Morgunblaðið - 28.09.2008, Side 47

MORGUNBLAÐIÐ SUNNUDAGUR 28. SEPTEMBER 2008 47
AUÐLESIÐ EFNI
Hraði verð-bólgunnar mælist
nú 14% miðað við seinustu
12 mánuði. Vísi-tala
neyslu-verðs hefur hækkað
um 0,86% frá fyrra mánuði
samkvæmt mælingu á
verð-lagi í fyrri-hluta
september. Þetta kemur
fram í nýjum tölum sem
Hagstofa Íslands birti
síðast-liðinn fimmtudag.
Kostnaður vegna eigin
hús-næðis lækkaði um 0,7%
vegna lækkunar á
markaðs-verði
íbúðar-húsnæðis. Áhrifin eru
þau að vísitalan lækkar um
0,14% en á móti kemur að
hækkun raun-vaxta hafði
0,03% áhrif á hækkun
vísi-tölunnar.
Ef litið er á verðbreytingar
á einstökum vörum og
þjónustu kemur í ljós að
verð á fötum og skóm
hækkaði frá í ágúst um
11,2%. Veldur sú hækkun
0,47% hækkun á vísitölunni.
Hækkaði fatnaður um
13,01%.
Verð á þjónustu hækkaði
um 1,1% en þar af voru
vísi-tölu-áhrif af verð-hækkun
á opinberri þjónustu 0,08%
og af verð-hækkun annarrar
þjónustu 0,22%. Rafmagn
og hiti hækkaði um 2,59% í
mánuðinum.
ASÍ lýsir yfir veru-legum
von-brigðum með „að
opin-berir aðilar skuli við
að-stæður eins og þessar
enn hækka hjá sér
gjald-skrár og kynda undir
verð-bólgu á sama tíma og
kallað er eftir því að
launa-fólk sýni ábyrgð í
kjara-samningum“.
Verð-bólgan er komin í 14%
Morgunblaðið/Skapti Hallgrímsson
Ávextir hafa hækkað um 0,63% frá fyrra mánuði. Hér er lítil stúlka í verslunar-ferð.
Íslensk kona fannst látin á vinnu-stað
sínum í Dómin-íska lýð-veldinu
síðast-liðinn sunnu-dag.
Hin látna hét Hrafnhildur Lilja
Georgsdóttir, fædd 28. mars árið
1979. Hún var ó-gift og barn-laus.
Hrafnhildur Lilja var á ferðalagi um
heiminn og fór frá Íslandi í byrjun apríl
til Ástralíu og þaðan til Sameinuðu
arabísku fursta-dæmanna og Óman en
hafði starfað á litlu hóteli í Dómin-íska
lýð-veldinu síðan í júlí.
Sam-kvæmt heimildum er talið að um
á-stríðu-glæp hafi verið að ræða. Stungu-sár sem voru á líkama Hrafnhildar
Lilju voru flest grunn. Talið er að höfuð-högg hafi að öllum lík-indum orðið
henni að bana.
Íslensk kona fannst látin
í Dómin-íska lýð-veldinu
Hrafnhildur Lilja Georgsdóttir
Vals-konan Margrét Lára Viðarsdóttir
gæti verið á leið til Los Angeles til að
spila knatt-spyrnu í nýrri
atvinnu-manna-deild Banda-ríkjanna á
næstu leik-tíð. Bandaríkja-menn ætla
að leggja mikinn metnað í þessa nýju
deild og er ætlunin að fá allar bestu
knatt-spyrnu-konur heimsins til að
spila þar. 28 af bestu leik-mönnum
heims utan Banda-ríkjanna var raðað
niður á liðin og fékk lið St. Louis
réttinn til að semja við Margréti Láru.
Margrét Lára sagði í samtali við
Morgun-blaðið ný-lega að hugurinn
stefndi út fyrir land-steinana.
Á leið til Los
Angeles?
Ljósmynd/Algarvephotopress
Margrét Lára Viðarsdóttir
Tuttugu og tveggja ára
náms-maður, vopnaður
skamm-byssu réðst
síðast-liðinn þriðju-dag inn í
iðn-skóla í Kauhajoki í
Finn-landi og skaut 10 til
bana áður en hann skaut
sjálfan sig. Hann lést af
sárum sínum skömmu síðar.
Þetta var önnur skot-árásin í
skóla í Finn-landi á tæpu ári,
en í nóvember í fyrra voru
átta skotnir til bana í
Jokela-skólanum í Tuusulu.
Lögreglan telur að öll
fórnar-lömbin hafi verið
bekkjar-systkin
byssu-mannsins eða í sama
árgangi. Lögrelgan upp-lýsti í
gær-kvöldi að
árásar-maðurinn hafi skilið
eftir sig skila-boð þar sem
fram komi að hann hafi hatað
mannkyn allt og skipulagt
ódæði sitt síðan 2002.
Skot-árás
í finnskum
skóla
Halla Vilhjálmsdóttir
leik-kona er um þessar
mundir við tökur á
kvik-myndinni Gost Machine í
Belfast á Norður-Írlandi. Um
er ræða hroll-vekju af stærri
gerðinni, og er hún að mestu
leyti tekin í gömlu fangelsi í
borginni.
Í myndinni fer Halla með
hlut-verk morð-óðrar
aftur-göngu sem hefnir sín á
þeim sem urðu henni að
bana.
„Ég leik konu sem hefur
fengið mikla þjálfun í
bardaga-listum og er svona
hryðju-verka-súper-heili. Hún
á sem sagt að hafa verið
tekin til yfir-heyrslu í þessu
fangelsi fyrir nokkrum árum,
en aldrei komið út. Það var
vegna þess að hún var mjög
hörð af sér, sagði aldrei neitt
og var drepin að lokum.
Myndin byrjar á því, en svo
snýst þetta allt um hefnd
hennar. Hún er að hefna sín á
hernum. Þannig að þetta er
frekar magnað,“ segir Halla.
Hún segir myndina reyna
mikið á líkam-lega. „Ég leik
öll áhættu-atriðin sjálf, með
farðann, handjárn, keðjur og
allan fjandann,“ segir
leik-konan unga sem er með
sinn eigin bardaga-þjálfara,
en hann heitir Buster Reeves
og sá meðal annars um
áhættu-atriðin fyrir Brad Pitt í
Troy og Christian Bale í
Batman Begins og The Dark
Knight.
Halla segir að allur
að-búnaður á töku-stað sé
eins og best verði á kosið og
að komið sé fram við hana
eins og stór-stjörnu. Halla Vilhjálmsdóttir
Halla leikur í breskri hroll-vekju
Jóhann R. Benediktsson,
lögreglu- og toll-stjóri á
Suður-nesjum, hefur óskað
eftir því við
dóms-mála-ráðu-neytið að fá
að hætta störfum 1. október
næst-komandi. Jóhann
tilkynnti samstarfs-fólki sínu
þetta á starfs-manna-fundi í
safn-aðar-heimili
Keflavíkur-kirkju 24.
september síðast-liðinn.
Þá tilkynnti Jóhann einnig
að þrír lykil-starfs-menn hjá
embættinu hefðu óskað eftir
því að hætta störf-um frá
sama tíma. Það eru Eyjólfur
Kristjánsson, stað-gengill
hans, Guðni Geir Jónsson,
fjármála-stjóri embættisins,
og Ásgeir J. Ásgeirsson
starfs-manna-stjóri.
Aðdragandi málsins er
langur, en ákveðin
kafla-skipti urðu í mars sl.
þegar dóms-mála-ráðherra
til-kynnti að hann hygðist
skipta embættinu upp.
Samskipti ráðu-neytisins og
embættisins hafa síðan verið
stirð. Hinn 8. september
síðast-liðinn var lögreglu- og
toll-stjóra tilkynnt sú
ákvörðun
dóms-mála-ráðherra að
staða hans yrði auglýst er
skipunar-tími hans rennur út
31. mars næst-komandi.
Jóhann vill hætta
Jóhann R. Benediktsson
Morgunblaðið/Júlíus
Netfang: auefni@mbl.is