrja hvortborgarfulltrúar, sem hafa
vald á skipulagsmálum í borg-
inni, ætli að afsala því í hendur
samgönguráðuneytisins?
Hafnarfjörður | Hverfaþingið Fyr-
irmyndarhverfið, með áherslu á
uppeldisskilyrði barna í skóla-
hverfinu, verður haldið fyrir íbúa í
vestur- og norðurbæ Hafn-
arfjarðar frá klukkan 10:00 til
14:00 í Víðistaðaskóla á morgun,
laugardaginn 24. febrúar.
Lúðvík Geirsson, bæjarstjóri í
Hafnarfirði, setur þingið, sem er
haldið að frumkvæði foreldra-
félaganna í Víðistaðaskóla og
Engidalsskóla. Þátttakendum
verður skipt í fjóra umræðuhópa
þar sem rædd verða ólík viðfangs-
efni. Meðal þeirra spurninga sem
leitast verður við að svara á
þinginu eru t.d.: Býrð þú í fyr-
irmyndarhverfi? Eru sölumenn
dauðans á skólalóðinni? Þarf að
efla samstarf heimilis og skóla?
Veistu hvað barnið þitt er að gera
á daginn? Viltu hafa áhrif á skóla-
starfið í þínum skóla? Hefur lífs-
gæðakapphlaupið sigrað fjölskyld-
una?
Hverfaþingið fellur vel að stefnu
Hafnarfjarðarbæjar um íbúa-
lýðræði og ef vel tekst til er stefnt
að því að endurtaka það í öðrum
hverfum bæjarins. Með því að taka
þátt í íbúaþingi gefst almenningi
gott tækifæri á að koma skoðunum
sínum varðandi bæjarfélagið,
hverfið og skólastarfið á framfæri.
Skráning á hverfaþingið stendur
nú yfir á Netinu (www.vidistada-
skoli.is) og (www.engidalsskoli.is),
en frá kl. 20 til 21:30 miðvikudag-
inn 28. febrúar verða niðurstöður
þingsins kynntar í Víðistaðaskóla.
Þær verða svo gefnar út í skýrslu
sem hægt verður að nálgast á Net-
inu.
Morgunblaðið/Sverrir
Hverfaþing Á hverfaþinginu í Hafnarfirði á laugardaginn er meðal annars
fyrirhugað að ræða um uppeldisskilyrði barna í skólahverfinu.
Skólahverfisþing
í Hafnarfirði
AKUREYRI
Eftir Skapta Hallgrímsson
skapti@mbl.is
SVEITARSTJÓRN Eyjafjarðar-
sveitar mun ekki samþykkja hug-
myndir um eyjabyggð norðan
Leiruvegar, sem fyrirtækið Björg-
un ehf. lagði á sínum tíma fram, og
þær verða ekki að veruleika, en
hugmyndunum hefur reyndar
heldur ekki verið formlega hafnað
aö sögn Bjarna Kristjánssonar
sveitarstjóra. Hins vegar hefur
sveitarstjórnin samþykkt svo-
nefnda Fjörubyggð, en þátttaka
Björgunar í þeirri framkvæmd er
ekki lengur fyrir hendi nema þá
hugsanlega í samstarfi við nýja
eigendur umrædds lands, segir
Bjarni.
Viðkvæmt mál
Morgunblaðið birti í fyrradag
myndir af hugmyndum sem unnar
voru fyrir Björgun af Bjarna Ólafs
arkitekt í París; byggð raðhúsa í
fjörunni sunnan við þjóðveg 1 – við
tjörnina í krikanum þar sem Eyja-
fjarðarbraut austari og Leiruveg-
urinn mætast – og hús á mann-
gerðum eyjum á strandsvæði við
Pollinn, norðan Leiruvegarins.
„Ég verð að lýsa vonbrigðum
mínum með að ekki skuli hafa verið
haft samband við fulltrúa Eyja-
fjarðarsveitar áður en þessi frétt
var birt. Málið er viðkvæmt og í
hæsta máta óheppilegt að farið
skuli með rangar upplýsingar um
það í fjölmiðlum. Þarna er verið að
varpa fram margra ára gamalli
hugmynd um byggð á tveimur
stöðum norðan Leiruvegar. Þá
hugmynd hefur sveitarstjórn aldr-
ei samþykkt. Hins vegar hefur hún
samþykkt svonefnda Fjörubyggð,
sem er allt annað mál. Aðkoma
Björgunar að þeirri framkvæmd er
ekki lengur fyrir hendi nema þá
hugsanlega í samstarfi við nýja
eigendur umrædds lands,“ segir
Bjarni sveitarstjóri.
Að sögn Bjarna verður umfang
landfyllinga vegna Fjörubyggðar-
innar, skv. áætlunum nýrra land-
eigenda, mun minna en í upphaf-
legum hugmyndum Björgunar.
Bíða staðfestingar
„Þessa byggð hefur sveitar-
stjórn samþykkt sem hluta af nýju
aðalskipulagi sveitarfélagsins, sem
nú er til umsagnar og afgreiðslu
Skipulagsstofnunar til endanlegr-
ar staðfestingar umhverfisráð-
herra. Byggðin er samþykkt með
mjög ströngum skilyrðum sem sett
eru fram í greinargerð skipulags-
tillögunnar.“
Síðla árs 2005 urðu eigenda-
skipti á jörðinni Ytri-Varðgjá, en
þá keypti félagið Vaðlabyggð ehf.
jörðina alla, þar með talda fjöruna
neðan Vaðlaskógar.
Vaðlabyggð ehf. hefur einnig
keypt þann hluta Syðri-Varðgjár,
sem liggur að sömu fjöru, og
Vaðlabyggð ehf. kynnti síðan hug-
myndir að Fjörubyggðinni sem
fela í sér mun minni landfyllingu en
hugmyndir Björgunar hf. gerðu
ráð fyrir, sem fyrr segir. Umhverf-
isáhrif verða mun minni en í fyrri
áætlunum og t.d. er aðeins gert ráð
fyrir einni húsaröð á svæðinu í stað
tveggja.
Eyjafjarðarsveit mun ekki samþykkja eyjabyggð norðan Leiruvegarins
Fjörubyggð samþykkt mjög
breytt frá fyrstu tillögum
Í HNOTSKURN
»Ekkert verður úr hug-myndum Björgunar ehf. um
byggð á manngerðum eyjum
norðan Leiruvegar.
»Sveitarstjórn Eyjafjarð-arsveitar er andsnúin hug-
myndum um eyjabyggðina en
hefur reyndar aldrei hafnað
þeim formlega.
»Samþykktar hafa verið ísveitarstjórn hugmyndir
nýrra landeigenda að Fjöru-
byggð þar sem gert er ráð fyrir
minni byggð en í hugmyndum
Björgunar, mun minni landfyll-
ingu og þar af leiðandi verða
áhrif á umhverfið verulega
minni en skv. gömlu tillögunum.
Morgunblaðið/Skapti Hallgrímsson
Fjörubyggð Félagið Vaðlabyggð hyggst koma upp íbúðabyggð í fjör-
unni neðan Vaðlaskógar sem hér er horft niður yfir. Akureyri í fjarska.
INNBROT í verslunina Nettó á Gler-
ártorgi aðfaranótt mánudagsins hefur
verið upplýst. Maður um tvítugt, sem stal
þaðan um 700 þúsund krónum, hefur við-
urkennt verknaðinn og þýfið er allt komið
til skila.
Stal 700 þúsund-
um í verslun Nettó
EKKERT verður af
samstarfi Eyfirð-
inga við norska at-
hafnamenn um bein-
ar skipasiglingar á
milli Eyjafjarðar og
hafna annars staðar
í Evrópu eins og til
stóð. Atvinnuþróun-
arfélag Eyjafjarðar
(AFE) hefur um
skeið unnið að und-
irbúningi málsins, stefnt var að stofnun
fyrirtækis um viðskiptahugmyndina og
hlaut það vinnuheitið Byr. Akureyrarbær
tók þátt í verkefninu og gaf vilyrði fyrir
hlutafjárþátttöku ef áætlanir stæðust og
verkefnið lofaði góðu. AFE hefur lagt um-
talsverða vinnu í verkefnið og unnið öt-
ullega að þróun þessarar viðskipta-
hugmyndar en á heimasíðu félagsins segir
að hinir erlendu samstarfsaðilar hafi ekki
sýnt nægilega vel hvernig þeir hygðust
standa að verkefninu og óljóst um aðkomu
fjárfesta þrátt fyrir viljayfirlýsingar þar
um. „Þá hafa tímaáætlanir ekki staðist og
ljóst er að verkefnið í höndum þessara að-
ila hefur beðið álitshnekki á markaðinum.
Þess vegna teljum við okkur ekki stætt á
að vinna málið áfram á þessum grundvelli
og munum leita annarra lausna til að bæta
sjósamgöngur og þar með samkeppn-
ishæfni svæðisins,“ segir á heimasíðu
AFE.
Byr ekki með byr í
seglin sem stendur