Morgunblaðið - 21.10.2007, Qupperneq 72

72 SUNNUDAGUR 21. OKTÓBER 2007 MORGUNBLAÐIÐ
AUÐLESIÐ EFNI
Benazir Bhutto, fyrr-verandi
forsætis-ráðherra Pakistans,
snéri heim úr 8 ára út-legð á
fimmtu-daginn. Þegar hún var
á leið á um götur Karachi, var
gerð sjálfsmorðs-árás nálægt
bílnum sem hún var í. Bhutto
slapp ómeidd, en hátt á 200
manns létu lífið í árásinni.
Innanríkis-ráðherra
Pakistans telur að
hryðju-verkamenn hafi reynt
að ráða Bhutto af dögum til
að hindra þing-kosningar.
Hryðjuverka-samtökin
al-Qaeda höfðu sagst myrða
Bhutto við heim-förina.
Fyrr um daginn fögnuðu
hundruð þúsunda
stuðnings-manna komu
Bhutto og hún grét er hún
steig á fóstur-jörðina.
Benazir Bhutto varð fyrst
forsætis-ráðherra í Pakistan
1988, en var rekin úr
em-bætti 1990 af þá-verandi
forseta. Hún tók aftur við
em-bættinu 1993, en var
rekin 1996 og sökuð um
spillingu. Hún var nú að snúa
heim því Pervez Musharraf,
for-seti Pakistans, felldi niður
ákærurnar um spillingu.
Bhutto sýnt bana-tilræði
Reuters
Benazir Bhutto fer inn í skot-heldan bíl eftir sprengingarnar.
Stjórnir sjálfstæðis-
félaganna héldu fund í
Reykjavík í Val-höll á
fimmtudags-kvöld. Um 200
manns mættu á fundinn
sem haldinn
var fyrir
luktum
dyrum. Geir
H. Haarde,
for-maður
Sjálfstæðis-
flokksins,
hélt ræðu og
kynnti
sjónar-mið
sín þar. Hann segist hafa
komið á fundinn því honum
fannst hann verða að beita
sér fyrir því að fólk sneri nú
bökum saman og reyndi að
loka málinu. „Ég tel rétt að
hætta núna að takast á við
for-tíðina, heldur horfa fram
á veginn og mér heyrist að
það sé mikil stemning fyrir
því,“ sagði Geir.
Samstarfs-
slitin
út-rætt mál
Geir H.
Haarde
Vasaklúta-bók fær Booker
Írska skáld-konan Anne
Enright hlaut á þriðju-dag
Booker-verðlaunin í
bók-menntum fyrir bókina
The Gathering, sem er saga
um van-stillta fjöl-skyldu á
Írlandi. Bókin þykir mögnuð,
óþægi-leg og oft reiðileg, en
þó auð-lesin. Þetta er 4. bók
höf-undar sem segir hana
sann-kallaða vasaklúta-bók.
Hefur sterka skáld-taug
Ari Jóhannesson læknir
hlaut Bókmennta-verðlaun
Tómasar Guðmundssonar
fyrir frum-raun sína,
ljóða-bókina Ösku-dagar.
Dóm-nefnd þykir Ari hafa
sterka skáld-taug, agaðan og
mynd-rænan stíl sem
ein-kennist af djúpum
mann-skilningi.
Dýrasta lista-verkið
Lista-verkið Fivefold eye
eftir Ólaf Elíasson seldist á
80 millj-ónir á upp-boði hjá
Christie’s í London. Verkið
var metið á 11 til 15
millj-ónir. Þetta er lík-lega
hæsta verð sem greitt hefur
verið fyrir verk eftir Íslending.
Syndir feðranna frum-sýnd
Heimildar-myndin Syndir
feðranna eftir Ara Alexander
Ergis Magnússon og
Bergstein Björgúlfsson var
frum-sýnd á föstudags-
kvöld. Þetta er átakan-leg
mynd um drengina sem
bjuggu í Breiðu-vík á árunum
1952-73 og sættu miklu
of-beldi.
Listir
Nicolas Sarkozy
Frakklands-forseti hefur
stað-fest að hann og kona
hans, Cecilia, hafi ákveðið að
skilja. Þau hafa verið gift í 11
ár. Storma-samt sam-band
þeirra var mikið rætt í
forseta-kosningunum í maí.
Þau sáust sjaldan saman
opinber-lega eftir að Sarkozy
tók við em-bættinu, og
tals-vert fjaðra-fok varð í
ágúst þegar Cecilia neitaði á
síðustu stundu að snæða
hádegis-verð með George W.
Bush Bandaríkja-forseta.
Um fátt annað er rætt í
Frakklandi nú en skilnaðinn
og verk-fall sem lamar allar
almennings-samgöngur í
landinu, fyrsta stóra
verkfallið í valda-tíð Sarkozys.
Skilnaður
og verk-fall
Á þriðju-daginn af-henti Vilhjálmur Þ.
Vilhjálmsson Degi B. Eggertssyni lykla-völdin
að ráð-húsi Reykjavíkur. Dagur er 18.
borgar-stjóri Reykvíkinga. Hann er 35 ára og
var fyrst kjörinn í borgar-stjórn árið 2002 sem
óháður full-trúi á R-listanum. Hann er
menntaður læknir frá Háskóla Íslands, en
hefur stundað meistara-nám við Háskólann í
Lundi í mann-réttindum og alþjóða-lögum.
Á fimmtudaginn lagði nýi borgar-stjórinn
til-lögu fyrir borgar-ráð um að-gerðir í
starfsmanna-málum borgarinnar, svo hún yrði
eftirsóknar-verðari vinnu-staður.
Heildar-kostnaður vegna til-lagnanna er 769
milljónir króna fyrir árin 2007 og 2008. Lagt
er til að fjárhags-áætlun 2007 verði breytt
sam-kvæmt til-lögunum. Dagur segir að í
þessu birtist forgangs-röðun nýja
meiri-hlutans. Hann telur mikil-vægt að takast
á við álagið sem hefur verið á mörgum
starfs-stöðvum borgarinnar vegna mann-eklu.
Dagur vill 769 milljónir
í starfs-manna-mál
Morgunblaðið/Brynjar Gauti
Vilhjálmur kveður, Dagur tekur við.
Tónlistar-hátíðinni Iceland Airwaves lýkur í kvöld, en hún hefur
staðið í 5 daga. Hátíðin er nú haldin í 9. skipti. Um 5.000
manns, íslenskir og er-lendir, taka þátt í há-tíðinni. Þar af eru
um 1.000 lista-menn.
Iceland Airwaves
í fullum gangi
Morgunblaðið/Árni Torfason
Rhonnda and the Runestones lék á Organ.
Íslenska lands-liðið í
knatt-spyrnu varð fyrir
reiðar-slagi á miðviku-daginn
þegar það tapaði 3:0 gegn
smá-ríkinu Liechtenstein í
Evrópu-keppni lands-liða.
„Botninum er náð ef sigur
vinnst ekki,“ sagði Lárus
Guðmundsson fyrr-verandi
landsliðs-maður fyrir leikinn.
Deyfð og ráða-leysi þykja
hafa ein-kennt leik
lands-liðsins, en það átti ekki
skot að marki Liechtenstein
fyrr en á 27. mínútu leiksins.
Einu stigi munar að Ísland
sitji á botni riðilsins. Ísland á
eftir að keppa við Danmörku
og Liechtenstein við
Lett-land, svo botn-sætið
gæti orðið niður-staðan.
Nú spyrja menn sig hvort
skipta eigi um þjálfara liðsins
og segja Eyjólfi Sverrissyni
strax upp eftir þetta
reiðar-slag.
Er botninum náð?
Morgunblaðið/Brynjar Gauti
Brúna-þungur þjálfari á leikn-
um á móti Liechtenstein.
Netfang: auefni@mbl.is