Morgunblaðið - 25.03.2007, Síða 78

78 SUNNUDAGUR 25. MARS 2007 MORGUNBLAÐIÐ
Búdapest
Þú mætir með miðann sem fylgdi Morgunblaðinu í gær til Heimsferða,
Skógarhlið 18, eða á einhverja af umboðsskrifstofum þeirra.
Einnig er unnt að bóka tilboðið á www.heimsferdir.is
Sértilboð fyrir áskrifendur Morgunblaðsins!
Besti tíminn í
Búdapest
Morgunblaðið, í samstarfi við Heimsferðir, býður
áskrifendum sínum frábært tilboð í þriggja nátta helg-
arferð í beinu flugi til Búdapest 4. maí. Maí er frábær
tími í Búdapest, vorið allsráðandi og borgin öll í blóma
og skartar sínu fegursta. Góðir gistivalkostir í boði.
Búdapest er í dag ein eftirsóttasta borg í Evrópu enda
er hér að finna hið gamla menningarhjarta Evrópu sem
státaði af því besta í menningu, listum og húsagerðarlist.
Borgin er staðsett á einstökum stað við Dóná sem
rennur í gegnum borgina miðja og skiptir henni í tvo
hluta; Búda sem er byggð í hlíð vestan megin við ána og er eldri hluti borg-
arinnar og hinsvegar Pest. Í boði eru spennandi kynnisferðir um borgina með
fararstjórum Heimsferða.
4.-7. maí
Frá 39.990 kr.
Verðdæmi og valkostir:
Áskr. verð Alm. verð Þú sparar
Hotel Atlas *** 39.990 50.790 10.800
Hotel Mercure Korona **** 46.990 57.290 10.300
Innifalið: Flug, skattar, gisting með morgunverði í 3 nætur og íslensk fararstjórn. Ferðir til og frá flugvelli
eru ekki innifaldar, en þær kosta kr. 1.800 báðar leiðir. Verð er netverð á mann í tvíbýli.
Þú sparar
10.300-10.800 kr.
á mann
E
N
N
E
M
M
/
S
IA
•
N
M
26
72
0
Íöllu stúlknasveitaflóði sjöundaáratugarins var ein söngsveitsem skar sig úr, var meðdjarfara útlit, á þess tíma
mælikvarða í það minnsta, og beitt-
ara inntak í textum, óþekkar stelp-
ur, sem sungu undir nafninu The
Shangri-Las. Lögin voru frábær,
„Remember (Walking in the Sand)“
og „Give Him a Great Big Kiss“
prýðileg dæmi um það, en meist-
araverkið „Leader of the Pack“, sem
gerði allt vitlaust sumarið 1964
hljómar jafn ferskt og forðum. Segja
má að með því lagi hafi „dauðapopp-
ið“ ná hámarki, létt popplög sem
snerust um dauðsföll og voveifleg
örlög elskenda.
Systrasveit
Shangri-Las-stúlkurnar voru fjór-
ar, systurnar Mary og Elizabeth
„Betty“ Weiss og tvíburasysturnar
Marguerite „Marge“ og Mary Ann
Ganser. Þær voru alla jafna þrjár á
tónleikum, myndum og í sjónvarpi,
Mary Weiss og Marge og Mary Ann
Ganseren, en sungu fjórar inn á plöt-
urnar. Þær Weiss-systur, sem ólust
upp við sára fátækt, byrjuðu að
syngja með vinkonum sínum á skóla-
böllum í upphafi sjöunda ára-
taugarins rétt komnar á táningsald-
urinn. Fyrsta prufuupptakka þeirra
skilaði engu en síðan komust þær á
mála hjá snjöllum upptökustjóra og
eftir það fóru hjólin að snúast.
Fyrsta smáskífan var Simon Says,
sem kom út 1963, en á henni söng
Betty Weiss aðalrödd.
Snemma árs 1964 gerðu stúlk-
urnar síðan samning við plötufyr-
irtæki, en þar sem þær voru ekki
lögráða gengu foreldrar Ganser-
systra og móðir Weiss-systra frá
samningnum sem var vægast sagt
slæmur eins og átti síðar eftir að
koma í ljós. Mary var fimmtán ára,
Betty var sautján ára og Ganser-
systur sextán ára.
Fyrsta lagið sem þær tóku upp á
nýjum samningi var „Remember
(Walking in the Sand)“ sem varð
gríðarlega vinsælt og næsta lag,
„Leader of the Pack“, enn vinsælla.
Næstu fjögur árin má segja að þær
stöllur hafi verið á ferðalagi um þver
og endilöng Bandaríkin á milli þess
sem þær tóku upp ný lög. Eftir því
sem Mary Weiss hefur lýst þessum
árum var lítið eftirlit með þeim stöll-
um og lítið um þær hugsað yfirleitt –
þær þurftu alla jafna að sjá um sig
sjálfar, sem varð til þess að Mary, þá
nítján ára gömul, keypti sér byssu
eftir að fullorðinn maður hafði reynt
að ryðjast inn á hana á hóteli.
Samningaflækja
Þegar smekkur ungmenna breytt-
ist, ný gerð tónlistar tók við, hallaði
undan fæti hjá þeim stöllum, en þeg-
ar þær hugðust breyta til, gera nýj-
an samning og snúa sér að annarri
gerð tónlistar kom í ljós að þær voru
réttlausar; foreldrarnir höfðu samið
svo af sér fyrir þeirra hönd að þær
gátu ekki um frjálst höfuð strokið. Á
endanum fór svo að Mary Weiss, og
þær stöllur allar reyndar, lögðu tón-
listina á hilluna, hættu að syngja, og
ekkert heyrðist til þeirra framar.
Þar til nú að Mary Weiss snýr aftur
með fyrirtaks sólóskífu.
Mary Weiss fluttist til San Frans-
isco og síðar til New York þar sem
hún gerði lítið annað en slæpast að
því hún segir sjálf. Þegar hún hafði
ekki efni á því lengur fékk hún sér
vinnu sem einkaritari og síðustu ár
hefur hún stýrt húsgagnafyrirtæki.
Þó þær Shangri-Las stöllur hafi
horfið augum manna var tónlistin
enn til og 1977 gerðu þær samning
við Sire-útgáfuna um að taka upp
nýja plötu. Útkoman þótti þó ekki
góð og hætt var við að gefa plötuna
út. Á næstu árum kvarnaðist úr
sveitinni, Ganser-systur eru báðar
látnar, önnur úr ofneyslu fíkniefna
og hin úr krabbameini, og Betty
Weiss sagði algerlega skilið við tón-
listina.
Sagan ekki öll
Sagan var þó ekki öll og í kjölfar
útgáfu Rhino á safnkassa með
stelpusveitum, One Kiss Can Lead
to Another, hitti Mary Weiss að-
standendur útgáfunnar sem voru
ekki seinir á sér að bjóða henni að
fara í hljóðverið aftur. Hún féllst á
það með einu skilyrði – hún ætlaði
ekki að fara að syngja eitthvert
gamalt dót. Þeir voru henni hjart-
anlega sammála og þar með var
kominn grunnur að samningi.
Greg Cartwright, leiðtogi þeirrar
ágætu sveitar Reigning Sound tók
að sér upptökustjórn og skrifaði að
auki níu lög af þeim fjórtán sem eru
á plötunni. Hann nær að uppfæra
hljóminn, gera plötuna nýstár- og
nútímalega, en gætir þess einnig að
vísa í gamla tíma, að draga fram það
sem best var á þessum árum. Rödd-
in á Mary Weiss hefur breyst, sem
vonlegt má telja, á þeim fjörutíu ár-
um sem liðin eru frá því sveitin sló í
gegn, en ekki svo mikið, maður
þekkir hana undireins.
Mary Weiss
snýr aftur
Shangri-Las var ein helsta stelpusveit sjöunda
áratugarins og Mary Weiss, aðalsöngkona þeirr-
ar sveitar, er mörgum eftirminnileg. Fyrir ýmsar
sakir sagði hún skilið við tónlistina í rúma þrjá
áratugi en snýr nú aftur með sólóskífuna Dan-
gerous Game.
Dauðapopp Mary Weiss og Shangri Las fluttu létt popplög sem snerust um dauðsföll og voveifleg örlög elskenda.
TÓNLIST Á SUNNUDEGI
Árni Matthíasson