Skinfaxi - 01.05.1942, Blaðsíða 6

6
SKINFAXl
í S L A N D Frh. af 3. síðu.
Mitt lán er tengt við lífskjör þín,
þú landið mitt og þjóðin mín.
Hvert verk mitt er og unnið þér,
hvert orð mitt snertir þig.
Því vegsemd þín minn vegur er
og vansi minn er þinn.
Hvert verk, hvert orð því vanda ber.
— Eg vel mína ábyrgð finn. —
Loks hinzta beðinn býr þú mér
og breiðir ofan á mig.
Það afl, er tengir sál við sál
og sigrar lífsins vandamál,
sé leiðsögn þín, ó, þjóðin mín,
á þrauta- og gleðistund.
Við höfund ljóss og lávarð skal
þitt líf um aldir tengt.
Svo gert sé hvert þitt vanda-val,
að verði aldrei rengt
þitt göfga takmark, glögga sýn
og glæsta höfðingslund.
Þinn orðstír fljúgi um fjarlæg lönd
og farsæld búi um dal og strönd.
Sú visni hönd, sem hyggst í bönd
að hneppa frelsi þitt.
Þú verður, þjóð mín, voldug þjóð
að vizku, tækni, list,
en jafnframt móðir mild og góð,
er mettar hinn smæsta fyrst,
er norræn önd við íshafsrönd
loks eygir hlutverk sitt.
Þá mega ei börn þín bregðast þér,
né blunda á verði, hlífa sér,
því áform hæst, það aðeins næst,
ef enginn skerst úr leik.
Ef saman standa í sókn og vörn
og sverja Guði lands
trúnaðareiða íslands börn
við altari kærleikans,
þá rís hún stór og sterk og glæst
hin stolta þjóðareik.