Morgunblaðið - 21.10.2007, Blaðsíða 81
MORGUNBLAÐIÐ SUNNUDAGUR 21. OKTÓBER 2007 81
■ Fim. 25. október kl. 19.30
Sígildar perlur.
Margar þekktustu perlur tónbókmenntanna, verk eftir
Mozart, Rossini, Rakmaninoff, Piazolla og fleiri.
Hljómsveitarstjóri: Esa Heikkilä Einleikari: Alison Balsom
■ Lau. 27. október kl. 17.00
Tónsprotinn – fjölskyldutónleikar
Náttfatagleði, Eine Kleine Nachtmusik og önnur
nætur- og draumatónlist.
■ Fim. 1. nóvember kl. 19.30
Europa Musicale
Spennandi efnisskrá byggð á verkum sem hljómsveitin
mun spila á tónleikaferð sinni til Þýskalands í nóvember.
Miðasala
S. 545 2500
www.sinfonia.is
SUNNUDAGUR 21. OKTÓBER KL. 20
TÍBRÁ: SELLÓ OG PÍANÓ
TANYA ANISIMOVA og LYDIA FRUMKIN
Miðaverð 2.000/1.600 kr.
ÞRIÐJUDAGUR 23. OKTÓBER KL. 20
TÍBRÁ: SÖNGTÓNLEIKAR
VIÐAR GUNNARSSON og JÓNAS
INGIMUNDARSON
Miðaverð 2.000 kr./1.600 kr.
MIÐVIKUDAGUR 24. OKTÓBER KL. 20
SKUGGABLÓM, NÝ ÍSLENSK ÓPERA
2. SÝNING 25. OKTÓBER KL. 20
Aðgangur ókeypis og allir velkomnir.
LAUGARDAGUR 27. OKTÓBER KL. 17
TÍBRÁ: PÍANÓTÓNLEIKAR
ALBERT MAMRIEV
KL. 16.15 FLYTUR REYNIR AXELSSON
FORMÁLSORÐ. ALLIR VELKOMNIR.
Miðaverð 2.000/1.600 kr
Það var ekki auðvelt verk aðvelja úr flottri dagskrá áIceland Airwaves föstudags-
kvöldið 19. október. Þannig hefði
til dæmis verið gaman að sjá For-
gotten Lores og Buck 65 í Iðnó,
Trentemøller, Múm og Of Montreal
í Hafnarhúsinu eða Deerhoof og
Jakobínurínu á Gauknum. En há-
tíðin er auðvitað þannig úr garði
gerð að maður þarf að velja og
hafna, og ég ákvað því að koma
mér vel fyrir á NASA þar sem ís-
lenskar sveitir voru í aðal-
hlutverkum.
Því miður kom ég seinna í hús en
ég hafði ætlað mér og náði því
bara tveimur síðustu lögum hljóm-
sveitarinnar Bloodgroup. Engu að
síður heyrði ég strax að þarna er
mjög frambærileg sveit á ferðinni,
kröftugt og skemmtilegt elektró
sem höfðar eflaust til margra. Þó
hefði verið gaman að sjá fleiri í
húsinu og meiri stemningu á dans-
gólfinu, en Bloodgroup hóf leik
klukkan 20.45 sem skýrir trúlega
hvers vegna áheyrendur voru ekki
fleiri. Líklega hefði verið skyn-
samlegra að láta sveitina spila síð-
ar um kvöldið, enda um mikla stuð-
tónlist að ræða. Það kemur því
ekki á óvart að Bloodgroup skuli
nýverið hafa undirritað samning
um dreifingu í öllum iTunes-
verslunum, og líklegt verður að
teljast að sveitin muni láta mikið
að sér kveða á næstunni.
Næst á svið var Skakkamanage.
Það virkaði óneitanlega undarlegt
að láta sveitina spila strax á eftir
Bloodgroup, enda töluvert rólegri
tónlist. Því miður hef ég lítið kynnt
mér Skakkamanage, en sveitin
kom mér hins vegar skemmtilega á
óvart með flottum og gleðilegum
lögum, áreynslulausri sviðs-
framkomu og síðast en ekki síst
góðum textum.
Ég hafði aldrei heyrt í breskurokkurunum í Prinzhorn
Dance School sem var næst á svið.
Í fyrstu tveimur lögunum lofaði
hljómsveitin góðu með gríðarlega
þéttum samleik bassa og trommu,
en eftir því sem lögunum fjölgaði
kom í ljós að sveitin er ótrúlega
einhæf því öll lögin voru nánast
eins. Prinzhorn Dance School spil-
aði líklega einhver sjö eða átta lög,
en tvö lög hefðu hins vegar dugað.
Sveitin þarf verulega að taka sig á
hvað fjölbreytni varðar.
Þegar Birgir Ísleifur og félagar
hans í Motion Boys stigu á svið var
bekkurinn orðinn þétt setinn á
NASA og ljóst að margir voru
komnir eingöngu til að sjá sveitina.
Ástæðan er einföld: Motion Boys er
ein af ferskari hljómsveitum sem
komið hafa fram á Íslandi í langan
tíma. Sveitin spilar létt og
skemmtilegt elektró-popp, en nær
þó virkilega að hreyfa við fólki
enda var fyrst hægt að tala um al-
vöru stemningu á NASA þegar þeir
félagar hófu leik á laginu „Steal
Your Love“. Helsti kostur Motion
Boys er að þeir hafa algjörlega
sinn eigin stíl – eru ólíkir öllu öðru
sem kemur út þessa dagana. Varla
er hægt að setja út á neitt, nema þá
helst textana sem eru fulleinfaldir,
en það skiptir í raun engu máli því
það er tónlistin sem skiptir öllu
máli. Ég yrði mjög hissa ef óút-
komin fyrsta plata þeirra félaga
næði ekki miklum vinsældum, að
minnsta kosti hér á landi.
Það var deginum ljósara hverhápunktur kvöldsins var;
hljómsveitin Gus Gus. Þegar Biggi
Veira, Urður, President Bongo,
Daníel Ágúst og tvær bakradda-
söngkonur gengu inn á sviðið var
húsið orðið troðfullt, hitinn
ískyggilegur og svitalyktin eftir
því. Upphafslagið kom skemmti-
lega á óvart, lagið „Believe“ af
fyrstu plötu Gus Gus, hinni tíu ára
gömlu Polydistortion. Lagið var
nokkuð lengi í gang en þegar hinar
frægu kúabjöllur hljómuðu undir
föstum taktinum tók dansgólfið
virkilega vel við sér. Næstu lög á
eftir voru öll af nýjustu plötu Gus
Gus, hinni frábæru Forever sem
hlýtur að koma til greina sem ís-
lenska plata ársins. Fyrsta lagið
sem tekið var af plötunni var hið
magnaða „Hold You“ þar sem Urð-
ur sýnir hversu frábær söngkona
hún er. Ég saknaði þó Páls Óskars
sem syngur lagið með Urði á plöt-
unni.
Lög eins og „Need in Me“,
„Lust“ og „Moss“ fengu svo hvern
einasta mann í húsinu til þess að
hreyfa sig, meira að segja nýráð-
inn borgarstjóra sem lét sjá sig
meðal sauðsvarts almúgans á
NASA.
Biggi Veira virðist annars
stjórna Gus Gus eins og herforingi
og minnir hann um margt á Liam
Howlett, forsprakka The Prodigy,
sem á það sameiginlegt með Bigga
að halda sig á bak við græjurnar
aftarlega á sviðinu, og láta aðra
um sviðsljósið.
Ég hef heyrt að Gus Gus endi
flesta sína tónleika á „David“, einu
besta danslagi íslenskrar tónlist-
arsögu, og hélt því að það væri síð-
asta lagið. Sveitin endaði hins veg-
ar á „If You Don’t Jump (You’re
English)“ og fékk sér til aðstoðar
ekki ómerkari menn en Einar Örn,
Krumma í Mínus, Jón Atla í Hair-
doctor og Curver Thoroddsen.
Flottur endir á flottum tónleikum
þar sem Biggi Veira og félagar
sönnuðu enn og aftur að Gus Gus
er búin að skipa sér í fremstu röð
elektrónískra hljómsveita í heim-
inum.
Gus Gus á heimsmælikvarða
»Motion Boys er einaf ferskari hljóm-
sveitum sem komið hafa
fram á Íslandi í langan
tíma.
Motion Boys „Helsti kostur Motion Boys er að þeir hafa algjörlega sinn
eigin stíl – eru ólíkir öllu öðru sem kemur út þessa dagana.“
jbk@mbl.is
FRÁ AIRWAVES
Jóhann Bjarni Kolbeinsson
Ljósmynd/Björg Sveinsdóttir
Bloodgroup „Líklega hefði verið skynsamlegra að láta sveitina spila síðar
um kvöldið, enda um mikla stuðtónlist að ræða.“
Skakkamanage „Sveitin kom mér hins vegar skemmtilega á óvart með
flottum og gleðilegum lögum,“ segir Jóhann Bjarni í pistlinum.