Morgunblaðið - 26.04.2008, Blaðsíða 17

MORGUNBLAÐIÐ LAUGARDAGUR 26. APRÍL 2008 17
Sokkabuxur, leggings og sokkar í flottum
sumarlegum litum fyrir káta krakka á öllum aldri.
Fæst í flestum apótekum.
Reykjavík Art Gallery Skúlagötu 28, 101 Reykjavík.
Opið virka daga nema mánudaga kl. 14 -18
og um helgar kl. 14 - 17.
Síðasta sýningarhelgi
Ólafur Lárusson
„TÓNSNILLINGAR morgundags-
ins“ mun heita nýhafin tónleikaröð í
Salnum í Kópavogi. Án þess að eiga
handbær gögn um hvað felst nánar í
nafngiftinni, mætti því ímynda sér að
þetta athafnamesta tónlistarhús
landsins sé nú farið að stunda sér-
tækar „hausaveiðar“, eins og heitir
um hæfileikaleit atvinnulífsins
(„head-hunting“ á alþjóðsku), í stað
þess að bíða alfarið eftir að nýsprotar
knýi sjálfir dyra, og er það vel.
Næsta skref væri þá að byggja
upp hlustendahóp framtíðar með
örvandi fræðslustarfsemi, úr því
grunnskólinn bregzt jafnhrapallega
og raun ber vitni, svo að sögulegt
metframboð síðustu ára af efnilegum
ungum hljómlistarmönnum fái þá
áheyrn sem það á skilda. Enda liggur
þar að óbreyttu mikill og vaxandi
vandi grafinn – þvert á komandi
kjöraðstæður í húsnæðismálum með
væntanlegri tilkomu Tónlistarhúss
og Kópavogsóperu. Úrvalsflytj-
endum fjölgar nú sem aldrei fyrr –
meðan reyndum hlustendum fækk-
ar!
Þeirri döpru staðreynd hlaut enn
og aftur að skjóta upp í bakhöfði
manns á frumraun Helgu Þóru
Björgvinsdóttur (23) á miðvikudag
við að vísu þokkalega hálfsetinn sal. Í
nýliðnu efnishyggju- og neyzlufylliríi
landsmanna hefur nefnilega gleymzt
að það tekur hátt í sama tíma – ca. 15
ár – að byggja upp staðgóða með-
tökuhæfni í klassískri hlustun og það
tekur að fagmennta sinfóníutækan
spilara. En þó að sumir hlustendur
klofi enn það bil fyrir eigið frum-
kvæði, virðast nú æ fleiri líklegri til
að komast aldrei í eðlilega snertingu
við beztu tónlist allra tíma, m.a. sakir
ríkjandi ofurmarkaðsfærslu á hvers
konar dægurhismi. Til stórskaða fyr-
ir andlega þjóðarheilbrigði jafnt sem
eðlilega listræna viðmiðunarhæfni.
Slíkt er óþörf sóun. Og allt of mikil
þegar kemur að framtíðarmögu-
leikum hljómlistaramanna er hafa
jafnmikið til brunns að bera og
Helga Þóra. Þó að leikur hennar virt-
ist framan af heldur hlédrægur,
færðist smám saman aukið skap og
kraftur í túlkunina. Afgerandi mest í
Debussy-sónötunni er jafnframt
skartaði bezta samleik kvöldsins með
fiðlu og píanó í fyrirmyndarjafnvægi,
hvort heldur í styrk eða tíma. Þó að
fiðluleikinn skorti stundum kraft í
Prokofjev, var spilið í heild þaulmús-
íkalskt, og e.t.v. fullfáguð einleiks-
partíta Bachs hélzt ávallt tand-
urhrein, jafnvel í erfiðustu
tvígripum, þó að bólaði fyrst á alvöru
persónuinnlifun í seinni hluta verks-
ins er geislaði af viðeigandi dans-
sveiflu og formrænni tilfinningu fyrir
hendinga- og lotuskiptingum.
Í hnotskurn gat hér að heyra bull-
andi hæfileika, þó að helztu persónu-
sérkenni væru enn ekki að fullu kom-
in fram. Þess verður þó varla langt
að bíða.
Ríkarður Ö. Pálsson
Bullandi hæfileikar
TÓNLIST
Salurinn
Prokofjev: Fiðlusónata í f Op. 80. Bach:
Fiðlupartíta nr. 3 í E. Debussy: Fiðlusó-
nata í g. Helga Þóra Björgvinsdóttir fiðla,
Kristinn Örn Kristinsson píanó. Miðviku-
daginn 23. apríl kl. 20.
Kammertónleikarbbbmn
Morgunblaðið/Valdís Thor
Helga Þóra „Þó að leikur hennar virtist framan af heldur hlédrægur,
færðist smám saman aukið skap og kraftur í túlkunina.“
ÖNNUR plata Sigurðar Flosasonar
með Bláskuggakvartettnum er litlu
síðri hinni fyrri – sem var stórgóð.
Upptökurnar eru margar frá sama
tíma, en síðan var efni aukið við í
september sl. Úrval þessara tveggja
á einum diski gæfu fimm stjörnur
plús, en um það snýst ekki málið
heldur nýju skífuna. Lögin eru níu
og eins og fyrr; blúsar og blúslitaðir
ópusar. Upphafslagið er gamalt og
gott, en hefur aldrei verið betur
flutt. Pétur Östlund gæðir „Allir í
röð“ hinni sönnu marsaskotnu New
Orleans tilfinningu. Smellur plöt-
unnar fylgir í kjölfarið: „Aftur
heima“, sálarskotin ballaða sem Bes-
sie Banks hefði þurft að komast í
kynni við. Flott spiluð einsog
„Slyngir fingur“, þó athyglin dofni
fljótt við hlustun á hið síðarnefnda.
Sigurður kann ráð við því og brýtur
upp rútínuna með dúett sínum og
Péturs. Afturá móti fær ekkert hald-
ið athygli manns við „Aftur í steininn
búgalú“ frekar en búgalúframleiðslu
Lou Donaldsons. Annað er uppá ten-
ingnum „Þegar flaskan er tóm“
hljómar. Fautafín spilamennska og
blátónasóló Jóns Páls og spuni Þóris
með hásum hljómi toppur. Þarna er
einnig að finna dúett Sigurðar og
Jóns Páls í klassískum stíl. Herj-
ólfur er ekta Flosasonar-lína með
léttri sveiflu og sóló hljóm-
sveitastjórans í „Skilaboð“ þarsem
þurr tóninn er blúsmettaður, bregð-
ur öðru ljósi á skylda sólóa Sigurðar
þarsem málmkenndari tónn er blás-
inn. Inngangur Þóris að laginu er
ljúfsár. „Aldrei aftur“ er af búgalú-
ættinni en lokalagið „Blátt ljós“ nett
í sveiflunni og spennan sterk í sóló
Jóns Páls.
Aðeins misjafnari skífa en Bláir
skuggar, en frábær þegar best læt-
ur.
Glatt og
blátt
Morgunblaðið/Brynjar Gauti
Blúsari „Blúsar og blúslitaðir ópus-
ar“ af plötu Sigurðar Flosasonar
Blátt ljós fá góða dóma.
TÓNLIST
Geisladiskur
Sigurður Flosason altósaxófón, Þórir
Baldursson hammondorgel, Jón Páll
Bjarnason gítar og Pétur Östlund tromm-
ur. Hljóðritað í Rvk í júní og september
2007. Dimma DIM 34. 2008
Sigurður Flosason: Blátt ljós
bbbbm
Vernharður Linnet
Í Grafíksafni Íslands sýnir Sigríður
Anna Elísabet Nikulásdóttir akríl-
málverk undir yfirheitinu „Fuglar
himinsins“. Hópur fugla myndar
form á fletinum, s.s. spíral, þríhyrn-
ing og hring. Eru þeir frekar fastir
fyrir, ekki svífandi. Léttleika má
reyndar finna í litum fuglanna sem
eru skornir út í bakgrunni (sem er í
raun forgrunnur miðað við vinnuferl-
ið). Einnig skapast léttleiki í ágæt-
lega heppnuðu samspili tveggja mál-
verka „Fuglar í hringflugi“, þar sem
fuglar hrynja í hring og tóm myndast
á miðjum fleti eða á milli mynda.
„Sumargestir“ og „Sólskríkjur“ lofa
líka nokkuð góðu þegar litaspil nær
út fyrir fuglaformin. En í heildina eru
þetta þó heldur stirð málverk. Máski
má tengja þau einhverjum frum-
stæðum flúrmyndum, en fyrir mitt
leyti er þetta ekki alveg að gera sig.
Morgunblaðið/Frikki
Himinn „Fuglar hrynja í hring og tóm myndast á miðjum fleti …“
Flúraðir fuglar
MYNDLIST
Grafíksafn Íslands
Opið fimmtudaga–sunnudaga frá 14:00–
18:00. Sýningu lýkur 4. maí. Aðgangur
ókeypis
Sigríður Anna Elísabet Nikulásdóttir
bmnnn
Jón B. K. Ransu