Skinfaxi - 01.05.1942, Qupperneq 38

38
SKINFAXI
átt furmkvæSi að g-erð ýmissa annarra sundlauga og lagt
til fé og vinnu aS gerö þeirra, meö hreppsfélögum eða
skólum, sem eiga þær. Sundlaugar Umf. eru mjög mis-
jafnar að gerö og gæðum, svo sem ætla má, enda eru þær
gerðar á ýmsum tímum í ævi íélaganna og við ýmislega
aðstöðu. Flestar þeirra eru þó úr steinsteypu, með bún-
ingsskýlum, en ræstiböð o. fl., sem nú eru gerðar kröfur
um, vantar yfirleitt við eldri laugarnar. Sumar laugarnar
•eru mikil og myndarleg mannvirki, t. d. Sælingsdalslaug,
sem Ungmennasamband Dalamanna kom upp 1929—'32,
og gengu næst Sundhöll Reykjavíkur. Laugin er stór og
yfirbyggð, með ræstiböðum og búningsklefum, og við
hana er heimavist fyrir nemendur á sundnámskeiðum, allt
jarðhitað. Byggingin kostaði um 50.000 kr., og má geta
nærri, að þar hafa verið færðar miklar fórnir í vinnu og
fé, þegar þess er gætt, að í sambandinu, sem byggði hana,
voru þá ein fjögur Umf. með samtals ekki yfir 125 félags-
menn. — Umf. í Reykjahverfi i Suður-Þingeyjarsýslu, en
þar eru aðeins 15 bæir, hefir komið upp yfirbyggðri sund-
laug með búningsklefum, ræstibaði og gufubaðstofu. Svbna
mætti telja áfram, en hér „þýðir ekki að þylja nöfnin tóm.“
Þó skal þvi við bætt, að Umf. Laugnesinga og Þistilfirð-
inga eru nú að koma upp sundlaug í Þórshöfn, í samvinnu
við þrjá næstu hreppa. Verður hún hituð upp með kæli-
vatni og reyk frá hreyflinum, sem rekur frystivélar þorps-
ins. Slíkur hiti verður notaður næstu árin í nokkrar sund-
laugar í jarðhitalausum héröðum landsins. Verður bætt
með því úr brýnni þörf.
Meirihluti þeirra íiðugra 100 félaga, sem nú eru í U.M.
F.Í., hafa komið sér upp fundahúsum, ýmis't ein sér eða í
samvinnu við hreppa og önnur félög. Mörg þessi félög
nota fundasalina jafnframt til iþróttaæfinga, þó að þeir
séu misjafnlega til þess fallnir. Sumir salirnir eru mjög
sæmileg fimleikahús og búnir nokkrum nauðsynlegustu
tækjum, við nokkra þeirra eru böð, og gufuljaðstofur á
einstöku stað. Viðast í sveitum eru þó félagshúsin mjög
ófullkomin íþróttahús. En áhugi á að bæta hér úr skák
er mikill og vaxandi, en geta takmörkuð, sem von er. Æsk-
an hefir sjaldan úr miklu fé að moða.
Undanfarin ár hafa Umf. víða um land rutt sér eða sléttað
íþróttavelli fyrir æfingar og mót og lagt i það mikla sjálf-
boðavinnu. Virðist áhugi á að koma upp sæmilega full-
komnum íþróttavöllum fara mjög vaxandi, og bendir það á