Morgunblaðið - 26.04.2008, Blaðsíða 19

MORGUNBLAÐIÐ LAUGARDAGUR 26. APRÍL 2008 19
LANDIÐ
Eftir Helga Bjarnason
helgi@mbl.is
Borgarfjörður | „Vissulega er þetta
heiður, það vilja allir standa sig sem
best,“ segir Ragnhildur Anna Ragn-
arsdóttir, nemi í búfræði við Land-
búnaðarháskóla Íslands á Hvanneyri,
en hún fékk afhenta Morgunblaðs-
skeifuna á Skeifudaginn sem haldinn
var í reiðhöllinni á Mið-Fossum á
sumardaginn fyrsta. Rasmus Bergs-
ten Christensen, tamningamaður í
Eskiholti, sigraði í keppninni um
Gunnarsbikarinn og vann til fleiri
verðlauna.
Á Skeifudegi Hvaneyringa kynntu
nemendur í hrossarækt árangur vetr-
arstarfsins í frumtamninga- og reið-
mennskunáminu. Í vetur voru nem-
endur með tvo hross, eitt frum-
tamningatrippi og svo taminn hest
sem þeir notuðu við reiðmennsk-
unámið. Reynir Aðalsteinsson tamn-
ingameistari annaðist kennsluna.
Nemendur þreyttu próf í báðum
greinunum fyrr í vikunni og sá nem-
andi sem stóð sig best í þeim hlaut
Morgunblaðsskeifuna. Það reyndist
vera Ragnhildur Anna Ragn-
arsdóttir.
Morgunblaðsskeifan er eins og
heitið bendir til gefin af Morg-
unblaðinu en hún var fyrst veitt árið
1957. Margir landsþekktir hesta- og
tamningamenn hafa fengið þessa við-
urkenningu á þessum liðlega fimmtíu
árum.
Ragnhildur er úr Kópavogi en seg-
ist alla tíð hafa haft áhuga á landbún-
aðarnámi. Að loknu stúdentsprófi í
Menntaskólanum í Kópavogi fór hún í
búfræðinám á Hvanneyri og lýkur því
í vor. „Það er annað hvort að sækja
um á hrossabrautina á Hólum eða að
drífa sig til Danmerkur í dýralækn-
anám,“ segir Ragnhildur Anna þegar
hún er spurð að því hvað nú taki við.
Hún hefur lengi haft áhuga á hestum.
Magnús Ásgeir Elíasson varð í
öðru sæti í keppninni, Hildur Björk
Skúladóttir í þriðja sæti, Sæunn Kol-
brún Þórólfsdóttir í fjórða og Sara
Björk Sigurðardóttir í því fimmta.
Ekkert á förum
Nemendur sýndu frumtamn-
ingatrippin á Skeifudaginn og kynntu
ýmsar aðferðir við tamningar. Einnig
kepptu þau á þjálfunarhestunum í
fjórgangi. Sigurvegarinn, Rasmus
Bergsten Christensen, fékk Gunn-
arsbikarinn en hann er veittur í
minningu Gunnars Bjarnasonar sem
var hrossaræktarráðunautur og
kennari á Hvanneyri. Rasmun hlaut
einnig ásetuverðlaun Félags tamn-
ingamanna. Sæunn Kolbrún Þórólfs-
dóttir frá Hjaltastöðum hlaut Eiðfax-
abikarinn sem veittur er þeim
nemanda sem talinn er hirða best um
hestana.
Rasmun Bergsten hafði gaman af
því að ríða út úr höllinni með tvo góða
bikara, sagði að það væri ótrúlegt.
Rasmus er frá Árósum í Danmörku
og fékk ungur áhuga á hestum. Hann
kynntist íslenska hestinum og ákvað
að koma hingað einn vetur til að
temja og læra meira í faginu. Fjögur
ár eru liðin og Rasmus ekkert á för-
um, segist ætla að vera hér áfram.
Hann vinnur við tamningar á hesta-
búinu í Eskiholti í Borgarfirði. Segir
að það sé áhugavert starf, aðstaðan
góð og hann sé að vinna með
skemmtilegu fólki.
Magnús Ásgeir Elíasson varð í
öðru sæti í Gunnarsbikarnum, eins
og í keppninni um Morgunblaðsskeif-
una, Sæunn Kolbrún Þórólfsdóttir í
þriðja sæti, Hildur Björk Skúladóttir
í fjórða sæti og jöfn í fimmta sæti
urðu Jón Örn Angantýsson og Ásta
Márusdóttir.
Auk hefðbundinnar keppni voru
ýmsar sýningar í reiðhöllinni á Mið-
Fossum. Meðal atriða var frumsýn-
ing hóps borgfirskra kvenna sem
kalla sig Borgfirsku breddurnar.
Allir vilja standa sig sem best
Sigurvegarar Ragnhildur Anna Ragnarsdóttir vann Morgunblaðsskeifuna og Rasmus Bergsten Christensen Gunnarsbikarinn. Magnús Ásgeir Elíasson varð í öðru sæti í báðum keppnum.
Morgunblaðið/Helgi Bjarnason