Morgunblaðið - 23.02.2007, Blaðsíða 53

MORGUNBLAÐIÐ FÖSTUDAGUR 23. FEBRÚAR 2007 53
menning
Á árlegum lista yfir þá sem valdamestirþykja í breskum bókaheimi eru efstusætin jafnan skipuð þeim sem selja
bækur frekar en þeim sem semja þær eða
gefa út. Á lista síðasta árs var þannig inn-
kaupastjóri bóka hjá Tesco í öðru sæti og
Amanda Ross, sem stýrir bókaklúbbi sjón-
varpsþáttarins Richard & Judy, í fyrsta sæti.
Það ætti þó ekki að koma á óvart að Ross sé
í fyrsta sæti, því téður bókaklúbbur er gríð-
arlega áhrifamikill og segja má að þeir rit-
höfundar sem lenda í náðinni á þeim bæ séu
hólpnir.
  
Richard & Judy-bókaklúbburinn er hlutiaf vikulegum sjónvarpsþætti þar sem
sagt er frá nýjum bókum og mælt með einni
þeirra sem bók vikunnar. Málið er þó ekki
svo einfalt að meðmælin ein dugi til að koma
bók á metsölulista – ef lesendum líkar ekki
bækurnar þá fjarar fljótt undan slíkum
klúbb. Amanda Ross, sem stýrt hefur bóka-
klúbbnum alla tíð, síðustu fimm ár, hefur þó
greinilega gott auga fyrir góðum bókum
eins og vinsældir klúbbsins sanna og hún er
svo sannarlega áhrifamikil – af þeim hundr-
að bókum sem seldust mest í Bretlandi á síð-
asta ári tók 21 bók flugið eftir að hafa verið
í þætti þeirra Richard og Judy.
  
Í ferð til Cannes fyrir stuttu keypti égnokkrar af þeim bókum sem Richard og
Judy mæla með um þessar mundir og las
þær á leiðinni. Bækurnar voru Half of a Yel-
low Sun eftir Chimamanda Ngozi Adichie,
The Testament of Gideon Mack eftir James
Robertson, Restless eftir William Boyd og
This Book Will Save Your Life eftir A.M.
Homes.
  
Þessar bækur eru býsna ólíkar og í raunmerkilega fjölbreyttar. Half of a Yellow
Sun segir frá tvíburasystrunum Olanna og
Kainene með Biafra-stríðið og hörmungar
þess í bakgrunninum, The Testament of Gi-
deon Mack segir frá skoskum presti sem
fellur niður um sprungu og hittir þar fyrir
veru sem gæti verið djöfullinn, mjög
skemmtileg bók og bráðfyndin, Restless er
óvenjuleg njósnasaga, segir frá konu sem á
sér sérkennilegt leyndarmál, og This Book
Will Save Your Life segir frá manni sem fær
óbærilegan sársauka óforvarandis og hring-
ir í neyðarlínuna, en áttar sig svo smám
saman á því að sársaukinn sem heltekur
hann er í raun andlegur.
  
Stundum lýsir maður bók svo að hún lesisig sjálf, að það sé svo þægilegt að lesa
hana að maður renni sér í gegnum hana
áreynslulaust. Það eiga líka þessar bækur
Richard & Judy sameiginlegt að þær eru
sérdeilis þægilegar aflestar. Ekki vil ég þó
flokka þær sem flugvélabókmenntir, því inn-
takið er víða býsna gott, til að mynda í öll-
um þeim bókum sem ég nefni hér, og þótt
þær séu auð- og jafnvel fljótlesnar situr ým-
islegt eftir.
Sjálflesandi bækur
AF LISTUM
Árni Matthíasson
» Stundum lýsir maður bóksvo að hún lesi sig sjálf, að
það sé svo þægilegt að lesa
hana að maður renni sér í
gegn um hana áreynslulaust.
Rithöfundur Chimamanda Ngozi Adichie skrifaði bókina Half of a
Yellow Sun sem Richard & Judy-bókaklúbburinn mælir með.
Góð A. M. Homes er höfundur bókarinnar This Book Will Save Your Life
sem fjallar um mann sem er heltekinn af andlegum sársauka.
arnim@mbl.is
Hvað segirðu gott?
Ég segi allt stórfínt, takk fyrir.
Hverra manna ertu?
Ég nenni ekki í ættfræðirakningu. Áhugasamir geta
flett þessu upp í Íslendingabók.
Hvernig tómatsósu kaupir þú? (Spurt af síðasta
aðalsmanni, Helgu Margréti Þorsteinsdóttur.)
Rauða, oftast nær.
Kanntu þjóðsönginn?
Ég kann náttúrlega ljóðið að mestu. En ég gæti ekki
sungið lagið þótt mér væri hótað líkamsmeiðingum,
enda lagið erfitt og leiðinlegt. Ég vil skipta um þjóð-
söng.
Furðulegasta ferðalagið?
Það var Aþenudvölin í kringum síðustu Evróvisjón-
keppni. Það var ekkert normal við þann sirkus.
Stórskemmtileg ferð.
Uppáhaldsmaturinn?
Ég er brjálaður í sushi. Borða það alltof sjaldan samt.
Bragðbesti skyndibitinn?
Ég er með doktorsgráðu í skyndibitamat og mér finnst
jafn ósmekklegt að gera upp á milli óhollusturétta og
barnanna minna.
Hvaða bók lastu síðast?
Síðast kláraði ég Þrúgur reiðinnar eftir Steinbeck. Góð
bók.
Hvaða leikrit sástu síðast?
Ég fer ákaflega sjaldan í leikhús og man ekki hvað ég
sá síðast. Næst ætla ég hins vegar á Abbababb eftir dr.
Gunnar Lárus.
En kvikmynd?
Síðast sá ég spennumyndina Inconvenient Truth með
kyntákninu Al Gore. Áhættuatriðið með honum í lyft-
aranum var óborganlegt.
Hvaða plötu ertu að hlusta á?
Enga sérstaka. En nýja Arcade fire-platan er á leiðinni
undir geislann.
Uppáhaldsútvarpsstöðin?
Rás tvö og Exið.
Besti sjónvarpsþátturinn?
Kastljós og Gettu betur að sjálfsögðu. Svo er ég mjög
hrifinn af Lost og Prison break. Góðir fræðslu- og
heimildaþættir höfða einnig mikið til mín.
Hvað uppgötvaðir þú síðast?
Nýja hlið á sjálfum mér sem er ekki til útflutnings.
Helstu kostir þínir?
Aðrir geta betur metið það.
En gallar?
Oft naumt skammtað plássið á þessum vettvangi til að
gefa tæmandi svar.
Hljómsveitin Rass býður þér í partí. Þegar þú mætir
er Óttar Proppé sá eini í húsinu. Hann býður þér upp
á vodka og lakkrís og spyr svo hvort þú sért hættur að
ganga í kvenmannsfötum. Hverju svararðu?
„Nei Óttar minn,“ og klæði mig úr upphlutnum.
Þú ferð á grímuball sem …
Í fullri alvöru þá held ég að ég hafi aldrei farið á grímu-
ball.
Ertu með bloggsíðu?
Já, en ég kýs frekar að kalla þetta regluleg dagbók-
arskrif á Netinu. Bloggið er dautt.
Hvers viltu spyrja næsta viðmælanda?
Hvort hann nenni ekki að taka til í geymslunni minni?
Með doktorsgráðu í skyndibita
Aðalsmaður vikunnar er Kastljós-
maður, bloggari og spyrill í spurn-
ingaþættinum Gettu betur sem hef-
ur sjónvarpsgöngu sína í Ríkissjón-
varpinu í kvöld. Sigmar Guðmunds-
son svarar nokkrum nærgöngulum
spurningum um líf sitt og tilveru.
Morgunblaðið/G.Rúnar
Aðall Sigmar segir ferð sína til Aþenu á síðasta ári
hafa verið einkar áhugaverða.
Íslenskur aðall | Sigmar Guðmundsson
ÆVINTÝRAMYNDIN Bridge to
Terabithia verður frumsýnd í Sam-
bíóunum í dag.
Myndin er gerð eftir samnefndri
bók Katherine Paterson sem hún
hlaut m.a. Newberry-verðlaunin
fyrir.
Í myndinni segir frá tveimur
krökkum, Jess Aarons og Leslie
Burke, sem búa í sveitaþorpi. Þau
eiga það sameiginlegt að falla ekki
inn í hópinn og enda á að verða
bestu vinir. Leslie hefur gaman af
því að segja ævintýrasögur og Jess
hefur gaman af því að teikna. Sam-
an skapa þau hið leynda konungs-
ríki Terabithia, töfrastað sem að-
eins er hægt að fá aðgang inn í með
því að sveifla sér í gömlu reipi yfir á
í skóginum nálægt þorpinu. Þarna
stjórna vinirnir konungsríkinu,
berjast við óvini og leggja á ráðin
hvernig þau geta náð sér niðrá
stríðnispúkunum í skólunum. Æv-
intýraveröldin í Bridge to Tera-
bithia er vakin til lífsins af þeim
sömu og teiknuðu The Lord of the
Rings og King Kong.
Að þessari mynd standa líka
sömu framleiðendur og gerðu The
Chronicles of Narni í samstarfi við
Walt Disney.
Með aðalhlutverk fara: Josh
Hutcherson, Anna Sophia Robb,
Zooey Deschanel, Robert Patrick,
Bailee Madison og Lauren Clinton.
Ævintýri Í myndinni segir frá tveimur krökkum sem skapa sinn eigin heim.
Frumsýning | Bridge to Terabithia
Skapa sitt eigið
konungsríki
Erlendir dómar:
Metacritic 74/100
Washington Post 90/100
The New York Times 80/100
Variety 70/100
Entertainment Weekly 58/100
(allt skv. Metacritic).