Morgunblaðið - 26.04.2008, Blaðsíða 21
úr bæjarlífinu
MORGUNBLAÐIÐ LAUGARDAGUR 26. APRÍL 2008 21
Á hjúkrunar- og dvalarheimilinu
Nausti búa listfengar konur eins og
sjá mátti á handavinnu þeirra á
sumardaginn fyrsta. Konur af þess-
ari kynslóð eru ekki vanar því að
sitja auðum höndum. Svo þegar um
hægist eftir ævistarfið sinna þær
hugðarefni sínu, handverkinu.
Þarna var mikið um fallegt hand-
verk, svo ef fólk er í vandræðum
með tækifærisgjafir, þá er tilvalið
að heimsækja hannyrðakonur á
Nausti. Hjá þeim var að finna púða,
trefla, dúka og dýrindis milliverk í
rúmföt, servéttuhringi og myndir,
hvað öðru fallegra.
Naustið er bjart og fallegt heim-
ili en byggt var við það fyrir nokkr-
um árum og alls búa þar nú sextán
manns.
Hjá Hraðfrystistöð Þórshafnar er
rólegt þessa dagana, Júpíter er í
heimahöfn til aðhlynningar, að sögn
Rafns Jónssonar en fer síðan á síld
eftir sjómannadag. Byggingu frysti-
klefa lýkur senn, þó varla sé hægt
að tala um klefa þegar húsið er alls
1200 fermetrar. Stefnt er að því að
taka hann í notkun í júní.
Hjá Íslenskum kúfiski er vinna í
gangi en skelfiskveiðiskipið Fossá
hefur verið á veiðum frá því í síð-
asta mánuði. Afurðirnar fara á
Bandaríkjamarkað til manneldis en
einnig er nokkuð selt í beitu.
Tilraunasendingar hafa einnig
farið til Japans í litlum mæli en
eins og er virðist nokkuð góður
markaður fyrir kúfiskinn.
Sumardagurinn fyrsti var dagur
fjölskyldunnar á Þórshöfn en leik-
skólinn og vímuvarnaráð ásamt for-
eldrafélögum leik– og grunnskóla
héldu daginn hátíðlegan.
Á leikskólanum var sýning á
vetrarstarfi barnanna en einnig
hefur verið skemmtilegt þemaverk-
efni í gangi þar um gamla tímann.
Börnin hafa fræðst um húsakynni,
klæðnað og ýmislegt sem var öðru-
vísi áður fyrr, líka kynnst leik-
föngum frá gamalli tíð, leggjum og
skeljum.
Eftir sýningu var farið í skrúð-
göngu að íþróttamiðstöðinni þar
sem foreldrafélögin voru með kaffi-
sölu en síðan farið í leiki í vorblíð-
unni.
Á leikskólanum Barnabóli eru nú
30 börn og sagði Steinunn Guðna-
dóttir leikskólastjóri að dagskráin
væri liður í því að kynna leikskól-
ann og starfsemina, sem þar fer
fram, sem er fjölbreytt blanda af
námi og leik. Steinunn sagðist ekki
sjá fram á fækkun á leikskólanum á
næstunni en engin börn eru á bið-
lista eins og er.
ÞÓRSHÖFN
Líney Sigurðardóttir fréttaritari
Morgunblaðið/Líney Sigurðardóttir
Fimir fingur Konurnar á hjúkrunar- og dvalarheimilinu Nausti sýna af-
rakstur handavinnu sinnar á sumardaginn fyrsta.
Hjálmar Freysteinsson hefurheldur napra sýn á sumarið
sem gengið er í garð:
Hér er allt á vonar völ
svo verður manni ekki um sel,
harla fátt sem bætir böl
bankastjórar svelta í hel.
Pétur Stefánsson yrkir í upphafi
sumars:
Lögreglan hefur þar harðræði sýnt,
handjárnar fólk og skekur.
– Norðlingaholtið er friðsælt og fínt fyrst
þegar vora tekur.
Davíð Hjálmar Haraldsson segir
að aðeins að Torfum í Eyjafjarðar-
sveit hafi frosið saman vetur og
sumar:
Forsjálir hamstra bændur brauð,
brennivín, gögl og humar;
grunar þar verði gestanauð
í góðviðrinu í sumar.
Rúnar Kristjánsson á
Skagaströnd sendir
„samúðarkveðju“ suður:
Ólafur, Ólafur, Ólafur minn,
alltaf í hættu er stóllinn þinn.
Reyndu að hanga á honum samt,
hátignarvistin þín nær svo skammt.
Margt þarf að gerast og gerast hratt,
gengið er hinsvegar nokkuð flatt.
Vandratað er um valdabraut
vitandi baklandið allt í graut.
Ekki er ég hissa þó angri þig
allt þetta ramma gengis sig.
Hverfur í brotsjó framans fley,
fjandinn er laus í kringum REI.
Oft þarftu víst að súpa sjó
á siglingu þinni með Villa & Có.
En kannski þú hljótir að lokum lof
þó líklega verði það seint um of.
VÍSNAHORNIÐ
Af lögreglu og bændum
pebl@mbl.is
Hvað getur t.d. skýrt
nokkurra tuga króna
verðmun á Bonduelle
grænum baunum í
Nóatúni og Krónunni?
Nú eru síðarnefndu
búðirnar orðnar til fyr-
irmyndar í flokki lág-
vöruverðsverzlana og
staðreynd er að þær
taka flestum Nóatúns-
verzlunum fram. Þess-
ar verzlanir eru reknar
af sama fyrirtæki.
Hvers vegna á við-
skiptavinur Kaupáss að
borga verulega hærra
verð fyrir sömu vöru ef
hann fer inn í Nóatún í
stað Krónunnar? Það væri hægt að
skilja muninn ef þjónustan í Nóa-
túnsverzlunum væri margfalt betri
en í Krónuverzlunum. En þegar svo
er ekki og jafnvel hægt að halda því
fram, að Nóatúnsverzlanir séu í
sumum tilvikum síðri en Krónu-
verzlanir fer að verða erfitt að skilja
þennan verðmun.
Hér hefur vantað alvöru aðhald
neytenda að seljendum vöru og
þjónustu. Á tímum, þegar verð
hækkar ört er full ástæða til að auka
þetta aðhald.
Annars fara seljendur vöru og
þjónustu sínu fram og líta á neyt-
endur sem viljalaus verkfæri.
Í Auratali Morg-unblaðsins í gær
var sett fram athygl-
isverð spurning:
hvernig stendur á því
að kílóið af klettasalati
er dýrara en kílóið af
nautalundum? Í dálk-
inum, sem birtist á
baksíðu Morgunblaðs-
ins um helgar er bent á
að kílóið af klettasalati
kostar 5000 krónur frá
fyrirtæki, sem nefnist
Hollt og gott en kílóið
af nautalundum 4264
krónur í Hagkaupum
við Eiðistorg. Það væri
gagnlegt ef Hollt og
gott upplýsti hvernig á þessu kíló-
verði á klettasalati stendur.
Víkverji rakst á það á dögunum,
að steiktur kjúklingur er dýrari í
Nóatúni en Hagkaupum í Kringl-
unni. Hvað veldur? Yfirleitt er svona
verðmunur skýrður með betri þjón-
ustu, betri verzlunum o.sv. frv. En
það er erfitt að skýra töluverðan
verðmun á sömu vörum með þeim
rökum í þessu tilviki vegna þess, að
Hagkaupsverzlunin í Kringlunni
tekur flestum ef ekki öllum mat-
vöruverzlunum fram að þessu leyti.
Neytandinn verður að skilja
hvaða rök eru á bak við verðlagn-
ingu. Ella snýr hann sér annað.
víkverji skrifar | vikverji@mbl.is
ÞAÐ er ekki bara þægilegt að taka
lífinu með ró, heldur getur það líka
verið gott fyrir andlega heilsu karl-
manna, ekki síst ef þeir eru komnir
á fimmtugsaldurinn. Þetta kemur
fram á vefsíðu Forskning.no.
Tímapressa og hraði hjá karl-
mönnum yfir fertugt eykur hætt-
una á því að þeir upplifi andlega
erfiðleika. Hættan er til staðar yfir
langt tímabil, nærri 30 ár. Þetta
kemur fram í nýrri rannsókn sem
norska Lýðheilsustöðin
(Folkehelseinstituttet) hefur birt í
tímaritinu Social Psychiatry and
Psychiatric Epidemiology.
Eftir að hafa rýnt í gögn sín
fundu vísindamennirnir sterka
fylgni milli tímaskorts og streitu
annars vegar og andlegra erf-
iðleika hins vegar. Gögnin sem lágu
til grundvallar voru rannsóknir
sem gerðar voru á 18.000 karl-
mönnum árið 1972-1973 en 7.000
þeirra tóku svo þátt í framhalds-
rannsókn árið 2000.
Einn þeirra vísindamanna sem
leiddu rannsóknina, Anne Johanne
Søgaard, segir það hafa komið
nokkuð á óvart „að stress og tíma-
leysi hjá þátttakendum meðan á
fyrri rannsókninni stóð reyndist
auka hættuna á andlegum erf-
iðleikum 28 árum síðar.“
Þessar niðurstöður auðvelda
fólki að uppgötva snemma hvaða
einstaklingar eru líklegir til að
glíma við andlega erfiðleika yfir
langan tíma, samkvæmt Søgaard.
Hins vegar skortir vísindamennina
skýringar á því hvers vegna hraður
lífsmáti og streita auka erfiðleika í
sálarlífi karlmanna.
Slökun betri en stressið
Reuters
Afslöppun Góð fyrir líkama og sál,
ekki síst karlmannanna.
ÞÆR eru litríkar ásýndar fyrirsæt-
urnar sem hér stilla sér upp fyrir
framan myndavélina. Blómlegu
klæðin, sem svo virðast í fyrstu,
sýna sig hins vegar við nánari skoð-
un vera að hluta til máluð á líkama
fyrirsætnanna.
Myndin var tekin á hátíð tileink-
aðri fegurð í síberísku borginni
Krasnojarsk og er það listamað-
urinn og förðunarfræðingurinn
Elena Mityanina sem á heiðurinn af
skrautlegheitunum.Reuters
Augað
blekkt