Morgunblaðið - 22.04.2007, Page 74

74 SUNNUDAGUR 22. APRÍL 2007 MORGUNBLAÐIÐ
Eftir Árna Matthíasson
arnim@mbl.is
AÐDÁENDUR Sigur Rósar fá nóg
að bíta og brenna á árinu því vænt-
anlegar eru DVD myndir, geisla-
diskar, bók í tímaritsformi og ljós-
myndabók svo fátt eitt sé talið.
John Best, umboðsmaður sveit-
arinnar, segir að skýringin á þess-
um miklu afköstum sé að ýmis
verkefni séu búin að vera á teikni-
borðinu í talsverðan tíma og nú hafi
loks gefist tími til að ljúka við þau.
Tímarit og vínyll
Það fyrsta sem kemur út er þó
ekki beinlínis á vegum sveitarinnar
þó það tengist henni, en það er út-
gáfa á fyrsta hefti ársfjórðungsrits-
ins Artist in Residence (a+r) sem
hefur göngu sína á árinu. John Best
segir að aðstandandi þess rits sé
Jeff Anderson, sem sé hljómsveit-
inni að góðu kunnur frá gamalli tíð.
Hann hafi síðan fengið að fylgjast
með sveitinni í tónleikaferð hennar
um Ísland á síðasta ári og afrakst-
urinn sé In a Frozen Sea: A Year
With Sigur Ros, sem Best segir að
sé frekar tímarit en bók. Ritið, sem
er 32 síður á stærð við umslag utan
um 12“.
Samhliða útgáfunni verður opn-
aður vefur á vefsetrinu www.ainr-
.com þar sem hægt verður að
hlusta á lög og horfa á myndbönd
með sveitinni, skoða myndir af
henni og eins kaupa sérstakan vín-
ylpakka með plötunum Ágætis
byrjun, () og Takk, en á Takk, sem
var fimm vínyl-hliðar af músík og
ein með mynd, verða nú tvö lög á
sjöttu hliðinni, Smáskífa og Vaka,
en Smáskífa hefur aldrei komið út á
vínyl. Plötunum verður pakkað upp
á nýtt fyrir þessa sérútgáfu og að-
eins framleidd af henni 5.000 eintök
og fáanleg frá 1. júní næstkomandi.
Hrafnagaldur og Hlemmur
Þá stefnir hljómsveitin að því að
gefa aftur út á árinu tónlistina úr
Hlemmi í takmarkaðri útgáfu, en
hún var áður gefin út í plastpoka
með ljósrituðu umslagi. „Það var
kominn tími til að gefa plötuna al-
mennilega út,“ segir Best og bætir
við að hér á landi verði fáanleg sér-
stök útgáfa þar sem DVD af mynd-
inni fylgir, en hún verður aðeins
framleidd í 1.000 eintökum. Disk-
urinn verður aftur á móti fáanlegur
stakur um allan heim.
Annað gamalt verkefni sem hefur
beðið frekari vinnslu er Hrafna-
galdur, en hljómsveitin lét kvik-
mynda tvenna tónleika í Grande
Halle Charlie Parker í París 28. og
29. september 2004. Best segir að
verið sé að vinna þær upptökur,
klippa og tilheyrandi, og stefnt að
því að verkið verði tilbúið til útgáfu
í sumar. „Það er þó ekki búið að
ákveða hvernig útgáfunni verður
háttað, nema að því leyti að það
verður gefinn út DVD diskur. Vel
má vera að tónlistin verði líka gefin
sérstaklega út á geisladisk eða
verði einfaldlega sem sérstök hljóð-
rás á DVD disknum, það kemur í
ljós.“
Stuttskífa meðal annars
Einnig er í bígerð stuttskífa með
gömlum lögum Sigur Rósar í nýjum
búningi sem tekin voru upp seint á
síðasta ári. Á þeirri skífu, sem einn-
ig á að koma út í sumar að sögn
Johns Best, eru fjögur lög, Rokk-
lagið, sem heita mun Prinsinn og
kanína, Lagið í gær, Salka og Von í
mikið breyttri mynd.
Áður hefur verið sagt frá því að
kvikmynd um ferð Sigur Rósar um
Ísland síðasta sumar verður frum-
sýnd í haust. John Best segir að til
hafi staðið að frumsýna hana í
ágúst en sér sýnist líklegra að hún
birtist ekki á hvíta tjaldinu fyrr en í
september ef að líkum lætur, en í
dag kvikmyndar hljómsveitin óraf-
magnaða tónleika sem nýttir verða
í myndina. „DVD útgáfa af mynd-
inni kemur svo út mánuði síðar ef
allt gengur eftir, í október,“ segir
Best, en um líkt leyti kemur út ljós-
myndabók með myndum sem hann
tók á ferðinni með sambýliskonu
sinni. Hann segir að lítið sé af tón-
leikamyndum í bókinni, enda sé til-
gangur hennar að sýna flest annað
en tónleikana sjálfa, þ.e. segja sög-
una á bak við ferðina í myndum, en
texti verður með minnsta móti.
Notað og nýtt
Ekki er allt upp talið því hljóm-
sveitin tekur upp nýja skífu í næsta
mánuði með órafmögnuðum út-
gáfum af lögum sem hljómsveitin
hefur áður gefið út í bland við lög
sem hafa verið á tónleika-
dagskránni undanfarin ár en ekki
komið út til þessa. „Fyrir mér eru
þetta skyld verkefni, kvikmyndin
um tónleikaferðina um Ísland,
stuttskífan og svo platan sem tekin
verður upp í maí, enda hélt Sigur
Rós sína fyrstu órafmögnuðu tón-
leika í ferðinni, spilaði á Kára-
hnjúkum, og platan því mjög tengd
ferðinni. Stuttskífan er líka tengd
myndinni, því á henni verða lög í
tónleikaútsetningum sem ekki hafa
áður komið út á plötu. Þetta virðist
því allt afskaplega mikið og flókið,
en er það í sjálfu sér ekki.“
– Það er varla að maður þori að
spyrja um meira, en laggó: Hvað
með nýja plötu?
„Strákarnir eru byrjaðir að taka
upp nýja plötu, en hún kemur
væntanlega ekki út fyrr en seint á
næsta ári. Það á eftir að taka sinn
tímann að koma öllum verkefnum
út sem við erum með í vinnslu
núna,“ segir John Best að lokum.
Fyrningar og stórmerki
Sigur Rós hreinsar upp gamlar syndir og syndgar upp á nýtt
Ljósmynd/Björg Sveinsdóttir
Mögnuð Sigur Rós spilar órafmagnað á tónleikum til styrktar Varmársamtökunum. Það er nóg að gera hjá hljómsveitinni um þessar mundir.
Þjóðlagasöngur / Söngleikjatónlist
Ljóðadeild / Óperudeild
Sviðshreyfingar / Nemendaópera
Umsækjendur eru minntir á
að sækja einnig um á
https://rafraen.reykjavik.is
Frekari upplýsingar fást á skrifstofu
skólans Snorrabraut 54, sími 552 7366
og á heimasíðunni songskolinn.is
Unglingadeild yngri 11-13 ára
Unglingadeild eldri 14-15 ára
Almenn deild
Grunnnám / Miðnám /
Framhaldsnám
Háskóladeild
Einsöngsnám / Söngkennaranám
Umsóknarfrestur um skólavist
veturinn 2007-08 er til 30. apríl 2007
Inntökupróf fara fram 20.-31. maí
Söngskólinn í Reykjavík er
einn fremsti tónlistarskóli
landsins og býður upp
á alhliða tónlistarnám
með söngröddina sem
aðalhljóðfæri
Nokkrir nemendur
í Unglingadeild eldri
Úr sýningu Nemenda-
óperunnar á “Show business!”