Morgunblaðið - 11.05.2007, Qupperneq 34

matur
34 FÖSTUDAGUR 11. MAÍ 2007 MORGUNBLAÐIÐ
Ung og efnileg söngkona
Alltaf gaman að heyra nýjar
raddir, sérstaklega ungar og fersk-
ar. Nú er tækifæri til að heyra og
sjá sópraninn Dagrúnu Ísabellu
Leifsdóttir sem ætlar að syngja
burtfarartónleika sína frá Söng-
skóla Sigurðar Demetz í kvöld kl.
20 í Fríkirkjunni í Reykjavík. Dag-
rún hefur verið í söngskóla Sig-
urðar undanfarin sjö ár og nú síð-
ast undir handleiðslu Gunnars
Guðbjörnssonar. Dagrún er ekki
óvön að koma fram því hún hefur
verið að syngja á sviði síðan hún
var sjö ára, en þá steig hún fyrst á
stokk með systur sinni í litlu fé-
lagsheimili á Hjaltlandseyjum og
þær sungu íslensk lög. Síðan hefur
hún verið óstöðvandi, verið í fjöl-
mörgum kórum og komið víða
fram. Í haust heldur hún til Eng-
lands í nám við Royal Northern
College of Music og verður þar í
tvö ár í Post Graduate námi.
Í kvöld ætlar hún að syngja
nokkur íslensk lög, m.a. Hvert ör-
stutt spor við lag Jóns Nordal, en
einnig ljóð eftir Grieg og Fauré
sem og nokkrar aríur og dúett úr
Brúðkaupi Fígarós eftir Mozart.
Aðgangur ókeypis og allir vel-
komnir
Teppi til heiðurs Jónasi
Gleðjið augun og kíkið á opnun
sýningar á bútasaumsverkum sem
unnin eru í tilefni af 200 ára fæð-
ingarafmæli Jónasar Hallgríms-
sonar, í Gerðubergi á morgun kl.
15.
Við opnun sýning-
arinnar verða veitt
verðlaun fyrir besta
verkið á sýningunni.
Sýningin og sam-
keppnin er haldin í
samstarfi við Íslenska
bútasaumsfélagið. Fé-
lagið var stofnað árið
2000 og hefur það
markmið að efla
áhuga og breiða út
þekkingu á bútasaumi.
Félagið hefur staðið
fyrir sýningum og annað hvert ár
hefur verið efnt til samkeppni þar
sem unnið er eftir ákveðnum
þemum. Tólf bútasaumsteppi bár-
ust í samkeppnina að þessu sinni.
Auk þess verður hin svokallaða
„ferðatöskusýning“ Evrópusam-
taka bútasaumsfélaga opnuð í
Kaffi Bergi. Þar má sjá 17 teppi
frá jafn mörgum löndum sem
unnin eru út frá þemanu „Heitt og
kalt“.
www.gerduberg.is
Dýr(s)legur söngleikur
Menningarnefnd Ölfuss hefur
staðið fyrir tónlistarhátíð í vetur
undir yfirskriftinni Tónar við hafið.
Síðustu tónleikar vetrar verða
haldnir á morgun, laugardag. Í
mælt með
Við erum öll mjög glöð meðnýja mötuneytið og líðurafskaplega vel. Við lögðumtalsvert á okkur til að
þrýsta á um að fá mötuneyti í skól-
ann. Það tókst að lokum og nú eru
allir í miklu betra skapi en áður því
við þurfum ekki lengur að nærast á
samlokuruslinu í sjoppunum hér í
kring. Auk þess skapar þetta svo
skemmtilega stemningu hér,“ sagði
Jóhannes Þórðarson, deildarforseti í
Listaháskóla Íslands við Skipholt,
sem var að gæða sér á afar girnilegu
Sumarlegu salati, brauði og viðbiti
ásamt fjölda annarra nemenda og
kennara við arkitekta- og hönn-
unardeildir Listaháskóla Íslands í
Skipholti 1 þegar Daglegt líf kíkti í
heimsókn fyrir skömmu.
Andrúmsloftið í skólanum hefur
tekið talsverðum stakkaskiptum eft-
ir að vinkonurnar og matgæðing-
arnir Margrét Þóra Þorláksdóttir og
Andrea Guðmundsdóttir tóku að sér
að töfra fram hollmeti fyrir verðandi
hönnuði, sem nú sitja á skólabekk í
Listaháskólanum, kennara og skrif-
stofufólk.
Mötuneytið í félagsmiðstöðinni
Eldhús var búið til og áhöldum og
öðrum tólum til matargerðar var
komið fyrir í rými því sem í daglegu
tali gengur undir heitinu „105“ og
vísar í póstnúmer viðkomandi hverf-
is. Þar fyrir var og er félagsaðstaða
nemenda og þar fara fram ýmsar
umræður, uppákomur, bíósýningar
og nemendapartí, sem efnt er til í
þessum hluta Listaháskólans, en
skólinn er auk þess með starfsemi
við Sölvhólsgötu og inni í Laugar-
nesi.
„Ætli við fáum ekki fimmtíu til
sextíu manns í mat í hverju hádegi
að jafnaði, en auk þess kemur þó
nokkur fjöldi alltaf til okkar í morg-
unmat. Við reynum auðvitað að vera
á heilsusamlegum nótum við mat-
argerðina því það er nákvæmlega
það sem unga fólkið vill í dag. Nem-
endur jafnt sem kennarar hafa tekið
mötuneytinu fegins hendi enda
fylgir svona starfsemi félagslegt
krydd í þokkabót því á meðan fólkið
er að gleðja bragðlaukana fá menn
tækifæri til að slaka á og ræða málin
í skemmtilegu umhverfi,“ segir Mar-
grét Þóra, sem hefur yfirumsjón
með mötuneytinu.
Skólinn sér um rekstur mötuneyt-
isins og kostar hádegisverðurinn 400
til 500 krónur á manninn. „Við bjóð-
um upp á súpur, pasta, salöt, fisk,
hrísgrjónarétti og grænmetisrétti.
Svo getur það dottið í okkur að
brjóta þetta upp með grjónagraut og
slátri kannski annan hvern mánuð
eða pylsuveislum við og við,“ segir
Andrea.
Líkt og byggingavinna
Matargerð hefur í gegnum tíðina
verið mikið áhugamál hjá þeim stöll-
um og oft er hringt á milli heimila til
að skiptast á uppskriftum eða segja
frá nýjungum á matarsviðinu. „Mat-
seld er fyrir mér mikil slökun, eins
konar hugleiðsla bara. Þetta er hins
vegar í fyrsta skipti sem ég tek að
mér heilt mötuneyti og það er engin
slökun fólgin í því að elda fyrir sex-
tíu manns í einu. Það er auðvitað
ekkert nema púlvinna að vera með
risastórar ausur í pottum í yfir-
stærðum. Kannski er þetta bara
stundum eins og að vera í bygginga-
vinnu,“ segir Margrét Þóra, sem
hefur á undanförnum árum m.a. rit-
stýrt bókaklúbbi Vöku-Helgafells
„Af bestu lyst“ og komið auk þess
nálægt annarri bókaútgáfu og stíl-
iseringu á sviði matreiðslu.
Þegar Daglegt líf falaðist eftir
uppskriftum hjá matseljunum í
mötuneyti listnema varð hið sí-
vinsæla Sumarlega salat með svína-
kjöti og austurlenskri sósu fyrir val-
inu, en uppskrift að því hefur m.a.
birst í bókaklúbbnum „Af bestu
lyst“. Að auki nestaði Margrét Þóra
blaðamann með einkar gómsætri
uppskrift af nautalundum með Café
du Paris kryddsmjöri, í tilefni af því
að nú væri hægt að fá úrvals nauta-
lundir frá Nýja-Sjálandi á góðu
verði í flestum stórmörkuðum.
Sumarlegt salat
(aðalréttur fyrir fjóra)
½ dl þurrt sérrí
½ dl sojasósa
4 tsk. engiferrót (fersk og rifin)
3 hvítlauksrif (marin)
400 g svínalund
½ dl Hoi-sin sósa
2 msk. púðursykur
2 msk. hvítvínsedik
1 msk. ólífuolía
1 tsk. sesamolía
2 rauðlaukar
1 msk sesamfræ (ristuð)
2 pokar salatblanda
4 ferskjur
Blandið saman sérríi, sojasósu,
engifer og hvítlauk. Takið frá ½ dl af
leginum og geymið þar til síðar.
Setjið lundina í plastpoka og hellið
Unga fólkið vill hollmeti
Morgunblaðið/Ásdís
Matseljurnar Vinkonurnar og meistarakokkarnir Margrét Þóra Þorláksdóttir og Andrea Guðmundsdóttir töfra
fram gómsæta rétti fyrir listnema og starfsfólk Listaháskólans.
Andrúmsloftið í Listahá-
skólanum hefur tekið
stakkaskiptum eftir að
farið var að töfra fram
hollmeti fyrir verðandi
hönnuði, listamenn og
starfsfólk. Jóhanna Ingv-
arsdóttir hitti stöllurnar
sem standa fyrir breyt-
ingunni.
Morgunblaðið/Ásdís
Aðalrétturinn Sumarlegt salat með svínalundum og austurlenskri sósu og að sjálfsögðu bragðast nýbakað ilmandi brauð vel með.