Morgunblaðið - 26.04.2008, Blaðsíða 20

daglegtlíf
Eftir Jóhönnu Ingvarsdóttur
join@mbl.is
Ég varð fyrir miklum hughrifum ímiklu kríugeri austur á fjörðum ásjónum fyrir tæpum tveimur árumog síðan hefur krían svo sannarlega
haldið mér við efnið í myndlistinni,“ segir
myndlistarkonan Sigríður Guðný Sverris-
dóttir, sem undanfarin fimm sumur hefur ráð-
ið sig sem kokk um borð í Sæbjörgu, Slysa-
varnaskóla sjómanna, í hringferð um landið í
þeim tilgangi að bjóða sæfarendum upp á
slysavarnarnámskeið. „Áhöfnin ákvað einu
sinni sem oftar að bregða sér á sjóstöng á
slöngubát. Þegar verið var að gera að aflanum
varð til mikil átveisla fyrir kríurnar, sem sóttu
án afláts í slorið og komu það nálægt okkur að
nánast var hægt að klappa þeim. Ég heillaðist
af þessu sjónarspili, sem orðið hefur mér enda-
laust yrkisefni í myndlistinni enda er krían
bæði flottur og einkar duglegur fugl.“
Sigríður útskrifaðist sem grafískur hönn-
uður frá Myndlista- og handíðaskóla Íslands
árið 1983 og starfaði sem slíkur í tuttugu ár.
Hún byrjaði að fikta við að mála árið 1995, fór
sumarlangt í listaskóla til Flórens á Ítalíu árið
2002 og síðan varð ekki aftur snúið.
Sigríður aflaði sér líka kennsluréttinda og
starfar nú sem myndmenntakennari við Fjöl-
brautaskólann við Ármúla auk þess sem hún
sinnir almennri kennslu á sérnámsbraut fyrir
fatlaða einstaklinga.
Hundsjóveik í brælu
Sigríður ætlar að skella sér á sjóinn í sumar,
sjötta sumarið í röð, og kokka fyrir strákana
um borð í Sæbjörgu. „Við erum níu í áhöfninni
og ég þarf að standa klár með morgunmat, há-
degismat, kaffi og kvöldmat. Strákarnir vilja
náttúrulega bara kjarngóðan mat og því er oft-
ast fiskur í hádeginu á borðum og kjötmeti á
kvöldin. Stoppað er í tvo til sjö daga á hverjum
stað og verður auk þess farið til Færeyja í
sumar. Ég er hins vegar hundsjóveik ef það
gerir einhverja brælu og þá er kokkastarfið lít-
ið spennandi. Það er þá lítið annað að gera en
að henda pylsum í pottinn og henda sjálfri sér í
koju. Svo gleymist sjóveikin um leið og landi er
náð.
Ég er mikil ævintýramanneskja og náttúru-
barn með mikla útþrá og gaman er að sigla
hringinn í kringum landið sitt á góðum sumar-
dögum. Þá situr maður gjarnan uppi á dekki
með húfu og vettlinga, vafinn inn í mörg teppi
og nýtur þessa fallega lands frá öðru sjónar-
horni en við erum vön. Fyrir mér er sjóara-
starfið á sumrin ákveðin slökun frá amstri lífs-
ins því maður skiptir algjörlega um umhverfi
og gerir aðra hluti en maður er vanur enda eru
bæði eiginmaðurinn og tvö uppkomin börn,
sem enn búa heima, fær um að sjá um sig sjálf.
Ég er því alls ekki ómissandi heima. Frítímann
milli matartíma um borð nota ég svo gjarnan í
gönguferðir upp um fjöll. Ég finn mér þá
kannski lækjarsprænu og nýt náttúrukyrrð-
arinnar, tek myndir eða rissa í skissubókina
mína. Og svo erum við félagarnir í áhöfninni
auðvitað alltaf að gera eitthvað skemmtilegt
saman,“ segir Sigríður og gefur að lokum upp-
skrift að góðum málsverði.
Sjávarfang sjóarans
100 g tígrisrækjur
200 g rækjur
200 g hörpuskel, brúnuð augnablik á pönnu
½ laxaflak, þykkri endinn. Laxinn roðflettur
og skorinn í um það bil 2 x 2 cm teninga, sem
brúnaðir eru á pönnu.
1 búnt kóríander
½ krukka mangó chutney
ólífuolía
salt og pipar
smá karrí
½ rauð paprika
1 ferskur mangó
Kóríanderinn, paprikan og ferskur mangó
saxað. Mangó chutney sett út í ásamt ólífu-
olíunni, salti, pipar og karrí. Rækjur, tígris-
rækjur og hörpuskel sett út í og marinerað í
eina klukkustund. Pasta soðið í potti þar til það
er „al dente“ eða næstum því soðið í gegn. Sett
á disk fyrir hvern og einn og toppað með mar-
ineraða sjávarfanginu og laxinum, sem fer síð-
astur ofan á. Gott er að bera réttinn fram með
brauði og hummus.
Pekanhnetubaka
Botn:
5 eggjahvítur
100 g döðlumauk (1 dl af döðlum og 1⁄3 dl af
soðnu vatni sett saman í matvinnsluvél)
100 g döðlur, skornar
80 g möndlukurl
Eggjahvíturnar stífþeyttar. Döðlumaukinu
blandað varlega saman við ¼ af eggjahvítun-
um. Síðan er döðlum og möndlum bætt út í og
loks restinni af eggjahvítunum. Bakað í 20 cm
hringformi við 150°C í 18–20 mínútur. Botninn
kældur.
Ofan á:
200 g pekanhnetur, ristaðar í ofni við 150°C í
4–6 mínútur. Hnetunum raðað ofan á botninn.
Karamella:
60 g púðursykur
1 msk vatn
50 ml rjómi
Púðursykur og vatn brúnað í potti og rjóm-
inn settur út í. Soðið þangað til karamellan
verður glansandi og passlega þykk. Hellt yfir
pekanhneturnar. Bakan borin fram með rjóma
eða ís.
Morgunblaðið/Frikki
Myndlistarkonan „Ég varð fyrir miklum hughrifum í miklu kríugeri,“ segir Sigríður Guðný Sverrisdóttir, sem nú málar kríur í gríð og erg.
Eftirréttur Pekanhnetubaka.
Aðalréttur Sjávarfang sjóarans.
Krían er flottur fugl
KRÍAN er einn best þekkti fugl lands-
ins. Hún er sjófugl sem kemur til
landsins um mánaðamótin apríl-maí.
Síðsumars fara þær svo að tygja sig til
brottfarar en þá eiga þær fyrir hönd-
um, eða vængjum, eitthvert mesta
ferðalag, sem nokkurt dýr leggur í á
jörðinni. Þær fljúga suður eftir öllu
Atlantshafi að Suðurskautslandinu og
er jafnvel talið að þær fari umhverfis
Suðurskautslandið áður en þær leggja
aftur í norðurátt næsta vor. Á farflug-
inu fljúga þær á 45–60 km hraða á
klukkustund í sex til sjö tíma dag lega
og fara þannig um 300 km á hverjum
degi. Allt ferðalagið aðra leiðina tekur
því um einn og hálfan mánuð, sem
segja má að sé hreint ótrúlegt afrek
fyrir fugl, sem ekki vegur nema rúm
100 grömm.
Kríurnar verpa hér í þéttum byggð-
um um allt land, jafnvel uppi á hálend-
inu. Íslenskar kríur skipta hundruðum
þúsunda og virðist stofnstærðin sveifl-
ast talsvert. Oft sjá menn að mikill
viðkomubrestur verður í kríuvörpum
vegna veðurfars eða fæðuskorts. Krí-
an er afbragðs flugfugl, sem andæfir
yfir vatni og steypir sér síðan eld-
snöggt niður eftir sílum, sem eru að-
alfæða þeirra ásamt smákrabbadýrum
og skordýrum. Hún er einnig þekkt
fyrir árásargirni við varplönd sín og
njóta aðrir fuglar þar verndar hennar.
Aðalvarptími kríunnar er í júní.
Afbragðs flugfugl
ÞAU börn sem taka svokallaða
vaxtarkippi snemma á æviskeiði
sínu geta átt á hættu að þurfa að
glíma við offitu síðar á ævinni.
Frá þessu er sagt í vefmiðli
breska ríkisútvarpsins BBC á dög-
unum og var þar vitnað til skoskr-
ar rannsóknar sem gerð var í Há-
skólanum í Glasgow.
Rannsókn þessi leiddi í ljós að
hraður líkamsvöxtur í bernsku
gæti orsakað um 20% hraðari
efnaskipti hjá einstaklingum á
fullorðinsárum en hjá þeim sem
taka út vöxt sinn jafnt og þétt, en
ekki í törnum.
Þetta er í fyrsta sinn sem sýnt
þykir fram á með rannsókn að
vaxtarmunstur einstaklings
snemma á ævinni geti haft lang-
varandi áhrif á efnaskipti lík-
amans, en því hefur lengi verið
haldið fram að efnaskiptin séu á
einhvern hátt tengd offitu.
Tekið skal fram að rannsóknin
var gerð á dýrum en ekki mönn-
um.
Vaxtarkippir taldir geta
aukið líkur á offitu
Reuters
Lengi býr að fyrstu gerð Það
skiptir víst máli fyrir holdafar
hvernig fólk tekur út líkamsvöxt
sinn allt frá unga aldri.
|laugardagur|26. 4. 2008| mbl.is